Banner News 3

फागुन ११ । जग्गाको नक्कली लालपूर्जा देखाएर बिक्री गर्ने भन्दै ३३ लाख रुपैयाँ ठगी गरेको आरोपमा प्रहरीले ओखलढुंगाका एक जनालाई पक्राउ गरेको छ । नक्कली लालपूर्जा र नक्सा देखाएर जग्गा बिक्री गर्न भन्दै ३३ लाख बैना लिएको आरोपमा ओखलढुंगाको चम्पादेवी गाउँपालिका–८ का ३९ वर्षका हितबहादुर बुढाथोकीलाई काठमाडौंको कपनबाट पक्राउ गरेको प्रहरीले जनाएको छ । महानगरीय अपराध महाशाखाका प्रहरी उपरीक्षक कृष्णप्रसाद कोइरालाका अनुसार बुढाथोकीमाथि काठमाडौंको साँखुस्थित साल्खा–६ (ख) मा रहेको दुई रोपनीमध्ये आठ आना जग्गा ३५ लाखमै पास गरिदिन्छु भनी पीडितसँग ३३ लाख लिएको आरोप छ । बुढाथोकीले रकम लिएर जग्गा पास गर्न आलटाल गरेपछि पीडितले मालपोत कार्यालयमा बुझ्दा सो जग्गा अर्कैको नाममा दर्ता भएको थाहा पाएपछि जाहेरी दिएको प्रहरीको भनाइ छ । एसपी कृष्ण कोइरालाका अनुसार यस सम्बन्धमा आवश्यक अनुसन्धानका लागि बुढाथोकीलाई महानरी...

खोटाङ, फागुन ९ । नेकपा एमाले निकट विद्यार्थी संगठन अनेरास्ववियु खोटाङले स्ववियुको नमुना निर्वाचन गरेको छ । लामो समयदेखि हुन नसकेको स्ववियु निर्वाचन आवश्यक ‘छ’ वा ‘छैन’ भन्ने बुझ्न अनेरास्ववियुले दिक्तेल बहुमुखी क्याम्पसमा नमुना निर्वाचन गरेको हो । मतदानमा सहभागी २ सय ७८ जना विद्यार्थीहरूमध्ये २ सय १८ जनाले स्ववियु निर्वाचनको पक्षमा र ४७ जनाले विपक्षमा मतदान गरेका छन् । १३ मत भने बदर भएको अनेरास्ववियु खोटाङका सचिव विष्णु उपरकोटीले जानकारी दिनुभयो । स्ववियु निर्वाचन गराउन सम्बन्धित निकायलाई दबाब दिने उद्देश्यले विद्यार्थीको मत सर्वेक्षण गरिएको अनेरास्ववियु खोटाङका अध्यक्ष मोहन संग्रामले बताउनुभयो । स्ववियुको यो कार्यक्रमले नजिकिँदै गरेको स्थानीय तह निर्वाचनमा पहिलोपटक मतदान गर्ने नयाँ मतदाताहरूलाई पनि सहयोग पुगेको संग्रामको भनाइ छ । मतदानका लागि आवश्यक सामग्री जिल्ला निर्वाचन कार्य...

खोटाङ, फागुन ७ । ७२ औँ राष्ट्रिय प्रजातन्त्र दिवसका अवसरमा खोटाङका ५ जना कैदबन्दी रिहा भएका छन् । असल चालचलन भएका ६ जना कैदीबन्दीको कैद मिनाहाका लागि कारागार व्यवस्थापन विभाग, काठडमाडौंलाई सिफारिस गरिएकोमा ५ जनाको भुक्तान गर्न बाँकी कैद मिनाहा भएको जिल्ला कारागार खोटाङले जनाएको छ । राष्ट्रपति विद्यादेवी भण्डारीले मन्त्रिपरिषद्को सिफारिसमा कैदीबन्दीको भुक्तान हुन बाँकी कैद कट्टा गरी माफी मिनाहा दिनुभएको हो । कैद मिनाहा हुनेमा पाँचै जना पुरुष रहेका छन् । कर्तव्य ज्यान मुद्दाका २, ज्यान मार्ने उद्योगका २ र डाँका मुद्दाका १ जना कैदीको भुक्तान गर्न बाँकी कैद मिनाहा भएको जिल्ला कारागार खोटाङका कार्यालय सहयोगी ज्ञानप्रसाद आचार्यले जानकारी दिनुभयो । प्रजातन्त्र दिवसको अवसरमा सरकारले देशभरका ५ सय १ जना कैदीबन्दीको कैद सजाय माफी दिएको छ ।  ...

