Banner News 3

खोटाङ, पुस १८ । कर्मचारी माथी कुटपिट भएको भन्दै रावा बेसी गाउँपालिको कार्यालयमा कार्यरत कर्मचारीले विरोध जनाएका छन् । सब इन्जिनियर विजय आचार्यालाई जनप्रतिनिधि र सुरक्षाकर्मीको सामुन्ने कुटपिट गरिएको भन्दै कर्मचारीले विज्ञप्ति निकालेर विरोध जनाएका हुन् । ‘पौष १६ गते शनिबार दिउँसो १ बजेको समयमा आचार्यलाई ऐँसेलुखर्क गाउँपालिकाका जनप्रतिनिधि, सुरक्षाकर्मी र रावा बेसी गाउँपालिकाका जनप्रतिनिधि समेतको सामुन्ने खाना खाएर बसिरहेको अवस्थामा केहि व्यक्तिहरुबाट निर्घात कुटपिट भई साङघातिक आक्रमण भएको घटना प्रति हाम्रो गम्भिर ध्यानाकर्षण भएको छ ।’ कर्मचारीको संयुक्त विज्ञप्तिमा लेखिएको छ । घटनामा संलग्न जो कोहिलाई चित्त नबुझेको विषयमा असमझदारीको वार्ता तथा कुनै माध्यमबाट समाधानको विकल्प र कानुनी उपचार खोज्ने ढोका खुल्ला हुँदा हुँदै राष्ट्रसेवक कर्मचारी प्रतिको पेशालाई अपमानित, मनोवल गिराउने र अभद्र व्...

खोटाङ, पुस १७ । पुष्पलाल मध्यपहाडी लोकमार्ग अन्तरगत खोटाङको चखेवाभञ्ज्याङ–सेखुवा सडक (१० किलोमिटर) खण्ड कालोपत्रे योजनाको ठेक्का तोड् स्थानीयले माग गरेका छन् । निर्माणको जिम्मा लिएको ठेकेदार कम्पनीले काम गर्ने छाँट्काट नदेखाएकाले तत्काल ठेक्का तोड्न माग गर्दै ३०३ जना स्थानीयले हस्ताक्षर गरेर आइतबार प्रमुख जिल्ला अधिकारी सुर्यप्रसाद सेडाइँमार्फत मध्य पहाडी लोकमार्ग पूर्वी खण्ड कार्यालय धुलिखेलका आयोजना प्रमुखलाई ज्ञापन पत्र पठाएका हुन् । भारत कन्स्ट्रक्सन÷मैनाचुली÷सिद्दिसाईले २०७५ फागुन ३० सम्ममा सम्पन्न गर्ने गरि २०७२ चैत २ गते चखेवाभञ्ज्याङ–सेखुवा खण्ड कालोपत्रेको सम्झौता गरेको थियो । तर सम्झौता अनुसार काम नगरेपछि थप भएको पहिलो म्याद २०७७ पुस १३, दोश्रो म्याद २०७८ असार १३ र तेश्रोपल्ट थप भएको म्याद २०७८ फागुन ३० गते मै गुज्रिसकेको छ । भोजपुर–दिक्तेल सडक खण्ड अपग्रेडिङ गर्ने कार्यक्रम अन्...

राजकुमार भट्टराई (सरगम) खोटाङ, पुस १६ । कच्ची हुँदा नियमित उडान भइरहेको खोटाङको लामीडाँडा विमानस्थल स्तरोन्नति पश्चात ६ वर्षदेखि काम बिहिन बनेको छ । खोटाङको सबै भन्दा पुरानो जिल्लावासीको यात्राको एक मात्र माध्यम रहेको विमानस्थलमा अहिले उडान नहुँदा व्यापार व्यवसायसमेत ठप्प भएको छ । खोटाङको रावाबेसी गाउँपालिका–३ लामीडाँडामा वि.स. २०२८ सालमा निर्माण सम्पन्न पश्चात खोटाङवासीको यात्राको एक मात्र माध्यम भएको थियो । उडान बन्द गरेर नेपाल नागरिक उड्डयन प्राधिकरणको रु ६ करोड ३४ लाख बजेटमा २०७३ सालबाट स्तरोन्नति गर्न सुरु गर्यो । विमानस्थलको काम सम्पन्न पश्चात २०७६ असार ३ गते प्राधिकरणले समिट एयरको जहाजको सफल परीक्षण उडान गर्यो । तर त्यसपश्चात उडान नहुँदा आसपासका व्यापार व्यवसाय ठप्प भएका छन् । कच्ची हुँदा हप्तामा दुई दिन उडान भइरहेको विमानस्थल स्तरोन्नति पश्चात नियमित उडान हुन्छ भन्ने स्थानीयवासी...

