Banner News 1

खोटाङ, असोज २२ । आसन्न मंसिर ४ गते हुने प्रतिनिधि सभा र प्रदेश सभाको चुनावकालागि सिट भागबन्डामा खोटाङ कांग्रेसले असन्तुष्टि जनाएको छ । एक प्रतिनिधि सभा र दुई प्रदेश सभा रहेको जिल्लामा एक प्रदेश सभा मात्र आफ्नो भागमा परेपछि कांग्रेसले असन्तुष्टि जनाएको हो । सत्ता गठबन्धनको शीर्षस्थ निर्णय अनुसार प्रतिनिधि सभा नेकपा माओवादीको भागमा परेको । यस्तै, प्रदेश सभा ‘क’ एकीकृत समाजवादी र प्रदेश सभा ‘ख’ नेपाली कांग्रेसको भागमा परेको छ । केन्द्रको उक्त निर्णयप्रति आपत्ति जनाउदै जिल्लाका कांग्रेसका शीर्षस्थानका नेताहरुले केन्द्रीय समितिलाई पत्र पठाएका छन् । जिल्लामा सबै भन्दा ठुलो पार्टी रहेको कांग्रेसको भागमा एउटा प्रदेश सभा मात्र पर्नु ठुलो अन्याय भएको र उक्त निर्णय नसच्याए स्वातन्त्र उम्मेद्वारी दिन सक्ने पत्रमा लेखिएको छ । “एक संघ र दुई प्रदेश क्षेत्र भएको जिल्लामा संघमा माओवादी र प्रदेश क मा गठब...

खोटाङ, असोज १२ । खोटाङमा ट्याक्टरबाट खसेर एक जनाको मृत्यु भएको छ । जिल्ला सदरमुकाम दिक्तेलबाट खार्मी जाँदै गरेको ट्याक्टरबाट खसेर मंगलबार साँझ करीब ७ः३० बजे खार्मीका अन्दाजी ५३ बर्षिय टेक बहादुर राईको मृत्यु भएको जिल्ला प्रहरी कार्यालय खोटाङले जनाएको छ । गाउँमा किनारा पसल गर्दै आएका राई सामान लिन दिक्तेल आएका थिए । दिक्तेलबाट प्र. १.०२.००३ त १४९२ नम्बरको ट्याक्टरमा सामान लिएर जादै गर्दा सोल्मा डाडाँटोलमा ट्याक्टरको क्याविनबाट खसेर घाइते भएका राईलाई उपचारको लागि जिल्ला अस्पताल दिक्तेल ल्याइएको थियो । अस्पताल ल्याउने बित्तिकै उनको मृत्यु भएको बताइएको छ । बाटो अप्ठेरो भएका कारण गुड्दै गरेको ट्याक्टरबाट खसेर राईको मृत्यु भएको जिल्ला प्रहरी कार्यालय खोटाङका सूचना अधिकारी एवं प्रहरी निरीक्षक राम बालक रायले बताउनुभयो । राईको शव पोस्टमार्टम गरेर परिवारलाई जिम्मा लगाइने प्रहरीको भनाइ छ ।...

खोटाङ, असोज ६ । दिक्तेल रुपाकोट मझुवागढी नगरपालिका–११ खार्मीका स्थानीय सडक मर्मत गर्न आफै उत्रिएका छन् । बर्खाको पानीले गाउँघरका कच्ची सडक ठाउँ ठाउँमा पहिरो र बाढीले अबरुद्ध बनाएपछि स्थानीहरु आफै लागेर सडक मर्मत तथा सफा गरेका छन् । चाडपर्व नजिकीदै गर्दा गाउँमा खाद्यान्न सामान ढुवानी गर्न, एम्बुलेन्स आवतजावत गर्न समस्या भएपछि गाउँले सबै मिलेर सडक मर्मत तथा सफा गरिएको स्थानीय यामकुमार श्रेष्ठले बताउनुभयो । कुटो, कोदालो, बेल्चा, झम्पल लगायतका औजारको सहायतामा खार्मिको कागेनी चौतारादेखि बिसौनी डाँडासम्म करीब ४ किलोमीटर सडक मर्मत तथा सरसफाइ गरिएको उहाँको भनाइ छ । स्थानीय ३० जनाको सहभागितामा खोला खोल्सामा जाली एवं वाल लगाउने र पहिरो गएर पुरीएको ठाउँमा माटो पन्छाउने कार्य गरिएको स्थानीयहरुले बताएका छन् । २०७५ सालमा ट्याक ओपन गरेदेखि अहिलेसम्म उक्त सडक स्तरोन्नती गर्न सम्बन्धित निकायको चासो नगएको...

