Author: रुपाकोट खबर

खोटाङ, चैत २८ । खोटाङको खोटेहाङ गाउँपालिकामा छुवाछुत अन्त्यका लागि सहभोजको आयोजना गरिएको छ । वडा नम्बर १ लिकुवापोखरी र नेपाल राष्ट्रिय दलित समाज कल्याण संघ लिकुवापोखरीको संयुक्त आयोजनामा सोमबार सहभोजको आयोजना गरी सबैले एकै ठाउँमा सँगै बसेर खाना खाएका छन् । देशमा जातीय विभेद विरुद्धमा कानून बनेता पनि व्यवहारमा अझै लागू नभएका कारण छुवाछुतमुक्त समाज निर्माणमा टेवा पु¥याउन सहभोजको आयोजना गरिएको बताइएको छ । ‘दलित समुदायले छोएको खान हुन्न’ भन्ने अन्धबिश्वास तोड्ने प्रयास स्वरुप सर्वसाधारणदेखि गाउँपालिका अध्यक्ष उदिमबहादुर राई, उपाध्यक्ष रुपेश राई, प्रमुख प्रशासकीय अधिकृत अजम्बर राई लगायतको सहभागीतामा सहभोज गरिएको युवराज कालिकोटेले बताउनुभयो । सहभोजमा विभिन्न वडाका वडाध्यक्ष, राजनीतिक दलका पालिका तथा वडा स्तरिय नेता, शिक्षक, कर्मचारी, बुद्धिजिवी, सर्वसाधारण दलित र गैर–दलित गरी १५० जनाको सहभागीता...

खोटाङ, चैत २८ । खोटाङको जन्तेढुंगा गाउँपालिका क्षेत्रका पशुचौपायामा लम्पी स्किन रोग देखा परेको छ । जन्तेढुंगा गाउँपालिकाका ६ वटै वडाका किसानले पालेका पशुचौपायामा लम्पी स्किन रोगसँग मिल्दोजुल्दो लक्षण देखिने रोग देखिएको हो । भारतबाट २०७७ सालमा मोरङ हुँदै हाल देशका सबैजसो ठाउँमा लम्पी स्किन रोग फैलिएको बताइएको छ । बिशेष गरी यो रोग ठुला पशुचौपाय गाई, गोरु, भैंसी, राँगोमा देखा पर्ने विज्ञहरुको भनाइ छ । गाई भैंसीमा लागेको उक्त रोगको समस्या लिएर करिब सय जना किसान जन्तेढुंगा गाउँपालिकाको कार्यालयमा आइसकेको पशु सेवा शाखा प्रमुख डा. सुशन ढकालले बताउनुभयो । गत माघ मसान्तदेखि गाउँपालिका क्षेत्र भित्रका पशुचौपायामा लम्पी स्किन रोग देखा पर्न थालेको उहाँको भनाइ छ । हालसम्म लम्पी स्किन रोगको ठोस उपचार र भ्याक्सिन विकास नभएकाले लक्षण अनुसार औषधि उपचारको व्यवस्था मिलाइएको डा. ढकालको भनाइ छ । लम्पी स्किन...

खोटाङ, चैत २७ । कृषकको दरिलो आम्दानीको स्रोत रहेको लिचीमा विभिन्न प्रकारका किराको प्रकोप देखिन थाले पछि रावा बेसी गाउँपालिका त्यसको नियन्त्रणमा जुटेको छ । पालिका भित्रका अधिकांश क्षेत्रमा उत्पादन भइरहेको लिची फललाई प्रवद्र्धन गरिरहेको पालिकाले देखा परेका किरा नियन्त्रणका लागि कृषकलाई स्प्रेयर र विषादी प्रदान गरेको हो । चैत ७ गते बाली संरक्षण प्रयोकशाला विराटनगर, कृषि ज्ञानकेन्द्र खोटाङ, रावा बेसी गाउँपालिका लगायतको विज्ञ टोलीको अनुगमनले लिचीमा माइट, बोरर, पतेरो जस्ता किराको प्रकोप रहेको समस्या पहिचान गरेको थियो । उक्त किराको नियन्त्रणका लागि सोमबार कृषकलाई ४ थान पावर स्प्रेयर सहितको सेट, ६ सय बोतल विषादी, ५० बोतल सुक्ष्मखाद्य तत्व लगायतको सामाग्री ४ वटा कृषक समुहला्ई प्रदान गरिएको गाउँपालिकाका कृषि शाखा संयोजक मुगाधन राईले बताउनुभयो । प्रदान गरिएको सामाग्रीले किरा नियन्त्रण गर्न फिल्डमै ग...