खोटाङ, पुस १५ । खोटाङमा यो वर्ष सुन्तला उत्पादनमा वृद्धि भएको छ । अघिल्लो आर्थीक वर्ष २०७८\०७९ मा भन्दा चालु आर्थीक वर्ष २०७९\०८० मा ३ सय ९४ मेट्रिकटनले सुन्तला उत्पादनमा वृद्धि भएको हो । जिल्लाभर कुल ७ सय ४२ हेक्टर क्षेत्रफलमा कृषकले सुन्तला खेती गर्दै आएका छन् । अघिल्लो वर्ष ३ हजार ३ सय ३१ मेट्रिकटन सुन्तला उत्पादन भएकोमा यस वर्ष बढेर ३ हजार ७ सय २५ मेट्रिकटन सुन्तला उत्पादन भएको कृषि ज्ञानकेन्द्र खोटाङका कृषि प्रशार अधिकृत सञ्जयकुमार पण्डितले जानकारी दिनुभयो । यो वर्ष राम्रो मौसमसँगै रोग किराले क्षति कम गर्दा जिल्लाको हलेसी तुवाचुङ नगरपालिकाको महादेवस्थान र सल्ले बराहपोखरी गाउँपालिकाको सुन्तले, जन्तेढुंगा गाउँपालिकाको घोर्ले र दिप्रङ चुइचुम्मा गाउँपालिकाको याम्खा क्षेत्रमा सुन्तला उत्पादन वृद्धि भएको उहाँले बताउनुभयो । सुन्तला बिक्री गरेर अघिल्लो वर्ष करीब २ लाख आम्दानी गर्नु भएका घो...

खोटाङ, पुस १५ । खोटाङको ऐँसेलुखर्क गाउँपालिकाले कृषकलाई प्रोत्साहनका लागि कृषि मेला प्रदर्शनी गरेको छ । पुस १३ र १४ गते गाउँपालिकाको ३ नम्बर वडास्थित ऐँसेलुखर्क बजारमा गरिएको मेला प्रदर्शनीमा कृषकहरुले उत्साहजनक सहभागिता जनाएका छन् । कृषकहरुले तरकारी, खाद्यान्न, फलफुल, दलहन तथा तेलहन, नगदे, जरे र विविध बाली प्रदर्शनी गरेका थिए । गाउँपालिकाका ७ वटै वडाका १ सय ६१ जना कृषकले, ४ सय ५६ वटा कृषि उपज बस्तुहरु प्रर्दशनी गरेका गाउँपालिकाले जनाएको छ । मेला प्रदर्शनीमा सहभागि जनाएका कृषक मध्ये उत्कृष्ट ५१ जना कृषकलाई १७ विद्यामा पुरस्कार प्रदान गरिएको छ । सबै विद्याका प्रथम हुने कृषकलाई रु ३ हजार, दोस्रो हुनेलाई रु २ हजार र तेस्रो हुनेलाई रु १ हजार नगदसहित प्रमाणपत्र प्रदान गरिएको गाउँपालिकाका कृषि शाखा प्रमुख प्रमोदकुमार राजभण्डारीले जानकारी दिनुभयो । कृषि पेशामा आबद्ध कृषकहरुको प्रोत्साहनका लागि...

