समाज

खोटाङ, असार ११ । पर्यटक तथ्याङ्क संकलनकालागि हलेसी मन्दिरमा मेसिन जडान गरिएको छ । त्रिधार्मिक तपोभूमि हलेसी महादेव मन्दिर दर्शनका लागि आउने पर्यटकको गणनालागि मन्दिरको गेटमा मेसिन जडान गरिएको हलेसी सूचना केन्द्रले जनाएको छ । माछापुच्छ्रे बैंक हलेसी शाखाको सहयोगमा मासिक तथा वार्षिकरुपमा हलेसिमा भित्रने धार्मिक पर्यटकको तथ्याङ्क संकलन गर्न मानिस गणक मेसिन जडान गरिएको हो । जडान गरिएको उक्त मेसिनको हलेसी तुवाचुङ नगरपालिकाका प्रमुख विमला राईले आज रिबन काटेर उद्घाटन गर्नुभएको छ । मेसिन उद्घाटन कार्यक्रममा प्रमुख राईसँगै उप–प्रमुख रमेश कुमार राउत, माछापुच्छ्रे बैंकका प्रमुख कार्यकारी अधिकृत सन्तोष कोईराला, नगर प्रवक्ता एवं वडा नम्बर ७ का वडाध्यक्ष कमल गिरी लगायतको उपस्थिती रहेको थियो ।...

खोटाङ, असार ६ । खोटाङको हलेसी तुवाचुङ नगरपालिकाले सबै विद्यालयको अर्धवार्षिक र वार्षिक परिक्षा नगरले लिने निर्णय गरेको छ । विद्यार्थीको क्षमताको निष्पक्ष मुल्याङकनकालागि नगर कै मातहतमा परिक्षा सञ्चालन गर्ने निर्णय गरिएको नगरपालिकालले जनाएको छ । विद्यालय आफैले प्रश्नपत्र बनाएर उत्तरपुस्तिका पनि आफैले परिक्षण गर्दा विद्यार्थीको सही मुल्याङकन हुन नसकेको नगर शिक्षा समितिले निष्कर्ष निकालेको छ । त्यसैले आगामि दिनमा नगरपालिका भित्रका सबै विद्यालयमा (एसईई) जस्तै परिक्षा सञ्चालन गरिने सामाजिक विकास समितिका संयोजक एवं वडा नम्बर १ बाहुनिडाँडाका वडाध्यक्ष रुद्रकुमार राईले बताउनुभयो । कक्षा १ देखि ९ सम्मकालागि नै प्रश्नपत्र नगरपालिकाले तयार गर्नेछ । परिक्षाको समयमा पनि हरेक विद्यालयमा फरक विद्यालयका शिक्षक परिक्षा नियन्त्रक बनाएर परिक्षा सञ्चालन गरिने छ भने उत्तरपुस्तिका पनि नगरपालिकाकै मातहतमा परिक...

खोटाङ, असार ५ । खोटाङको हलेसी तुवाचुङ नगरपालिका–१ बाहुनिडाँडा वडा कार्यालय र स्वास्थ्य चौकीको भवन चर्किएको छ । लगातारको हावाहुरी सहितको वर्षाको कारण भवन चर्किएको वडाध्यक्ष रुद्र कुमार राईले बताउनुभयो । बाहुनिडाँडाको वडा कार्यालय र स्वास्थ्य चौकी एउटै भवनबाट सञ्चालन भइरहेको छ । वर्षाका कारण भवन चर्किएपछि अहिले जोखिम मोलेर नागरिकलाई सेवा दिन बाध्य भएको राईको भनाइ छ । राईले भन्नु भयो, “केही दिन अगाडि लगातार हावाहुरी सहित वर्षा भयो । हावाहुरीको कारण छड्के पानीपरेपछि भवनको ३/४ ठाउँ चर्किएको छ । अन्य भवन नहुँदा अहिले वडा कार्यालय र स्वास्थ्य चौकी सोही भवनमा सञ्चालन गर्न बाध्य छौँ तर कुन दिन भत्किन्छ टुंगो छैन ।” वि.स. २०६२ सालमा निर्माण गरिएको तत्कालीन गाउँ विकास समितिको उक्त भवनमा अहिले दुई कोठा बनाएर एउटा कोठा वडा कार्यालय र एउटा कोठा स्वास्थ्य चौकीकालागि प्रयोग गरिएको छ । बाहिरि गारो चर्किए...

