स्थानीय

खोटाङ, भदौ २७ । किरात राई पत्रकार संघ खोटाङको नयाँ कार्य समिति चयन भएको २ दिनमै उपाध्यक्ष र सचिवसहित ७ जनाले सामुहिक राजीनामा दिएका छन् । संघले बिहिबार दिक्तेलमा पाँचौं अधिवेशन गर्दै ११ जनाको नयाँ कार्य समिति चयन गरेको थियो । समिति चयन भएको २ दिन नबित्दै व्यक्तिगत स्वार्थले समिति चयन भएको भन्दै ७ जनाले विज्ञप्ती मार्फत शनिबार सामुहिक राजीनामा दिएका छन् । बिहिबार जिल्ला समन्वय समितिको सभाहलमा आयोजना गरिएको पाँचौं अधिवेशनबाट असल चरित्रलाई किरात राई पत्रकार संघको अध्यक्षमा चयन गरिएको हो । संघको उपाध्यक्षमा कृष्णकला राई, सचिवमा योगीन राई, सह–सचिवमा रेमन राई र कोषाध्यक्षमा मेनुका चाम्लिङ चयन भएका थिए । सदस्यमा क्रिष्टिना राई, जीवन चाम्लिङ, राई अशोक, एल्जीना राई, पवित्रा राई र सदिक्षा राई चयन भएको बताइएको थियो । त्यसको २ दिनमै उपाध्यक्ष कृष्णकला राई, सचिव योगीन राई, सहसचिव रेमन राई, सदस्यहरु ए...

खोटाङ, भदौ २६ । जिल्ला सदरमुकामसमेत रहेको दिक्तेल रुपाकाकोट मझुवागढी नगरपालिका–१ दिक्तेल बजार कुरुप बन्दै गएको छ । जथाभावी बिछ्याइएको तारले बजार क्षेत्र कुरुप देखिन थालेको हो । बजारको बिचमा विद्युतका पोलहरु गाडिएका छन् । सोही पोलबाट विद्युतको तार, नेपाल टेलिकमका तार र विभिन्न नेटका तारहरु छरपस्ट तरिकाले टागिएका छन् । जसले गर्दा दिक्तेल बजारको रुप हराउदै गएको छ । बजार क्षेत्र रत्नपार्क (किराँत चोक) देखि हाडडाँडा सम्म नै जथाभावी तारहरु टागिएका छन् । कतिपय ठाउँमा तारले तल सडकसम्म छुन लागेकाले सवारी साधन आवतजावतदेखि सडकमा काम गर्नसमेत समस्या भएको स्थानीय विशाल राउत बताउनुहुन्छ । ‘यता हेर्यो तार, उता हेर्यो तार, यसले दिक्तेल बजारको सुन्दरतामा ह्रास आएको छ । यसको व्यवस्थापनमा सम्बन्धित निकायको ध्यान जाओस् ।’ अर्का स्थानीय गुनराज सैजुले भन्नुभयो । छरपस्ट तारको बोझले कतिपय विद्युतका पोलहरु बांगि...

खोटाङ, भदौ २६ । जिल्ला अस्पताल दिक्तेलमा शल्यक्रियामार्फत डेलिभरी गराउने सेवा बन्द भएको छ । कर्मचारी बिरामी भएर विदामा बसेकाले शल्यक्रियामार्फत डेलिभरी गराउने उपचार अनिश्चित समयकाकालागि बन्द गरिएको अस्पतालले सूचना प्रकाशान गरेर जनाएको छ । कार्यालयमा कार्यरत एनेस्थेसिया (अपरेशन गर्दा बिरामीलाई बेहोस बनाउने कर्मचारी) अस्वस्थ भई विदामा बसेको कारणले उक्त सेवा नै बन्द भएको अस्पतालको सूचनामा उल्लेख छ । जिल्ला अस्पतालमा डेलिभरीका बिरामीहरु दैनिकजसो आउने गरेका छन् । कतिपय गर्भवती महिलाहरुमा विभिन्न समस्याले डेलिभरि गर्दा शल्यक्रिया नै गर्नुपर्ने अवस्था भएपनि उपचार सेवा नै बन्द हुँदा नागरिक मारमा पर्ने देखिन्छ । अस्पतालमा एनेस्थेसियाका कर्मचारी एक जना मात्र हुँदा समस्या भएको प्रमुख डक्टर नितु लामाले बताउनुभयो । ‘कर्मचारी एक जना मात्र हुनुहुन्छ, उहाँ बिरामी हुँदा करीब २० दिनदेखि एनेस्थेसियाका कर्म...

