Banner News 3

खोटाङ, असार १ । खोटाङको रावा बेसी गाउँपालिका–४ डुम्रेधारापानीका नागरिकले वडाको सेवा तीन ठाउँबाट पाउन थालेका छन् । भूगोल ठुलो भएको कारण वडा कार्यालयसम्म पुग्न नागरिकलाई सास्ती भएपछि तीन ठाउँबाट वडाको सेवा दिन थालिएको हो । भोर्लेनी, धारापानीका नागरिकलाई वडा कार्यालयसम्म आउन ४ घण्टा सम्म लाग्ने गरेको छ । त्यसैले सो क्षेत्रका नागरिकको समस्यालाई मध्यनजर गर्दै हप्ताको एक दिन भोर्लेनी गाउँ घर क्लिनिकबाट सोमबार र धारापानी स्वास्थ्य इकाइको भवनबाट बुधबार सेवा दिन सुरु गरिएको वडाध्यक्ष ज्ञानबहादुर पाण्डेले बताउनुभयो । पाण्डेले भन्नुभयो, “देशमा संघीयता आएको छ, अब गाउँ गाउँमा सिंहदरबार भनिएको छ तर वडा कार्यालयको सेवा लिनलाई दिननै माया मारेर ४ घण्डाको बाटो हिड्नु पथ्र्यो । त्यसैले नागरिकलाई संघीयताको प्रत्याभूती दिलाउन हामीले हप्ताको १÷१ दिन गरेर दुई दिन भोर्लेनी र धारापानीबाट वडाको सेवा दिन थालेका छौ...

खोटाङ, जेठ ३१ - खोटाङमा प्रसूति व्यथाले स्वास्थ्य अवस्था गम्भीर बनेकी एक सुत्केरीको निःशुुल्क हवाइ उद्धार गरिएको छ । जन्तेढुंगा गाउँपालिका–३ की २३ वर्षीया सुत्केरी गीता राईको राष्ट्रपति महिला उत्थान कार्यक्रमको हवाइ सेवाबाट खर्च व्यहोर्ने गरी उद्धार गरिएको हो । राईको बच्चा जन्मिएको तर प्लेसेन्टा र रक्तश्राव भई स्वास्थ्य अवस्था गम्भीर बनेकाले थप जटिलता आउन नदिन जिल्ला प्रशासन कार्यालयको पहलमा मंगलबार हेलिकप्टरबाट उद्धार गरी प्रसूति गृह, थापाथली, काठमाडौं पठाइएको सहायक प्रमुख जिल्ला अधिकारी विकल श्रेष्ठले जानकारी दिनुभयो । ज्यान जोखिममा परेका गर्भवती तथा सुत्केरीको उनीहरू उपचाररत स्थानीय स्वास्थ्य संस्थाले पठाएको पत्रका आधारमा जिल्ला प्रशासन कार्यालयले सिफारिस गरेपछि राष्ट्रपति महिला उत्थान कार्यक्रम, महिला, बालबालिका तथा ज्येष्ठ नागरिक मन्त्रालय, सिंहदरबार, काठमाडौंले पठाएको हेलिकप्टरबा...

खोटाङ, जेठ २९ – दलित समुदायको सशक्तीकरण तथा नेतृत्व विकासका लागि खोटाङमा तालिम सञ्चालन गरिएको छ । खोटाङ दलित विकास मञ्चको आयोजना र रावाबेँसी गाउँपालिकाको प्रायोजनमा तीन दिवसीय ‘दलित सशक्तीकरण तथा नेतृत्व विकास तालिम’ सञ्चालन गरिएको हो । जेठ २७, २८ र २९ गते रावाबेँसी गाउँपालिका–१, कुभिण्डेस्थित महिला भवनमा आयोजना गरिएको तालिममा रावाबेँसी गाउँपालिकाका ६ वटै वडाका दलित कार्यपालिका सदस्य, दलित महिला सदस्य र दलित समुदायका अगुवाहरू गरी ४१ जना सहभागी थिए । तालिमका सहभागीलाई मिलन चाहार,पर्शुराम विश्वकर्मा, दीपक ठटाल, विष्णु उपरकोटी र निता विशुंखेले प्रशिक्षण दिएका थिए । दलितहरूको नेतृत्व विकास गर्ने, जातीय विभेदविरुद्ध अभियान सञ्चालन गर्ने, आन्तरिक विभेद अन्त्य गर्न प्रेरित गर्ने र व्यवहार परिवर्तन गर्ने उद्देश्यले तालिम आयोजना गरिएको खोटाङ दलित विकासका अध्यक्ष मिलन चाहारले बताउनुभयो ।...

