समाज

खोटाङ, जेठ १६ । आकर्षक रोजगारी र तलबको प्रलोभन देखाई भिजिट भिसामा दुबई पठाएर ठगी गरेको आरोपमा नेपाल प्रहरीको केन्द्रीय अनुसन्धान ब्यूरोले सोलुखुम्बु घर भएका एकसहित पाँच जनालाई पक्राउ गरेको छ । ब्यूरोका अनुसार सोलुखुम्बुको दूधकुण्ड नगरपालिका–८ घर भएका होमबहादुर खड्का, लमजुङको राईनास नगरपालिका–३ घर भएका मधुविलास बाँस्कोटा, कागेश्वरी मनोहरा नगरपालिका–७ निवासी रञ्जना ढकाल प्याकुरेल, रुपन्देहीको देवदह नगरपालिका–५ घर भएका राजु भन्ने खुमबहादुर बस्याल र कागेश्वरी मनोहरा–७ घर भएका सन्तोष प्याकुरेललाई ठगी आरोपमा पक्राउ गरिएको हो । हालसम्म ७६ जना पीडितले दुई करोड ४३ लाख ३६ हजार ८१० रुपैयाँ ठगी भएको भनी उनीहरुविरुद्ध लिखित जाहेरी दिएको ब्यूरोले जनाएको छ । भिजिट भिसामा नेपालबाट दुबई पठाएर दुबईस्थित त्रिनेत्र म्यानेजमेन्ट कन्सल्टेन्सीज एलएलसीको सञ्चालक कोमलराज उपाध्याय समेतको समूहले ‘आर्मस गार्ड’ मा ...

खोटाङ, जेठ ४ । ट्याक्टरबाट खसेर खोटाङमा एक जनाको मृत्यु भएको छ । जन्तेढुंगा गाउँपालिका–३ थालाखामस्थित सडकमा अनटेष्ट लेखिएको ट्याक्टरबाट खसेर सोही गाउँपालिका– ५ घोडेडाँडा बस्ने २८ वर्षीय नारद कटवालको बुधबार बिहान मृत्यु भएको हो । घोडेडाँडाबाट भञ्ज्याङखर्कतर्फ देवाली पूजाका मानिसहरू लिएर जाँदै गरेको उक्त ट्याक्टरबाट खसेर गम्भीर घाइते भएका उनको उपचारको लागि प्राथमिक स्वास्थ्य केन्द्र चिसापानीतर्फ लैजाने क्रममा बाटोमै मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।...

खोटाङ, जेठ २ । काठमाण्डौ महानगरपालिकाको स्वतन्त्र उम्मेदवार बालेन्द्र शाहको हारजितमा खसी बाजी राख्ने खोटाङका दुई जना पुरुष पक्राउ परेका छन् । दिक्तेल रुपाकोट मझुवागढी नगरपालिका–५ का विजय फूयल र सोही ठाउँका रमेश खड्कालाई प्रहरीले आज अपरान्ह पक्राउ गरेको हो । उनीहरुलाई दिक्तेलबजारबाट पक्राउ गरिएको डिएसपी उमेश लम्सालले जानकारी दिनुभयो । उनीहरुलाई सट्टेबाजीको कसुरमा नियन्त्रणमा लिएर सत्यतथ्य अनुसन्धान भईरहेको डिएसपी लम्सालले बताउनुभयो । सट्टेबाजी पूष्टि भएमा वर्षदिनसम्म कैद हुने कानुनी व्यवस्था छ । बालेन्द्रले चुनाव जितेमा रमेशले विजयलाई २८ केजीको खसी दिने र बालेन्द्र हारेमा विजयले रमेशलाई २८ केजी वरावरको रकम भुक्तानी दिने भनि उनीहरुले कागज गरेका थिए ।...