खोटाङ, असोज २ । विद्युत महसुल नबुझाउने खोटाङका ग्राहकको लाइन काटिने भएको छ । नेपाल विद्युत प्राधिकरण दिक्तेल वितरण केन्द्रले सूचना जारी गर्दै महसुल नतिर्ने ग्राहकको लाइन असोज ४ देखि ७ गतेसम्म धमाधम काटिने जनाएको छ । ‘नेपाल विद्युत प्राधिकरणको विद्युत महसुल संकलन विनियमावलीमा मिटर रिडिङ गरेको ६० औँ दिनसम्म विद्युत महसुल नबुझाएमा विना सूचना जुनसुकै समयमा लाइन काटिने व्यवस्था छ । सोही व्यवस्था बमोजिम समयमै महसुल नबुझाउने ग्राहकको लाइन धमाधम काटिने छ ।’ सूचनामा लेखिएको छ । मिटर रिडिङ भएको ७ दिन भित्र महसुल बुझाउनेलाई २ प्रतिशत छुट समेत रहेको प्राधिकरणले जनाएको छ । महसुल अनलाइनबाट पनि बुझाउन मिल्ने व्यवस्था नेपाल विद्युत प्राधिकरण दिक्तेल वितरण केन्द्रले गरेको छ ।...

ओखलढुंगा, असोज १ । ओखलढुंगाको खिजिदेम्बा गाउँपालिका–६ का स्थानीयले करीब ६ किलोमिटर गोरेटो बाटो सरसफाइ गरेका छन् । लट्टेबारी विकास युवा क्लब र लट्टेबारी आमा समुहको अगुवाइमा गोरेटो बाटो सरसफाइ तथा पुनर्निर्माण गरिएको बताइएको छ । पछिल्लो समय गाउँ घरमा सडकबाटो विस्तार भएसँगै गोरेटो बाटाहरु प्रयोगमा आउन छाडेका छन् । कतिपय बाटाहरु झाडीमा परिणतसमेत भइसकेका छन् । गोरेटो बाटोको अस्तित्व जोगाउन र गाउँघरको सुन्दरता थप्न सरसफाइ गरिएको क्लबका अध्यक्ष गोबिन्द कुमार खत्री (राहुल)को भनाइ छ । लागातार ४ शनिबार करीब २५ जनाको उपस्थितिमा खिजिदेम्बा गाउँपालिका–६ लट्टेबारी देखि चम्पादेवि गाउँपालिका–९ भोटेचौरसम्मको करीब ६ किलोमिटर बाटो सरसफाइ तथा पुनर्निर्माण गरिएको खत्रीले बताउनुभयो ।...

खोटाङ, भदौ २५ । किरात राई यायोक्खा हलेसी तुवाचुङ नगरपालिकाको अध्यक्षमा पुनः चक्रबहादुर राई चयन हुनुभएको छ । यायोक्खाको दोस्रो पालिका सम्मेलनले शनिबार राईको अध्यक्षतामा १९ सदस्य समिति गठन गरेको हो । यायोक्खा हलेसी तुवाचुङ नगरपालिकाका उपाध्यक्षमा खेमराज राई, सचिवमा सिवकुमार राई, सहसचिवमा चेसकुमार राई र कोषाध्यक्षमा तासरा राई सर्वसम्मत चयन हुनुभएको नेपाल आदिवासी जनजाति महासंघ खोटाङका सचिव उदिम चाम्लिङले जानकारी दिनुभयो । यस्तै, शनिबार नै सम्पन्न यायोक्खाको दोस्रो पालिका अधिवेशनबाट जन्तेढुंगा गाउँपालिकाको अध्यक्षमा नारदमणी राई चयन हुनुभएको छ । समितिको उपाध्यक्षमा जगत किराती, सचिवमा राजु राई, सहसचिवमा सन्तोष राई र कोषाध्यक्षमा मिलनदेवी राईसहित २१ सदस्य समिति सर्वसम्मत चयन भएको किरावि संघका केन्द्रिय सचिवालय सदस्य डार्विन राईले जानकारी दिनुभयो ।  ...

खोटाङ, भदौ २० । खोटाङका ९७ प्रतिशत बालबालिकाले कोरोना विरुद्धको खोपको पहिलो मात्रा लगाएका छन् । ५–११ वर्ष उमेर समुहका बालबालिका जिल्लामा करीब २५ हजार २ सयको संख्यामा रहेका छन् । जसमध्ये २४ हजार ५ सयले कोरोना विरुद्धको पहिलो मात्रा टि. फाइजर खोप लागाएको जिल्ला स्वास्थ्य कार्यालय खोटाङले जनाएको छ । खोप केन्द्र तोकिएका खोटाङका विभिन्न विद्यालय र स्वास्थ्य संस्थामा भदौ ५ देखि ७ गतेसम्म बालबालिकालाई कोरोना बिरुद्धको खोप अभियान सञ्चालन गरिएको थियो । उक्त समयमा जिल्लाका अधिकांश बालबालिकाले खोप लगाएको जिल्ला स्वास्थ्य कार्यालय खोटाङका फोकल पर्सन जीवन चौलागाईँले जानकारी दिनुभयो । ‘कतिपय बालबालिका अध्ययनकालागि जिल्ला भन्दा बाहिर गएका छन्, उनिहरुले उतैबाट खोप लगाउछन् । जिल्लामा रहेका ५–११ वर्ष उमेर समुहका सबै बालबालिकालाई हामीले खोप लगाउन सफल भएका छौँ ।’ चौलागाईँले भन्नुभयो । पहिलो मात्रा लगाएको २१...

