समाचार

खोटाङ, असार २० । खोटाङको बराहपोखरी गाउँपालिका–३ साउनेचउरमा रोपाइँ गर्न तयार पारिएको खेत पहिरोले पुरेको छ । साउनेचउरस्थित भदौरेका तेजबहादुर मगरको करीब १२ मुरी धान फल्ने खेत पहिरोले पुरेको हो । आली लगाएर, बिउ उखेलेर धान रोप्न तयार पारिएको खेत मंगलबार राती माथी बाट आएको पहिरोले पुरिदिएको साउनेचउरका वडा सदस्य विमला मगरले बताउनुभयो । सडक माथीबाट झरेको पहिरोले सडकसँगै तेजबहादुर मगरको करीब १२ मुरी धान फल्ने खेत पुरेको उहाँको भनाइ छ । पुरिएको खेत भन्दा केही तल गोठ रहेकाले गोरु बचेका छन् । खेतमै छाडिएको कोदाली, हलो जुवासमेत पुरिएको छ । यस्तै, सोही ठाउँका कुमार मगरको घरमा पहिरोले क्षति पुराएको छ । घर माथिको बारीको कान्लो खस्दा मगरको घरमा क्षति पुगेको हो । बारीको कान्लोले घरको मुनी तलाको गारो भत्काएको छ । घर नजिकैको ९ वटा कुखुरासहितको खोर पुरिएको वडा सदस्य मगरले बताउनुभयो । नयाँ घरमा पहिरोले क्षति ...

खोटाङ, असार १९ । खोटाङको ऐसेलुखर्क गाउँपालिकाले प्राविधिक शिक्षा अध्ययन गर्न चाहाने विद्यार्थीलाई ५ देखि १० लाखसम्म आर्थिक सहयोग गर्ने भएको छ । महिला, दलित, जेहेन्दार, विपन्न तथा गरिब, अल्पसंख्यक र जनजाती २ जना विद्यार्थीलाई १० लाखसम्म आर्थिक सहयोग प्रदान गर्ने नीति गाउँपालिकाले लिएको हो । गाउँपालिका अध्यक्ष गिरेन्द्र बहादुर राईले प्रस्तुत गर्नुभएको आगामी आर्थिक वर्ष २०८०/०८१ को नीति तथा कार्यक्रममा (एम.बि.बि.एस, बि.डि.एस, बि.पि.एच र इन्जिनियरिङ) प्राविधिक शिक्षा अध्ययन गर्न चाहाने २ जना विद्यार्थीलाई ५ देखि १० लाखसम्म आर्थिक सहयोग गर्ने उल्लेख गरिएको छ । यस्तै, शिक्षा क्षेत्रमा गाउँपालिकाले दिवा खाजामा अखाद्य वस्तुलाई निरुत्साहित गरी गाउँमै उत्पादित खाजालाई जोड दिने भएको छ । निःशूल्क वितरण हुने सेनिटरी प्याड कार्यक्रमलाई थप व्यवस्थापन गर्ने र आर्थिक वर्ष २०८०/०८१ भित्र ऐसेलुखर्क गाउँपाल...

खोटाङ, असार १९ । खोटाङको बराहपोखरी गाउँपालिकाले तिन मुरी तोरी उत्पादन गर्ने कृषकलाई पुरस्कृत गर्ने भएको छ । कम्तिमा तिन मुरी तोरी उत्पादन गर्ने कृषकलाई पुरस्कृत गर्ने गाउँपालिकाको आगामी आर्थिक वर्ष २०८०/०८१ को नीति तथा कार्यक्रममा उल्लेख गरिएको छ । तेलजन्य बाली उत्पादनलाई प्रोत्साहित गर्न कृषकलाई पुरस्कार प्रदान गर्ने कार्यक्रम अघि बढाइएको गाउँपालिका अध्यक्ष शालिकराम बञ्जराले बताउनुभयो । बिउ बिजन वितरण गरिएको कृषि कार्यक्रम उपलब्धि मुलक नदेखिएकाले कृषक आफैले उत्पादन गरेर पालिका पुरस्कार लिन आउने नीति गाउँपालिकाले लिएको उहाँको भनाइ छ । ‘मान्छे आशामुखी भए, बिउ बिजन सबै पालिकाले दिएपछि मात्र काम गर्ने नत्र नगर्ने देखियो, बिगतका वर्षहरुमा हामीले बिउहरु वितरण पनि गर्यौ’ अध्यक्ष बञ्जराले भन्नुभयो, ‘सबै प्रकारका बिउ सबैलाई वितरण गर्न सकिने अवस्था भएन, त्यसैले अब जसले आफै राम्रो उत्पादन गर्छ, त्...

