Banner News 3

खोटाङ, असोज १८ । खोटाङको रावा बेसी गाउँपालिका–१ कुभिण्डेमा दसैँको अवसरमा वडा स्तरीय पुरुष भलिबलसँगै विभिन्न प्रतियोगिताहरु सञ्चालन हुँदैछ । असोज २० देखि २२ गतेसम्म सञ्चालन हुने दसैँ विशेष कार्यक्रममा चार प्रकारका खेलसँगै सामुहिक नृत्य प्रतियोगिता हुनेछ । रावा बेसी गाउँपालिका र कुभिण्डे वडा कार्यालयको आर्थिक सहयोगमा कुभिण्डे खेलकुद विकास समितिले आयोजना गरेको कार्यक्रममा असोज २० देखि २२ सम्म वडा स्तरीय भलिबल प्रतियोगिता हुनेछ । भलिबलसँगै असोज २० र २१ गते ब्याडमिन्टन प्रतियोगिता पनि सञ्चालन हुनेछ । कार्यक्रमको अन्तिम दिन भलिबलको फाइनलसँगै छेलो हान्ने, पुरुष लङजम्प र सामुहिक नृत्य प्रतियोगिता हुने कुभिण्डेका वडाध्यक्ष गेहेन्द्र राईले बताउनुभयो । वडा स्तरीय पुरुष भलिबल प्रतियोगितामा एक जना खेलाडी वडा भन्दा बाहिरको पनि राख्न पाइने बताइएको छ । प्रथम हुने टिमले रु ७५ हजार नगदसहित शिल्ड, मेडल र प...

खोटाङ, असोज १७ । खोटाङको दिक्तेल रुपाकोट मझुवागढी नगरपालिका–५ लफ्याङमा डेढ लाख पुरस्कार राशिको वडा स्तरीय फुटबल प्रतियोगिता हुने भएको छ । “मझुवागढी कालिका भगवती दोस्रो संस्करण, ११–ए साइड खुल्ला अन्तर वडा स्तरीय पुरुष फुटबल कप” आगामी पुस २० देखि २७ गतेसम्म सञ्चालन हुने बताइएको छ । प्रतियोगिताको वडा कार्यालय आयोजक तथा नमुना स्पोर्टस क्लब सह–आयोजक रहेका छन् । प्रतियोगिता लफ्याङस्थित रणजितमान राई खेलमैदानमा सञ्चालन हुने खोटाङ जिल्ला फुटबल संघको कार्यालय दिक्तेलमा बिहिबार पत्रकार सम्मेलन गरेर जानकारी गराइएको छ । एक टिममा १६ जना खेलाडी हुनेछन् । एउटा वडाले ३ जना जिल्ला भन्दा बाहिरको र ४ जना वडा बाहिरको तर जिल्ला भित्रको खेलाडी राख्न पाउने नमुना स्पोर्टस क्लकका पूर्वअध्यक्ष एवं खोटाङ जिल्ला फुटबल संघका महासचिव काजिमान राईले बताउनुभयो । प्रतियोगिताको प्रथम हुने टिमले १ लाख ५१ हजार १११ रुपैयाँ न...

