Banner News 3

खोटाङ, असार २२ । रावा बेसी गाउँपालिका–३ लामिडाँडाकी निर्वाचित दलित महिला वडा सदस्य मेनुजा विश्वकर्मा झुण्डिएको अवस्थामा मृत फेला परेकी छन् । नजिकै रहेको माईती घरमा आज बिहान ३४ वर्षिया विश्वकर्मा झुण्डिरहेको अवस्थामा फेला परेको वडाध्यक्ष बिरेन्द्र मगरले जानकारी दिए । उनको घर र माईतिघर नजिकै रहेको छ । हिजो माईतिघर गएकी विश्वकर्मा आज बिहान झुन्डिएको अवस्थामा भेटिएको जिल्ला प्रहरी कार्यालय खोटाङले जनाएको छ । विश्वकर्मा नेपाली कांग्रेसबाट निर्वाचित वडा सदस्य हुन । उनी रावा बेसि गाउँपालिकाको कार्यपालिका सदस्य पनि हुन् । पहिलो स्थानीय तहको चुनावमा विजयी भएर पाँच वर्ष कार्यकाल पुरा गरेकी विश्कर्मा दोस्रो कार्यकालका लागि निर्वाचित भएकी हुन् । उनमा केही समय अघि देखि डिप्रेसनको बिमार रहेको स्थानीयको भनाइ छ । उनका दुई जना छोरी रहेका छन भने श्रीमान् बिदेशमा छन । मृतकको शवलाई परीक्षण गर्न जिल्ला अस्पत...

खोटाङ, असार २२ । नेपाल प्रेस युनियन खोटाङका अध्यक्ष एवं प्रभाव न्युज डटकमका अध्यक्ष उत्तम चौलागाई ‘किरात राई खेलकुद पत्रकारिता पुरस्कार’ बाट सम्मानित भएका छन् । दिक्तेलमा भएको संघको तेश्रो राष्ट्रिय महाधिवेशनको समापन समारोहमा चौलागाईलाई खेलकुद पत्रकारिता प्रदान गरेको हो । चौलागाईलाई तेक्वान्दो ग्राण्ड मास्टर तथा सगरमाथा तेक्वान्दो डोजाङ बेलायतका संस्थापक प्रमुख राष्ट्र राईले नगद १५ हजार ५ सय ५५ रुपैयाँ र सम्मान पत्रले सम्मान गरेका हुन् । पत्रकारिताको माध्यमबाट जिल्लाको खेलकुद क्षेत्रको सुधार, वेतिथि विरुद्ध र सुशासनको पक्षमा समाचार सम्प्रेषण गरी पु¥याएको योगदानको उच्च प्रशंसा गर्दै पुरस्कृत गरिएको किरात राई खेलकुद संघले जनाएको छ । खोटाङमा बसेर पत्रकारित गर्दै आएका चौलागाई कान्तिपुर टेलिभिजनका जिल्ला संवाददाता पनि हुन् ।...

खोटाङ, असार २१ । खोटाङका सर्जक गोविन्द सुनुवार (खोटाङगे)को नयाँ गीत “मुटुमा घाउ छ मेरो” सार्वजनिक भएको छ । गोविन्दकै शब्द, सगिंत र स्वरमा रहेको गीत युट्युवमा सार्वजनिक गरिएको हो । पुस्कर सुनुवार युट्युव च्यानलबाट सार्वजनिक गरिएको गीतमा चर्चित गायक पुस्कर सुनुवारको एरेन्ज, मिक्सिङ तथा मास्टरिङ रहेको छ । “तिम्रो बारेमा” र “तिमिलाई मैले भनेको थिएँ” बोलका दुई वटा गीत सांगितक बजारमा ल्याइसकेका गोविन्दको “मुटुमा घाउ छ मेरो” तेस्रो सृजना हो । तेस्रो सृजना लिएर सांगितिक बजारमा आएका गोविन्दले एक पटक गीत सुन्न र प्रतिक्रिया समेत दिन आग्रह गरेका छन् ।  ...

