ट्रेन्डिङ

खोटाङ, माघ ९ गते । खोटाङको हलेसी तुवाचुङ नगरपालिकाका नागरिकले ५ लाख सम्मको कर्जा विनाब्याज पाउने भएका छन् । उद्यमी बन्न चाहाने नागरिकले ५ लाखसम्मको कर्जा विनाब्याज पाउने भएका हुन् । कृषि, पशुपालन, होमस्टे सञ्चालन लगायतका लघु उद्यम गर्न चाहाने नागरिकका लागि नगरपालिकाले विनाब्याज ५ लाखसम्म ऋण दिने व्यवस्था मिलाएको हो । जसका लागि नगरपालिकाले बुधबार प्रभु बैंकसँग सम्झौता गरेको छ । नगरपालिकाको सिफारिसको आधारमा प्रभु बैंकले मुल्याङ्कन गरेर उद्यमी बन्न चाहाने नागरिकलाई ऋण दिने छ । नागरिकले पाएको उक्त ऋणको बैंकको औसत आधार दरमा २ प्रतिशत प्रिमियम थप गरेर नगरपालिकाले ब्याज तिर्ने गरी सम्झौता भएको हो । उद्यमी बन्न चाहाने नागरिकलाई ब्याज अनुदान प्रदान गर्न लागिएको नगरपालिकाका मेयर विमला राईले बताउनुभएको छ । कृषि, पशुपालन लगायतका लघु उद्यमबाट नागरिकलाई रोजगार प्रदानसँगै उद्यमहरुको प्रवद्र्धनका लागि ब...

खोटाङ, पुस २० । खोटाङमा मानसिक सन्तुलन गुमेकी महिला बलात्कृत भएकी छिन् । जिल्लाको केपिलासगढी गाउँपालिकाकी एक मानसिक सन्तुलन गुमेकी २० वर्षीया महिलामाथि बलात्कार भएको खुलेको छ । करिब ६ वर्ष अघि मानसिक सन्तुलन गुमाएर उपचाररत महिलालाई गाउँकै ३९ वर्षका पुरुषले बलात्कार गरेको खुलेको हो । बलात्कृत भएको ६ महिनापछि मात्र थाहा भएको छ । महिला गर्भवती रहेको थाहा पाएपछि परिवारले प्रहरीमा जाहेरी दिएका छन् । परिवारले प्रहरीमा दिएको जाहेरी अनुसार ३९ वर्षका एक कुमार राईले मानसिक सन्तुलन गुमाएकी महिलालाई बलात्कार गरेका हुन् । हाल उक्त महिलाको ललितपुरस्थित एक अस्पतालमा उपचार भइरहेको छ । जिल्ला प्रहरी कार्यालय खोटाङको सल्लाहमा अस्पताल नजिकै रहेको प्रहरी कार्यालयबाट परिवारले जाहेरी दिएका छन् । उक्त जाहेरी जिल्ला प्रहरी कार्यालय खोटाङमा पुस १८ गते दर्ता भएको सूचना अधिकारी प्रहरी निरीक्षक मोहन पोखरेलले जानकार...

राजकुमार भट्टराई (सरगम) खोटाङ, पुस १९ । नागरिकले नजिकबाट देख्ने, सुन्ने र भेट्ने सरकार भनेको स्थानीय सरकार हो । कतीपय स्थानीय सरकारले नागरिकलाई सरकारको महसुस पनि गराएका छन्, तर कतीपय स्थानीय सरकार आलोचित मात्रै पनि नभएका हैनन् । नेपालका तीनै तहका सरकारलाई सुशासन र पारदर्शिताको प्रश्न नउठ्ने हैन्, तथापि अहिले नागरिकको नजिकको सरकार भएकाले स्थानीय सरकारलाई बढी सुशासन र पारदर्शितामा प्रश्न उठेको छ । पालिका ७५३, महिला नेतृत्व २५ मात्र शिर्षकमा गत कात्तिक १ गते अन्नपुर्ण पोस्टमा एउटा समाचार छापिएको थियो । जहाँ चर्चा गरिएको थियो कि, महिलाले हाँकेका पालिका झन अब्बल । आज हामी यहि विषयलाई थोरै चर्चा गर्दैछौँ । के साच्चै महिलाले हाँकेका पालिका अब्बल छन् त ? देशभर ४ सय ६० वटा गाउँपालिका, ६ महानगरपालिका, ११ उपमहानगरपालिका, २ सय ७६ नगरपालिका गरी कुल ७ सय ५३ वटा पालिका छन् । यीमध्ये अध्यक्ष र नगरप्रम...

