ताजा अपडेट

खोटाङ, असार ८ । अघिल्लो वर्षको तुलानामा खोटाङमा कक्षा १२ को नतिजामा समग्र केही सुधार देखिएपनि दुई वटा विद्यालयले निल खाएका छन् । अघिल्लो वर्ष करिब ४८ प्रतिशत विद्यार्थी उत्तिर्ण भएका थिए । यो वर्ष ५६.८२ प्रतिशत विद्यार्थीले सफल ग्रेड प्राप्त गरेका छन् अर्थात परीक्षामा उत्तिर्ण भएका छन् । असार ५ गते राष्ट्रिय परीक्षा बोर्डले सार्वजनिक गरेको नतिजा अनुसार समग्र जिल्लाको उत्तिर्ण दरमा सामान्य सुधार भएपनि केही विद्यालयको नतिजा निराशाजनक रहेको छ । साकेला गाउँपालिकाको सरस्वती माध्यमिक विद्यालय र हलेसी तुवाचुङ नगरपालिकाको मालिकादेवी माध्यमिक विद्यालयले भने निल खाएका छन् । सरस्वतीबाट २ जना विद्यार्थी परीक्षामा सहभागी भएकोमा २ जनानै अनुत्तिर्ण भएका हुन् । यस्तै, मालिकादेवीबाट ७ जना विद्यार्थी परीक्षामा सहभागी भएकोमा सबै अनुत्तिर्ण भएका छन् । दश वटै स्थानीय तहका शिक्षा शाखाले दिएको तथ्याङ्क अनुसार ...

राजकुमार सरगम (भट्टराई) खोटाङ, चैत १५ गते । प्राकृतिक सुन्दरताले भरिपूर्ण ऐतिहासिक एवं धार्मिक महत्व बोकेको स्थल खोटाङको रुपाकोट चर्चामा आउन सकेको छैन् । आन्तरिक तथा बाह्य पर्यटकको गन्तव्य स्थल बन्न सक्ने सम्भावना भएपनि प्रचारको अभावले ओझेलमा रहेको छ । रुपाकोट डाँडा जिल्ला सदरमुकाम दिक्तेलको शिरमा रहेपनि हालसम्म लुकेको अवस्था छ । रुपाकोट डाँडाबाट विश्वको सर्वोच्च शिखर सगरमाथादेखि विभिन्न हिमशृङ्खलासँगै अन्य मनोरम दृश्य देखिन्छ । रुपाकोट आफैमा प्राकृतिक सुन्दरताले भरिपूर्ण एवं धार्मिक महत्व बोकेको ठाउँ पनि हो । जानकारहरुका अनुसार मौसम खुलेको समयमा रुपाकोटबाट सगरमाथा, चोयु, लोत्से, मकालु र आमाडब्लम विश्व चर्चित सँगै अन्य थुर्पै साना हिमशृङ्खला देखिन्छ । अन्तराष्ट्रिय स्तरमा मान्यता प्राप्त मुन्धुुम ट्रेलको अन्तिम स्थल साल्पा सिलिचुङ लगायतका दृश्यको अवलोकन रुपाकोटबाट गर्न सकिन्छ । यस्तै, ...