खोटाङ, असार १६ । रावा बेसी गाउँपालिका-१ कुभिण्डेका वडा सदस्य विशाल राईले  विपन्न परिवार तथा जेहेन्दार विद्यार्थीलाई पोसाक वितरण गरेका छन  । रत्न राज्य लक्ष्मी आधारभूत विद्यालयका ४ जना विद्यार्थीलाई राईले विद्यालय पोसाक वितरण गरेका हुन । विद्यालायले छनोट गरेका उक्त ४ जना विद्यार्थीलाई वडा सदस्य राईले शुक्रबार विद्यालयमै पुगेर पोसाक हस्तान्तरण गरेका छन । पोसाक पाउनेहरुमा कक्षा १ मा अध्यनरत कमला उपरकोटी, कक्षा ३ मा अध्यनरत खिला नेपाली र सुरेश मिजार र कक्षा ५ मा अध्यनरत दिक्षा नेपाली रहेका छन । अध्ययनलाई निरन्तरता दिन सहयोग र हौसलाको लागि पोसाक प्रदान गरेको सदस्य राईले बताए । विद्यार्थीलाई सहयोग गर्ने वडा सदस्य राईलाई विद्यालयले सम्मान गरेको छ ।  ...

खोटाङ, असार ९ । खोटाङको हलेसी तुवाचुङ नगरपालिकाले ग्यासको आयतलाई प्रतिस्थापन गर्न निःशूल्क विद्युतीय चुलो वितरण गर्न थालेको छ । शनिबार नगरपालिकाले यस वर्ष १ सय ३९ जना शिक्षिका र १७ जना पूर्व महिला जनप्रतिनिधिलाई विद्युतीय इन्फ्रारेड चुलो प्रदान गरेको हो । चालु आर्थिक वर्ष २०७९/०८० मा नगरपालिकाले २ सय वटा इन्फ्रारेड चुलो खरिद गरेको थियो । जसमध्ये नगरपालिका भरिका शिक्षिक र पूर्व महिला जनप्रतिनिधिलाई शनिबार नगर प्रमुख विमला राई, उपप्रमुख रमेशकुमार राउत र प्रमुख प्रशासकीय अधिकृत कैलाश बहादुर ठकुराठीले चुलो प्रदान गर्नुभएको हो । बाकी रहेको चुलो एकल महिला र विधुर पुरुषलाई प्रदान गरिने नगर प्रमुख राईले बताउनुभयो । देश बाहिर जाने रकमलाई अध्याधिक रकमलाई रोक्न विद्युतीय चुलोको प्रयोगलाई नगरपालिकाले जोड दिएको प्रमुख राईको भनाइ छ । ‘आजभोली धेरैले ग्यास प्रयोग गर्न थालिसकेका छन्, जसले गर्दा हाम्रो अध...

खोटाङ, असार ९ । हलेसी तुवाचुङ नगरपालिकाले आमा समुहलाई बिउ पुँजी रकम प्रदान गरेको छ । १६ वटा आमा समुहलाई १/१ लाखका दरले नगरपालिकाले बिउ पुँजी रकम प्रदान गरेको हो । नियमित बचत गर्दै आएका आमा समूहलाई शनिबार नगर प्रमुख विमला राई, उपप्रमुख रमेशकुमार राउत र प्रमुख प्रशासकीय अधिकृत कैलाश बहादुर ठकुराठीले १/१ लाखका दरले बिउ पुँजी बापतको रकम हस्तान्त्रण गर्नुभएको हो । आमाहरुलाई आम्दानीमूलक क्षेत्रमा लगानी गरेर आयआर्जनमा टेवा पु¥याउने लक्ष्यका साथ बिउ पुँजी कार्यक्रमको सुरुवात गरिएको नगर प्रमुख विमला राईले बताउनुभयो । नगरपालिकाले माग गरेको आवेदन अनुसार छनोट भएका १६ आमा समुहलाई शनिबार बिउ पुँजी बापतको रकम प्रदान गरेसँगै हालसम्म बिउ पुँजीको रकम लिने आमासमुहको संख्या ५० वटा पुगेको छ । आमा समुहमा भइरहेको नियमित बचत कोषमा नगरपालिकाले उपलव्ध गराएको १ लाख रकम पनि जम्मा हुनेछ । उक्त रकमबाट बाख्रा, बंगुर, ...

खोटाङ, असार ९ । खोटाङको दिक्तेल रुपाकोट मझुवागढी नगरपालिकाले आगामी आर्थिक वर्ष २०८०/०८१ को लागि ९८ करोडको बजेट पेश गरेको छ । शनिबार भएको नगरपालिकाको ९ औँ नगर सभामा ९८ करोड ६ लाख ५७ हजारको बजेट पेश गरिएको हो । संघीय सरकारबाट ६९ करोड ९३ लाख र प्रदेश सरकारबाट ३ करोड ९८ लाख १२ हजार बजेट प्राप्त हुने छ । यस्तै चालु आर्थिक वर्ष २०७९/०८० मा खर्च नभइ वचत हुने अल्या रकम ७ करोड १५ लाख ३८ हजार हुने अनुमान छ । आगामी आर्थिक वर्षमा नगरपालिकाले आन्तरिक आयमा १ करोड ८० लाखको लक्ष्य राखेको छ । संघीय सरकारबाट १३ करोड २४ लाख २९ हजार र प्रदेश सरकारबाट १ करोड ९५ लाख ७८ हजार राजश्व प्राप्त हुने अनुमान गरिएको बजेटमा उल्लेख छ । कृषि तथा पशुपालनतर्फ फलफूल प्रशोधन केन्द्र निर्माणका लागि १ करोड र कृषि बजार निर्माणका लागि ५० लाख बजेट विनियोजनसँगै अन्य कार्यक्रमहरु रहेका छन् । वैदेशिक रोजगारीमा गएर फर्केका ब्यक्तिहर...

