समाचार

खोटाङ, जेठ ८ । हलेसी तुवाचुङ नगरपालिकाले सञ्चालन गरेको नगर स्तरीय वार्षिक परिक्षामा उत्कृष्ट नतिजा ल्याउने ९ वटा विद्यालय र ६ जना विद्यार्थीलाई नगरपालिकाले पुरस्कार प्रदान गर्ने भएको छ । गत चैत ९–१६ गतेसम्म सञ्चालन भएको शैक्षिक सत्र २०७९ को वार्षिक परिक्षामा पहिलो, दोस्रो, तेस्रो हुने विद्यालय र कक्षा प्रथम हुने विद्यार्थीलाई नगरपालिकाले नगद पुरस्कार प्रदान गर्न लागेको हो । शैक्षिक सत्र २०७९ को कक्षा ४–९ सम्मको वार्षिक परिक्षा नगरपालिकाले (एसईई) मोडलमा सञ्चालन गरेको थियो । जसमा कक्षा ४ मा नगरपालिका भरीमा दामोदरमहासिंह आवि दुर्छिमका ब्रोलिजा राई ३.३४ जीपीए ल्याएर प्रथम भएकी छन् । कक्षा ५ मा हिमगंगा आवि अर्खौलेका भविन पुरी (३.४४ जीपीए), कक्षा ६ मा बुलापन्थे मावि धितुङका सुजना राई (३.२९ जीपीए) कक्षा ७ मा बुलापन्थे मावि धितुङका अनिल कट्वाल (३.०३ जीपीए), कक्षा ८ मा लक्ष्मी मावि बडहरेका गणेस दा...

खोटाङ, जेठ ६ । खोटाङको ऐसेलुखर्क गाउँपालिकामा भएको निःशूल्क आँखा शिबिरमा ७८० जनाले सेवा लिएका छन् । निःशुल्क आँखा शल्यचिकित्सा शिबिरमा ७८० जनाको आँखाको जाँच गर्दा ५२ जनाको मोतियाबिन्दुको शल्यक्रिया गरिएको गाउँपालिका अध्यक्ष गिरेन्द्रबहादुर राईले बताउनुभयो । प्राथमिक स्वास्थ्य केन्द्र ऐसेलुखर्कमा जेठ ४ गतेदेखि जेठ ६ गतेसम्म सञ्चालन गरिएको निःशुल्क आँखा शल्यचिकित्सा शिबिरमा १० वर्षीय बालकले पहिलो पटक आँखा देखेका छन् । ऐसेलुखर्क गाउँपालिका–३ ऐसेलुखर्क भोक्तेनीका १० वर्षीय लालकुमार खुलाल जन्मजात मोतियाविन्दुको समस्याबाट पिडित थिए । जन्मदै दुबै आँखाको दृष्टि धमिलो भएका खुलाल अरुको साहरामा हिँडडुल गर्थे । स्वर सुनेर आफन्तलाई चिन्थे । अरुले हातमा समाएर डोराइरहँदा आँखा हातले छोपेर हिँड्थे । नदेखेर लरबरिँदै हिँड्ने लालकुमारको आँखामा शल्यक्रियापछि ज्योती खुलेको छ । उनि अहिले आफै हिड्न सक्ने भएका छन...

खोटाङ, जेठ ४ । खोटाङको दिक्तेल रुपाकोट मझुवागढी नगरपालिकालाई पूर्ण खोप सुनिश्चितता नगर घोषणा गरिएको छ । नगरपालिका भित्रका १६ देखि २३ महिनासम्मका बालबालिकाले सम्पूर्ण खोपको मात्रा पूरा गरेको सुनिश्चित भएपछि नगरपालिकालाई बिहिबार पूर्ण खोप सुनिश्चितता नगर घोषणा गरिएको हो । नेपाल सरकारले निःशूल्क प्रदान गर्ने सबै मात्रा खोप नगरपालिकाका १५ वटै वडाका ३ सय ८४ जना बालबालिकाले राष्ट्रिय खोप तालिका अनुसार खोप लगाएको जनस्वास्थ्य निरिक्षक खेमराज आचार्यले जानकारी दिनुभयो । अन्तिम खोप लगाउन छुटेको भेटिएका बाम्राङका तीन जना बालबालिकालाई पनि खोप लगाइएको छ । यस्तै, १६ महिनासम्म कुनै खोप नलगाएको खार्मीमा एक बच्चा भेटिएका थिए । उनलाई पनि पुरा खोप लगाइएको आचार्यले बताउनुभयो । नगरपालिका भीत्रका सबै बालबालिकाले खोप लगाएको सुनिश्चितता भएपछि स्वास्थ्य कार्यालय खोटाङले नगरपालिकालाई पूर्ण खोप सुनिश्चितताको प्रमाण...