खोटाङ फागुन, १० गते । खोटाङमा १३ वर्षीया  छात्रालाई बलात्कार गर्ने शिक्षक पक्राउ परेका छन् । दिक्तेल बोर्डिङ स्कुलमा कार्यरत सोलुखुम्बु थुलुङ दुधकोसी गाउँपालिका–१ नेलेका २४ वर्षीय टेकबहादुर खत्री पक्राउ परेका हुन् । आरोपित शिक्षक खत्रीले फागुन ९ गते होमवर्क सिकाइ दिने बाहनामा छात्रालाई आफ्नै कोठामा बोलाएर जवरजस्ती करणी  गरेको जाहेरी आएको जिल्ला प्रहरी कार्यालय खोटाङले जनाएको छ ।  घटनापछि बालिकालाई तीन घण्टासम्म कोठामा थुनेर राखेको पीडित परिवारले बताएका छन् । पीडित बालिका रुँदै कोठामा पुगेपछि मात्रै अभिभावकले घटनाको विषयमा जानकारी पाएका थिए । परिवारले घटनाको विषयमा जानकारी गराएपछी शिक्षकलाई तत्काल पक्राउ गरिएको जिल्ला प्रहरी कार्यालय खोटाङका प्रमुख डिएसपी प्रकाश बुढाथोकीले बताउनुभयो । परिवारले लिखित जाहेरी दिइसकेका छन । घटनाको विषयमा अनुसन्धान भइरहेको उहाँको भनाइ छ । बालिकाको जिल्ला अस्...

खोटाङ, फागुन ६ । अहिले सामाजिक सञ्जालमा एउटा फोटो भाइरल छ । भाइरल फोटोमा एक जना ब्यक्तिलाई नेकपा एमालेका नेता विशाल भट्टराईले पैसा दिएकोे देखिन्छ । सोही फोटो मतदाता फकाउन नेता भट्टराईले पैसा दिएको भन्दै सामाजिक सञ्जालमा भाइरहल भइरहेको छ । यस विषयमा रुपाकोट खबरले बुझ्दा फोटोको यथार्थ अर्कै रहेको पाइएको छ । नेकपा एमालेका केन्द्रीय सदस्य तथा खोटाङ जिल्ला इन्चार्ज भट्टराईले रावा बेसी गाउँपालिका–१ कुभिण्डेका नवराज रेग्मीलाई केराको पैसा दिएको पुष्टि भएको छ । फागुन ५ गते एमालेले पालिकाको केन्द्र हरमटारमा निर्वाचन विशेष भेला आयोजना गरेको थियो । सोही भेलामा एमालेका सकृय सदस्य तथा कार्यकर्तासमेत रहेका रेग्मीले केरा लिएर आएका थिए । नवज्योति कृषि फर्मका सञ्चालक रेग्मी कुभिण्डेका अघुवा कृषक हुन् । पार्टीको भेलामा फर्ममा उत्पादन भएको केरा लिएर गएका थिए । उक्त केरा सित्तैमा खानु हुन्न भन्दै कार्यक्रमका...

खोटाङ, माघ २९ । स्थानीय सरकारहरूको कार्यसम्पादन मुल्याङ्कनमा खोटाङ जिल्लाको दश स्थानीय तहमध्ये हलेसी तुवाचुङ नगरपालिका लगातार प्रथम भएको छ । राष्ट्रिय प्राकृतिक स्रोत तथा वित्त आयोगले सार्वजनिक गरेको अन्तिम नतिजा अनुसार दुई नगरपालिका र आठ गाउँपालिका रहेको जिल्लामा नौ स्थानीय तहलाई पछि पार्दै हलेसी तुवाचुङ यो वर्ष पनि पहिलो भएको हो । राष्ट्रिय प्राकृतिक स्रोत तथा वित्त आयोगले आर्थिक वर्ष २०८१/०८२ को माघ २९ गते बिहिबार सार्वजनिक गरेको स्थानीय सरकारहरूको अन्तिम कार्यसम्पादन मुल्याङ्कन नतिजा अनुसार हलेसी तुवाचुङ नगरपालिकाले सबै भन्दा बढी ७२.५५ नम्बर पाएको छ । अघिल्लो आर्थिक वर्षमा पनि हलेसी तुवाचुङ नगरपालिकानै प्रथम भएको थियो । यो वर्ष पनि दोस्रो भएको दिक्तेल रुपाकोट मझुवागढी नगरपालिकाले ७१.९४ अङ्क पाएको छ । ६६.४१ अङ्क ल्याएर खोटेहाङ गाउँपालिका तेस्रो भएको छ । यस्तै, बराहपोखरी गाउँपालिकाले ६...