असार २१ । जिल्ला अदालत संखुवासभाले ४ जनालाई आजीवन कैदको फैसला सुनाएको छ । जिल्ला अदालत संखुवासभाका न्यायाधीश शान्तिप्रसाद आचार्यको इजलासले संखुवासभाको मादी नगरपालिका–१ स्थित उम्लिङमा एकै परिवारका ६ जनाको हत्यामा संलग्नलाई आजीवन कैद सजायको फैसला सुनाएको हो । हत्यामा ५ जना संलग्न रहेको पुष्टि भएपनि चार जनालालाई आजीवन कारावासको सजाय सुनाएको श्रेस्तेदार केदारप्रसाद गौतमले बताए । उनले एक जना नाबालक रहेकाले कम सजाय भएको बताए । २५ वर्षलाई आधार मानेर दुईतिहाइ कैद हुने फैसला भएको छ । आजीवन कारावासको सजाय सुनाइएकाहरुले बाँचुनजेलसम्म कारागारमा बसेर कैद सजाय कटाउनुपर्ने गौतमले बताए । ४ जनाले मृतक परिवारको राहत कोषमा २–२ लाख रूपैयाँ क्षतिपूर्ति रकमसमेत जम्मा गर्नुपर्ने फैसला अदालतले गरेको छ । नाबालकलाई भने यसमा छुट दिइएको छ । नाबालकले भने १६ वर्ष ८ महिना मात्रै कैद सजाय भुक्तान गर्नुपर्ने भएको छ । उ...

खोटाङ, असार १७ । राष्ट्रिय मानव अधिकार आयोग प्रदेश नम्बर १ शाखा कार्यालय खोटाङले यातना विरुद्धको अधिकार सम्बन्धि अभिमुखीकरण गरेको छ । नेपाल प्रहरी, नेपाल ससस्त्र प्रहरी, पत्रकार लगायतका विभिन्न संस्थाका प्रतिनिधि राखेर आयोगले अभिमुखीकरण गरेको हो । दिक्तेल स्थित होटल शुभदिनमा शुक्रबार (आज) आयोजना गरिएको कार्याक्रममा यातना, यातना विरुद्धका प्रयास र राज्यले गर्नुपर्ने दायित्व सम्बन्धि आयोकका कार्यालय प्रमुख श्यामबाबु काफ्लेले अभिमुखीकरण गर्नुभएको थियो । यस्तै, यातना रोकथाम र नियन्त्रणमा सुरक्षाकर्मीको भूमिका सम्बन्धि जिल्ला प्रहरी कार्यालय खोटाङका सूचना अधिकारी एवं प्रहरी निरीक्षक रोमनराज अर्याल र यातनाजन्य कसूरमा अभियोजन सम्बन्धि व्यवस्थाका विषयमा सरकारी वकील कार्यालयका जिल्ला न्यायाधिवक्ता संगिता न्यौपाने ढुंगेलले अभिमुखीकरण गर्नुभएको हो । यातना कसरी हुन्छ र राज्यले गर्नुपर्ने दायित्व के ...

खोटाङ, असार १६ । छुवाछुत मुक्त प्रदेशकालागि माथिल्लो सगरमाथाले परिचित खोटाङ ओखलढुंगा र सोलुखुम्बु तीन जिल्लाका दलित अधिकारकर्मीबाट सुझाव संकलन गरिएको छ । आज दिक्तेलमा सम्पन्न दलित सशत्तीकरण विधेयक मस्यौदाका लागि सुझाव संकलन सम्बन्धि अन्तरक्रिया कार्यक्रमबाट सुझाव संकलन गरिएको हो । १ नम्बर प्रदेश सामाजिक विकास मन्त्रलायको आयोजना गरेको उक्त कार्यक्रममा तीन जिल्लाका ५० जना दलित अधिकारकर्मीहरुको सहभागिता रहेको थियो । प्रदेश सांसद उमिता विश्वकर्माको अध्यक्षतामा सम्पन्न कार्यक्रमको सहजिकरण मस्यौदा समितिका सदस्यहरु हुकुम सिं नेपाली र अमर बराइलीले गर्नुभएको हो । कार्यक्रमबाट दलितहरुलाई सम्पुर्ण शिक्षा निशुल्क, आवासको व्यवस्था, स्वास्थ्य उपचार र बीमामा बिशेष छुट, निशुल्क लोकसेवा शिक्षा प्रदान लगायतका सुझाव संकलन भएको दलित अधिकारकर्मी विष्णु उपरकोटीले जानकारी दिनुभयो । प्राप्त सुझावले छुवाछुत मुक्...