खोटाङ, भदौ २५ । किरात राई यायोक्खा हलेसी तुवाचुङ नगरपालिकाको अध्यक्षमा पुनः चक्रबहादुर राई चयन हुनुभएको छ । यायोक्खाको दोस्रो पालिका सम्मेलनले शनिबार राईको अध्यक्षतामा १९ सदस्य समिति गठन गरेको हो । यायोक्खा हलेसी तुवाचुङ नगरपालिकाका उपाध्यक्षमा खेमराज राई, सचिवमा सिवकुमार राई, सहसचिवमा चेसकुमार राई र कोषाध्यक्षमा तासरा राई सर्वसम्मत चयन हुनुभएको नेपाल आदिवासी जनजाति महासंघ खोटाङका सचिव उदिम चाम्लिङले जानकारी दिनुभयो । यस्तै, शनिबार नै सम्पन्न यायोक्खाको दोस्रो पालिका अधिवेशनबाट जन्तेढुंगा गाउँपालिकाको अध्यक्षमा नारदमणी राई चयन हुनुभएको छ । समितिको उपाध्यक्षमा जगत किराती, सचिवमा राजु राई, सहसचिवमा सन्तोष राई र कोषाध्यक्षमा मिलनदेवी राईसहित २१ सदस्य समिति सर्वसम्मत चयन भएको किरावि संघका केन्द्रिय सचिवालय सदस्य डार्विन राईले जानकारी दिनुभयो ।  ...

खोटाङ, भदौ २० । खोटाङका ९७ प्रतिशत बालबालिकाले कोरोना विरुद्धको खोपको पहिलो मात्रा लगाएका छन् । ५–११ वर्ष उमेर समुहका बालबालिका जिल्लामा करीब २५ हजार २ सयको संख्यामा रहेका छन् । जसमध्ये २४ हजार ५ सयले कोरोना विरुद्धको पहिलो मात्रा टि. फाइजर खोप लागाएको जिल्ला स्वास्थ्य कार्यालय खोटाङले जनाएको छ । खोप केन्द्र तोकिएका खोटाङका विभिन्न विद्यालय र स्वास्थ्य संस्थामा भदौ ५ देखि ७ गतेसम्म बालबालिकालाई कोरोना बिरुद्धको खोप अभियान सञ्चालन गरिएको थियो । उक्त समयमा जिल्लाका अधिकांश बालबालिकाले खोप लगाएको जिल्ला स्वास्थ्य कार्यालय खोटाङका फोकल पर्सन जीवन चौलागाईँले जानकारी दिनुभयो । ‘कतिपय बालबालिका अध्ययनकालागि जिल्ला भन्दा बाहिर गएका छन्, उनिहरुले उतैबाट खोप लगाउछन् । जिल्लामा रहेका ५–११ वर्ष उमेर समुहका सबै बालबालिकालाई हामीले खोप लगाउन सफल भएका छौँ ।’ चौलागाईँले भन्नुभयो । पहिलो मात्रा लगाएको २१...

खोटाङ, भदौ १९ । खोटाङमा करेण्ट लागेर २४ घण्टा भित्रमा दुई जनाको ज्यान गएको छ । शनिबार राती विद्युत मर्मत गर्ने क्रममा करेण्ट लाग्दा दिक्तेल रुपाकोट मझुवागढी नगरपालिका–१० पाथेकाका ३७ वर्षीय प्रकाश राईको ज्यान गएको थियो । २४ घण्टा नबित्दै आइतबार साँझ दिक्तेल रुपाकोट मझुवागढी नगरपालिका–१४ बुईपामा अर्का एक जनाको करेण्ट लागेर ज्यान गएको छ । बुईपास्थित ३३ के.भीको हाइटेन्शन लाइनमा करेण्ट लाग्दा डाँडाखर्कका करीब ३५ वर्षका नगिन्द्र राईको ज्यान गएको छ । बुईपामा विद्युत मर्मत कार्य सकेर फर्कनेक्रममा भर्‍याङ गाडिमा राख्न लिएर जाँदा हाइटेन्शन लाइनको तारमा भर्‍याङले छुएर राईलाई करेण्ट लागेको थियो । करेण्ट लागेर गम्भिर घाइते राईलाई उपचारकालागि नजिकै रहेको बुईपा स्वास्थ्य चौकी लैजादै गर्दा बाटोमै मृत्यु भएको नेपाल विद्युत प्राधिकरण खोटाङका प्रमुख विजयराज रेग्मीले बताउनुभयो । मृतक राई दैनिक ज्यालादारीमा ...