खोटाङ, जेठ २८ । रावा बेसी गाउँपालिका–६ हौँचुर स्थित हौँचुर स्वास्थ्य चौकीलाई फ्रीज र बेड प्राप्त भएको छ । रोजगारीको सिलसिलामा हाल परदेशमा रहेका सोही गाउँका युवाहरुले सो सामाग्री सहयोग गरेका हुन् । कतारमा रहनुभएका गजेन्द्र खालिङ राईको नेतृत्वमा पोर्चुगलमा रहनुभएका प्रेम राई, कतारमै रहनुभएका संगम कार्की, शान्तीराम नेपाल, मदन गुरुङ, डिक बहादुर गुरुङ, होमकाजी गुरुङ, राजकुमार राई, रबिन गुरुङ र सन्तोष खालिङ राईको समुहले रु ४५ हजार बराबरको उक्त सामाग्री प्रदान गर्नुभएको हो । हाल ललितपुरमा बस्दै आउँनु भएका सोही गाउँका सम्मर खड्काको पनि सहयोग रहेको समुहको नेतृत्व गर्नुभएका राईले बताउनुभयो । प्राप्त सामाग्री सहगोगिदाता मध्येका एक खड्का र वडाध्यक्ष चिरञ्जीवि कार्कीले स्वास्थ्य चौकीलाई हस्तान्त्रण गर्नुभएको छ । यसअघि उपचारमा आएका बिरामी सुत्ने बेडको अभाव र औषधी राख्न फ्रीजको अभाव रहेको थियो । अब सो ...

खोटाङ, जेठ २४ । खोटाङका विभिन्न विद्यालयमा पाठ्यपुस्तक नपुग्दा पढाइ प्रभावित भएको छ । स्थानीय तहको निर्वाचनलगत्तै विद्यालय खुले पनि अहिलेसम्म सबै विद्यालयमा पाठ्यपुस्तक पुगेको छैन । पाठ्यपुस्तक उपलब्ध नहुँदा पठनपाठनमा समस्या भएको हो । जिल्लामा ४ सय ८६ वटा सामुदायिक विद्यालय छन् । तीमध्ये करिब आधा विद्यालयमा मात्र पुस्तक पुगेको शिक्षा विकास तथा समन्वय इकाइ खोटाङका प्रमुख सेमन्त गौतमले बताउनुभयो । त्यसमा पनि यस शैक्षिक सत्रदेखि कक्षा ४, ७ र ९ को पाठ्यक्रम र पाठ्यपुस्तक परिवर्तन भएको छ । जसका कारण हालसम्म यी कक्षाका पाठ्यपुस्तक जिल्ला आइपुगेको छैन । ‘अन्य कक्षाका आधाजति पाठ्यपुस्तक आइपुगेको छ । तर, कक्षा ४, ७ र ९ को पाठ्यक्रम र पाठ्यपुस्तक परिवर्तन भएकाले पठनपाठन अन्योल बनेको छ,’ इकाइ प्रमुख गौतमले भन्नुभयो ।...

खोटाङ, जेठ २३ । खोटाङमा सामान्य वादविवादको क्रममा धकेलेर लडाउदा एक बृद्धको मृत्यु भएको छ । जिल्लाको केपिलासगढी गाउँपालिका–२ खार्ताम्छा का २९ बर्षीय मन कुमार राईले सामान्य वादविवाद हुँदा धकेलेर लडाउदा सोही ठाउँका ६९ बर्षीय हरी प्रसाद राईको मृत्यु भएको हो । गत १९ गते राती ११ बजे आपसी बिवाद हुँदा धकेलेर लडाउदा हरी प्रसाद घाइते भएका थिए । उनको न्युरो अस्पताल काठमाण्डौमा उपचारको क्रममा हिजो राती १ बजे मृत्यु भएको जिल्ला प्रहरी कार्यालय खोटाङका सूचना अधिकारी प्रहरी निरिक्षक शंकर चौधरीले जानकारी दिनुभयो । घटनामा संलग्न राईलाई जिल्ला प्रहरी कार्यालय खोटाङले पक्राउ गरी थप अनुसन्धान गरिरहेको प्रहरी निरिक्षक चौधरीले बताउनुभयो । मृतक हरी प्रसाद धकेल्ने मन कुमारका फुपाजु समेत रहेको बताइएको छ ।...

खोटाङ, जेठ २२ । जिल्ला स्वास्थ्य कार्यालय खोटाङले च्यास्मिटार स्वास्थ्य चौकीलाई २ लाख बराबरको स्वास्थ्य सामाग्री दिएको छ । कार्यालय प्रमुख पुण्य प्रसाद सिक्देल र कार्यालयका कार्यक्रम अधिकृत जीवन चौलागाईको उपस्थितीमा आज स्वास्थ्य चौकीलाई सो सामाग्री हस्तान्त्रण गरिएको हो । प्रदेश नम्बर १ को ग्रामिण आमा सुरक्षा कार्यक्रम अन्तरगत खोटाङका दुई स्वास्थ्य चौकी छनोट भएका छन् । जसमा दिक्तेल रुपाकोट मझुवागढी नगरपालिका–४ खाल्ले स्थित खाल्ले स्वास्थ्य चौकी र हलेसी तुवाचुङ नगरपालिका–३ च्यास्मिटार स्थित च्यास्मिटार स्वास्थ्य चौकी छनोट भएका हुन् । सोही कार्यक्रम अन्तरगत खाल्ले स्वास्थ्य चौकीलाई हिजो र च्यास्मिटार स्वास्थ्य चौकीलाई आज सामाग्री हस्तान्त्रण गरिएको जिल्ला स्वास्थ्य कार्यालय प्रमुख सिक्देलले बताउनुभयो । जिल्लाका ५९ स्वास्थ्य चौकीमा बर्थिङ सेन्टर जडान भएका छन् तर, आवश्यक सबै स्वास्थ्य सामग्र...

