खेलकुद

खोटाङ, साउन १७ । खोटाङमा ‘फिफा फुटबल फर स्कुल’ कार्यक्रम सुरु भएको छ । विश्व फुटबल महासङ्घ (फिफा) को सहयोगमा नेपालमा सञ्चालन भइरहेको ‘फिफा फुटबल फर स्कुल’ कार्यक्रम खोटाङमा शनिबारबाट सुरु भएको हो । नेपालमा यो कार्यक्रम बिहिबारबाट औपचारिकरुपमा सुरु भएको थियो । दशरथ रङ्गशालामामा बिहिबार प्रधानमन्त्री केपी शर्मा ओलीले ‘फिफा फुटबल फर स्कुल’ कार्यक्रम को शुभारम्भ गरेका थिए । देशभरका ७७ वटै जिल्लाका १ हजार ७२ वटा विद्यालयहरूमा उक्त कार्यक्रम सञ्चालन हुने बताइएको छ । फिफाले नेपाल फुटबल संघ एन्फासँगको सहकार्यमा नेपालमा ‘फिफा फुटबल फर स्कुल’ सञ्चालन गरेको छ । फिफा एवं एन्फाको मान्यता पाएपछि दिक्तेल इङ्लिस बोर्डिङ स्कुलबाट यो कार्यक्रम सुरु भएको हो । बोर्डिङका करिब २ सय जना विद्यार्थीलाई कार्यक्रमको सुरुवातसँगै फुटबल प्रशिक्षण सुरु गरिएको प्रशिक्षक रोशेष श्रेष्ठले बताए । खोटाङ फुटबल संघको आयोजना एव...

खोटाङ, साउन ७ । नेपाल लोकतान्त्रिक खेलकुद संघ खोटाङको अध्यक्षमा मिलन कसजु र सचिवमा विरेन गुरुङ सर्वसम्मत निर्वाचित भएका छन् । नेपाली कांग्रेसको भातृ संगठन नेपाल लोकतान्त्रिक खेलकुद संघको खोटाङको पहिलो अधिवेशनले कसजुको अध्यक्षतामा सर्वसम्मत २४ सदस्य जिल्ला कार्य समिति निर्वाचित गरेको हो । बुधबार नेपाली कांग्रेस वीपी स्मृति भवन दिक्तेलमा भएको प्रथम जिल्ला अधिवेशनले संघको उपाध्यक्षमा सागर राई, महिला उपाध्यक्षमा वविता खत्री, सहसचिवमा श्याम कुमार पौडेल र कोषाध्यक्षमा किरण राईलाई निर्विरोध निर्वाचित गराएको हो । यस्तै, सदस्यहरुमा विचारी तामाङ, दिनेश राई, राजधन राई, दिपक खत्री, चन्द्रबहादुर श्रेष्ठ, हरिकुमार श्रेष्ठ, कंचन राई, सविन श्रेष्ठ, सोमकुमार राई, सन्तोष खड्का, ढकराज मगर, गौधन राई र एलिशा गुरुङ चयन भएको निर्वाचन मण्डलका सदस्य फुर्वा शेर्पाले जानकारी दिनुभयो । यस्तै, केन्द्रीय प्रतिनिधिमा...

