Banner News 1

खोटाङ कार्तिक १३ गते : जिल्लाको दिक्तेल रुपाकोट मझुवागढी नगरपालिकाले महिलाहरूलाई स्वरोजगार बनाउन तीन महिने सीपमूलक ढाका बुनाइ तालिम प्रदान गरेको छ । आर्थिक रुपमा आत्मनिर्भर बनाउने उद्देश्यका साथ नगरपालिकाको ९ नं. वडा निर्मलीडाँडास्थित साकेला महिला समूहका ७ जना महिलालाई तालिम दिइएको नगरपालिकाकी उपप्रमुख विणादेवी राईले जानकारी दिनुभयो । नगरपालिका र ९ नं. वडाको आर्थिक सहयोगमा गत साउन १४ गतेबाट सुरु तालिममा चन्द्रकला राईले सहजीकरण गर्नुभएको थियो । तालिममा सहभागी महिलाले ढाकाको कपडाबाट साडी, कोट, सललगायतका कपडा बनाउन सिकेका छन् । उनीरूले उत्पादनसमेत थालिसकेका र ठूलो मात्रामा उत्पादन गरे नगरपालिकाले बजारीकरणमा सहयोग गर्ने उपप्रमुख राईले बताउनुभयो । तालिमका समापनका अवसरमा आज प्रशिक्षिकालाई प्रशंसापत्र र प्रशिक्षार्थीहरूलाई प्रमाणपत्र प्रदान गरिएको छ । नगरपालिकाले विगतका वर्षमा पनि नगरभित्रका ...

पवन खड्का/११ कात्तिक, खोटाङ । खोटाङ सदरमुकाम दिक्तेलस्थित दिक्तेल बहुमखी क्याम्पसमा अध्ययन गर्ने दलित विद्यार्थीले उच्च शिक्षा निःशुल्क लिन पाउने भएका छन् । दिक्तेल रुपाकोट मझुवागढी नगरपालिकाले उक्त क्याम्पसमा अध्ययन गर्ने दलित समुदायका विद्यार्थीलाई पूर्ण छात्रवृत्ति प्रदान गर्न थालेको हो । क्याम्पसमा बिहिबार आयोजित कार्यक्रमकाबीच शैक्षिक सत्र २०७८ मा क्याम्पसमा भर्ना भएका २९ जना दलित छात्रछात्रालई छात्रवृत्ति प्रदान गरेर नगरपालिकाले पूर्ण छात्रवृत्ति वितरण कार्यक्रमको सुरुवात गरेको हो । उच्च शिक्षा अध्ययन गर्ने दलित विद्यार्थीलाई पूर्ण छात्रवृत्ति प्रदान गर्ने नगरपालिकाको नीतिगत निर्णयअनुसार चालु शैक्षिक सत्रबाट यो कार्यक्रम सुरु गरिएको उपप्रमुख विणादेवी राईले बताउनुभयो । यो वर्ष कोरोना महामारीका कारण छात्रवृत्ति वितरण गर्न भने केही ढिलाइ भएको उहाँको भनाइ छ । शिक्षामा समतामूलक पहुँच ...

खोटाङ कार्तिक ९ गते : जिल्लामा ट्राफिक नियम विपरीत सञ्चालन भएका सवारी साधन कारबाहीबाट संकलन हुने राजश्वमा वृद्धि भएको छ । जिल्ला ट्राफिक प्रहरी कार्यालय खोटाङले पछिल्लो एक महिनामा ४ लाख ७० हजार राजश्व संकलन गरेको छ । जिल्ला ट्राफिक प्रहरी इन्चार्ज दिलबहादुर खत्रीका अनुसार असोज महिनामा ५ सय ५० वटा सवारी साधन कारबाहीबाट उक्त परिमाणको राजश्व उठेको हो । अघिल्लो महिना भदौमा ५ सय ८७ सवारी साधन कारबाहीबाट ४ लाख ४४ हजार राजश्व संकलन भएको थियो । असोज महिनामा नेपालीहरूको महान चाड दसैँ परेकोले विगतमा भन्दा ट्राफिक सुरक्षा व्यवस्था कडा पारिएको तथा सोहीबीच बेमौसमी वर्षाले जिल्लाका विभिन्न स्थानमा सडक अवरुद्ध हुँदा सवारी साधन कम चलेकाले कारबाहीको संख्या भने केही घटेको खत्रीको भनाइ छ । ट्राफिक प्रहरीका अनुसार जिल्लामा सबैभन्दा बढी मोटरसाइकल कारबाहीमा पर्ने गरेका छन् । असोज महिनामा मात्र ३ सय २१ वटा मो...