खोटाङ, भदौ १९ । नेपाल कम्युनिस्ट पार्टी एमाले खोटाङले आसन्न निर्वाचनका लागि आकांक्षी उम्मेद्वारहरुको नाम सिफारिस गरेको छ । मङ्सिर ४ गते हुने प्रतिनिधिसभा र प्रदेशसभा निर्वाचनकालागि शनिबार बसेको एमालेको जिल्ला कमिटिको बैठकले छलफल गरेर उम्मेद्वारका नाम प्रदेश कमिटिलाई सिफारिस गर्ने निर्णय गरेको जनाएको छ । एमालेले प्रतिनिधिसभा प्रत्यक्षतर्फ ७ र समानुपातिकतर्फ ३ जनाको नाम नेपाली बर्णानुक्रमअनुसार सिफारिस गरेको जनाएको छ । प्रत्यक्षतर्फ केन्द्रीय सदस्य उषाकला राई, केन्द्रीय सदस्य खगेन्द्र राई, प्रदेश सदस्य देवन राई, प्रदेश सचिवालय सदस्य पाँचकर्ण राई, पोलिटव्युरो सदस्य विशाल भट्टराई, केन्द्रीय सदस्य रमेश पौडेल र प्रदेश सदस्य राजन प्रसाद ढकालको नाम सिफारिस भएको छ । समानुपातिकतर्फ केन्द्रीय अनुशासन आयोग सदस्य कर्णबहादुर घले, जिल्ला कमिटि सचिवालय सदस्य रमेश परियार र जिल्ला कमिटि सदस्य राजकुमारी राई...

खोटाङ, भदौ १९ । खोटाङमा करेण्ट लाग्दा एक व्यक्तिको मृत्यु भएको छ । विद्युत मर्मत गर्ने क्रममा करेण्ट लाग्दा दिक्तेल रुपाकोट मझुवागढी नगरपालिका–१० पाथेकाका ३७ वर्षीय प्रकाश राईको ज्यान गएको जिल्ला प्रहरी कार्यालय खोटाङले जनाएको छ । स्थानीय नाखम खोला हाइड्रोपावर विद्युतको जम्पर जोड्न शनिबार करीब साँझ ६ बजे पोलमा चड्दा करेण्ट लागेर राई घाइते भएका थिए । घाईते राईलाई राती उपचारका लागि फेमिली केयर अस्पताल दिक्तेलमा ल्याउदै गर्दा बाटैमा उनको मृत्यु भईसकेको फेमिली केयर अस्पतालले जनाएको छ । हाल मृतकको शवलाई परीक्षणका लागि जिल्ला अस्पताल लगिएको जिल्ला प्रहरी कार्यालयका प्रहरी निरीक्षक रोमनराज अर्यालले जानकारी दिनुभयो । मृतक राईको श्रीमती र चार जना सन्तान रहेका छन् ।...

खोटाङ भदौ १८ । खोटाङबाट नेपाली कांग्रेसले प्रतिनिधिसभाका लागि प्रत्यक्ष र समानुपातिक उम्मेद्वारहरु सिफारिस गरेको छ । शनिबार बसेको कांग्रेसको जिल्ला कार्य समितिको बैठकले प्रतिनिधिसभामा प्रत्यक्षतर्फ १० र समानुपातिकतर्फ ९ जनाको नाम सिफारिस गरेको छ । प्रत्यक्षतर्फ सर्वधन राई, सुवासकुमार पोखरेल, भुपेन्द्र राई, हिरा गुरुङ, डा.राजकुमार राई, रोजन राई, रामप्रसाद आचार्य(आरपी) विष्णुराज राई, योगेन्द्र राई र शरणकुमार राईको नाम सिफारिस भएको छ । यस्तै, समानुपातिकको महिलातर्फ सरस्वती वजिमय र शान्तीदेवी राई तथा पुरुषतर्फ दिनेशकुमार राई, काशिनाथ आचार्य, पदमकुमार निरौला, महेन्द्र कुमार कटुवाल, नवराज केसी, केशवराज कार्की र महेश रेग्मीको नाम जिल्ला कार्य समितिले सिफारिस गरेको छ ।...

खोटाङ, भदौ १८ । नेपाली कांग्रेस प्रदेश ‘ख’ क्षेत्रिय कार्य समितिले आसन्न निर्वाचनकालागि उम्मेद्वारका आकंक्षीहरुको नाम सिफारिस गरेको छ । दुई दिनसम्म सञ्चालन भएको समितिको बैठकले आज खोटाङ प्रदेशसभा ‘ख’ का लागि प्रत्येक्षमा ६ जना र समानुपातिकमा १२ जनाको नाम सिफारिस गरेको हो । प्रत्येक्षतर्फ बिष्णुकुमार राई, लोकेन्द्र राई, सुमनबाबु आचार्य, कृष्णप्रसाद भट्टराई, शक्भु कार्की र पुर्णबहादुर खड्काको नाम सिफारिस भएको छ । यस्तै, समानुपातिकतमा खुल्ला पुरुषतर्फ शहरमान राई र महिलातर्फ कमला राईको नाम सिफारिस गर्दै अन्य आकांक्षी इच्छुराम राना, निर्मला ढकाल, बसन्त राई, दिपराज राई, प्रतिक्षा राई, कान्ता के.सी बस्नेत, धुव्रकला राई, सपना राई, निर्मला राई र राजु ढकालको नाम पनि समावेश गरेर जिल्ला कार्य समितिलाई पठाएको कांग्रेस प्रदेश ‘ख’ क्षेत्रिय सभापति दिनेशकुमार घिमिरेले जानकारी दिनुभयो । प्रदेशसभा ‘क’ क...