खोटाङ, माघ २० गते । खोटाङमा करिब १० हजार किशोरीलाई पाठेघरको मुखको क्यान्सर विरुद्धको खोप लगाइने भएको छ । जिल्लाका ९ हजार ९९५ जना किशोरीलाई पाठेघरको मुखको क्यान्सर विरुद्धको एचपिभी खोप लगाइने भएको हो । माघ २२ गतेबाट लगाइने खोप अभियानको तयारी पुरा भएको जिल्ला स्वास्थ्य कार्यालय खोटाङले जनाएको छ । माघ २२ देखि फागुन २७ गतेसम्म कक्षा ६ देखि १० कक्षामा अध्ययनरत छात्रा तथा विद्यालय नजाने १० वर्षदेखि १४ वर्ष उमेर समुहका किशोरीलाइ एचपीभी खोप लगाइने जिल्ला स्वास्थ्य कार्यालयका प्रमुख जिवन चौलागाइले बताउनुभयो । अभियानका रुपमा खोप कार्यक्रम सञ्चालन गर्न स्वास्थ्यकर्मीलाई प्रशिक्षणसँगै आवश्यक सम्पुर्ण तयारी पुरा भएको स्वास्थ्य कार्यालयले आइतबार सरोकारवाला निकायसँगको अन्तरक्रिया कार्यक्रम आयोजना गरेर जानकारी दिएको छ । कार्यालयका प्रमुख चौलागाइका अनुसार जिल्लाका ९ हजार ९९५ जना किशोरीलाई खोप लगाइने लक...

खोटाङ, मङ्सिर ६ । खोटाङको हलेसी तुवाचुङ नगरपालिकाले आयोजना गरेको खुल्ला महिला फुटबल प्रतियोगितामा १७ टिम सहभागि हुने भएका छन् । लैंङ्गिक हिंसा विरूद्धको १६ दिने अभियानको अवसरमा नगरपालिकाले आयोजना गरेको प्रतियोगितामा सहभागि हुन १७ टिमले नाम दर्ता गरेको बताइएको छ । “मेरो गोल लैङ्गिक हिंसा विरूद्धको बोल” भन्ने नारासहित नगरपालिकाले आयोजना गरेको महिला फुटबल प्रतियोगिताको पुरस्कार राशि १ लाख बढी रहेको छ । जिल्लामा आयोजना गरिएको महिला फुटबल प्रतियोगिताको पुरस्कार राशि हालसम्मकै सर्वाधिक हो । खोटाङसँगै ओखलढुंगा र भोजपुरका टिमहरुले नाम दर्ता गराएको नगरपालिकाका खेल प्रशिक्षक मिलन कसजुले जानकारी दिनुभयो । खेल तालिका शुक्रबार भोलि सार्वजनिक हुनेछ । प्रतियोगिता मङ्सिर ८ गते शनिबारबाट हलेसीस्थित बसाहथान खेलमैदानमा सुरु हुनेछ । प्रतियोगिताको उद्घाटन कोशी प्रदेशका भौतिक पूर्वाधार मन्त्री एवं स्वास्थ्य म...

खोटाङ, कात्तिक १४ । खोटाङको रावा बेसी गाउँपालिकामा आयोजित पालिका भित्रको वडा स्तरीय पुरुष भलिबलको उपाधि लामिडाँडाले जितेको छ । रावा बेसी गाउँपालिका–२ खार्पास्थित शारदा माध्यमिक विद्यालयको प्राङ्गणमा बुधबार सम्पन्न फाइनल खेलमा डुम्रे धारापानी (बि) लाई पराजित गर्दै लामिडाँडाले उपाधि जितेको हो । उपाधिसँगै रावा बेसी गाउँपालिका–३ लामिडाँडाले एक लाख नगदसहित शिल्ड, मेडल र प्रमाणपत्र प्राप्त गरेको छ । उपविजेता रावा बेसी–४ डुम्रे धारापानी (बि) ले ७० हजार नगदको साथमा शिल्ड, मेडल र प्रमाणपत्र प्राप्त गरेको छ । प्रतियोगिताको तेस्रो डुम्रे धारापानी (ए) र चौथो खार्पा (ए) भएका छन् । तेस्रो र चौथो हुने टिमलाई ४० हजार र २० हजार नगदको साथमा शिल्ड, मेडल र प्रमाणपत्र प्रदान गरिएको आयोजकले जनाएको छ । कार्यक्रमका प्रमुख अतिथि रावा बेसी गाउँपालिका अध्यक्ष फटिक कुमार श्रेष्ठ, उपाध्यक्ष कौशिला कुमारी गुरुङसँगै अन...