खोटाङ, फागुन ६ । नेपाल आदिवासी जनजाति महासंघ जिल्ला समन्वय परिषद् खोटाङले गाई गोरु काटमार गर्न पाउनुपर्ने माग गर्दै प्रदेश १ का सामाजिक विकास मन्त्री राजन राई र खानेपानी, सिँचाइ तथा ऊर्जामन्त्री रामकुमार राई ‘पासाङ’लाई ज्ञापनपत्र बुझाएको छ । गठबन्धनमा आबद्ध खोटाङका राजनीतिक दलले मन्त्रीद्वयलाई बधाइ तथा शुभकामना आदानप्रदान गर्न जिल्ला समन्वय समितिको समीक्षालय हलमा आयोजना गरेको कार्यक्रममा महासंघले ज्ञापनपत्र बुझाएको हो । मुलुकी अपराध संहिता, २०७४ को धारा २८९ आदिवासी जनजातिको परम्परागत धर्म संस्कृतिमा आघात पुग्ने खालको व्यवस्था भएकोले उक्त धारा खारेजीको माग गर्दै ज्ञापनपत्र बुझाइएको महासंघले जनाएको छ । ‘नेपालको संविधान भाग १ को धारा ४ मा नेपाल एक स्वतन्त्र, अभिभाज्य सार्वभौम सत्ता सम्पन्न, धर्म निरपेक्ष, समावेशी लोकतान्त्रिक गणतान्त्रात्मक राज्य हो भनी उल्लेख भएको छ । तर मुलुकी अपराध संहित...

खोटाङ, फागुन ५ । खोटाङको हलेसी तुवाचुङ नगरपालिकाले गरिबी निवारणका लागि सीपमुलक तालिम प्रदान गर्नेभएको छ । नगरपालिकाको आर्थीक वर्ष २०७८\०७९ को गरिबी निवारणका लागि लघु उद्यम विकास (मेडपा) कार्यक्रम अन्तरगत बिभिन्न चार प्रकारका सीप मुलक तालिन निशुल्क प्रदान गर्न लागेको हो । मोटर साइकल र मिनिटिलर वर्कसव, इलेक्ट्रिसियन (वायरिङ, व्युटि पार्लर र बुटिङ सम्बन्धि तालिम प्रदान गर्न लागेको नगरपालिकाले सूचना प्रकाशन गरेर जानकारी गराएको छ । तालिम लिन इच्छुक व्यक्तिले फागुन ११ गतेसम्म सम्बन्धि वडा कार्यालय र नगरपालिकाको उद्यम विकास शाखामा आवेदन दिन सकिने नगरपालिकाका निमित्त प्रमुख प्रशासकीय अधिकृत रविकिरण आचार्यले जानकारी दिनुभयो ।...

खोटाङ, फागुन ५ । पाठेघर खसेर एवं पाठेघरमा क्यान्सर भएर कठिनाइ झेलिरहेका महिलालाई लक्षित गर्दै हलेसी तुवाचुङ नगरपालिकाले सञ्चालन गरेको निशुल्क शिविरबाट २ सय ७७ जनाले सेवा लिएका छन् । नगरपालिकाले नगर भित्रका चार स्वास्थ्य चौकीमा फागुन १,२,३ र ४ गते शिविर सञ्चालन गरेको थियो । फागुन १ गते वडा नम्बर १ बाहुनिडाँडामा सञ्चालन भएको शिविरबाट ७५ जनाले, २ गते वडा नम्बर ६ स्थीत मंगलटार स्वाथ्य चौकीबाट ५५ जनाले सेवा लिएको नगरपालिकाका स्वास्थ्य शाखा सह–संयोजक प्रकाश घिमिरेले जानकारी दिनुभयो । यस्तै ३ गते वडा नम्बर ९ स्थीत सल्ले स्वास्थ्य चौकीमा भएको शिविरबाट ९० जनाले र ४ गते वडा नम्बर १० अर्खौले स्थीत सहरी स्वास्थ्य केन्द्र नबलपुरमा भएको शिविरबाट ५७. जना गरी चार दिन सञ्चालन भएको शिविरबाट जम्मा २ सय ७७ जना महिलाले सेवा लिएको उहाँको भनाइ छ । पाठेघर खसेका र पाठेघरमा क्यान्सर भएका महिलाको पहिचान गर्ने र उप...

खोटाङ, फागुन ४ । आगामी वैशाख ३० गते हुने स्थानीय तह निर्वाचनमा खोटाङबाट मतदान गर्ने मतादताको संख्या १९ हजार बढीले वृद्धि भएको छ । २०७४ मंसिरमा सम्पन्न प्रतिनिधिसभा निर्वाचनमा जिल्लामा १ लाख २५ हजार १ सय ७८ जना मतदाता रहेका थिए । त्यसयता विभिन्न समयमा सञ्चालित फोटोसहितको मतदाता नामावली संकलन अभियानबाट १९ हजार २ सय ९६ जना नयाँ मतदाता थपिएका जिल्ला निर्वाचन कार्यालय खोटाङले जनाएको छ । योसँगै जिल्लामा कुल मतदाताको संख्या १ लाख ४४ हजार ४ सय ७४ पुगेको छ । कार्यालयका कम्प्युटर अपरेटर सञ्जीव खड्काले कुल मतदातामध्ये पुरुष मतदाताको संख्या ७५ हजार ४ सय ७८ र महिला मतदाताको संख्या ६९ हजार २६ जना रहेको जानकारी दिनुभयो । यद्यपी, निर्वाचन आयोगबाट अन्तिम विवरण नआएसम्म यसमा केही घटबढ भने हुन सक्ने उहाँको भनाइ छ । कार्यालयको प्रारम्भिक विवरण अनुसार जिल्लामा सबैभन्दा बढी दिक्तेल रुपाकोट मझुवागढी नगरपालिक...