खोटाङ, माघ १५ । खोटाङको हलेसी तुवाचुङ नगरपालिकाका २२ वटा विद्यालयका प्रधानाध्यापकलाई नेतृत्व विकास र शिक्षण सामाग्री व्यवस्थापन सम्बन्धि तालिम प्रदान गरिएको छ । रातो बङ्गला स्कूल र रातो बङ्गला फाउन्डेसन पाटन ललितपुरसँगको सहकार्यमा रातो बङ्गला स्कूलमा तीन दिने तालिम प्रदान गरिएको हो । हलेसी तुवाचुङ नगरपालिकाको शैक्षिक गुणस्तर सुधारका लागि रातो बङ्गला स्कूल र रातो बङ्गला फाउन्डेसन ललितपुरसँग तीन वर्ष सहकार्य गर्ने समझदारी भएको छ । सोही कार्यक्रम अन्तरगत २२ वटा विद्यालयका प्रानाध्यापक, शिक्षा शाखाका कर्मचारी र कार्यक्रम सञ्चालनको लागि नियुक्त गरिएको दुई जना फिल्ड अधिकृतलाई तालिम प्रदान गरिएको नगरपालिकाका मेयर विमला राईले जानकारी दिनुभयो । नगरपालिकाको ४५ दशमलव २२ र रातो बङ्गलाको ५४ दशमलव ७८ प्रतिशत लागत साझेदारीमा तीन वर्षसम्म चल्ने उक्त कार्यक्रमका लागि नगरपालिकाका २२ वटा विद्यालय छनोट गरिए...

खोटाङ, माघ १५ । रावा बेसी गाउँपालिका–६ हौँचुरका नौमती बाजा संरक्षण समुहलाई वडा कार्यालयले नौमती बाजा प्रदान गरेको छ । परम्परागत नौमती बाजा संरक्षणको लागि वडामा संरक्षण समुह निर्माण गरिएको छ । उक्त समुहलाई वडा कार्यालयले बिहिबार एक थान बाजा हस्तान्त्रण गरिएको हौँचुरका वडाध्यक्ष चिरञ्जीवि कार्कीले जानकारी दिनुभयो । सभा सम्मेलन, बिहे, पूजाआजा लगायतमा नौमती बाजाको प्रयोग गर्ने गरिन्छ । पछिल्लो समय बाजा बजाउन चलन हट्दै गएको छ । जसकारण त्यसको संरक्षणको लागि सुबास परियारको नेतृत्वमा संरक्षण समुह निर्माण गरिएको वडाध्यक्ष कार्कीले बताउनुभयो । उक्त समुहलाई गाउँपालिकाले फर्ममार्फत खरिद गरेको दुई वटा सनाइ, दुई वटा नरसिङ्गा, १/१ वटा दमाह, झ्यालि झ्याम्टा, ट्याम्को, कर्नाल र ढोलकी हस्तान्त्रण गरिएको उहाँको भनाइ छ । गाउँघर, सहर बजार सबैतिर सभा सम्मेलन, बिहे, पूजाआजा लगायतमा नौमती बाजाको प्रयोग अनिर्वाय...