खोटाङ, जेठ ३ । कोशी पद्रेशका विभिन्न जिल्लाका युवाहरुले भ्रष्टाचारीहरुको सामुहिक श्राद्ध गरेका छन् । सुनसरीको दुहबी–३ गणेश मन्दिरमा मंगलबार सम्पुर्ण भ्रष्टाचारीहरुको नर्कमा बासको श्राप सहित सामुहिक श्राद्ध गरेका हुन् । देशमा निरन्तर भ्रष्टाचार बढिरहेको र भ्रष्टाचारमा उच्च ओहदाको ब्यक्तिहरुको संग्लनता रहेकाले उनिहरुको नष्ट हुनु पर्ने भन्दै श्राद्ध गरिएको खोटाङका निर्दोष पोखरेलले बताउनुभयो । देशको अर्थतन्त्र खस्किएको तर भ्रष्टाचारीहरु मौलाइरहेकाले उनिहरुलाई पिण्डदान सहित त्रिपनताम गरि बिरोध गरिएको पोखरेलको भनाइ छ ।...

खोटाङ, जेठ २ । खोटाङको हलेसी तुवाचुङ नगरपालिका–७, महादेवस्थानका दुई आमा समुहलाई नगरपालिकाले कपास पेल्ने मेसिन प्रदान गरेको छ । व्यवसायिकरुपमा कपास उत्पादन गर्दै आएका महादेवस्थानका जुन तारा आमा समुह र गोदाबारी आमा समुहलाई नगरपालिकाले मंगलबार कपास पेल्ने मेसिन हस्तान्त्रण गरेको हो । पुर्खाको पालामा हलेसी तुवाचुङ नगरपालिका क्षेत्रका धेरै ठाउँमा कपास खेती हुने गरेको बताइन्छ । तर पछिल्लो समय लोपोन्मुख बनेको कपास खेती संकृतिसँग पनि जोडिएको भन्दै नगरपालिकाले प्रवद्र्धन गर्न सुरु गरेको हो । नगरपालिकाको अनुदानमा महादेवस्थानको साविक ६ र ९ नम्बर वडामा जुन तारा र गोदाबारी आमा समुहले कपास खेती गर्दै आएका छन् । यो वर्ष दुई आमा समुहका करीब ६५ घर परिवारले ८० रोपनी भन्दा धेरै जग्गामा कपास लगाएका थिए । जसबाट करीब १ हजार ५ सय केजी कपास उतपादन भएको जुन तारा आमा समुहका अध्यक्ष अम्बिका राईले बताउनुभयो । उत्पा...

खोटाङ, जेठ २ । खस्किएको देशको अर्थतन्त्र सुधार गर्न देशभरका जनप्रतिनिधिले तलब नलिन खोटाङका ज्येष्ठ नागरिकले माग गरेका छन् । वडा सदस्यदेखि राष्ट्रपतिसम्मका जनप्रतिनिधिहरुले २०८४ सालसम्म भ्रमण र बैठक भत्ता बाहेक अन्य सेवा सुविधा लिन नहुने ज्येष्ठ नागरिकको माग रहेको छ । नेपालको अर्थतन्त्र श्रीलंकाको जस्तै हुने अवस्थामा पुगेको छ । कर्मचारीहरुलाई तलब दिने पैसासमेत अभाव भइसकेको हुँदा अब जनप्रतिनिधिहरुले निशूल्क जनताको सेवा गर्नु पर्ने माग राख्दै जिल्ला प्रशासन कार्यालय खोटाङमार्फत प्रधानमन्त्रीलाई ज्येष्ठ नागरिक संघ खोटाङले मंगलबार ज्ञापन पत्र पठाएको हो । ज्ञापन पत्र बुझ्दै प्रमुख जिल्ला अधिकारी सुर्य प्रसाद सेडाइले तत्काल प्रधानमन्त्री साथै गृहमन्त्रीको कार्यालयमा पठाउने बताउनुभएको छ । जनप्रतिनिधिले तलब नलिनेसँगै हालसम्म भएको बेरुजु कानुन बमोजित तिर्नु पर्ने रकम एक वर्ष भित्रमा फछ्र्यौट गर्ने...

राजकुमार भट्टराई (सरगम) खोटाङ, वैशाख ३१ । खोटाङको हलेसी तुवाचुङ नगरपालिका–१ बाहुनीडाँडास्थित पञ्चावतीदेवी प्राथमिक विद्यालयको शौचालय निर्माणको काम सम्पन्न नभइ भुक्तानी भएको पाइएको छ । विद्यालयमा शौचालय नहुँदा विद्यार्थी अहिले पनि पाखा भित्तामा दिसापिसाब गर्न बाध्य छन् । तर शौचालय निर्माण सम्पन्न गरेको भनेर विद्यालयले २०७७ सालमै रु १५ लाख पैसा लगिसकेको छ । २०७२ सालमा गएको भुकम्पले क्षति गरेका विद्यालयका संरचना पुनर्निर्माण गर्ने गरी राष्ट्रिय पुनर्निर्माण प्राधिकरण जिल्ला आयोजना कार्यान्वयन इकाई–शिक्षा कार्यालय करीब ०७४ सालदेखि दिक्तेलमा बसेको थियो । सोही कार्यालयको रु १५ लाख बजेटबाट पञ्चावतीदेवी प्रा.वि बाहुनीडाँडाको शौचालय निर्माण गर्ने गरी १३ असार २०७६ मा सम्झौता भएको देखिन्छ । बाहिर पानीको धारासहित तीन कोठे शौचालय २१ असार २०७७ मा निर्माण सम्पन्न गर्ने गरी सम्झौता भएको थियो । सम्झौता म...