खोटाङ, पुस १० । रावा बेसी गाउँपालिकाको केन्द्र कुभिण्डे हरमटारमा पुनः साप्तहिक हाट सञ्चालनमा आउने भएको छ । नेपालमा कोभिड–१९ फैलिएपछि रोकथामको लागि गरिएको बन्दाबन्दीले बन्द भएको साप्ताहिक हाट पुनः सञ्चालनमा ल्याउने गाउँपालिकाले जनाएको छ । १० पुस २०७७ सालमा सुरु भएको हाट कोरोना फैलिएपछि ३ महिना सञ्चालन भएर बन्द भएको थियो । शुक्रबार गाउँपालिका कार्यालयमा बसेको जनप्रतिनिधि, कर्मचारी, राजनीतिक दलका प्रतिनिधि, घरेलु महासंघ, अगुवा कृषक लगायत सरोकार निकायको बैठकले यहि पुस २२ गतेबाट हाट सञ्चालन गर्ने निर्णय गरेको छ । पहिलेकै स्थान र समयमा साप्ताहिकरुपमा हरेक शुक्रबार हरमटारमा बजार (हाट) लाग्ने गाउँपालिकाका कृषि शाखा प्रमुख मुगाधन राईले जानकारी दिनुभयो । हटिया अर्थात साप्ताहिक हाट बन्द भएपछि कोरोना संक्रमितहरुलाई राख्न उक्त स्थानमा गाउँपालिकाले क्यारेन्टाइन निर्माण गरेको थियो । क्वारेन्टाइनको लागि...

खोटाङ, पुस १० । उदयपुरको गाइघाटबाट खोटाङको दिक्तेल आउदै गरेको बस दुर्घटना भएको छ । प्रदेश १– ०५–००१ ख ००१७ नम्बरको यात्रुबाहक बस दिक्तेल रुपाकोट मझुवागढी नगरपालिका–१४ बुइपामा दुर्घटना हुँदा ६ जना घाइते भएको जिल्ला प्रहरी कार्यालय खोटाङले जनाएको छ । बुइपा दित्तेल सडक खण्ड अन्तरगत माथिल्लो बुइपामा सडकबाट करीब ५ मिटर बस तल खसेको छ । आइतबार बिहान १०ः४० बजेको समयमा दुर्घटना भएको प्रहरीले जनाएको छ । घाइतेलाई जिल्ला प्रहरी कार्यालय र बुइपा प्रहरी चौकीबाट खटिएको प्रहरीले उद्दार गरेको डिएसपी मञ्जिल मुकारुङले जानकारी दिनुभयो । घाइते हुनेहरुमा दित्तेल रुपाकोट मझुवागढी न.पा.१४ खिरिका वर्ष २९ का बिरेन्द्र घिमिरे, सोही ठाउँका २८ वर्षिया दिल कुमारी श्रेष्ठ, रावाबेसी गाउँपालिका–२ खार्पाका २० वर्षिय कुशल सार्की, दिरुमनपा १५ का ७३ वर्षिय आइते सार्की, सोही ठाउँका २७ वर्षिया सुस्मिता ढुंगना र हलेसी तुवाचुङ ...

खोटाङ, पुस ९ । खोटाङमा आगलागीबाट तीन घर पुर्णरुपमा जलेर नष्ट भएको छ । जिल्लाको दिक्तेल रुपाकोट मझुवागढी नगरपालिका–३ बाम्राङस्थित झिसेपुका तीन घर जलेर नष्ट भएका हुन् । शनिबार अपरान्ह (३ः४०बजे) भएको आगलागीबाट तीन घर जल्दा ८४ लाख ५६ हजार ५०० बराबरको क्षति भएको जिल्ला प्रहरी कार्यालय खोटाङले जनाएको छ । मैया श्रेष्ठको घरमा बिजुलीको तार सर्ट भई आगलागीहुँदा श्रेष्ठ, कृष्ण श्रेष्ठ र कर्ण कुमार श्रेष्ठको घर पूर्णमा जलेर नष्ट भएको छ । आगलागीबाट मैयाको तीनतले घर, नगद १ लाख २० तोला चाँदी, मोवाईल, टिभी लगायत घरभित्र रहेको सम्पूर्ण मालसामानहरु पूर्णरुपमा जल्दा २७लाख ३५ हजारको क्षतिभएको प्रहरीले जनाएको छ । कृष्णको तीनतले घर, नगद १लाख ५० हजार, दुई तोला सुन, एक थान मोवाईल लगायत घर भित्र भएको सम्पूर्ण सामानहरु पूर्णरुपमा जलि नष्ट हुँदा २८ लाख ८३ हजार ५०० र सोही ठाउँका कर्ण कुमारको तीन तले घर, घरभित्र रहेक...