खोटाङ, असार ५ । खोटाङको रावा बेसी गाउँपालिका–३ लामिडाँडाको खेल मैदान व्यक्तिको नाममा रहेको पाइएको छ । सुरुमा संस्थाको नाममा जग्गा नामसारी गर्दिने भनेर मैदान निर्माण गरेपनि हाल सम्म व्यक्तिकै नाममा जग्गा रहेको खुलेको हो । लामिडाँडा स्थित पात्लेमा खेल मैदान निर्माण भइरहेको छ । प्रदेश नम्बर १ सरकारबाट विनियोजित बजेटबाट निर्माण भइरहेको मैदानको हालसम्म सम्याउने काम सकिएको छ । यस्तै मैदानको तलबाट तारजालीको ग्याबिङ र मैदान अगाडि पनि केही ठाउँमा सिमेन्ट प्लास्टर गरेर माथी उठाउने काम भएको छ । दुई आर्थीक वर्षमा २०/२० लाख गरी जम्मा ४० लाख लगानी भइसकेको मैदानको जग्गा अझै व्यक्तिकै नाममा रहनु शङ्कास्पद रहेको स्थानीयको भनाइ छ । मैदान निर्माण भइरहेको जग्गा केशर बहादुर श्रेष्ठको नाममा रहेको छ । श्रेष्ठको अगाडिनै मृत्यु भइसकेको हो भने जग्गा उहाँको कान्छा छोरोले खेल मैदानकोलागि निशुल्क प्रदान गर्ने घोषणा ...

खोटाङ, असार ४ । खोटाङको रावा बेसी गाउँपालिका–६ हौँचुर वडा कार्यालयको सेवा अब चापर्खकबाट लिन सकिने भएको छ । वडा कार्यालय टाढा भएको कारण सास्ती खेपिरहेका पोखरी, चापखर्क र पैयाँका नागरिकले घर छेउबाटै वडाको सेवा पाउने भएका हुन् । साविकाको वडाहरु १ र २का नागरिकलाई वडा सम्म आएर फर्कन दिन नै माया मार्नु पर्ने अवस्था छ । त्यसैले उक्त क्षेत्रका नागरिकको सहजताकालागि अब हरेक महिनाको २ र १५ गते चापखर्क सामुदायिक भवनबाट वडाको सेवा प्रदान गरिने वडाध्यक्ष चिरनञ्जीवि कार्कीले बताउनुभयो । वडाध्यक्ष कार्कीले भन्नुभयो, “संघीयताले गाउँघरमा सिंहदरबार ल्याएको भनिएपनि पैयाँ, चापखर्क र पोखरीका जनतालाई वडा सम्म आएर फर्कन एक दिन नै लाग्ने गरेको छ । त्यसैले उक्त क्षेत्रका नागरिकको सहजताकालागि हामीले उनिहरुको घर छेउमै गएर सेवा दिने निर्णय गरेका छौँ ।” नवनिर्वाचित वडाध्यक्ष कार्कीले आफ्नो चुनाव घोषणा पत्रमा माथिल्लो...

खोटाङ, असार १  - खोटाङको हलेसी तुवाचुङ नगरपालिका–१०, अर्खौलेको वडासचिव नियुक्तिमा लैंगिक विभेद भएको छ । वडाध्यक्ष अर्जुनकुमार पु्रीले महिला कर्मचारीसँग काम गर्न असहज हुने भन्दै पुरुष कर्मचारी माग गरेका हुन् । वडाध्यक्ष पुरीले मंगलबार प्रमुख प्रशासकीय अधिकृतलाई पत्र पठाउँदै वडा सचिव पुरुष नै व्यवस्था गरिदिन माग गरेका हन् । वडाध्यक्ष पुरी एमालेबाट निर्वाचित हुन् । नगरपालिकाले १० नं वडामा सुशीला दाहाललाई हालै सरुवा गरी पठाएको थियो । तर, सोमबार बसेको वडा समितिको बैठकले उनलाई हाजिर नगराई पुरुष कर्मचारी नै माग गर्ने निर्णय गरेको हो । नगरमा पठाएको पत्रमा भनिएको छ, ‘महिला वडा सचिवबाट असजिलो हुने भएको कारणले यस वडामा पुरुष कर्मचारी नै वडा सचिव व्यवस्था गरिदिनुहुन यस वडाको मिति २०७९ जेठ ३० गतेको वडा समिति बैठकको निर्णय अनुसार अनुरोध छ।’ हलेसी तुवाचुङ नगरपालिकाकी मेयर विमला राई हुन् । यही नगरपालि...

खोटाङ, जेठ ३१ - खोटाङमा प्रसूति व्यथाले स्वास्थ्य अवस्था गम्भीर बनेकी एक सुत्केरीको निःशुुल्क हवाइ उद्धार गरिएको छ । जन्तेढुंगा गाउँपालिका–३ की २३ वर्षीया सुत्केरी गीता राईको राष्ट्रपति महिला उत्थान कार्यक्रमको हवाइ सेवाबाट खर्च व्यहोर्ने गरी उद्धार गरिएको हो । राईको बच्चा जन्मिएको तर प्लेसेन्टा र रक्तश्राव भई स्वास्थ्य अवस्था गम्भीर बनेकाले थप जटिलता आउन नदिन जिल्ला प्रशासन कार्यालयको पहलमा मंगलबार हेलिकप्टरबाट उद्धार गरी प्रसूति गृह, थापाथली, काठमाडौं पठाइएको सहायक प्रमुख जिल्ला अधिकारी विकल श्रेष्ठले जानकारी दिनुभयो । ज्यान जोखिममा परेका गर्भवती तथा सुत्केरीको उनीहरू उपचाररत स्थानीय स्वास्थ्य संस्थाले पठाएको पत्रका आधारमा जिल्ला प्रशासन कार्यालयले सिफारिस गरेपछि राष्ट्रपति महिला उत्थान कार्यक्रम, महिला, बालबालिका तथा ज्येष्ठ नागरिक मन्त्रालय, सिंहदरबार, काठमाडौंले पठाएको हेलिकप्टरबा...

