Banner News 3

खोटाङ, चैत ०१ । खोटाङको साकेला गाउँपालिका–५ चुम्लुङमा आगलागी हुँदा एक घर जलेर नष्ट भएको छ । घरमा अभिभावक नभएको समयमा बच्चाले लाइटर खेलाउने क्रममा घरमा आगो सल्किँदा जडिमान राईको घर जलेर नष्ट भएको स्थानीय खियामा राईले जानकारी दिनुभयो । मंगलबार दिउँसो १ः३० बजेको समयमा बच्चाले लाइटर खेलाउने क्रममा घरमा आगो सल्किएको थियो । आगलागी भएको केही समयपछि स्थानीयले थाहा पाएर बच्चालाई जोगाए पनि फुसले छाएको बाँस र माटोबाट बनेको घर जलेर पूर्ण रूपमा नष्ट भएको छ । घर जल्दा घरभित्र रहेको एक तोला सुन, ५० हजार नगद, अन्नपात, लत्ताकपडा र भाडावर्तन जलेर नष्ट भएको छ । क्षतिको यकिन विवरण आउन बाँकी छ ।...

खोटाङ, चैत ०१ । आगामी वैशाख ३० गते हुने स्थानीय तहको चुनावका लागि म्यादी प्रहरीमा भर्ना खुलेको छ । नेपाल प्रहरीले एक लाख जना म्यादी प्रहरीका लागि भर्ना खुलाएको हो । इच्छुकले यही चैत ६ देखि ११ गतेसम्म महानगरीय प्रहरी परिसर काठमाण्डौ, ललितपुर र भक्तपुरसहित ७७ वटै जिल्ला प्रहरी कार्यालयमा आवेदन दिन पाउनेछन् । नेपाली नागरिक, फौजदारी अभियोगमा कसुरदार नठहरिएको, राजनीतिक दलको कार्यकर्ता नरहेको, शारीरिक र मानसिक रूपमा स्वस्थ रहेको र साधारण लेखपढ गर्न जान्ने हुनुपर्नेछ । गएको साउन १ गतेदेखि नेपाल प्रहरीमा भर्ना हुन आवेदन दिएर शारीरिक तन्दुरुस्ती र स्वास्थ्य परीक्षणमा उत्तीर्ण भएका, सेना र प्रहरीबाट अवकाश पाएका, विदेशी सुरक्षा निकायबाट अवकाश पाएका र विगतमा म्यादी प्रहरीमा छनोट भएर सन्तोषजनक काम गरेकाहरूलाई प्राथमिकता दिइने नेपाल प्रहरीले जनाएको छ । म्यादी प्रहरीको अन्तिम नतिजा चैत २२ गते प्रकाशन...

खोटाङ, फागुन २५ । खोटाङमा ठूलो परिमाणको लागुऔषध गाँजासहित दुई जना पक्राउ परेका छन् । हलेसी तुवाचुङ नगरपालिका–५ बतासेघाटका ५१ वर्षीय युवराज राई र ३३ वर्षीय धिरज राई ३२ किलो ४ सय ८५ ग्राम गाँजासहित पक्राउ परेका हुन् । सोमबार दिउँसो १ बजे लागुऔषध गाँजाको कारोबार भइरहेको गोप्य सूचनाको आधारमा इलाका प्रहरी कार्यालय प्रमुख प्रहरी निरीक्षक प्रमोद कार्कीको कमाण्डमा हलेसीबाट खटिएको प्रहरी टोलीले उनीहरूलाई बतासेघाटबाटै पक्राउ गरेको जिल्ला प्रहरी कार्यालय खोटाङले बुधबार प्रेस विज्ञप्ति जारी गरेर जानकारी दिएको छ । बतासेघाट नजिक रहेको सुइटेखोला बगर किनारमा निलो प्लाष्टिकको त्रिपाल ओछ्याई सो त्रिपालमाथि बोराका पोकाहरू राखेर बिक्री गर्न लागिरहेको अवस्थामा उनीहरू पक्राउ परेका जिल्ला प्रहरी कार्यालय खोटाङका सूचना अधिकारी प्रहरी निरीक्षक सुरेशकुमार ठाकुरले जानकारी दिनुभयो । उनीहरूविरुद्ध पक्राउ परेकै दिन ...