खोटाङ, कात्तिक ३ । खोटाङको रावा बेसी गाउँपालिका–२ खार्पामा एक लाख पुरस्कार राशिको पुरुष भलिबल प्रतियोगिता हुने भएको छ । गाउँपालिकाको आर्थिक सहयोगमा खार्पा खेलकुद विकास समितिले वडा स्तरीय भलिबल प्रतियोगिताको आयोजना गरेको हो । शुभदिपावली एवं छठ पर्वको अवसरमा आयोजना गरिएको प्रतियोगिता शारदा माध्यमिक विद्यालय खार्पाको मैदानमा कात्तिक १२ देखि १४ गतेसम्म सञ्चालन हुनेछ । प्रतियोगितामा पालिका भित्रका वडाले मात्र सहभागि जनाउन पाउने छन् । रावा बेसी गाउँपालिकाले गरेक वर्ष वडा स्तरीय भलिबल प्रतियोगिताको आयोजना गर्दै आएको छ । यस वर्ष वडा नम्बर २ खार्पामा सञ्चालन गर्ने निर्णय गरिएको गाउँपालिकाले जनाएको छ । पालिका भित्रको वडा स्तरीय भलिबल प्रतियोगिताको प्रथम हुने टिमले नगद एक लाखको साथमा शिल्ड, मेडल र प्रमाणपत्र प्राप्त गर्ने छ । दोस्रो, तेस्रो र चौथो हुने टिमले क्रमश ७० हजार, ४० हजार र २० हजार नगदको स...

खोटाङ, कात्तिक १ । खोटाङको हलेसीमा आयोजित प्रथम केवाइसी खुल्ला पुरुष भलिबलको उपाधि ओखलढुंगाले जितेको छ । हलेसी तुवाचुङ नगरपालिका–७ महादेवस्थान कात्तिकेमा सम्पन्न खुल्ला पुरुष भलिबलको उपाधि ओखलढुंगाको सिद्धिचरण नगरपालिका–१ तलुवाले जितेको हो । तलुवाले उपाधिसँगै नगद ७० हजारको साथमा ट्रफी मेडल र प्रमाणपत्र प्राप्त गरेको छ । दोस्रो भएको हलेसी तुवाचुङ नगरपालिका–७ महादेवस्थानले नगद ३० हजारको साथमा ट्रफी मेडल र प्रमाणपत्र प्राप्त गरेको आयोजकले जनाएको छ । बिहिबार भएको फाइनल खेलमा हलेसी महादेवस्थानलाई ३–१ को सेटमा पराजित गर्दै तलुवाले उपाधि जितेको हो । कोशी प्रदेशका सामाजिक विकास मन्त्री पाँचकर्ण राई (पिके) र हलेसी तुवाचुङ नगरपालिकाका मेयर विमला राई लगायतले पुरस्कार प्रदान गर्नुभएको छ । सेमिफाइनलिस्ट हलेसी तुवाचुङ नगरपालिकाका–८ धितुङका दुवै टिमलाई नगद १०/१० हजारसहित मेडल र प्रमाणपत्र प्रदान गरिएको...