खोटाङ, जेठ ३१ । बालिका बलात्कार अभियोगमा ओखलढुंगामा चार जना पक्राउ परेका छन् । जिल्लाको सिद्धिचरण नगरपालिका ३ स्थित कक्षा ८ मा अध्ययनरत बालिकामाथि फरक समय र स्थानमा पटक–पटक बलात्कार गरेको आरोप एक प्रधानाध्यापक सहित अन्य तीन जना पक्राउ परेका हुन् । पक्राउ पर्नेमा नारायणस्थान माध्यमिक विद्यालयका प्रधानाध्यापक ४० वर्षीय पूर्णप्रसाद फुँयाल, स्थानीय ७६ वर्षीय फडिन्द्रप्रसाद दाहाल, ३२ वर्षीय डम्बर भुजेल र ३१ वर्षीय केवल भुजेल छन् । उनीहरुविरुद्ध सोमबार जाहेरी परेको थियो । जाहेरी पश्चात पक्राउ गरिएको जिल्ला प्रहरी कार्यालय ओखलढुंगाले जनाएको छ । घटना अनुसन्धान अघि बढेको र अभियुक्तहरुलाई म्याद थप प्रक्रियामा लगिएको प्रहरीको भनाइ छ ।...

खोटाङ, जेठ २९ – दलित समुदायको सशक्तीकरण तथा नेतृत्व विकासका लागि खोटाङमा तालिम सञ्चालन गरिएको छ । खोटाङ दलित विकास मञ्चको आयोजना र रावाबेँसी गाउँपालिकाको प्रायोजनमा तीन दिवसीय ‘दलित सशक्तीकरण तथा नेतृत्व विकास तालिम’ सञ्चालन गरिएको हो । जेठ २७, २८ र २९ गते रावाबेँसी गाउँपालिका–१, कुभिण्डेस्थित महिला भवनमा आयोजना गरिएको तालिममा रावाबेँसी गाउँपालिकाका ६ वटै वडाका दलित कार्यपालिका सदस्य, दलित महिला सदस्य र दलित समुदायका अगुवाहरू गरी ४१ जना सहभागी थिए । तालिमका सहभागीलाई मिलन चाहार,पर्शुराम विश्वकर्मा, दीपक ठटाल, विष्णु उपरकोटी र निता विशुंखेले प्रशिक्षण दिएका थिए । दलितहरूको नेतृत्व विकास गर्ने, जातीय विभेदविरुद्ध अभियान सञ्चालन गर्ने, आन्तरिक विभेद अन्त्य गर्न प्रेरित गर्ने र व्यवहार परिवर्तन गर्ने उद्देश्यले तालिम आयोजना गरिएको खोटाङ दलित विकासका अध्यक्ष मिलन चाहारले बताउनुभयो ।...

खोटाङ, जेठ २४ । खोटाङका विभिन्न विद्यालयमा पाठ्यपुस्तक नपुग्दा पढाइ प्रभावित भएको छ । स्थानीय तहको निर्वाचनलगत्तै विद्यालय खुले पनि अहिलेसम्म सबै विद्यालयमा पाठ्यपुस्तक पुगेको छैन । पाठ्यपुस्तक उपलब्ध नहुँदा पठनपाठनमा समस्या भएको हो । जिल्लामा ४ सय ८६ वटा सामुदायिक विद्यालय छन् । तीमध्ये करिब आधा विद्यालयमा मात्र पुस्तक पुगेको शिक्षा विकास तथा समन्वय इकाइ खोटाङका प्रमुख सेमन्त गौतमले बताउनुभयो । त्यसमा पनि यस शैक्षिक सत्रदेखि कक्षा ४, ७ र ९ को पाठ्यक्रम र पाठ्यपुस्तक परिवर्तन भएको छ । जसका कारण हालसम्म यी कक्षाका पाठ्यपुस्तक जिल्ला आइपुगेको छैन । ‘अन्य कक्षाका आधाजति पाठ्यपुस्तक आइपुगेको छ । तर, कक्षा ४, ७ र ९ को पाठ्यक्रम र पाठ्यपुस्तक परिवर्तन भएकाले पठनपाठन अन्योल बनेको छ,’ इकाइ प्रमुख गौतमले भन्नुभयो ।...