खोटाङ, फागुन २४ । खोटाङका स्थानीय तहका लागि संघीय सरकारबाट विनियोजित बजेटमध्ये ७३.७६ प्रतिशत निकासा भएको छ । चालु आर्थिक वर्ष २०७८/०७९ का लागि संघीय सरकारले जिल्लाका दश स्थानीय तहका लागि ३ अर्ब ६१ करोड ४८ लाख ४४ हजार बजेट विनियोजन गरेको थियो । त्यसमध्ये तेस्रो त्रैमास (साउनदेखि फागुन) सम्म २ अर्ब ६६ करोड ६४ लाख ९९ हजार ३ सय ७५ रुपैयाँ निकासा भइसकेको कोष तथा लेखा नियन्त्रक कार्यालय खोटाङले जनाएको छ । संघीय सरकारबाट विनियोजित समानीकरण अनुदान, सशर्त अनुदान, समपूरक अनुदान र विशेष अनुदानबापतको कुल बजेट मध्येबाट ७३.७६ प्रतिशत रकम स्थानीय तहलाई हस्तान्तरण गरिसकिएको कार्यालयका सह–लेखापाल उत्तम आचार्यले जानकारी दिनुभयो ।उहाँका अनुसार यस अवधिमा प्रतिशत र बजेट दुवैको आधारमा सबैभन्दा बढी दिक्तेल रुपाकोट मझुवागढी नगरपालिकाका लागि ७५.०५ प्रतिशत अर्थात् कुल बजेट ६६ करोड २२ लाख ४८ हजारमध्ये ४९ करोड ७० ल...

युवराज भट्टराई खोटाङ, फागुन २३ । रावा बेसी गाउँपालिकाले महिला जनप्रतिनिधिलाई भाषण कला तालिम प्रदान गरेको छ । गाउँपालिकाको कार्यालय हरमटारमा प्रदान गरिएको महिला जनप्रतिनिधिका लागि ७ दिने भाषण कला सम्बन्धि तालिम तथा अभ्यास कार्यक्रम आज सम्पन्न भएको गाउँपालिकाले जनाएको छ । कार्यक्रममा रावाबेसी गाउँपालिकाका महिला जनप्रतिनिधिहरुको सहभागिता रहेको थियो । कार्यक्रमको सहजिकरण घनश्याम ढकालले गर्नु भएको हो । कार्यक्रममा समय र स्थान अनुसार भाषण कसरी गर्न सकिन्छ लगायतका विषयको सहजिकरण भएको गाउँपालिकाले जनाएको छ । कार्यक्रमको प्रमुख अतिथिको रुपमा बोल्दै गाउँपालिका अध्यक्ष लिलानाथ निरौलाले व्यत्तिगत क्षमता अभिवृद्धिका लागि सबै वर्ग समुदायका मानिसलाई सोही किसिमको तालिम प्रदान गर्दै आएको र आगामी दिनमा पनि प्रदान गर्ने बताउनुभयो ।...

खोटाङ, फागुन १९ । खोटाङको हलेसी तुवाचुङ नगरपालिकाले मेलमिलापकर्ताहरूलाई पुनर्ताजगी तालिम प्रदान गर्न थालेको छ । ‘हाम्रो समस्या, हाम्रै समाधान : मेलमिलाप’ भन्ने नारासहित बिहिबारदेखि तीन दिने मेलमिलापकर्ता पुनर्ताजगी तालिम सुरु भएको हो । नगरपालिकाको आयोजना र मेडिएसन नेपालको सहजीकरणमा शुक्रबार र आइतबारसमेत सञ्चालन हुने तालिमको नगरपालिकाकी उपप्रमुख एवं न्यायिक समिति संयोजक विमला राईले उद्घाटन गर्नुभएको हो । स्थानीय स्तरमा उत्पन्न हुने सानातिना विवाद निरुपणमा मेलमिलापकर्ताको सहजताका लागि तालिमको आयोजना गरिएको नगरपालिकाको प्रशासन शाखाका कम्प्युटर अपरेटर सयन्द्र राईले जानकारी दिनुभयो । वडाहरूमा स्थापना गरिएका मेलमिलाप केन्द्रमा आउने उजुरी सकभर त्यहीँबाट समझदारी गराई निरुपण गर्न मेलमिलापकर्ताको क्षमता विकासका लागि तालिम महत्त्वपूर्ण रहने उहाँको भनाइ छ । तालिममा नगरपालिकाको ११ वटै वडाका मे...

खोटाङ, फागुन १६ । हलेसी तुवाचुङ नगरपालिकाले चालु आर्थिक वर्ष २०७८/०७९ को हालसम्मको अवधिमा ४३.४९ प्रतिशत वित्तीय प्रगति हासिल गरेको छ । चालु आर्थिक वर्षका लागि नगरपालिकामा विनियोजित कुल बजेट ५८ करोड १६ लाख २८ हजार ४ सय ५० मध्ये अहिलेसम्म २५ करोड २९ लाख ५८ हजार ४ सय ४२ रुपैयाँ खर्च भएको हो । दुर्छिमस्थित होलेसुङ रिसोर्टमा सम्पन्न १० औं हिउँदे नगर सभामार्फत उक्त विषयको जानकारी दिइएको हो । नगरसभाबाट २० वटा योजनाहरू संशोधन गर्दै रकमान्तर गरिएको छ । चार ऐन पारित यस्तै नगर सभाले चार वटा ऐन पारित गरेको छ । नगर सभामा पेश भएको वन व्यवस्था ऐन–२०७८, संस्था ऐन–२०७८, हलेसी तुवाचुङ नगरपालिकामा कार्यरत कर्माचारीहरूको समायोजन गर्न बनेको ऐन–२०७८ र स्थानीय तहमा वातावरण तथा प्राकृतिक स्रोतको संरक्षण ऐन–२०७८ पारित भएको हो । सबै प्रस्ताव पारित नगरपालिकाभित्रका स्वास्थ्य स्वयंसेविकाहरूले तलब भत्ता वृद्...