राजकुमार सरगम (भट्टराई) खोटाङ, माघ १३ गते । नेपाली कांग्रेस खोटाङको पहिलो पटक बिरकाजी राई साझा उम्मेदवार बनेका छन् । विभिन्न गुटका कारण प्राय सबै निर्वाचनमा टिकटप्रति रुष्टहुँदै आएको खोटाङ कांग्रेस यो पटक सबैले उम्मेदवारलाई समर्थन गरेका छन् । आगामी फागुन २१ गते हुने प्रतिनिधिसभाको निर्वाचनमा खोटाङबाट बिरकाजी राई कांग्रेसको उम्मेदवार छन् । उनलाई अहिलेसम्म जिल्लाका सबै कांग्रेसी नेताहरुले समर्थन गरेको देखिन्छ । बागी उम्मेदवार र अन्तरघातले आजित भएको कांग्रेस यो पटक एक ठाउँमा उभिएर जीत निकाल्ने दाउमा रहेको छ । विगतका निर्वाचनहरुमा एउटा पक्षले टिकट ल्याउने अनि अर्को पक्ष रुष्टहुँदै आएको प्रष्ट देखिन्थ्यो । तर, बिरकाजी राईलाई अहिले सबै पक्षले समर्थन गरेका छन् । कांग्रेस जिल्ला कार्यसमितिको एक कार्यकाल सचिव भएका राई सभापतिमा पराजित भएका थिए । अहिले कांग्रेसको महाधिवेशन प्रतिनिधि रहेका राईलाई प...

खोटाङ, माघ १२ । खोटाङको हलेसी तुवाचुङ नगरपालिकाले पाठेघरको समस्या भएका १३ जना महिलाहरुको शल्यक्रियासहितको सफल उपचार गराएको छ । बनेपास्थित शीर मेमोरियल अस्पताल लगेर नगरपालिकाले महिलाहरुको निःशूल्क उपचार गराएको हो । पाठेघरको समस्या भएका महिलाको पहिचान र उपचारका लागि नगरपालिकाले पुस २० र २१ गते महिला प्रजनन रुग्णता शिविर सञ्चालन गरेको छ । सामुदायिक सेवा प्रतिष्ठान भक्तपुरको प्राविधिक सहयोगमा सञ्चालन गरिएको शिविरमा २२ जना महिलाहरुको पाठेघरको शलयक्रिया गर्नु पर्ने देखिएको थियो । २२ मध्ये १८ जनालाई माघ ४ गते अस्पताल लगिएको नगरपालिकाको स्वास्थ्य शाखामा कार्यरत अहेव विबेक पराजुलीले बताउनुभयो । ४ जना अउपचारको लागि जान नमानेको उहाँको भनाइ छ । उपचारसहित बिरामी र कुरुवालाई निःशूल्क खाना बस्न र यायातायातको व्यवस्था नगरपालिकाले गरेको थियो । बस रिजर्भ गरेर नगरपालिकाले अस्पताल पुराएको १८ मध्ये १३ जनाको ...

खोटाङ, माघ ११ गते । खोटाङमा सञ्चालित हालसम्मकै सर्वाधिक पुरस्कार राशिको फुटबल प्रतियोगिताको उपाधि नेर्पा स्पोर्टस क्लबले जितेका छ । दिक्तेल रुपाकोट मझुवागढी नगरपालिका–१४ बुइपामा आयोजित ‘प्रभुराम राई कप–२०८२’ आमन्त्रित फुटबल प्रतियोगिताको उपाधि नेर्पाले जितेको हो । आइतबार भएको फाइनलमा गछिया युवा समाज मोरङलाई पेनाल्टी सुटआउटमा पराजित गर्दै उपाधि जितेको नेर्पाले नगद ३ लाखसहित ट्रफी, मेडल र प्रमाणपत्र प्राप्त गरेको छ । निर्धारित समयमा १–१ गोलको बराबरी भएपछि पेनाल्टी सुटआउटमा ५–४ गोलले नेर्पासँग गछिया पराजित भएको थियो । उपविजेता बनेको गछिया युवा समाजले १ लाख ५१ हजार नगदको साथमा ट्रफी, मेडल र प्रमाणपत्र प्राप्त गरेको छ । सेमिफाइनलिस्ट भएका आयोजक बुइपा–११ स्पोर्टस क्लब र रारम्बु स्पोर्टस क्लबले नगद ५०/५० हजारको साथमा मेडल र प्रमाणपत्र प्राप्त गरेका छन् । बुइपास्थित यलम्बर खेलमैदानमा सम्पन्न आम...