खोटाङ, पुस २१ । नेकपा एमाले निकट पत्रकार संगठन प्रेस चौतारी नेपाल जिल्ला शाखा खोटाङको पाँचौँ जिल्ला अधिवेशन पुस २४ गते हुने भएको छ । मंगलबार बसेको बैठकले जिल्ला अधिवेशन पुस २४ गते सदरमुकाम दिक्तेलमा गर्ने निर्णय गरेको हो ।
खोटाङ, पुस २० । खोटाङबाट रविन चाम्लिङ राष्ट्रिय प्रजातन्त्र पार्टी (राप्रपा) को केन्द्रीय सदस्य मनोनीत हुनुुभएको छ । पार्टीको विधान बमोजिम खोटाङबाट चाम्लिङ केन्द्रीय सदस्य मनोनीत हुनुभएको हो ।
पार्टीका केन्द्रीय अध्यक्ष राजेन्द्र लिङ्देनले आज ३१ जना केन्द्रीय सदस्य मनोनीत गर्नुभएको छ ।
खोटाङ, पुस १८ । खोटाङको हलेसी तुवाचुङ नगरपालिका–७, महादेवस्थानमा अवस्थित हिन्दु, बौद्ध र किराँत धर्मावलम्बीको त्रिधार्मिक आस्थाको केन्द्र हलेसी मन्दिरमा १७ दिनको अवधिमा ३ लाख ८१ हजार रुपैयाँ बढी भेटी संकलन भएको छ ।
दर्शनार्थी तथा पर्यटकबाट मंसिर २३ गतेदेखि पुस ११ गतेसम्ममा ३ लाख ८१ हजार ५ सय ९० रुपैयाँ भेटी संकलन भएको हलेसी सूचना केन्द्रका प्रमुख सयन्द्र राईले जानकारी दिनुभयो । उहाँका अनुसार महादेव मन्दिरको शिव पार्वती थानबाट ३ लाख ३३ हजार ६ सय ६५ रुपैयाँ र मन्दिरको प्रांगणमा रहेको दानपेटिकाबाट ४७ हजार ९ सय २५ रुपैयाँ संकलन भएको हो ।
साथै बिजुली, पानी, इलाका प्रहरी कार्यालय हलेसीको गाडी मर्मत, मन्दिरभित्र रहेको पिलर रङरोगन, गणेश मन्दिर रङरोगन, मन्दिर व्यवस्थापन समितिबाट ट्राफिक चोकमा निर्माण गरिएको मन्दिर प्रवेश गेट रङरोगन तथा लेखन, भेटी गणना, अतिथि सत्कार, खाजा, विभिन्न आर्थिक सहयोग ल...
खोटाङ, पुस १८ । नेपाल निजमाती कर्मचारी संगठन वराहपोखरी गाउँपालिकाको अध्यक्षमा नवराज राई सर्वसम्मत चयन हुुनुभएको छ ।
पालिका स्तरको अधिवेशनबाट राईको अध्यक्षातमा संगठनको वराहपोखरी गाउं इकाइ कार्यसमिति सर्वसम्मत गठन भएको हो ।
समितिको उपाध्यक्षमा दीलिप राई, सचिवमा पूजा अधिकारी र कोषाध्यक्षमा रेनुका राई चयन हुनुभएको छ ।
सदस्यहरूमा अनिमा श्रेष्ठ, जयदेव पौडेल, जितबहादुर राई, सरिता मगर, असल विक, द्रोणराज रेग्मी र कोपिला राई चयन हुनुभएको छ ।
यस्तै सल्लाहकार समिति संयोजकमा छत्र बानियाँ र सल्लाहकार सदस्यमा शत्रुधन सेठ र बालेश्वर यादव चयन हुनुभएको छ ।...
खोटाङ, पुस १८ । खोटाङमा लामो समयसम्म विद्युत महसुल नतिर्ने १७ ग्राहकको लाइन काटिएको छ । ५ हजार बढी बक्यौता तिर्न बाँकी रहेका र दुई महिनासम्म महसुल नतिरेका दिक्तेलबजार क्षेत्रका ती ग्राहकको लाइन काटिएको नेपाल विद्युत प्राधिकरण दिक्तेल वितरण केन्द्रका प्रमुख विजयराज रेग्मीले जानकारी दिनुभयो ।
आइतबार लाइन काटिएकामध्ये ८ जना ग्राहकले ४० हजार ७ सय २ रुपैयाँ बक्यौता रकम तिरेपछि पुनः लाइन जडान गरिएको छ । लाइन काटिएका अन्य ९ ग्राहकबाट अझै ८३ हजार ५ सय २२ रुपैयाँ ७१ पैसा महसुल उठ्न बाँकी रहेको वितरण केन्द्रले जनाएको छ ।
महसुल असुली अभियान निरन्तर जारी रहने भएकाले बेलैमा बक्यौता तिरेर ग्राहक अनुशासन कायम गर्न पनि केन्द्रले आग्रह गरेको छ ।...