खोटाङ कार्तिक ५ गते : जिल्लामा कोरोना भाइरसको सक्रिय बिरामीको संख्या १ मा झरेको छ । आज ८ जना संक्रमणमुक्त भएसँगै जिल्ला कोरोनामुक्त हुने दिशामा पुुगेको हो । अघिल्लो दिन हिजो जिल्लामा १० जना सक्रिय संक्रमित रहेकामा आज ८ जना निको भएको र १ जनालाई उपचारका लागि जिल्लाबाहिर रेफर गरिएको जिल्ला स्वास्थ्य कार्यालय खोटाङले जनाएको छ । यस्तै जिल्लामा आज थपिने संक्रमितको संख्या भने शूून्य रहेको छ । जिल्लाका विभिन्न स्थानमा १० जनाको एन्टिजेन परीक्षण गर्दा कसैमा पनि संक्रमण नदेखिएको हो । हालसम्म जिल्लामा ५२ हजार ५ सय २५ जनाले पहिलो र ४० हजार ९ सय ७९ जनाले पूर्ण मात्रा कोरोना विरुद्धको खोप लगाएका कार्यालयले जनाएको छ ।...

खोटाङ कार्तिक ४ गते : खोटाङमा कोरोना भाईरसका सक्रिय संक्रमितको संख्या १० मा झरेको छ । हिजो १८ जना सक्रिय संक्रमित रहेकोमा आज ९ जना निको भएर १ जना नयाँ संक्रमित थपिदा सक्रिय संक्रमितको संख्या १० मा झरेको जिल्ला स्वास्थ्य कार्यलय खोटाङले जनाएको छ । यस्तै लगातार तिन दिन नयाँ संक्रमितको संख्या शुन्य रहेकोमा आज एक जनामा कोरोना भाईरस संक्रमण पुष्टि भएको छ । जिल्लाको बिभिन्न ठाउँमा १० जनाको कोरोना परिक्षण गर्दा १ जनामा संक्रमण पुष्टि भएको जिल्ला स्वास्थ्य कार्यलय खोटाङका प्रमुख पुण्य प्रसाद सिक्देलले जानकारी दिनुभयो । जिल्लामा हाल सम्म ३ हजार ४६ जनामा कोरोना भाईरस संक्रमण पुष्टि भएको छ भने १५ जनाको भाईरसको कारण ज्यान गएको छ ।...

२४ असोज, खोटाङ । दसैँ, तिहारलगायत चाडपर्व मनाउन खोटाङ जिल्ला भित्रिनेको संख्या बढेको छ । जिल्लाबाहिर कर्मथलो बनाई जन्मथलो आउनेहरूको संख्या बढेको हो । शुक्रबारसम्म फाट्टफुट्ट मात्र यात्रु जिल्ला भित्रिएकोमा शनिबार र आइतबार जिल्ला भित्रिनेको संख्या बढेको जिल्ला ट्राफिक प्रहरी कार्यालय खोटाङले जनाएको छ । हालसम्म जिल्लाबाहिरबाट करिब एक हजार जना जिल्ला भित्रिएको जिल्ला ट्राफिक प्रहरी इन्चार्ज दिलबहादुर खत्रीले जानकारी दिनुभयो । जिल्लाबाट बाहिरिनेको संख्या भने न्यून रहेको उहाँको भनाइ छ । चाडपर्वमा यात्रु समस्यामा पर्न सक्ने कुरालाई मध्यनजर गर्दै सदरमुकाम दिक्तेलस्थित रत्नपार्कमा यात्रु सहायता कक्ष पनि सञ्चालनमा ल्याइएको छ । सहायता कक्षबाट भाडा दर, गाडी छुट्ने समय, यात्राको क्रममा सामान छुटे वा यात्रुमाथि अभद्र व्यवहार भए जानकारी लिनदिन सकिने ट्राफिक प्रहरीले जनाएको छ ।...

असोज ११ गते : उदयपुरको लिम्चुङबुङ गाउँपालिकाले सार्वजनिक बस सञ्चालन गर्ने भएको छ । जनप्रतिनिधिहरुका लागि छुट्याइएको सेवाबाट सार्वजनिक बस खरिद गरिएको गाउँपालिकाले जनाएको छ । गाउँपालिकाले सञ्चालन गर्न लागेको सार्वजनिक बस जिल्लाको सदमुकाम गाईघाट देखि लिम्चुङबुङ सम्म र लिम्चुङबुङ देखी छिमेकी जिल्ला खोटाङको हलेसी तुवाचुङ नगरपालिका ७ हलेसी मन्दिर सम्म सञ्चालन हुने गाउँपालिकाका अध्यक्ष मेजर राईले जानकारी दिनुभयो । सार्वजनिक बस सञ्चालनको सम्पुर्ण तयारी पुरा भएको र अबको एक साता भित्र बस सञ्चालनमा आउने अध्यक्ष राईले बताउँनु भयो । यस्तै, उक्त सार्वजनिक बसमा जेष्ठ नागरिक र पुर्णरुपमा अपाङगता भएकाहरुलाई शुल्क नलाग्ने गाउँपालिकाले जनाएको छ ।...

