स्थानीय

खोटाङ, जेठ २२ । जिल्ला स्वास्थ्य कार्यालय खोटाङले च्यास्मिटार स्वास्थ्य चौकीलाई २ लाख बराबरको स्वास्थ्य सामाग्री दिएको छ । कार्यालय प्रमुख पुण्य प्रसाद सिक्देल र कार्यालयका कार्यक्रम अधिकृत जीवन चौलागाईको उपस्थितीमा आज स्वास्थ्य चौकीलाई सो सामाग्री हस्तान्त्रण गरिएको हो । प्रदेश नम्बर १ को ग्रामिण आमा सुरक्षा कार्यक्रम अन्तरगत खोटाङका दुई स्वास्थ्य चौकी छनोट भएका छन् । जसमा दिक्तेल रुपाकोट मझुवागढी नगरपालिका–४ खाल्ले स्थित खाल्ले स्वास्थ्य चौकी र हलेसी तुवाचुङ नगरपालिका–३ च्यास्मिटार स्थित च्यास्मिटार स्वास्थ्य चौकी छनोट भएका हुन् । सोही कार्यक्रम अन्तरगत खाल्ले स्वास्थ्य चौकीलाई हिजो र च्यास्मिटार स्वास्थ्य चौकीलाई आज सामाग्री हस्तान्त्रण गरिएको जिल्ला स्वास्थ्य कार्यालय प्रमुख सिक्देलले बताउनुभयो । जिल्लाका ५९ स्वास्थ्य चौकीमा बर्थिङ सेन्टर जडान भएका छन् तर, आवश्यक सबै स्वास्थ्य सामग्र...

खोटाङ, जेठ २१ । हलेसी तुवाचुङ नगरपालिकाले उच्च शिक्षा अध्यान गर्ने विपन्न दलित समुदायका विद्यार्थीलाई नगरले छात्रवृत्ति प्रदान गर्ने भएको छ । १६ औँ राष्ट्रिय जातीय भेद्भाव तथा छुवाछुत उन्मुलन दिवसको अवसरमा आज नगरपालिकाले यस्तो निर्णय गरेको हो । नगरपालिकाको ७ नम्बर वडा स्थित एक दलित समुदायमा आज दिवसको अवसरमा शुभकामना आदनप्रदान एवं अन्तरक्रिया कार्यक्रमको आयोजना गरिएको थियो । सोही कार्यक्रममा पुग्नु भएका नगर प्रमुख विमला राई र वडाध्यक्ष कमल गिरीले विपन्न दलित समुदायका बिद्यार्थीलाई उच्च शिक्षा लिन सहज होस् भन्ने हेतुले छात्रवृत्ति दिने निर्णय गर्नु भएको नगरपालिका एम.आइ.एस. अपरेटर विजय बिश्वकर्माले बताउनुभयो । के कती छात्रवृत्ति दिने भन्ने बिषयमा छलफल गरिने नगर प्रमुख राईको भनाइ छ । यस्तै आजै सोही कार्यक्रममा विपन्न दलित समुदायका मानिसलाई बिरामी हुँदा उपचारमा समेत नगरपालिकाले आर्थीक सहयोग ग...

खोटाङ, जेठ २० । शैक्षिक गुणस्तर सुधारका लागि हलेसी तुवाचुङ नगरपालिका र नगरपालिकाका सामु्दायिक विद्यालयका प्रधानाध्यापकहरूबीच कार्य सम्पादन करार सम्झौता भएको छ । दुर्छिमस्थित नगरपालिकाको सभाहलमा आयोजित कार्यक्रमकाबीच नगरपालिकाको शिक्षा शाखा र आधारभूत तथा माध्यमिक विद्यालयका प्रधानाध्यापकबीच विभिन्न महत्त्वपूर्ण विषय समेटिएको १४ बुँदे करार सम्झौता भएको हो । सम्झौतामा नगर शिक्षा संयोजक पदमबहादुर कार्की, विद्यालय रहेको वडाका वडा शिक्षा समिति अध्यक्ष र सम्बन्धित विद्यालयका प्रधानाध्यापकले हस्ताक्षर गरेका छन् । २०७९ चैत्र मसान्तसम्मका लागि प्रचलित नियम–कानुनमा भएको व्यवस्थाका अतिरिक्त आपसी समझदारीमा सम्झौता भएको नगर शिक्षा संयोजक कार्कीले बताउनुभयो । उहाँका अनुसार नगरपालिकाका १२ वटा माध्यमिक र ७७ वटा आधारभूत विद्यालयसँग सम्झौता गरिएको हो । सम्झौतामा विद्यालयको यथार्थ विवरणको प्रतिवेदन त्रैमासि...