खोटाङ, असार ८ । सुक्खा क्षेत्र घोषणा गरिएको खोटाङको हलेसी क्षेत्रका नागरिकको घर–घरमा दुधकोसीको पानी पु¥याउने योजना अन्तिम चरणमा पुगेको छ । हलेसी तुवाचुङ नगरपालिकाका ७ वडाका कम्तीमा ३ हजार ७ सय ५६ घरधुरीलाई बितरण गर्ने लक्ष्य राखिएको (बृहत पम्पिङ) खानेपानी आयोजना अन्तिम चरणमा पुगेको हो । दुधकोसीको पानीलाई हलेसी तुवाचुङ नगरपालिका–२ डिकुवाको भुम्जुडाँडा र हलेसी तुवाचुङ नगरपालिका–७ महादेवस्थानको काभ्रेडाँडामा निकालेर वितरण गर्ने लक्ष्यका साथ २०७४ सालदेखि करिब एक अर्वको लिफ्टिङ आयोजनाको काम अघि बढाइएको थियो । आयोजना सुरु भएको करीब ७ वर्षमा डिकुवाको भुम्जुडाँडामा पानी आइपुगेको छ । हलेसी तुवाचुङ नगरपालिका–१ बाहुनीडाँडाको लुलिमाबाट दुधकोशीको पानी १५० एमएमको पाईपमार्फत ४ हजार ५ सय मिटरमाथि रहेको डाँडामा निकालिएको हो । दुधकोसीबाट १÷१ लाख लिटरका ६ स्टेपका ६ वटा लिफ्ट ट्यांकी हुँदै भुम्जुडाँडामा बना...

खोटाङ, असार २ । खोटाङको रावा बेसी गाउँपालिका–४ डुम्रेधारापानीमा पुराना योजनाको सार्वजनिक सुनुवाइ र नयाँ बजेटका लागि सुझाव संकलन गरिएको छ । वडामा सञ्चालन भएका चालु आर्थिक वर्ष २०७९/०८० का योजनाको वडाले सार्वजनिक सुनुवाइ गरेको हो । यस्तै, आगामी आर्थिक वर्ष २०८०/८१ को बजेटका लागि सुझाव संकलन गरिएको वडाध्यक्ष ज्ञानबहादुर पाण्डेले जानकारी दिनुभयो । चालू आ.वमा डुम्रेधारापानीमा साना ठुला गरेर ४७ वटा योजनाहरु सञ्चालन भएका छन् । संघ, प्रदेश, पालिका र वडाको गरेर कुल रु १ करोड ९१ लाख ५८ हजार ३७ रुपैयाँ बजेटको योजना वडामा सञ्चालन भएको वडाध्यक्ष पाण्डेले बताउनुभयो । जसको पारदर्शिताका लागि योजनाहरुको प्रगति र सार्वजनिक सुनुवाइ गरिएको उहाँको भनाइ छ । सार्वजनिक सुनुवाइ कार्यक्रममा शिक्षक, बुद्धिजीवी, राजनीतिक दलका प्रतिनिधि, सर्वसाधरण नागरिक तथा सरोकारवालाहरुको उपस्थिति रहेको थियो । उपस्थित ब्यक्तिहरुबा...

खोटाङ, असार २ । खोटाङमा राउत समुदायको संगठन निर्माण गरिएको छ । शुक्रबार दुर्छिममा भएको प्रथम भेलाले बासु राउतको अध्यक्षतामा १९ कार्यसमितिको संगठन चयन गरिएको हो । राउत क्षत्री सेवा समाजको सचिवमा नेत्रबिक्रम राउत र कोषाध्यक्षमा पवित्रा राउतलाई चयन गरिएको छ । समितिको उपाध्यक्ष र सहसचिव मनोनित गर्ने गरी सहमति भएको नयाँ निर्वाचित सचिव राउतले बताउनुभयो । खोटाङ जिल्लाका राउतहरुको प्रथम भेलामा राउत क्षत्री सेवा समाजका केन्द्रीय अध्यक्ष भगवान बहादुर राउत, महासचिव श्याम कुमार राउत ,कोषाध्यक्ष इराज राउत, केन्द्रीय सदस्य देबेन्द्र राउतको उपस्थिति रहेको थियो । विशेष अतिथिकोरुपमा हलेसी तुवाचुङ नगरपालिकाका मेयर विमला राई, उपमेयर रमेशकुमार राउत र अतिथिहरुमा नगर सभापति चक्रकुमार राई, वडाध्यक्षहरु रुपेन्द्र कुमार राई र टेकराज राई लगायतको उपस्थित रहेको सचिव राउतको भनाइ छ ।...