खोटाङ, १३ पुस । राष्ट्रिय स्वतन्त्र पार्टी (रास्वपा)को जिल्ला कार्यसमिति गठन गरिएको छ । पुस १३ गते शनिबार दिक्तेलमा भएको प्रथम जिल्ला भेलाले रास्वपाको जिल्ला समिति चयन गरेको हो । रास्वपाका केन्द्रीय सह–प्रवक्ता रमेश प्रसाइँ, केन्द्रीय सदस्य एवं सांसद डा. तोषिमा कार्की लगायतको उपस्थितिमा भएको प्रथम भेलाले मुकुन्द कृष्ण थापाको सभापतित्वमा समिति चयन गरेको हो । इन्जिनियरसमेत रहेका थापा पार्टी स्थापना भएको सुरुवात दिनदेखिनै पार्टीमा सकृय थिए । उनै थापाको नेतृत्वमा पार्टीको जिल्ला समिति गठन गरिएको हो । समितिको सचिवमा सुमन खत्रीलाई चयन गरिएको बताइएको छ । पार्टीको अन्य पदाधिकारीमा जिल्लाको सबै भूगोल, जात मिलाएर राखिने नवनिर्वाचित सभापति थापाले बताए । शनिबार भएको जिल्ला भेलामा सह प्रवत्ता प्रसाइँ, माननीय कार्कीसँगै कोशी प्रदेशका उपसभापति सरिन तामाङ, महामन्त्री लालबिक्रम थापा लगायतले कार्यक्रममा ...

खोटाङ, पुस १० । खोटाङमा सञ्चालित फेमिली केयर अस्पतालको १३ औँ साधरण सभा सम्पन्न भएको छ । बुधबार दिक्तेलस्थित रुपाकोट होटलमा अस्पतालको १३ औँ साधरण सभा गरिएको हो । २०६८ सालमा काठमाडौंमा खोलिएको फेमिली हेल्थ केयर इन्टरनेशनल एण्ड रिसर्च सेन्टर प्रा.लि अर्थात फेमिली केयर अस्पताल २०७६ सालमा दिक्तेलमा स्थानान्तरण गरिएको हो । २०७६ सालदेखि हालसम्म जिल्लाका नागरिकलाई अस्पतालले स्वास्थ्य सेवा दिदै आएको छ । हाल अस्पतालमा २ जना एमबिबिएस डक्टरसहित २१ जना कर्मचारी रहेको अस्पताल सञ्चालक समितिका अध्यक्ष जेपी राईले बताउनुभयो । दैनिक १५ देखि २० जना बिरामी अस्पतालमा उपचारका लागि आउने गरेको उहाँको भनाइ छ । हालसम्म अस्पतालमा ५६ जना सेयर सदस्यको ५ करोड ४० लाख बढी सेयर पुँजी रहेको अध्यक्ष राईले बताउनुभयो । जिल्ला समन्वय समिति खोटाङका प्रमुख सन बहादुर राईको प्रमुख आतिथ्यतामा १३ औँ साधरण सभा गरिएको हो । प्रमुख राई...

खोटाङ, पुस १० । खोटाङको बाँसपानीमा सुमो दुर्घटनाहुँदा एक जना गम्भीर घाइते भएका छन् । केपिलासगढी गाउँपालिका–३ बाँसपानीस्थित राठीमा सुमो गाडी दुर्घटनाहुँदा एक जना गम्भीर घाइते भएका हुन् ।  काठमाडौंबाट केपिलासगढी गाउँपालिका–१ फेदी जादैगरेको ना १ ज ७१८१ नम्बरको सुमो बाँसपाानी भदौरेडाँडाबाट ताप खोला बगरमा झरेको हो । सुमोमा एक जना मात्र यात्रु रहेको पाइएको स्थानीय प्रताप राईले बताउनुभयो । सुमोे गाडी सडकबाट करिब ५ सय मिटर तल खोला बगरमा खसेर छ । सुमोसँगै खसेका फेदीका अन्दाजी ६० वर्षीय दुर्गा प्रसाद राई गम्भीरु घाइते अवस्थामा भेटिएको राईको भनाइ छ । घाइते राईको इलाका प्रहरी कार्यालय बाक्सिला, जनप्रतिनिधिसँगै स्थानीयले उद्धार गरेका हुन् । होस्मै रहेपनि गम्भीर घाइते अवस्थामा रहेका राईको प्राथमिक उपचार पश्चात थप उपचारकालागि जिल्ला अस्पताल दिक्तेल पठाइएको स्थानीय प्रताप राईले बताउनुभयो । सुमो चालक ऐस...

खोटाङ, पुस ८ गते । सगरमाथा लोकमार्ग अन्तर्गत गाईघाट–दिक्तेल खण्डको महुरे–फोक्सिङटार सडक कालोपत्रेको काम पुनः सुरु हुने भएको छ । निर्माण कम्पनीले सडक अलपत्र पारेपछि ठेक्का तोडिएको थियो । हाल नयाँ ठेक्काका लागि आर्थिक प्रस्ताव खुलेसँगै सडक कालोपत्रेको काम पुनः सुरु हुने निश्चित भएको हो । महुरे–फोक्सिङटार सडकलाई २०७७ सालसम्ममा सम्पन्न गर्नेगरी दुई खण्डमा विभाजन गरेर २०७३ सालमा ठेक्का खुलाइएको थियो । त्यसमध्ये महुरे–सिमपानी राजापानी (२२ किलोमिटर) सडक कालोपत्रेको काम भारत कन्ट्रक्सन(सिद्धी शाही जेभी र सिमपानी राजापानी–फोक्सिङटार (२७ किलोमिटर)खण्डको ठेक्का देवनारायण पवन–मैनाचुली–खाम्पाचे जेभीले लिएको थियो । तर, निर्माण कम्पनीले सडक अलपत्र पारेर छाडेपछि दुवै खण्डको ठेक्का तोडिएको थियो । भौतिक पुर्वाधार तथा यातायात मन्त्रालयले उक्त दुवै सडक खण्डको नयाँ ठेक्काका लागि पुस ५ गते आर्थिक प्रस्ताव खुल...