खोटाङ, चैत २७ । खोटाङको हलेसी तुवाचुङ नगरपालिका–३ च्यास्मिटारको वडा कार्यालय भवन किराँती संस्कार अनुसार शिलान्यास गरिएको छ । किराँती संस्कार अनुसार सोमबार नछुङमार्फत मेयर विमला राई र उपमेयर रमेश कुमार राउतले भवनको शिलान्यास गर्नुभएको वडाध्यक्ष भुपाल सिं राईले जानकारी दिनुभयो । नगरपालिकाको चालु आर्थीक वर्ष २०७९/०८० को बजेटबाट ४ वटा वडा कार्यालयका भवनहरु निर्माण हुँदैछन् । १ करोड ९ लाख ७९ हजारमा वडा नम्बर १ बाहुनीडाँडा, २ डिकुवा र ३ च्यास्मिटारको भवन निर्माणको जिम्मा ओजास निर्माण सेवा ललितपुरले लिएको छ । ३ वटै वडाको १ तले आरसिसि भवन निर्माण हुने नगरपालिकाले जनाएको छ । यस्तै, वडा नम्बर ७ महादेवस्थानको २ तले आरसिसि भवन निर्माणका लागि ५४ लाख ९८ हजारमा ब्रोदर्स युनाइटेट कन्ट्रक्सन निर्माण कम्पनीले ठेक्का लिएको नगरपालिकाका पञ्जिकरण शाखा प्रमुख विजय विश्वकर्माले बताउनुभयो । नगरपालिकाको बजेटबाट न...

खोटाङ, चैत २७ । जिल्ला समन्वय समिति खोटाङको सातौं जिल्लासभाले जिल्लाका सबै पालिका जोड्ने सडक स्तरोन्नती तथा कालोपत्रे गर्न सम्बन्धित निकायमा पहल गर्ने निर्णय गरेको छ । प्रतिनिधिसभा सदस्य रामकुमार राई, प्रदेशसभा सदस्य पाँचकर्ण राई र जिल्लाका १० वटै पालिका प्रमुख, उपप्रमुख तथा प्रतिनिधिहरुको उपस्थितिमा सम्पन्न सभाले पालिका जोड्ने सडक कालोपत्रे गर्न पहल गर्ने नीतिगत निर्णय गरेको हो । जिल्ला सदरमुकाम दिक्तेलबाट सबै पालिका केन्द्रसम्म जोड्ने सडकहरु दिक्तेल–साप्सुखोला–मात्तिम–टेम्मा–याम्खा–पञ्चमी–रोक्सिङ–खोटाङवजार हुँदै चिसापानी–मौवावोटे–बंशीलासम्मको सडक खण्डको स्तरोन्नती तथा कालोपत्रे गर्नको लागि सम्बन्धित मन्त्रालयमा पहल लिने, हुर्लुङ–जालपा–ऐसेलुखर्क सडक खण्ड कालोपत्रे गर्न माग गर्ने, जालपा–बाक्सिला सडक खण्डलाई कालोपत्रेको लागि माग गर्ने सोल्मा–पाथेका–फेदीसम्मको सडकलाई कालोपत्रेको लागि माग गर...

खोटाङ, चैत २६ । खोटाङमा बिरामी बोकेको बोलेरो दुर्घटना हुँदा तीन जना गम्भीर घाईते भएका छन् । आइतबार ऐसेलुखर्क गाउँपालिका–५ महेश्वरीको सानोडुम्रेस्थित मयुर आधारभुत विद्यालयबाट राखालीपुलतर्फ जाँदै गरेको को १ च ९४९३ नम्बरको बोलेरो दुर्घटना भएको हो । दुर्घटनामा पदममायाँ राई, जयकुमार राई र डोलकुमार राई गम्भीर घाईते भएका हुन् । गम्भीर घाइते भएका तीन जनालाई हेलीकोप्टरमार्फत उपचारका लागि काठमाडौं पठाइएको जिल्ला प्रहरी कार्यालय खोटाङले जनाएको छ । बिरामी भएकी पदममायाँलाई उपचारका लागि सोलुखुम्बुतर्फ लैजाने क्रममा अनियन्त्रित भएको बोलेरो सडकबाट करिब २० मिटर तल खसेको जिल्ला प्रहरी कार्यालय खोटाङका सूचना अधिकारी रोमन अर्यालले बताउनुभयो । दुर्घटनामा नगेन्द्र राई, प्रेमबहादुर सुवेदी र ऐसेलुखर्क गाउँपालिका–१ राखाका जयकुमार राई सामान्य घाईते भएका छन् । उनीहरुको प्राथमिक स्वास्थ्य केन्द्र ऐसेलुखर्कमा उपचार...

खोटाङ, चैत २६ । खोटाङ प्रदेश सभा ‘क’ का सांसद पाँचकर्ण राई (पि.के) लाई पहिचान पक्षधरको नाममा पार्टीका कार्यकर्तालाई परिचालन गरी दुव्र्यवहारको दुष्प्रयास गरेको भन्दै एमालेले विज्ञप्तिमार्फत आपत्ति जनाएको छ । सांसद तथा एमालेका नेता राईलाई प्रदेश नामकरणको विषयलाई लिएर केही जनप्रतिनिधिको संलग्नतामा पार्टीका कार्यकर्ताद्धारा दुव्र्यवहारको दुष्प्रयास भएको भन्दै एमालेले गम्भिर ध्यानाकर्षण भएको जनाएको हो । कार्यक्रममा अतिथिको रुपमा आमन्त्रण गरी केही पार्टीका नेताहरुको इसारामा योजनाबद्ध ढंगले जिल्ला सभाको रोस्टम प्रयोग गरेर आक्रण गरिएको एमालेको आरोप छ । प्रदेश नामकरणको निर्णय प्रक्रियामा भाग लिएका राजनीतिक दलकै नेता तथा जनप्रतिनिधिको इसारामा एमालेबाट निर्वाचित सांसदलाई मात्र एकतर्फी दोषारोपण गरेर निरन्तर प्रहार गरिएको प्रति घोर भ्रत्र्सना गरिएको एमालेले निकालेको विज्ञप्तिमा उल्लेख छ । जिल्ला समन्...