खोटाङ, मफागुन ३ । खोटाङको सदरमुकाम दिक्तेलस्थित रत्नपार्कमा सपीङ कम्प्लेक्ससहितको चिल्ड्रेन पार्क निर्माण सम्पन्न भएको छ । निर्माण सम्पन्न पश्चात दिक्तेल रुपाकोट मझुवागढी नगरपालिकाका नगरप्रमुख दीपनारायण रिजाल र उपप्रमुख विणादेबी राईले आज संयुक्त रुपामा उद्घाटन गरेर पार्क सञ्चालनमा ल्याएका छन् । संस्कृति, पर्यटन तथा नागरिक उड्डयान मन्त्रालय र दिक्तेल रुपाकोट मझुवागढी नगरपालिकाको साझेदारीमा सपीङ कम्प्लेक्स सहितको चिल्ड्रेन पार्क निर्माण भएको हो । पर्यटन मन्त्रालयको २ करोड ५७ लाख र नगरपालिकाको १ करोड ८० लाख ८४ हजार ७५१ रुपैयाँ गरी ४ करोड ३७ लाख ८४ हजार ७५१ रुपैयाँमा उमा–लामा–अन्सुबी जेभीले पार्क निर्माण गरेको हो । २०७८ बैशाख २६ गते भएको सम्झौता अनुसार २०७९ बैशाख २६ गते निर्माण सम्पन्न गर्नुपर्ने थियो । तर निर्माण कम्पनीले सम्झौता भन्दा ३ महिना अघिनै संरचना निर्माण गरेर नगरपालिकालाइ बुझाए...

राजकुमार भट्टराई (सरगम) खोटाङ, फागुन २ । नेपालका बिभिन्न ठाउँमा मौरीलाई काठको बाकस, काठको खोपा, काठको मुडा आदिमा राखेर प्राचीन समय देखिनै पालन गर्ने गरेको बताइन्छ । पछिल्लो समय आधुनिक तरिकाबाट निकाल्न मिल्ने चौकोस फेर्म घारको आविष्कार भएसँगै यसको प्रयोग हुँदै आएको छ । केहि व्यक्तिले पुरानै घारमा अझै पनि मौरी पालन गरेको गाउँघरमा प्रसस्तै देख्न सकिन्छ । तर नेपालमा व्यवसायिक रुपमा मौरी पालन गरिएको भने कमै मात्रामा पाइन्छ । यसै शिलशिलामा खोटाङका तीन जनाले व्यवसायिक रुपमा मौरी पालन सुरु गरेका छन । जिल्लाको ऐसेलुखर्क गाउँपालिका–३ धोद्रे राई टोलका जीवन राई, हर्क बहादुर सुनुवार र रामबहादुर राईले व्यवसायिक रुपमा मौरी पालन सुरु गरेका हुन । ऐसेलुखर्क कृषी समुह मौरी ब्लक नामक कृषी फर्म दर्ता गरेर मौरी पालन सुरु गर्नुभएका उहाँहरुसँग अहिले १० घार मौरी रहेका छन । खरित गरेर ६० घार लगायपनि सुरुवाती दिनम...

खोटाङ, फागुन १ । आज २७ औँ जनयुद्ध दिवस खोटाङमा दीप प्रज्वलन गरेर मनाइएको छ । नेकपा माओवादी केन्द्र निकट विद्यार्थी संगठन अनेरास्ववियु क्रान्तीकारी खोटाङले जिल्ला सदरमुकाम स्थीत त्रिवेणिचोकमा दीप प्रज्वलन गरेर जनयुद्ध दिवस मनाएको हो । माओवादी केन्द्रका जिल्ला स्तरका नेता कार्यकर्ता एवं विद्यार्थी संगठनको उपस्थीतीमा “अनेरास्ववियू क्रान्तिकारी– जिन्दावाद”, “वीर शहिदहरु –अमर रहुन”, “नेकपा माओवादी केन्द्र –जिन्दावाद” लगायतका नारा लगाउदै आज साँझ ७ः३० बजे दीप प्रज्वलन गरेका हुन । १० वर्षे जनयुद्धलाई र त्यसको जगमा हासिल उपलब्धिलाई कसैले अवमूल्यन गरे त्यसको प्रतिकार गर्ने अनेरास्ववियु क्रान्तीकारी विद्यार्थी संगठन खोटाङका संयोजक एवं प्रदेश नम्बर एकका सचिव डिआर खड्काले बताउनुभयो । साथै जनता र राष्ट्रियताको रक्षाको पहरेदार माओवादीनै रहेको पनि उहाँको भनाइ छ । माओवादीले १० वर्षे सशस्त्र युद्ध सुरु ...