खोटाङ, जेठ २१ । हलेसी तुवाचुङ नगरपालिकाले उच्च शिक्षा अध्यान गर्ने विपन्न दलित समुदायका विद्यार्थीलाई नगरले छात्रवृत्ति प्रदान गर्ने भएको छ । १६ औँ राष्ट्रिय जातीय भेद्भाव तथा छुवाछुत उन्मुलन दिवसको अवसरमा आज नगरपालिकाले यस्तो निर्णय गरेको हो । नगरपालिकाको ७ नम्बर वडा स्थित एक दलित समुदायमा आज दिवसको अवसरमा शुभकामना आदनप्रदान एवं अन्तरक्रिया कार्यक्रमको आयोजना गरिएको थियो । सोही कार्यक्रममा पुग्नु भएका नगर प्रमुख विमला राई र वडाध्यक्ष कमल गिरीले विपन्न दलित समुदायका बिद्यार्थीलाई उच्च शिक्षा लिन सहज होस् भन्ने हेतुले छात्रवृत्ति दिने निर्णय गर्नु भएको नगरपालिका एम.आइ.एस. अपरेटर विजय बिश्वकर्माले बताउनुभयो । के कती छात्रवृत्ति दिने भन्ने बिषयमा छलफल गरिने नगर प्रमुख राईको भनाइ छ । यस्तै आजै सोही कार्यक्रममा विपन्न दलित समुदायका मानिसलाई बिरामी हुँदा उपचारमा समेत नगरपालिकाले आर्थीक सहयोग ग...

खोटाङ, जेठ १९ । खोटाङको हलेसी तुवाचुङ नगरपालिकाले सामुदायिक विद्यालयमा अंग्रेजी माध्यमबाट पठनपाठन गर्ने तयारी गरेको छ । नगर प्रमुख विमला राईको अध्यक्षतामा बुधबार बसेको शिक्षा शाखा समितिको बैठकले यस्तो निर्णय गरेको हो । अंग्रेजी माध्यमबाट के कसरी पठनपाठन गर्न सकिन्छ भन्ने विषयमा छलफलका लागि शुक्रबार सबै बिद्यालयका प्रधानाध्याप, विद्यालय व्यवस्थापन समिति अध्यक्ष र ११ वटै वडाका वडाध्यक्षहरुलाई अन्तरक्रियाका लागि बोलाइएको नगरपालिकाले जनाएको छ । नगरपालिकामा नयाँ जनप्रतिनिधि आएपश्चात पहिलो पटक बसेको शिक्षा शाखा समितिको बैठकले शैक्षिक गुणस्तरकालागि अन्य ४ निर्णय समेत गरेको शिक्षा शाखा संयोजक पदम बहादुर कार्कीले जानकारी दिनुभयो । कार्कीका अनुसार अति न्यून विद्यार्थी भएका विद्यालयको समायोजन, कक्षा घटुवा गर्ने साथै बढी विद्यार्थी भएका विद्यालयमा कक्षा थप एवं शिक्षक व्यवस्थापन गर्ने निर्णय गरिएको छ ...

खोटाङ, जेठ १८ । खोटाङमा यो वर्ष पनि अमेरिकन फौजी किरा देखिएको छ । जिल्लाको बिभिन्न ठाउँमा अघिल्लो वर्ष जस्तै यो वर्ष पनि मकैमा फौजी किरा लागेको कृषकहरुले बताएका छन् । जिल्लाको दिक्तेल रुपाकोट मझुवागढी नगरपालिकाको अधिकांश ठाउँमा मकैमा फौजी किरा देखिएको छ । दिक्तलसँगै रावा बेसी, दिप्रुङ चुइचुम्मा र साकेला गाउँपालिकामा पनि फौजी किरा देखिएको छ । फौजी किरा देखिएपछि मकै उत्पादनमा कमी आउने डरले कृषकहरु चिन्तीत बनेका छन् । हुर्किरहेको मकैको पात खाएर छिद्रा बनाइदिएको, मकैको गुभोको हरियो भाग खाएर मकै नष्ट हुने अवस्थामा पुगेको कृषकहरुको दुखेसो छ । यस्तै घोका लाग्ने थालेका मकैको घोगामा समेत क्षती पु¥याएको कृषक बताउछन् । कृषकहरुको मकैमा फौजी किरा लागेको थाहापाएपछि यतिबेला किरा व्यवस्थापन अर्थात नियन्त्रणका लागि स्वयं स्थानीय तह र कृषी ज्ञान केन्द्र खोटाङ लागिपरेको छ । जिल्लाको दिप्रुङ चुइचुम्मा गाउँप...