Banner News 3

खोटाङ, जेठ २३ गते । खोटाङको रावा बेसी गाउँपालिकाले विधुर भत्ता दिन थालेको छ । श्रीमतीको मृत्यु भएका ४५ वर्ष माथिका एकल पुरुषहरुलाई पालिकाले मासिक एक हजार विधुर भत्ता दिन थालेको हो । स्थानीय तहको दोस्रो निर्वाचन पश्चात पहिलो कार्यापालिकाको बैठकलले विधुर भत्ता दिने निर्णय पारित गरेको थियो । सोही अनुसार २०७९ साउन १ गते देखि लागु हुने गरी गाउँपालिकाले कार्यविधि निर्माण गरेर भत्ता प्रदान गरेको छ । साउन १ गते देखिको एकमुस्टमा जेठ २२ गते (सोमबार) विधुर भत्ता प्रदान गरिएको गाउँपालिकाका पञ्जिकरण शाखा प्रमुख गिरिराज रानाले जानकारी दिनुभयो । ६ वडा रहेको पालिकामा पहिलो चरणमा २४ जनाले विधुर भत्ता पाएका छन् । उनिहरुलाई सोमबार गाउँपालिकाका अध्यक्ष फटिक कुमार श्रेष्ठ, उपाध्यक्ष कौशिला कुमारी गुरुङ, वडाध्यक्षहरु गेहेन्द्रमान राई, डोलराज बस्नेत र चिरञ्जीवी कार्कीले संयुक्त रुपमा भत्ताको चेक हस्तान्तरण गर्...

खोटाङ, जेठ २३ । हलेसी तुवाचुङ नगरपालिका–८ धितुङमा भएको वडा स्तरीय भलिबलको उपाधि धितुङले जितेको छ । वडा कार्यालयको आयोजनामा भएको खुल्ला वडा स्तरीय भलिबल प्रतियोगिताको उपाधि आयोजक टिम धितुङले जितेको हो । वडाको खेल मैदान लावाचुङ मैदानमा सोमबार सम्पन्न फाइनल खेलमा धितुङकै अर्को टिमलाई पराजित गर्दै धितुङ (ए) ले उपाधि आफ्नो पक्षमा पारेको हो । उपाधि जितेको धितुङ (ए) ले नगद २० हजारको सामथा मेडल र प्रमाणपत्र पाएको छ । दोस्रो भएको धितुङ कात्तिकेले नगद १५ हजारको साथमा मेडल र प्रमाणपत्र र तेस्रो हुने टिम दुर्छिमले नगद १० हजारसँगै मेडल र प्रमाणपत्र पाएको धितुङका वडाधयक्ष टेकराज राईले बताउनुभयो । प्रतियोगितामा ९ टिमले सहभागि जनाएका थिए । अर्को वर्षबाट वडाध्यक्ष कप आयोजना गर्ने योजना रहेको वडाध्यक्ष राईको भनाइ छ ।...

राजकुमार सरगम खोटाङ, जेठ १७ । खोटाङको ऐसेलुखर्क गाउँपालिका–३ धोद्रेमा सञ्चालन भएको ७६ लाख ४० हजारको मौरी ब्लकमा ३ घारमा मात्र मौरी छन् । प्रधानमन्त्री कृषि आधुनिकीकरण परियोजना अन्तरगत कृषि ज्ञान केन्द्र खोटाङको ५० प्रतिशत अनुदानमा सञ्चालित मौरी ब्लक कार्याक्रम सम्झौतामा सिमित देखिएको छ । दुई आर्थिक वर्षमा कृषि ज्ञानकेन्द्रबाट मौरी ब्लकका लागि ३८ लाख २० हजार भुक्तानी भएको छ । सेवाग्राहीकोतर्फबाट ५० प्रतिशत जोड्दा ७६ लाख ४० हजारमा मौरी ब्लक कार्यक्रम सम्झौता भएको हो । ऐसेलुखर्क बहुउद्धेश्यीय कृषि वन नर्शरी तथा पशुपालन फर्मबाट सञ्चालन भएको ऐुेलुखर्क मौरी ब्लक विकास समितिको ब्लकमा अहिले ३ घारमा मात्र मौरी छन् । ब्लकमा जम्मा २२ घार राखिएको छ । ३ घारमा मौरीहुँदा अन्य घार खाली छन् । २ वटा घार निर्माण पुरा भएको देखिदैन, १ वटा घार हावाले उडाएर तल्लो गरामा झारेको देखिन्छ । मौरी ब्लकका लागि पहिलो ...