खोटाङ, जेठ २० । सरकारले पालिका र प्रदेशमा पठाउने बजेटको टुङ्गो लगाएको छ । अर्थ मन्त्रालयले चार वटा अनुदानका शीर्षकमा प्रदेश र पालिका सरकारलाई आगामि आर्थीक वर्ष २०७९/०८० का लागि पठाउने बजेट टुङ्गो लगाएको हो । दुइ नगरपालिका र आठ गाउँपालिका गरी दश स्थानीय तह रहेको खोटाङले समानीकरण अनुदान, ससर्त अनुदान, समपूरक अनुदान र विशेष अनुदान गरी ३ अर्ब ६२ करोड १ लाख रुपैयाँ बजेट पाएको छ । जिल्लाको सबै भन्दा धेरै दिक्तेल रुपाकोट मझुवागढी नगरपालिकाले ६५ करोड १५ लाख र सबै भन्दा कम बराहपोखरी गाउँपालिकाले २४ करोड २४ लाख रुपैयाँ बजेट पाएको हो । हलेसी तुवाचुङ नगरपालिकाले ४९ करोड ६ लाख, एँेसेलुखर्क गाउँपालिकाले ३२ करोड ४९ लाख, केपिलासगढी गाउँपालिकाले २५ करोड ८६ लाख, खोटेहाङ गाउँपालिकाले ४३ करोड १ लाख बजेट पाएका छन् । यस्तै जन्तेढुंगा गाउँपालिकाले २९ करोड ९५ लाख, दिप्रुङ चुइचुम्मा गाउँपालिकाले ३७ करोड ९२ लाख, ...

खोटाङ, जेठ १९ । खोटाङको हलेसी तुवाचुङ नगरपालिका–७ स्थित तुवाचुङ डाँडामा साकेला सिल्ली चण्डि नाँच प्रदर्शन हुनेभएको छ । जेठ २१ गते शनिबार वैशाख पुर्णिमाको औशिको पञ्चमी तिथीको अवसरमा साकेला नाँच प्रदर्शन हुन लागेको हो । किराँत उद्गम आदिम भुमि तुवाचुङ जायजुम संरक्षण समितिको आयोजनामा हुन लागेको साकेला नाँचको प्रमुख अतिथिको रुपमा हलेसी तुवाचुङ नगरपालिका प्रमुख विमला राई र बिशिष्ट अतिथीको रुपमा उपप्रमुख रमेश कुमार राउत रहनु हुनेछ । नवनिर्वाचित जनप्रतिनिधिलाई बधाई समेत सोही कार्यक्रम दिने आयोजकले जनाएको छ । जिल्लाका अन्य सबै पालिकाका प्रमुख र उपप्रमुखलाई समेत निम्ता गरिएको तुवाचुङ जायजुम संरक्षण समितीका केद्रिय अध्यक्ष राकेश राईले जानकारी दिनुभयो । २०७९ सालको उभौलि तोयामा खियामा रैछाकुलेको सामुहिक तिन चुला पुजा साकेला सिल्ली चण्डि नाच धामि झाक्रि ढोल झ्याम्टा सहित प्रदर्शन हुने अध्यक्ष राईले बत...

खोटाङ, जेठ १९ । त्रिधार्मिक तपोभूमि हलेसी बजार क्षेत्रको सरसफाइ गरिएको छ । हलेसी तुवाचुङ नगरपालिकका मेयर विमला राई र उपमेयर रमेश कुमार राउतको नेतृत्वमा आज सो क्षेत्रको सरसफाइ गरिएको हो । सरसफाइको लागि मेयर राई, उपमेयर राउत स्वयं फिल्डमा खटिनु भएको छ । अब हरेक बिहिबार बिहान ९ देखि ११ बजेसम्म सरसफाइ गरिने मेयर राईले जानकारी दिनुभयो । मेयर राईले भन्नुभयो “आफुले नगरि अरुले गर्दैनन्, हरेक काममा सुरुमा आफै अघि सर्ने हो त्यसैले म आफै फिल्डमा खटिएर आजबाट सरसफाइको सुरुवात गरिएको छ ।” सुन्दर र स्वच्छ हलेसी तुवाचुङ नगरपालिका बनाउन दीर्घकालिन सोच सहित आगामि दिनमा काम सुरु गरिने पनि उहाँको भनाइ छ । जसकालागि सरसफाइका कर्मचारी थप्ने, डम्पिङ साइड व्यवस्थापन गर्दै जाने सोच पनि नगरपालिकाले अघि सारेको उहाँले बताउनुभयो । हलेसी बजार क्षेत्र मात्र नभएर नगरपालिका भित्रका सबै बजार क्षेत्रमा सरसफाइ गरिनेछ । “हले...