खोटाङ, वैशाख २९ । खोटाङको हलेसी तुवाचुङ नगरपालिका–१ बाहुनीडाँडाको वडा कार्यालय भवन शिलान्यास गरिएको छ । हाल वडा कार्यालय भाडाको कोठाबाट सञ्चालन भइरहेको छ । वडाको आफ्नै भवन निर्माणका लागि शुक्रबार वडाध्यक्ष रुद्रकुमार राईले भवनको शिलान्यास गर्नुभएको हो । हलेसी तुवाचुङ नगरपालिकाको चालु आर्थीक वर्ष २०७९/०८० को समपुरक बजेटबाट चार वटा वडा कार्यालयका भवन निर्माण भइरहेका छन् । १ करोड ९ लाख ७९ हजारमा वडा नम्बर १ बाहुनीडाँडा, २ डिकुवा र ३ च्यास्मिटारको भवन निर्माणको जिम्मा ओजास निर्माण सेवा ललितपुरले लिएको छ । डिकुवा र च्यास्मिटारको भवन शिलान्यान भएर धमाधम निर्माण भइरहेको छ । बाहुनीडाँडाको भवन शुक्रबार शिलान्यास भएसँगै निर्माण प्रक्रिया अघि बढेको निर्माण कम्पनीले जनाएको छ । ३ वटै वडाको १ तले आरसिसि भवन निर्माण हुने वडाध्यक्ष राईले बताउनुभयो । ५४ लाख ९८ हजारमा निर्माण भइरहेको वडा नम्बर ७ महादेवस्थ...

खोटाङ, वैशाख २७ । खोटाङको रावाबेसी गाउँपालिका–१ कुभिण्डे दम्कु गोपिनीमा बौद्ध धर्मावालम्बीहरुको गुम्बा निर्माण गरिएको छ । स्थानीय सरकार र सहयोगीतादाताहरुबाट रकम संकलन गरेर साङ्गे छयोइलिङ गुम्बा निर्माण गरिएको स्थानीयले जनाएका छन् । गुम्बा निर्माण सम्पन्न भएसँगै बुधबार एक कार्यक्रमको आयोजना गरेर उद्घाटन गरिएको छ । रावा बेसी गाउँपालिकाका अध्यक्ष फटिक कुमार श्रेष्ठ र उपाध्यक्ष कौशिला गुरुङले संयुक्त रुपमा गुम्बाको उद्घाटन गर्नुभएको हो । गाउँपालिको आर्थिक वर्ष २०७७/०७८ मा विनियोजित ४ लाख, आर्थिक वर्ष २०७९/०८० मा विनियोजित ६ लाख र ४५ जना दाताबाट संकलित ९ लाख ७५ हजार ११० रुपैयाँ गुम्बा निर्माणमा लगानी भएको गुम्बा निर्माण उपभोक्ता समितिका सचिव पर्शुराम तामाङले बताउनुभयो । गुम्बा भित्र बुद्धकोसहित तीनवटा मुर्ती राखिएको छ । बाकी रहेको ६० हजार १३० रुपैयाँ बजेट गुम्बा वरपर घेराबारा, शौचालय, पिउने प...

खोटाङ, वैशाख २७ । खोटाङमा मोटरसाईकल दुर्घनटामा एक ब्यक्ति गम्भीर घाइते भएका छन् । बस र मोटरसाईकल ठोक्किएर दुर्घट्ना हुँदा मोटरसाइकल चालक दिक्तेल रुपाकोट मझुवागढी नगरपालिका–१२ जालपाका २८ वर्षीय राजन राई गम्भीर घाइते भएका हुन् । दिक्तेलबाट हुर्लुङतर्फ जाँदै गरेको बा ८३ प २८६६ नम्बरको मोटरसाइकल र विपरीत दिशाबाट जन्ती बोकेर आउँदै गरेको बा ३ ख १८९५ नम्बरको बस मध्यपहाडी लोकमार्गको मुढेब नजिक घुम्तीमा ठोक्किएर दुर्घटना भएको जिल्ला प्रहरी कार्यालय खोटाङले जनाएको छ । घाईते राईको हातखुट्टा, अनुहार र शरीरमा चोट गहिरो चोट लागेको बताइएको छ । उनको दिक्तेलस्थित फेमेली केयर अस्पतालमा उपचार संम्भव नभएपछि एम्बुलेन्समाफर्त शिक्षण अस्पताल महाराजगञ्ज पठाईएको छ । उनको नाक र मुखबाट रगत बगिरहेको प्रहरीको भनाइ छ । बस, बसका चालकलाई नियन्त्रणमा लिएर अनुसन्धान थालिएको खोटाङका डिएसपी मञ्जिल मुकारुङले बताए ।...