खोटाङ, असार १५ । खोटाङको हलेसी तुवाचुङ नगरपालिकालाई पूर्ण खोप सुनिश्चितता घोषणा गरिएको छ । नगरपालिका भित्रका १५ महिना सम्मका सबै बालबालिकाले पूर्ण खोप लगाएसँगै हलेसी तुवाचुङ नगरपालिकालाई आज (बुधबार) एक कार्यक्रमका बिच बाजागाजा सहित पूर्ण खोप सुनिश्चितता घोषणा गरिएको हो । वि.स. २०७८ वैशाख देखि ०७९ वैशाखसम्ममा नगरपालिका भित्रका ५ सय ११ जनाले पुर्ण खोप प्राप्त गरेका छन् । जसमा ९६ प्रतिशत नगरपालिका आफैले खोप प्रदान गरेको हो भने अन्य ४ प्रतिशत बालबालिका नगरपालिका भन्दा बाहिर रहेका तर उनिहरुले पनि खोप प्राप्त गरिसकका नगर स्वास्थ्य शाखा प्रमुख खेमराज आचर्यले जानकारी दिनुभयो । १६ देखि २३ वर्षसम्मका बालबालिकाको तथ्याङकका आधारमा सबै बालबालिकाले १५ महिना भित्रमै खोप प्राप्त गरिसकेका उहाँले बताउनुभयो । सबै बालबालिका पूर्ण खोप प्राप्त गरेसँगै आज एक कार्यक्रमका बिच, “पूर्ण खोप सुनिश्चत भविष्य, स्थानीय...

खोटाङ, असार १० । खोटाङको दिक्तेल रूपाकोट मझुवागढी नगरपालिकाले आगामी आर्थिक वर्ष २०७९/०८० का लागि ८६ करोड बढीको बजेट ल्याएको छ । आज सम्पन्न आठौं नगरसभामा उपमेयर विशन राईले ८६ करोड ३ लाख ७७ हजार रुपैयाँको अनुमानित बजेट प्रस्तुत गर्नुभएको हो । विनियोजित कुल बजेटमध्ये चालू खर्चतर्फ ६१ करोड ३९ लाख ३६ हजार र पूँजीगत खर्चतर्फ २४ करोड ६४ लाख ४१ हजार छुट्याइएको छ । आगामी आर्थिक वर्षमा नगरपालिकाले किसानलाई हैरान बनाइरहेको बाँदर नियन्त्रण, घरघरमा विद्युतीय चुल्हो जडान, दिक्तेल बजार क्षेत्रमा फ्री वाइफाइको व्यवस्था, बेसहारा नागरिकको निःशुल्क स्वास्थ बीमा गर्नेलागायतका नीति अघि सारेको छ । दुई विधेयक र तीन प्रस्ताव सर्वसम्मत पारित नगरसभामा पेश भएका सबै विधेयक र प्रस्ताव सर्वसम्मतिले पारित भएको छ । दिक्तेल रूपाकोट मझुवागढी नगरपालिका–२, सोल्माका वडा अध्यक्ष ध्रुवविक्रम राईले पेश गर्नुभएको अर्थसम्बन्धी...

खोटाङ, असार ९ । हलेसी तुवाचुङ नगरपालिकाले आगामि आर्थीक वर्ष २०७९/८० का लागि ६४ करोड ९४ लाख २७ हजार रुपैयाँको बजेट ल्याएको छ । आज सम्पन्न नगरपालिकाको ११ औँ नगरसभामा उप–प्रमुख रमेश कुमार राउतले पेस गर्नुभएको आगामि अर्थाीक वर्षको बजेट बहुमतले पारित भएको हो । नगरपालिकाले नयाँ आर्थीक वर्षकालागि बजेट पारितसँगै उत्कृष्ट युवा व्यावसायि, उत्कृष्ट कर्मचारीलाई सम्मान समेत गरेको छ । नगरपालिकाले नयाँ बजेटमा पुराना अधुरा कार्यक्रम र लोकपृय बनेका कार्यक्रमहरुलाई निरन्तरता दिएको छ । आज सम्पन्न नगर सभाले नगरपालिकाको विनियोजन ऐन–२०७९ र आर्थिाक ऐन– २०७९ पनि बहुमतले पारित गरेको छ । केही नयाँ कार्यक्रम समेत ल्याएको छ । नगरपालिकाले ल्याएका केही कार्यक्रमहरुलाई यहाँ उल्लेख गरिएको छ । कृषि तथा पशुपालन अगार्निक व्यावसायिक कृषि प्रणालीमा जोड दिदै जैविक कृषि उत्पादन र पशुपन्छी जन्य उत्पादन बढाइ व्यावसायिक र औद्यो...