खोटाङ, भदौ १९ । नेपाल निजामती कर्मचारी युनियनको ३२ औँ स्थापना दिवसको अवसरमा खोटाङमा बिरामीलाई फलफुल बितरण गरिएको छ । जिल्ला अस्पतालमा रहेका बिरामीहरुलाई फलफुल बितरण गरेर दिवस मनाइएको नेपाल निजामती कर्मचारी युनियन खोटाङका अध्यक्ष प्रकाश घिमिरेले जानकारी दिनुभयो । निजामती कर्मचारी युनियन खोटाङका पुर्व अध्यक्ष एवं नेपाली कांग्रेसका कर्मचारी बिभाग प्रमुख टंकनाथ आचार्यको प्रमुख आतिथ्यमा अस्पतालमा रहेका १६ जना बिरामीलाई आइतबार बिहान स्याउ, केरा लगायतका फलफुल बितरण गरिएको अध्यक्ष आचार्यले बताउनुभयो । जिल्ला समितिले आयोजना गरेको फलफुल बितरण कार्यक्रममा समितिका पदाधिकारीसहित केन्द्रिय सदस्य अनिल आचार्य र इरन राई साथै प्रदेश सदस्य खेमराज आचार्य लगायतको उपस्थिति रहेको थियो ।...

भदौ १२ । आइतबार बिहानैदेखि देशभर वर्षा भइरहेको छ । आज दिनभर देशैभरिको मौसममा सामान्यदेखि पूर्ण बदली रही देशका धेरै स्थानमा चट्याङसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ ।  आइतबार दिउँसो देशभर सामान्यदेखि पूर्ण बदली रहनेछ। बागमती प्रदेश, गण्डकी प्रदेश र सुदूरपश्चिम प्रदेशका  धेरै स्थानमा तथा बाँकी प्रदेशका केही स्थानमा चट्याङसहित हल्कादेखि मध्यम वर्षाको सम्भावना  छ।  बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका थोरै स्थानमा र बाँकी प्रदेशका एक–दुई स्थानमा भारी वर्षाको सम्भावना रहेको महाशाखाले जनाएको छ । आइतबार राती पनि गण्डकी प्रदेश, लुम्बिनी प्रदेश र सुदुर पश्चिम प्रदेशमा चट्याङ्ग सहित भारी वर्षाको सम्भावना  छ । यी प्रदेशमा सोमबार समेत भारी वर्षा हुने महाशाखाले जनाएको छ ।  भारी वर्षाले पहिरो तथा गेग्रान बहावको जोखिम रहनुको साथै नदी ...

भदौ ७ । प्रहरीले भिजिट भिसामा कुबेत हुँदै संयुक्त अरब इमिरेट्स (युएई) को दुबई जान लागेका खोटाङ की सहित ३९ जना महिलालाई बुधबार बिहान विमानस्थलमा रोकेको छ । विमानस्थल प्रहरीका अनुसार ती महिलाहरु अल जजिरा एयरबाट कुबेततर्फ जान लागेका थिए । ‘कुबेत हुँदै दुबई जान लागेकोहरुको कागजात शंकास्पद रहेको र आवश्यक कागजात पुरा नभएर नेपाली नागरिक ३९ जना महिलालाई होल्डमा राखि आवश्यक कारवाही भैरहेको छ,’ प्रहरीले भनेको छ । यसरी रोकिएका खोटाङकी देवी दमाई, धादिङकी सरिता चालिसे र लक्ष्मी परियार, मोरङकी मनमान मुर्मु, झापाकी सुष्मा कामी बिक, झुमकुमारी सिजाली, मंजली स्वर्णकार बिक, नानु तुदु, कमला खड्का र हिरा विश्वकर्मा, सल्यानकी ईश्वरी कुँवर, रसुवाकी सावित्री गङदान र पवित्रा घले, सिन्धुपाल्चोककी अस्मिता तामाङ, सोनिया तामाङ, बिबी तामाङ, उषा बिक, निशा बिक, नवलपरासीकी सम्झना दमाई रहेकी छिन् । त्यसैैगरी दैलेखकी सम्...