खोटाङ, असोज १२ गते । खोटाङलाई तराईसँग जोड्ने फोक्सिङ्टार पुल सुनकोशी नदीले बगाएको छ । सुनकोशी नदीमा आएको बाढीले शनिबार अपरान्ह मोटरेबल पुल बगाएको स्थानीय विकास राईले जानकारी दिनुभयो । खोटाङको खोटेहाङ गाउँपालिका–९ लिच्कीराम्चे र उदयपुरको रौतामाई गाउँपालिका–५ आँपटार जोड्ने सुनकोशी नदीमा निर्माण गरिएको उक्त पुल ‘आर्क’ डिजाइनको रहेको थियो । १२० मिटर लामो पुल भ्याटसहित रु २२ करोड ६७ लाख ११ हजारमा पूरा गर्नेगरी निर्माण कम्पनीले ठेक्का लिएको थियो । करिब ११ वर्षमा निर्माण भएको पुल सञ्चालनमा आएको २ वर्ष नपुग्दै सुनकोशीले शनिबार बगाएको हो । फोक्सिङ्टारमा पुल बनेपछि पहाडी जिल्ला खोटाङ तराईसँग सिधा सडकमा जोडिएको थियो । दिक्तेल–गाईघाट सडकखण्डमा पर्ने सुनकोशीस्थित फोक्सिङ्टारमा मोटरेबल पक्की पुल सुनकोशीले बगाएसँगै खोटाङको तराईसँग सिधा सडक सम्पर्क टुटेको छ । पुल बगेपछि जिल्लावासी निराश भएका छन् ।...

खोटाङ, असोज ७ । माछा मार्न गएका युवा दुधकोशी नदीमा बेपत्ता भएका छन् । खोटाङको हलेसी तुवाचुङ नगरपालिका–६ मंगलटारका १८ वर्षीय घनश्याम पुलामी मगर दुधकोशी नदीमा बेपत्ता भएका हुन् । प्रत्यक्षदर्शीको भनाइ अनुसार माछा मार्न गएकाबेला नदीमा परेको चप्पल निकाल्न खोज्दा मगर नदीमै डुबेका हुन् । आइतबार मगर सहितको आठ जनाको समुह माछा मार्न दुधकोसी पुगेका थिए । चिप्लिएर खुट्टाको चप्पल नदीले बगाउन थालेपछि अठ्याउन खोज्दा मगर नदीमै बगेर बेपत्ता बनेको मंगलटारका वडाध्यक्ष गन राईले बताउनुभयो । साविकको मंगलटार–८ डाँडागाउँका मगर असोज ६ गते साँझ ५ बजेतिर कुखुरेबेँसीबाट बेपत्ता बनेका हुन् । घटनापछि प्रहरी र स्थानीयको टोलीले नदी आसपासमा बेपत्ता युवाको खोजी गरिरहेको वडाध्यक्ष राईले बताउनुभयो ।...

खोटाङ, असोज ६ । जिल्ला सदरमुकाम दिक्तेलस्थित माटिकोरे खेल मैदानमा सोबारबाट भेट्रान फुटबल प्रतियोगिता सुरु हुँदै छ । तेस्रो केएफए अन्तर संस्थागत तथा भेट्रान फुटबल प्रतियोगिता सोमबार बिहान १०ः३० बजे उद्घाटन हुनेछ । खोटाङ फुटबल एकेडेमी मुख्य आयोजक एवं मनोज स्मृति प्रतिष्ठान सह–आयोजक रहेको यस प्रतियोगिताको तेस्रो संस्करणमा १० टिमले सहभागि जनाएका छन् । सोमबार भोली हुने उद्घाटन खेलमा दिक्तेल रुपाकोट मझुवागढी नगरपालिका र दिप्रुङ चुइचुम्मा गाउँपालिकाबीच प्रतिस्पर्धा हुने छ । खेल बिहान ११ बजे सुरु हुने आयोजक संस्था केएफएका मुख्य प्रशिक्षक रोशेष श्रेष्ठले जानकारी दिए । प्रतियोगिताको दोस्रो खेल सोमबार दिउँसो १ बजे आयोजक केएफए र भुगर्व वेस्ट मेनेजमेन्ट प्रालि दिक्तेलबीच पतिस्पर्धा हुने छ । तेस्रो खेलमा दिउँसो ३ बजे नेर्पा स्पोर्टस क्लब र नुनथला स्पोर्टस क्लब भिड्ने छन् । पहिलो चरणको चौथो खेलमा मंगलब...