खोटाङ, जेठ १६ । खोटाङका दश स्थानीय तहले संघीय सरकारबाट आगामी आर्थिक वर्ष २०८०/०८१ मा ३ अर्ब ६९ करोड २० लाख बजेट प्राप्त गरेका छन् । चालुतर्फ ३ अर्ब २४ करोड ४९ लाख र पुँजीगततर्फ ४४ करोड ७१ लाख गरी जम्मा ३ अर्ब ६९ करोड २० लाख बजेट प्राप्त गरेका हुन् । दिक्तेल रुपाकोट मझुवागढी नगरपालिकाले सबै भन्दा धेरै रकम पाएको छ । चालुतर्फ ६१ करोड ५९ लाख र पुँजीगततर्फ ८ करोड ३४ लाख गरी जम्मा ६९ करोड ९३ लाख रकम संघीय सरकारबाट दिक्तेल रुपाकोट मझुवागढी नगरपालिकाले पाएको हो । यस्तै, हलेसी तुवाचुङ नगरपालिकाले चालुतर्फ ४३ करोड ४ लाख र पुँजीगततर्फ ४ करोड ७३ लाख गरी जम्मा ४७ करोड ७७ लाख रकम पाएको छ । खोटेहाङ गाउँपालिकालाई चालुतर्फ ३५ करोड ८७ लाख र पुँजीगततर्फ ६ करोड ४८ लाख गरी जम्मा ४२ करोड ४५ लाख, ऐसेलुखर्क गाउँपालिकालाई चालुतर्फ ३० करोड ९ लाख र पुँजीगतर्फत २ करोड ३५ लाख गरी जम्मा ३२ करोड ४४ लाख, केपिलासगढी गाउ...

खोटाङ, १५ जेठ । राष्ट्रिय मानव अधिकार आयोगले दलितले छोएको दही खाएको निहुमा अघोषित रुपमा सामाजिक बहिष्करणमा पारिएका खोटाङको दिक्तेल रुपाकोट मझुवागढी नगरपालिका–१ दिक्तेलका ८० वर्षीय टंकप्रसाद आचार्यलाई क्षतिपुर्ती दिन सरकार समक्ष सिफारिस गरेको छ । छुवाछुतमुक्त समाज निर्माणका लागि प्रदेश सरकारको अभियान अन्तरगत जिल्ला समन्वय समितिले २०७६ साल जेठ १८ गते आयोजना गरेको सहभोजमा सहभागी हुनेक्रममा दलित युवतीको हातबाट दही खाएको निहुमा सामाजिक बहिष्करणमा परेका आचार्यलाई आयोगले एक लाख क्षतिपुर्ति दिन सरकार समक्ष सिफारिस गर्ने निर्णय गरेको हो । आयोगको केन्द्रीय कार्यालयले मानसिक पीडा खेप्न वाध्य आचार्यलाई क्षतिपुर्ती दिनका लागि बैसाख १७ गते सिफारिस गर्ने निर्णय गरेको राष्ट्रिय मानव अधिकार आयोगको प्रदेश शाखा कार्यालय खोटाङका मानव अधिकार अधिकृत नेत्र गौतमले बताए । आयोगले जातीय छुवाछुत तथा भेदभाव विरुद्धका...

