राष्ट्रिय म्याराथनको उपाधि खोटाङकी प्रिया राईले जितिन्, दोस्रो पनि खोटाङकै निर्मला राई
खोटाङ, फागुन १९ । ओखलढुंगामा आयोजना गरिएको खिजीदेम्बा अल्ट्रा फुल म्याराथनको पाँचौ संस्करणको उपाधि महिलातर्फ खोटाङकी प्रिया राईले जितेकी छिन् । खोटाङकै निर्मला राई प्रतियोगिताको दोस्रो भएकी छिन् ।
राष्ट्रिय विधाको महिलातर्फत प्रथम र दोस्रो भएका प्रिया र निर्मलाले नगद रु ७० हजार र ६० हजारसँगै मेडल र प्रमाणपत्र पाएका छन् । प्रियाले ५ घण्टा ४३ मिनेट २९ सेकेण्डमा निर्धारित दुरी पार गर्दै उपाधी हात पारेकी हुन् । दोस्रो भएकी निर्मलाले ५ घण्टा ४३ मिनेट ३१ सेकेन्डमा दुरी पार गरेरेको आयोजकले जनाएको छ । पहिलो र दोस्रो हुने प्रिया र निर्मला दुवैको घर खोटाङको ऐँसेलुखर्क गाउँपालिका–२ बाकाचोल हो । प्रिया र निर्मला दिदिबहिनी हुन् ।
यस्तै, ५ घण्टा ४७ मिनेट २० सेकेण्डमा दुरी पार गर्दै प्युठानकी हुमी बुढामगर तेस्रो र ५ घण्टा ५१ मिनेट ३ सेकेण्डमा निर्धारित दुरी पार गर्दै ओखलढुंगाकी छोकी शेर्पा सान्त्वना भ...