खोटाङ, असोज २ । नेकपा माओवादी केन्द्रको भातृ संगठन अखिल (क्रान्तिकारी) क्याम्पस कमिटिको आयोजनामा दिक्तेल बहुमुखी क्याम्पसमा वक्तृत्वकला प्रतियोगिता सम्पन्न भएको छ । संविधान दिवको अवसरमा बुधबार बिहान क्याम्पसमा आयोजना गरिएको वक्तृत्वकला प्रतियोगितामा एलिसा राई प्रथम हुनुभएको छ । “नेपालको संविधानमा शिक्षाको हक र वर्तमान अवस्था” विषयमा भएको प्रतियोगितामा सरोज कार्की दोस्रो, अनुसिल राई तेस्रो र जीवन गजमेर चौथो हुनुभएको छ । प्रथम, दोस्रो, तेस्रो र चौथो हुनेलाई क्रमश २ हजार, १५ सय, १ हजार र ५ सय रुपैयाँ नगद पुरस्कारसहित प्रमाणपत्र प्रदान गरिएको अखिल (क्रान्तिकारी) क्याम्पस कमिटिका अध्यक्ष ललिजन राईले बताउनुभयो । कक्षा ११ र १२ स्तरीय वक्तृत्वकला प्रतियोगितामा १३ जना विद्यार्थीले भाग लिएका थिए । क्याम्पस सञ्चालक समिति अध्यक्ष दुर्गाजयन्ति राई को प्रमुख आतिथ्यतामा सम्पन्न कार्याक्रममा करिब २०० वि...

खोटाङ, भदौ ३० । खोटाङमा स्वास्थ्यकर्मी सुतेकै ठाउँमा मृत भेटिएका छन् । साकेला गाउँपालिका–३ खिदिमास्थित सामुदायिक स्वाथ्य सेवा इकाइ केन्द्र किवामा कार्यरत अहेव मणि घिमिरे मृत भेटिएका हुन् । शनिबार राती सुतेका अहेव घिमिरे आइतबार बिहान मृत भेटिएको जिल्ला प्रहरी कार्यालय खोटाङले जनाएको छ । दिप्रङ चुइचुम्मा गाउँपालिका–७ टेम्मा घर भएका २९ वर्षका घिमिरे डेढ वर्ष अघिदेखि साकेला गाउँपालिकामा कार्यरत थिए । साकेला गाउँपालिका–५ मात्तिममा साथीको घरमा सुतेको अवस्थामा अहेव घिमिरे मृत भेटिएको डिएसपी पुरुषोत्तम खड्काले बताउनुभयो । सुतेको ठाउँमा मृत भेटिएका अहेव घिमिरे दीर्घरोगी रहेको बताइएको छ । मुटु सम्बन्धि समस्या भएका घिमिरेले नियमित औषधी सेवन गर्दै आएका थिए । कोल्टे परेर सुतेको अवस्थामा उनी मृत भेटिएपछि उक्त घरका ब्यक्तिले प्रहरीलाई खबर गरेको डिएसपी खड्काको भनाइ छ । कानुनी प्रक्रियाका लागि जिल्लाबाट ...

खोटाङ, भदौ २९ । खोटाङको हलेसी तुवाचुङ नगरपालिकाले आर्थिक वर्ष २०८०/०८१ को सार्वजनिक सुनुवाइ गरेको छ । नगरपालिकामा वर्ष भरी सञ्चालन भएका योजना तथा कार्यक्रम र आय–व्ययको शुक्रबार सार्वजनिक सुनुवाइ गरेको हो । नगरपालिकाले आर्थिक वर्ष ८०/८१ मा रु ७० करोड ५७ लाख २४ हजार ५८ रुपैयाँ बजेट विनियोजन गरेको थियो । जसमा कुल बजेटको ८३.५४ प्रतिशत खर्च भएको वार्षिक सार्वजनिक सुनुवाइ प्रतिवेदनमा उल्लेख गरिएको छ । यस्तै, नगरपालिकाले आर्थिक वर्ष ०८०/८१ मा रु १ करोड ५० लाख ९४ हजार ९ सय ३० रुपैयाँ राजश्व संकलन गरेको जनाएको छ । सुशासन र पारदर्शिताको लागि हलेसी तुवाचुङ नगरपालिकाले हरेक अर्ध वार्षिक र वार्षिकरुपमा सार्वजनिक सुनुवाइ गर्दै आएको छ । आगामी दिनमा अझ चार चार महिनाको अन्तरमा नगरपालिमा भइरहेको कामहरुको विषयमा सार्वजनिक सुनुवाइ गर्ने मेयर विमला राईले बताउनुभएको छ । नगरपालिकामा भएको सार्वजनिक सुनुवाइ एवं...