खोटाङ, जेठ १५ । खोटाङको रावा बेसी गाउँपालिकालाई पूर्ण खोप सुनिश्चितता पालिका घोषणा गरिएको छ । गाउँपालिका भित्रका खोप उमेर समुहका सबै बालबालिकाले सम्पूर्ण खोपको मात्रा पूरा गरेको सुनिश्चित भएपछि गाउँपालिकालाई सोमबार पूर्ण खोप सुनिश्चितता पालिका घोषणा गरिएको हो । नेपाल सरकारले निःशूल्क प्रदान गर्ने सबै मात्रा खोप रावा बेसी गाउँपालिकाका बालबालिकाले लगाएका छन् । २०७९ वैशाखदेखि ०८० वैशाखसम्म १५ महिनासम्मका  १ सय ९१ जना बालबालिकाले पुर्णमात्रा खोप लगाएको स्वास्थ्य शाखा संयोजक कौशल अधिकारीले बताउनुभयो । गत फागुनमा गरिएको घर सर्वेक्षणमा १६ देखि ५९ महिनाको ४८१ जना बालबालिकाले सबै मात्रा खोप लगाएको पाइएको थियो । एउटा खोप छुटेको ३ जना बालबालिका भेटिएका थिए । उनिहरुलाई पनि खोप लगाएपछि रावा बेसी गाउँपालिका भित्रका सबै बालबालिकाले पुर्ण मात्रा खोप लगाएको संयोजक अधिकारीको भनाइ छ । गाउँपालिका भित्रका सब...

खोटाङ, जेठ १५ । नेकपा एमालेको जनसंगठन नेपाल उत्पीडित जातीय मुक्ति समाज खोटाङको अध्यक्षमा अर्जुन दर्नाल चयन भएका छन् । समाजको ७ औँ जिल्ला अधिवेशनले दर्नाललाई सर्वसम्मत अध्यक्षमा चयन गरेको हो । एमालेको पार्टी कार्यालय पुस्पलाल स्मृति भवन दिक्तेलमा सोमबार भएको अधिवेशले दर्नालको अध्यक्षतामा ३५ सदस्यीय नयाँ समिति चयन गरेको छ । समितिको उपाध्यक्षमा अगम परियार र बम बहादुर विश्वकर्मा, सचिवमा रेखा रम्तेल चयन भएका छन् । यस्तै, उप–सचिवमा लोकमणी विश्वकर्मा, रमेश परियार, भक्त विश्वकर्मा र कोषाध्यक्ष कृष्ण परियार सर्वसम्मत चयन भएकासमाजका निवर्तमान सचिव विष्णु उपरकोटीले बताए । निवर्तमान अध्यक्ष दिपक ठटालको अध्यक्षतामा भएको अधिवेशनमा उत्पीडित जातीय मुक्ति समाजका केन्द्रीय महासभिव तथा संविधानसभा सदस्य खेम नेपाली, नेकपा एमाले खोटाङका अध्यक्ष राम दंगाल, सचिव कुमार आचार्य, सचिवालय सदस्य चर्च बहादुर विश्वकर्म...

राजकुमार भट्टराई (सरगम) खोटाङ, जेठ १४ । खोटाङमा लम्पी स्किन रोगको महामारी नियन्त्रण बाहिर गएको छ । जिल्लाका १० वटै पालिकामा देखा परेको लम्पी स्किन रोगले हालसम्म ६० बढी गाईगोरुको मृत्यु भएको हो । सबै भन्दा धेरै जन्तेढुंगाका गाईगोरु मरेका छन् । जन्तेढुंगा गाउँपालिका–१ देबिस्थानमा ७ वटा, बोपुङमा १२ वटा, काहुलेमा ५ वटा, डम्बर्खुशिवालयमा ४ वटा, चिसापानीमा २ वटा गाईगोरु मरेको पशुशाखा संयोजक डा. शुसन ढकाल ले जानकारी दिनुभयो । जन्तेढुंगा गाउँपालिका–६ दिप्लुङमा मरेका गाईगोरुको तथ्यांक आएको छैन । यस्तै, हलेसी तुवाचुङ नगरपालिकामा हालसम्म करीब २८ गाईगोरु लम्पी स्किन रोगका कारण मृत्यु भएको छ । वडा नम्बर ११ राजापानीमा रणबहादुर श्रेष्ठ, कुम्ब नारायण श्रेष्ठ, मोतीलाल श्रेष्ठ, कृष्ण बहादुर कार्की, बिदुर कार्की, हस्त बहादुर कार्की लगायतको गरी करीब १५ वटा मरेको वडाध्यक्ष अनिश कार्कीले बताउनुभयो । हस्त बहा...

