खोटाङ साउन ३० : खोटाङमा १ सय ४९ जना प्रतिवादिहरु फरार रहेको पाईएको छ । बिभिन्न मुद्धामा अदालतबाट दोषि ठहर भएपनि उनिहरुलाई हाल सम्म पक्राउ गर्न नसकिएको जिल्ला प्रहरी कार्यलय खोटाङले जनाएको छ ।
फरार प्रतिवादिहरु मध्ये १ सय २६ जना पुरुष र २३ जना महिला रहेका छन । जस मध्ये सबै भन्दा धेरै सम्बन्ध बिच्छेद मुद्धामा दोषि ठहर १६ जना पुरुष र ३ जना महिला गरी १९ जना प्रतिवादिहरु फरार रहेका छन । यस्तै कर्तव्य ज्यान मुद्धाका १३ पुरुष र ३ महिला गरी १६ जना फरार रहेको जिल्ला प्रहरी कार्यलय खोटाङका प्रवक्ता एवं प्रहरी निरिक्षक सागर साहले बताउँनु भयो ।
यस्तै फरार हुनेमा सवारी ज्यान मुद्धाका ३, नागरिकता किर्ते ३, लेख बेईज्ती १, लागु औषध ३, चोरी ९, भ्रष्ट्रचार ८, बैदेसिक रोजगार ६, बैंकिङ कसुर ३, बाली कुटपिट १, बालबिबाह १, बहुबिबाह ३, वनपैदावर १, नगदजिन्सी हिनामिना १, डाँका ७, ठगी १, ज्यान मार्ने उद्योग ६, ज्यान सम्बन्धि कसुर ५, जारी १, जालसाच १, जबरजस्ती करणी ९, जबरजस्ती करणी उद्योग ५, घरेलु हिंसा १, गर्भ पतन मुद्धामा दोषि ठहर २ जना प्रतिवादीहरु रहेका छन ।
यस्तै कैदि भागे भगाएको २, अभद्र ब्यापार ४, महिला बिक्री गरेको १, कुटपीट ८, भबितव्य ज्यान १, हातहतियार खरखजना १, कलवाईपास १, करकापसँग कागज २, आगो लगाएको १, अबैध चन्दा १, गाली बेईज्जती ८ र अंश मुद्धामा दोषि ठहर ३ जना प्रतिवादिहरु फरार रहेका छन ।
उनिहरुलाई कानुनी कठघरामा ल्याउने प्रयास भईरहेको जिल्ला प्रहरी कार्यलय खोटाङले जनाएको छ ।