खोटाङ, फागुन १६ । नेपाली कांग्रेस खोटाङले स्थानीय तह निर्वाचनको लागि घोषणा पत्र तयार गर्न ११ जनालाई जिम्मेवारी दिएको छ । आगामी बैशाख ३० गते हुने स्थानीय तहको निर्वाचनको लागि पार्टीको घोषणा पत्र तयार गर्न कांग्रेस खोटाङका नेता डा. राजकुमार राईको संयोजकत्वमा ११ जनालाई जिम्मेवारी दिएको हो । गत फागुन ७ गते बसेको नेपाली कांग्रेस खोटाङको बैठकले उहाँहरुलाई जिम्मेवारी दिएको कांग्रेसका जिल्ला सभापति बिष्णु कुमार राईले जानकारी दिनुभयो । समितिमाको सदस्यहरुमा पार्टीका सुभेच्छुक संगठनका जिल्ला अध्यक्ष एवं प्रतिनिधि रहेका छन् । समितिको संयोजकमा नेता डा. राईसँगै सदस्यहरुमा जर्ण चाम्लिङ (उपमहासचिव नेपाल शिक्षक संघ प्रदेश नम्बर १), मेजर राई (अध्यक्ष नेपाल शिक्षक संघ खोटाङ), उत्तम चौलागाई (नेपाल प्रेस युनियन खोटाङ), प्रकाश घिमिरे (अधयक्ष नेपाल निजामती कर्मचारी संघ खोटाङ), जयन्ती राई (नेपाल शिक्षक महासंघ उप...

राजकुमार भट्टराई (सरगम) खोटाङ, फागुन १२ । खोटाङको सबै भन्दा पुरानो लामीडाँडा विमानस्थल यतिबेला काम बिहिन बनेको छ । जिल्लाको रावाबेसी गाउँपालिका–३ लामीडाँडाामा वि.स. २०२८ सालमा निर्माण सम्पन्न पश्चात खोटाङवासीको यात्राको एक मात्र माध्यम भएको विमानस्थल अहिले काम बिहिन बनेको हो । कच्ची लामीडाँडा विमानस्थललाई पक्की बनाउन नेपाल नागरिक उड्डयन प्राधिकरणले रु ६ करोड ३४ लाख बजेट बिनियोजन गरेपछि निर्माण कम्पनी वाइएएन–एसएपी–सुर्य कन्ट्रक्सन जेभीले २०७३ साल कार्तिकमा विमानस्थल कालोपत्रेको सम्झौता गरेको थियो । सुरुमा गरेको सम्झौता अनुसार काम सम्पन्न नभएपछि पुनः म्याद थप गरेर विमानस्थल स्तरोन्नति पश्चात २०७६ असार ३ गते प्राधिकरणले समिट एयरको जहाजको सफल परीक्षण उडान गरेको थियो । कच्ची हुँदा हप्तामा दुई दिन उडान भइरहेको विमानस्थल स्तरोन्नति पश्चात नियमित उडान हुन्छ भन्ने स्थानीयवासीले सोचेका थिए । तर स...

खोटाङ, फागुन ११ । रावाबेसी गाउँपालिका–५, दुवेकोलका वृद्धवृद्धाले न्यानो कपडा र विद्यार्थीले पोशाक निःशुल्क पाएका छन् । वडाभित्रका ७५ वर्षमाथिका वृद्धवृद्धालाई ऊनको स्वेटर र टोपी, विद्यार्थीलाई विद्यालय पोशाक वडाले निःशुल्क प्रदान गरेको हो । वडाबाट आर्थिक वर्ष २०७८/०७९ मा विनियोजित रु. ३ लाख बजेटबाट पोशाक वितरण गरिएको वडासचिव शेरबहादुर दाहालले जानकारी दिनुभयो । ७५ वर्षमाथिका ६२ जना वृद्धवृद्धाले ऊनको न्यानो स्वेटर र टोपी पाएका छन् । यस्तै वडामा रहेका तीन वटा विद्यालय गंगोदय माध्यामिक, कालिका आधारभूत, खेती प्राथामिक विद्यालय र बालविकास केन्द्रका गरी जम्मा ४०० जना विद्यार्थीले विद्यालय पोशाक पाएका छन् । विद्यालय पोशाकमा छात्रलाई शर्ट पाइन्ट र छात्रालाई शर्ट फ्रक वितरण गरिएको सचिव दाहालले बताउनुभयो । हिजो र आज दुई दिन सम्पन्न वितरण कार्यक्रमको प्रमुख अतिथि रावाबेसी गाउँपालिकाका अध्यक्ष लिलान...