खोटाङ, भदौ २२ गते । प्रसिद्ध त्रि–धार्मिक स्थल हलेसीमा साढे ८ करोडको योजना शिलान्यास भएको छ । हलेसी बजार परिसर सडक ढलान, पर्यटकीय स्थल रक गार्डेन जाने सडक ढलान लगायतको योजना पूर्व सहरी विकास मन्त्री माननीय सीता गुरुङले शिलान्यास गर्नु भएको हो । चन्द्र ज्योति कन्स्ट्रक्सनले भ्याटसहित ८ करोड, ३९ लाख, ५१ हजार ७७४ रुपैयाँमा ठेक्का सम्झौता गरेको उक्त योजना अन्तरगत बजार एवं मन्दिर परिसरको सडक ढलान गरेर त्यसमाथि आकर्षक ढुंगा बिछ्याइने छ । सोही योजना अन्तरगत मध्यपहाडि लोकमार्गबाट पर्यटकीय स्थल रक गार्डेन जाने १२ सय मिटर सडक ढलान हुनेछ । यस्तै, हलेसी प्रवेश गेट नजिकै सवारी साधन पार्किङ स्थल निर्माण हुने सघन सहरी तथा भवन निर्माण आयोजना ओखलढुंगाका इन्जिनियर गणेस पाण्डेले बताउनुभयो । २०८१ जेठ २९ गते ठेक्का सम्झौता भएको उक्त योजना आगामी असार मसान्तसम्मा सक्नु पर्ने छ । सम्झौता मिति भित्र सम्पन्न गर्न...

खोटाङ, भदौ ८ । विद्यालय गएका खोटाङका दुई बालक कहिले घर नफर्किने गरी अस्ताएका छन् । गाउँकै खोलाले उनीहरुको ज्यान लिएको छ । विद्यालयबाट घर फर्कने क्रममा दुई बालको खोलामा डुबेर मृत्यु भएको हो । ऐसेलुखर्क गाउँपालिका–१ राखाबांदेलका भोजकुमार राईका ९ वर्षका छोरा राज राई र सोही गाउँका टंकराम राईको ११ वर्षका छोरा अर्जुन राईको खोलामा डुबेर मृत्यु भएको हो । स्थानीय चङ्खु खोलाको दहमा पौडी खेल्ने क्रममा उनीहरुको डुबेर मृत्यु भएको हो । साविकको राखाबांदेल–६ खिरुका राज सोही ठाउँमा रहेको जनहित प्राविमा कक्षा ४ मा र अर्जुन कक्षा ५ मा अध्ययनरत थिए । शुक्रबार स्कुलबाट घर फर्कनेक्रममा पौडी खेल्न दहमा पसेका दुई बालकको दुबेर मृत्यु भएको जिल्ला प्रहरी कार्यालय खोटाङका डिएसपी पुरुषोत्तम खड्काले बताउनुभयो । चङ्खु खोला हिउँदमा सानो भए पनि वर्षामा ठूलो हुने गरेको छ । स्थानीयले हिउँदको समयमा गाईवस्तुलाई पानी खुवाउनक...