खोटाङ, जेठ १२ गते । बिहिबार साँझ वर्षासँगै आएको हावाहुरीले खोटाङमा घर तथा विद्यालयमा क्षती पु¥याएको छ । हावाहुरीले दिप्रुङ चुईचुम्मा गाउँपालिका–४ बतासेस्थित महेन्द्रतारा आधारभुत विद्यालयको दुई वटा भवनको छाना उँडाएको हो । सोही पालिकाका विभिन्न ठाउँका ५ वटा घरको छाना पनि उँडाएको छ । विद्यालयको छाना उँडाएपछि आइसिटी कक्षाको कम्प्युटर, डेस्क बेञ्च लगायतका सामान भिजेको छ । आइसिटी कक्षासँगै कक्षा ४ र कक्षा ५ पठन–पाठन हुँदैआएको भवनको छाना उडाएर पाखामा पु¥याएको गाउँपालिका अध्यक्ष लोकेन्द्र राईले बताउनुभयो । यस्तै, हावाहुरीले बतासे बोल्पाका रामबहादुर राईको घरको टिनको छाना र बरण्डा उँडाएर करिब ५० मिटर टाढा पु¥याइदिएको छ । गाउँपालिका–३ छोरम्बुका नारायणकुमारी राईको घरको खरको छानो, मानबहादुर सार्कीको बरण्डा, भरत पुर्कुटीको बरण्डा, धिरु खड्काको बरण्डा र टायलको छाना आवाहुरीले उडाएको छ । दिप्रुङ चुईचुम्...

खोटाङ, जेठ ८ । हलेसी तुवाचुङ नगरपालिकाले सञ्चालन गरेको नगर स्तरीय वार्षिक परिक्षामा उत्कृष्ट नतिजा ल्याउने ९ वटा विद्यालय र ६ जना विद्यार्थीलाई नगरपालिकाले पुरस्कार प्रदान गर्ने भएको छ । गत चैत ९–१६ गतेसम्म सञ्चालन भएको शैक्षिक सत्र २०७९ को वार्षिक परिक्षामा पहिलो, दोस्रो, तेस्रो हुने विद्यालय र कक्षा प्रथम हुने विद्यार्थीलाई नगरपालिकाले नगद पुरस्कार प्रदान गर्न लागेको हो । शैक्षिक सत्र २०७९ को कक्षा ४–९ सम्मको वार्षिक परिक्षा नगरपालिकाले (एसईई) मोडलमा सञ्चालन गरेको थियो । जसमा कक्षा ४ मा नगरपालिका भरीमा दामोदरमहासिंह आवि दुर्छिमका ब्रोलिजा राई ३.३४ जीपीए ल्याएर प्रथम भएकी छन् । कक्षा ५ मा हिमगंगा आवि अर्खौलेका भविन पुरी (३.४४ जीपीए), कक्षा ६ मा बुलापन्थे मावि धितुङका सुजना राई (३.२९ जीपीए) कक्षा ७ मा बुलापन्थे मावि धितुङका अनिल कट्वाल (३.०३ जीपीए), कक्षा ८ मा लक्ष्मी मावि बडहरेका गणेस दा...