खोटाङ, पुस ८  । जिल्ला हुलाक कार्यालय दिक्तेलका कार्यालय प्रमुख कुलप्रसाद आचार्य र उनको कान्छा छोरा प्रबिन आचार्यको भक्तपुरमा हत्या भएको छ । भक्तपुरको बालकोटमा हत्या भएको अवस्थामा बाबु–छोराको शव फेला परेको बताइएको छ । खोटाङको दिक्तेल रुपाकोट मझुवागढी नगरपालिका घर भई बालकोट बस्दै आएका ५६ वर्षका कुलप्रसाद आचार्य र उनका २२ वर्षका छोरा प्रविन आचार्य हत्या भएर मृत फेला परेको जिल्ला प्रहरी परिसर भक्तपुरले जनाएको छ । कुलप्रसाद आचार्य जिल्ला हुलाक कार्यालय दिक्तेलमा कार्यरत थिए । केही दिन अघि मात्र दिक्तेलबाट भक्तपुर छोराहरु भएको ठाउँमा गएको आचार्यका छिमेकी एवं नेपाल पत्रकार महासँघ खोटाङका अध्यक्ष हरिबोल आचार्यले बताउनुभयो । बाहिरबाट चाबी लगाएको अवस्थामा कोठाभित्रै सोमबार बिहान उनीहरुको शव फेला परेको हो । प्रहरीका अनुसार उनीहरूको शरीरका विभिन्न ठाउँमा चोट रहेको छ । अहिले भक्तपुर प्रहरी परिसरको ट...

खोटाङ, मङ्सिर १३ । च्यास्मीटार भन्ने बित्तिकै झट्ट दिमागमा आउने शब्द सुख्खा, पानी नपाइने ठाउँ । हलेसी तुवाचुङ नगरपालिका–३ च्यास्मीटार सुख्खा ठाउँ हो । नगरपालिकाको प्राय सबै वडानै सुख्खा क्षेत्र हो । यहाँहा हरेक मानिस पानीको सङ्कट भोगिरहेका छन । कक्षा १२ सम्म पठनपाठन हुने च्यास्मीटार माध्यमिक विद्यालयका विद्यार्थी यस अघि प्यास मेटाउन विद्यालय नजिकका होटल पसल चार्ने गर्थे । टाढाबाट दुःखले ल्याएको पानी त्यति सजिलो कहाँ मिल्थ्योर । केही खानेकुरा किन्ने बहानामा होटल पसलको पानी पिउन बाध्य थिए विद्यार्थी । प्राय विद्यार्थी घरबाटै बोतलमा पानी लिएर आउथे । तर अहिले उनीहरुको दैनिकी फेरिएको छ । उनीहरु विद्यालयमै धित मरुन्जेल पानी पिउछन । पिउने पानीको समस्या भएपछि आकाशे पानीलाई शुद्धीकरण गरेर विद्यालयमा प्रयोग गर्न थालिएको छ । आकाशे पानीलाई संकलन गरेर शुद्धीकरण गरिएपछि विद्यालयको खानेपानीको सम्यस्या ...

खोटाङ, मङ्सिर ७ । हलेसी तुवाचुङ नगरपालिका–६ मंगलटार वडा कार्यालयको भवन उद्घाटन गरिएको छ । वडा कार्यालयको सुविधा सम्पन्न आरसिसि भवन शुक्रबार कोशी प्रदेशका भौतिक भूर्वाधार एवं स्वास्थ्य मन्त्री भुपेन्द्र राईले उद्घाटन गर्नुभएको हो । नगरपालिकाले गत आर्थिक वर्ष २०७९/०८० मा विनियोजन गरेको ८७ लाख बजेटबार मंगलटार वडा कार्यालयको भवन निर्माण भएको उपमेयर रमेश कुमार राउतले बताउनुभयो । सुविधा सम्पन्न आरसिसि दुई तले भवन निर्माण भएसँगैै वडा कार्यालय सञ्चालनमा सहज हुने वडाका जनप्रतिनिधिहरुले बताएका छन् । मन्त्री राई, हलेसी तुवाचुङ नगरपालिकाका मेयर विमला राई, उपमेयर राउत, मंगलटारका वडाध्यक्ष गन राई लगायत अन्य वडाका वडाध्यक्ष, नेता एवं स्थानीयहरुको उपस्थितिमा शुक्रबार भवनको उद्घाटन गरिएको हो । यस अघि मंगलटार गाउँ विकास समितिको पुरानो भवन मर्मत गरेर वडा कार्यालय सञ्चालन भइरहेको उपमेयर राउतले बताउनुभयो । न...