खोटाङ/असोज ०९ । नजिकिँदै गरेको दसैँलगायत चाडपर्वलाई लक्षित गर्दै खोटाङमा बजार अनुगमन सुरु गरिएको छ ।  जिल्ला प्रशासन कार्यालयको अगुवाइमा घरेलु तथा साना उद्योग कार्यालय, करदाता सेवा कार्यालय र स्थानीय तहका प्रतिनिधिको संयुक्त टोलीले बजार अनुगमन थालेको हो । चाडपर्वको समयमा व्यापारीहरूले जथाभावी मूल्य वृद्धि गर्ने, म्याद गुज्रिएका तथा गुणस्तरहीन वस्तु बिक्री गर्ने लगायतका समस्या रहेकाले त्यसो हुन नदिन अगाडि नै अनुगमन थालिएको प्रमुख जिल्ला अधिकारी मित्रलाल शर्माले जानकारी दिनुभयो । उहाँका अनुसार यसबीच हलेसी र दिक्तेलमा बजार अनुगमन गरिसकिएको छ । अनुगमनका क्रममा दुई स्थानमा गरेर करिब ४० हजार रकम बराबरको म्याद गुज्रिएका सामान नष्ट गरिएको छ । अनुगमन अगाडि नै कतिपय व्यापरीले सूचना चुहावटका कारण सामान लुकाउने गरेको प्रजिअ शर्माको भनाइ छ । सडकको अवस्था हेरेर यातायात आवागमन सहज भएका जिल्लाका अन्य स...

पवन खड्का/०८ असोज, खोटाङ । दुई नगरपालिका र ८ गाउँपालिका गरी १० स्थानीय तह रहेको खोटाङमा चार स्थानीय कोरोना भाइरस संक्रमणमुक्त भएका छन् । जिल्ला स्वास्थ्य कार्यालय खोटाङका अनुसार हलेसी तुवाचुङ नगरपालिका, केपिलासगढी गाउँपालिका, दिप्रुङ चुइचुम्मा गाउँपालिका र वराहपोखरी गाउँपालिका तत्कालका लागि संक्रमणमुक्त भएका हुन् । कोरोनाको दोस्रो लहरयता हालसम्म ३०१ जना संक्रमित देखिएको हलेसी तुवाचुङ नगरपालिका र १२४ जना संक्रमित देखिएको केपिलासगढी गाउँपालिकामा समान १–१ जनाको ज्यान जाँदा बाँकी निको भएका छन् । यस्तै २९५ संक्रमित देखएको दिप्रुङ चुइचुम्मा र ३१ संक्रमित देखएको वराहपोखरी गाउँपालिकामा सबै संक्रमणमुक्त भएका छन् । यी चार पालिकामा केही दिनयता संक्रमण शून्य रहेको जिल्ला स्वास्थ्य कार्यालय खोटाङका प्रमुख पुण्यप्रसाद सिग्देलले जानकारी दिनुभयो । यसैगरी १० स्थानीय तहमध्ये सबैभन्दा बढी ११ सय ५८ संक्रमि...

पवन खड्का/०६ असोज खोटाङ । खोटाङमा ट्राफिक नियम उल्लंघन गरी सवारी साधन चलाउनेको संख्या बढेको छ । जिल्ला ट्राफिक प्रहरी कार्यालय खोटाङले पछिल्लो दुई महिनामा कारबाही गरेका सवारी साधनको संख्याबाट ट्राफिक नियम उल्लंघन बढ्दो अवस्थामा रहेको पाइएको हो । जिल्ला ट्राफिक प्रहरी इन्चार्ज दिलबहादुर खत्रीका अनुसार भदौ महिनामा मात्र ट्राफिक नियम उल्लंघन गर्ने ५८७ सवारी साधनलाई कारबाही गरिएको छ । कारबाहीमा पर्ने सवारी साधनमा सबैभन्दा बढी मोटरसाइकल छन् । भदौमा मात्र ट्राफिक नियम विपरीत सञ्चालन गरिएका ३०८ मोटरसाइकल कारबाहीमा परेका छन् । यस्तै कार–जीप–भ्यान १३२, ट्रक ५०, ट्याक्टर ४९, टिप्पर १९, बस १५, अटो–टेम्पो १० र अन्य ४ वटा सवारी ट्राफिक प्रहरीको कारबाहीमा परेका छन् । ती सवारी साधन कारबाहीबाट ४ लाख ४४ हजार राजश्व संकलन गरिएको ट्राफिक प्रहरी कार्यालयले जनाएको छ । सवारी चालक अनुमतिपत्र नलिएका, हेल्मेट...