खोटाङ, जेठ १९ । खोटाङको हलेसी तुवाचुङ नगरपालिकाले सामुदायिक विद्यालयमा अंग्रेजी माध्यमबाट पठनपाठन गर्ने तयारी गरेको छ । नगर प्रमुख विमला राईको अध्यक्षतामा बुधबार बसेको शिक्षा शाखा समितिको बैठकले यस्तो निर्णय गरेको हो । अंग्रेजी माध्यमबाट के कसरी पठनपाठन गर्न सकिन्छ भन्ने विषयमा छलफलका लागि शुक्रबार सबै बिद्यालयका प्रधानाध्याप, विद्यालय व्यवस्थापन समिति अध्यक्ष र ११ वटै वडाका वडाध्यक्षहरुलाई अन्तरक्रियाका लागि बोलाइएको नगरपालिकाले जनाएको छ । नगरपालिकामा नयाँ जनप्रतिनिधि आएपश्चात पहिलो पटक बसेको शिक्षा शाखा समितिको बैठकले शैक्षिक गुणस्तरकालागि अन्य ४ निर्णय समेत गरेको शिक्षा शाखा संयोजक पदम बहादुर कार्कीले जानकारी दिनुभयो । कार्कीका अनुसार अति न्यून विद्यार्थी भएका विद्यालयको समायोजन, कक्षा घटुवा गर्ने साथै बढी विद्यार्थी भएका विद्यालयमा कक्षा थप एवं शिक्षक व्यवस्थापन गर्ने निर्णय गरिएको छ ...

खोटाङ, जेठ १८ । खोटाङमा यो वर्ष पनि अमेरिकन फौजी किरा देखिएको छ । जिल्लाको बिभिन्न ठाउँमा अघिल्लो वर्ष जस्तै यो वर्ष पनि मकैमा फौजी किरा लागेको कृषकहरुले बताएका छन् । जिल्लाको दिक्तेल रुपाकोट मझुवागढी नगरपालिकाको अधिकांश ठाउँमा मकैमा फौजी किरा देखिएको छ । दिक्तलसँगै रावा बेसी, दिप्रुङ चुइचुम्मा र साकेला गाउँपालिकामा पनि फौजी किरा देखिएको छ । फौजी किरा देखिएपछि मकै उत्पादनमा कमी आउने डरले कृषकहरु चिन्तीत बनेका छन् । हुर्किरहेको मकैको पात खाएर छिद्रा बनाइदिएको, मकैको गुभोको हरियो भाग खाएर मकै नष्ट हुने अवस्थामा पुगेको कृषकहरुको दुखेसो छ । यस्तै घोका लाग्ने थालेका मकैको घोगामा समेत क्षती पु¥याएको कृषक बताउछन् । कृषकहरुको मकैमा फौजी किरा लागेको थाहापाएपछि यतिबेला किरा व्यवस्थापन अर्थात नियन्त्रणका लागि स्वयं स्थानीय तह र कृषी ज्ञान केन्द्र खोटाङ लागिपरेको छ । जिल्लाको दिप्रुङ चुइचुम्मा गाउँप...

खोटाङ, जेठ १६ । खोटाङ सदरमुकाम दिक्तेलबजारभित्रको सडक ढलानको काम ७ दिनभित्र सुचारु गर्ने वातावरण मिलाउन दिक्तेल रूपाकोट मझुवागढी नगरपालिकाले सघन शहरी तथा भवन निर्माण आयोजना ओखलढुंगा र निर्माण कम्पनीलाई ताकेता गरेको छ । सडकको ढलान कार्य लामो समयदेखि स्थगित भएका कारण यातायात अवरुद्ध भएको, हिँडडुल गर्नसमेत समस्या भएको, निर्माणाधनी बाटो अलपत्र रहेका कारण दुर्घट्नाको जोखिम भएको तथा स्थानीयबासीहरूबाट व्यापक जनगुनासो आएकाले हप्ता दिनभित्र पुनः काम सुचारु गर्नका लागि पहल गरिदिन मेयर तीर्थराज भट्टराईले सघन शहरी तथा भवन निर्माण आयोजना ओखलढुंगालाई सोमबार पत्रचार गर्नुभएको हो । मेयर भट्टराईले सघन शहरी तथा भवन निर्माण आयोजना ओखलढुंगालाई बोधार्थ राखेर निर्माण कम्पनी एससीएफ बिएनएस जेभीलाई भने ७ दिनभित्र निर्माण कार्य सुचारु गरी यथाशीघ्र काम सम्पन्न गर्न निर्देशन दिनुभएको छ । तोकेको समयामा पनि काम सुचारु...