खोटाङ, असोज २१ । खोटाङको दिप्रुङ चुइचुम्मा गाउँपालिका–७ टेम्मामा कात्तिक १ गतेदेखि फुटबल प्रतियोगितासँगै सांस्कृतिक कार्यक्रम हुने भएको छ । टेम्मा स्पोर्ट क्लबको आयोजनामा अन्तर वडा स्तरीय पुरुष फुटबल प्रतियोगिता सँगै राष्ट्रिय कलाकारहरुको उपस्थितिमा सांस्कृतिक कार्यक्रम हुन लागेको हो । दसैँ एवं तिहार लगायतको चाडपर्वको अवसरमा आयोजना गरिएको कार्यक्रममा (७–ए साइड) अन्तर वडा स्तरीय फुटबल प्रतियोगिता र खुल्ला एकल नृत्य प्रतियोगिता हुनेछ । यस्तै, कार्यक्रममा कलाकारहरु सुनिता थेगिम, उमेश राई (फुलन्देको आमा), रुपकुमार राई, रोशन राई, इन्द्रकला राई, हसन राई, अर्जुना राई, बिनोद राई, गण्डकी राई, मोडलहरु अनुशा राना साम्पाङ र शसिकला राईको विशेष प्रस्तुती रहने कार्यक्रमका संयोजक ग्याबिन किराँतीले बताउनुभएको छ । कार्यक्रम टेम्मास्थित कृष्ण उच्च माविको खेल मैदानमा सञ्चालन हुनेछ । फुटबल प्रतियोगिताको विजे...

खोटाङ, असोज १८ । खोटाङको रावा बेसी गाउँपालिका–१ कुभिण्डेमा दसैँको अवसरमा वडा स्तरीय पुरुष भलिबलसँगै विभिन्न प्रतियोगिताहरु सञ्चालन हुँदैछ । असोज २० देखि २२ गतेसम्म सञ्चालन हुने दसैँ विशेष कार्यक्रममा चार प्रकारका खेलसँगै सामुहिक नृत्य प्रतियोगिता हुनेछ । रावा बेसी गाउँपालिका र कुभिण्डे वडा कार्यालयको आर्थिक सहयोगमा कुभिण्डे खेलकुद विकास समितिले आयोजना गरेको कार्यक्रममा असोज २० देखि २२ सम्म वडा स्तरीय भलिबल प्रतियोगिता हुनेछ । भलिबलसँगै असोज २० र २१ गते ब्याडमिन्टन प्रतियोगिता पनि सञ्चालन हुनेछ । कार्यक्रमको अन्तिम दिन भलिबलको फाइनलसँगै छेलो हान्ने, पुरुष लङजम्प र सामुहिक नृत्य प्रतियोगिता हुने कुभिण्डेका वडाध्यक्ष गेहेन्द्र राईले बताउनुभयो । वडा स्तरीय पुरुष भलिबल प्रतियोगितामा एक जना खेलाडी वडा भन्दा बाहिरको पनि राख्न पाइने बताइएको छ । प्रथम हुने टिमले रु ७५ हजार नगदसहित शिल्ड, मेडल र प...

खोटाङ, असोज १७ । खोटाङको दिक्तेल रुपाकोट मझुवागढी नगरपालिका–५ लफ्याङमा डेढ लाख पुरस्कार राशिको वडा स्तरीय फुटबल प्रतियोगिता हुने भएको छ । “मझुवागढी कालिका भगवती दोस्रो संस्करण, ११–ए साइड खुल्ला अन्तर वडा स्तरीय पुरुष फुटबल कप” आगामी पुस २० देखि २७ गतेसम्म सञ्चालन हुने बताइएको छ । प्रतियोगिताको वडा कार्यालय आयोजक तथा नमुना स्पोर्टस क्लब सह–आयोजक रहेका छन् । प्रतियोगिता लफ्याङस्थित रणजितमान राई खेलमैदानमा सञ्चालन हुने खोटाङ जिल्ला फुटबल संघको कार्यालय दिक्तेलमा बिहिबार पत्रकार सम्मेलन गरेर जानकारी गराइएको छ । एक टिममा १६ जना खेलाडी हुनेछन् । एउटा वडाले ३ जना जिल्ला भन्दा बाहिरको र ४ जना वडा बाहिरको तर जिल्ला भित्रको खेलाडी राख्न पाउने नमुना स्पोर्टस क्लकका पूर्वअध्यक्ष एवं खोटाङ जिल्ला फुटबल संघका महासचिव काजिमान राईले बताउनुभयो । प्रतियोगिताको प्रथम हुने टिमले १ लाख ५१ हजार १११ रुपैयाँ न...