बेमौसमी वर्षाले खोटाङमा ७ हजार ७ सय ४६ हेक्टरको अन्नबालीमा क्षति
पवन खड्का/११ कात्तिक, खोटाङ । असोज ३१ देखि कात्तिक २ गतेसम्म भएको बेमौसमी वर्षाले खोटाङमा ७ हजार ७ सय ४६ दशमलव ९६ हेक्टर क्षेत्रफलको अन्नबालीमा क्षति पुगेको छ । स्थानीय तहका कृषि शाखाले ढिला गरी उपलब्ध गराएको विवरणका आधारमा सो क्षति पुगेको देखिएको कृषि ज्ञान केन्द्र खोटाङले जनााएको छ ।
बेमौसमी वर्षाले जिल्लामा सबैभन्दा बढी धानबालीमा क्षति पु-याएको छ । १२ हजार ८ सय ९८ हेक्टरमा लगाइएको धानमध्ये ५ हजार ५ सय २२ दशमलव ६२ हेक्टरमा क्षति पुगेको केन्द्रका प्रमुख हरिनारायण राईले जानकारी दिनुभयो ।
यसैगरी २१ हजार ३ सय १५ हेक्टरमा लगाइएको कोदो बालीमध्ये २१ सय ७३ दशमलव ७९ हेक्टरमा क्षति पुगेको छ । ७ दशमलव ५ हेक्टरमा लगाइएको मकै, ३ हेक्टरमा लगाइएको जुनेलो, १ दशमलव ०५ हेक्टरमा लगाइएको फापर र १ हेक्टरमा लगाइएको गहतमा क्षति भएको कृषि ज्ञान केन्द्रको तथ्यांक छ ।
बेमौसमी वर्षाले जिल्लामा लगाइएको तरकारी त...