खोटाङ, चैत २५ । खोटाङमा प्रदेश सांसद पाँचकर्ण राई बिरुद्ध प्रदर्शन गर्ने पहिचान पक्षधर चार युवा पक्राउ परेका छन् । कोशी प्रदेश नामाकरणको पक्षमा मतदान गरेको भन्दै सांसद राई बिरुद्ध शनिबार समन्वय समितिको सभाहलमा भइरहेको जिल्लासभामा उनिहरु कालो झण्डासहित प्रदर्शनमा उत्रिएका थिए । प्रदर्शनमा उत्रिएका किरात राई यायोक्खा खोटाङका अध्यक्ष युगसन किरात, सह–कोषाध्यक्ष डार्विन राई, यायोक्खा दिक्तेल रुपाकोट मझुवागढी नगर कमिटिका पुर्वउपाध्यक्ष सप्तमणी राई र जसपाका जिल्ला सचिव सुनिल चाम्लिङ पक्राउ परेका हुन् । जिल्लासभा सञ्चालन भइरहकैबेला प्रवेश गरेर नाराबाजी गर्दै कालो झण्डा देखाइएको थियो । बिरोधमा उत्रिएका समुहले प्रदेश सांसद राईलाई कालो मोसो दल्ने प्रयास गरेका थिए । यायोक्खाका अध्यक्ष बाहेक अन्य तीन जनालाई भने हतकडी हालेर जिल्ला प्रहरी कार्यालय लगिएको थियो । कोशी प्रदेशको नाममा मतदान गर्ने सांसद तथ...

खोटाङ, चैत २४ । खोटाङको दिक्तेल रुपाकोट मझुवागढी नगरपालिकाले ठेकेदारलाई पक्राउ गरी कारबाही गर्न जिल्ला प्रशासन कार्यालयलाई पत्र लेखेको छ । पुष्पलाल मध्यपहाडी लोकमार्ग अन्तरगत चखेवाभञ्ज्याङ–दिक्तेल सडक खण्डमा पर्ने पंखु खोलाको मोटरेबल पुल अलपत्र पार्ने ठेकेदारलाई पक्राउ गरी कानूनी कारबाही गर्न भन्दै नगरपालिकाले प्रशासनलाई पत्र लेखेको हो । दिक्तेल रुपाकोट मझुवागढी नगरपालिका–८ बुवालुङ र लामीडाँडा जोड्ने १५ मिटर लम्बाई भएको पंखु खोला पुलको काम अलपत्र पार्ने सिरुवा कन्ट्रक्सन प्रालिका प्रोजेक्ट मेनेजर सन्तोष ढुंगानालाई कानुनी दायरामा ल्याउन प्रशासनलाई पत्र लेखिएको मेयर तीर्थराज भट्टराईले बताउनुभयो । सिरुवा कन्ट्रक्सनले २०७३ असोज ७ गतेसम्ममा सम्पन्न गर्नेगरी २०७२ असोज ६ गते ठेक्का सम्झौता गरेको थियो । तेश्रोपल्ट थप भएको २०७७ असोज ३० गते नै नाघिसकेको छ । त्यस यता पुलको म्याद थप नभएको पुष्पलाल (...

खोटाङ, चैत २४ । नेपाली कांग्रेस निकट नेपाल किसान महासंघ खोटाङ जिल्ला अध्यक्षको जिम्मेवारी बाजिन्द्र बिष्टले पाएका छन् । बिष्टलाई महासंघको केन्द्रीय समितिले जिल्ला अध्यक्षमा शुक्रबार मनोनयन गरेको हो । किसान महासंघ जिल्ला अध्यक्षको जिम्मेवारी पाएका बिष्ट खोटाङको जन्तेढुंगा गाउँपालिकाको पार्टी सभापतिसमेत रहेका छन् । नेपाल किसान महासंघको संगठन विस्तार एवं आगामी जिल्ला अधिवेशन तोकिएको समयमा सम्पन्न गर्नेगरी महासंघको जिल्ला अध्यक्षमा मनोनयन गरिएको नेपाल किसान महासंघ केन्द्रीय समितिले जनाएको छ । जिल्लाका सम्पूर्ण वडा, पालिका, प्रदेश र संघीय निर्वाचन क्षेत्रहरुको अधिवेशन केन्द्रले तोकेकै समयमा गराउन जिम्मेवारी दिइएको नेपाल किसान महासंघ केन्द्रीय समिति अध्यक्ष गणेशचन्द्र तिमिल्सिनाले दिएको मनोनयन–पत्रमा उल्लेख छ ।...