खोटाङ, पुस १८ । खोटाङ सदरमुकाम दिक्तेलबजारमा मह भन्दै एक तराई मूलकी महिलाले अखाद्य वस्तु बिक्री गर्दै हिँडेको पाइएकाले सचेत रहन उद्योग वाणिज्य संघ खोटाङले आग्रह गरेको छ ।
महको नाम गरेर अपरिचित एक महिलाले आफू खोटाङबासी भएको बताउँदै अखाद्य वस्तु बिक्री गरेको जानकारीमा आएको संघका महासचिव मनोज बजियमले बताउनुभयो । कोही कसैलाई पनि खरिद नगर्न र ती महिला भेट्नेलाई उद्योग वाणिज्य संघमा जानकारी गराउन उहाँले आग्रह गर्नुभयो ।...
खोटाङ, पुस १७ । नेपाली कांग्रेस रावाबेसी काठमाडौँ सम्पर्क समितिको सभापतिमा घनश्याम श्रेष्ठ चयन हुनु भएको छ । आज सम्पन्न नेपाली कांग्रेस रावाबेसी काठमाडौँ सम्पर्क समितिको भेलाले श्रेष्ठको सभापतित्वमा १७ सदस्यीय तदर्थ समिति गठन गरेको हो ।
समितिको उपसापतिमा कैलास के.सी र चन्द्र दर्लामी, सचिवमा एलिना पाण्डे, सह–सचिवमा ददिराम भट्टराई र कोषाध्यक्षमा जय मगर सर्वसम्मत चयन हुनु भएको नेपाली कांग्रेस रावाबेसी गाउँपालिका सचिव चिरन्जीवी कार्कीले जानकारी दिनुभयो ।...
खोटाङ, पुस १७ । नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) खोटाङको अध्यक्षमा मोहन संग्राम (पोखरेल) निर्वाचित हुनुभएको छ । अनेरास्ववियु खोटाङको २३ औँ जिल्ला सम्मेलनले संग्रामको अध्यक्षतामा ३५ सदस्यीय जिल्ला कमिटि सर्वसम्मत निर्वाचित गरेको हो ।
अनेरास्ववियुको जिल्ला उपाध्यक्षमा यम खड्का, सचिवमा बिष्णु उपरकोटी, उपसचिवमा घनश्याम ढकाल, सुरेश प्रधान र सुनिता राई, कोषाध्यक्षमा मुस्कान राई सर्वसम्मत निर्वाचित हुनु भएको छ । यस्तै संगठन बिभाग प्रमुखमा अभिषेक घिमिरे, रचनात्मक बिभाग प्रमुखमा विप्लव कोइराला, प्रचार प्रसार बिभाग प्रमुखमा प्रकाश पौडेल र प्रशिक्षण बिभाग प्रमुखमा शंकर खनाल सर्वसम्मत निर्वाचित हुनुभएको छ ।
दिक्तेल समिक्षालय हलमा आज भएको जिल्ला सम्मेलनमा अनेरास्ववियुका केन्द्रिय अध्यक्ष सुनिता बराल, नेकपा एमालेका केन्द्रिय सदस्य एवं प...
खोटाङ, पुस १७ । जिल्ला सहकारी संघ खोटाङको अध्यक्षमा मिलन चाहार निर्वाचित हुनु भएको छ । संघको चौथो अधिवेशन एवं साधारण सभाले आज चाहारको अध्यक्षतामा ११ सदस्सीय पदाधिकारी सर्वसम्मत निर्वाचित गरेको हो ।
संघको उपाध्यक्षमा सनमान खड्का, सचिवमा दिपेन्द्र राई, कोषाध्यक्षमा सरिता राई सर्वसम्मत निर्वाचित हुनु भएको छ । सदस्यहरुमा रघुनन्द राई, जेपि राई, पर्शुराम बिश्वकर्मा, मनोज बजिमय, गोपाल आचार्य निर्वाचित हुनु भएको छ भने अन्य दुई जना सदस्य पछि थप्ने निर्णय भएको नवनिर्वाचित अध्यक्ष चाहारले जानकारी दिनुभयो । यस्तै लेखा सुपरिवेक्षण समितिमा कबिकुमार राई र ध्रुव श्रेष्ठ निर्वाचित हुनुभएको छ ।
पुर्व जिल्ला सहकारी संघ खोटाङका अध्यक्ष नुरकाजी सैजुको प्रमुख आतिथ्यतामा सम्पन्न भएको सभाले आर्थिक बर्ष २०७८\७९ को लागि नीति तथा कार्यक्रम पारित गरेको छ । आ.व २०७७\७८ को खर्च अनुमोदन तथा २०७८\७९ को लागि प्रस्ताबित ...
खोटाङ, पुस १५ । काठमाण्डौबाट दिक्तेल आउदै गरेको सुमो हलेसीमा दुर्घटना भएको छ । ना १ ज ४९५६ नम्बरको सुमो मध्य पाहाडि लोकमार्ग अन्तरगत हलेसी तुवाचुङ नगरपालिका ७ गुँरासेमा अन्यत्रित भइ सडकबाट १० मिटर तल खसेर दुर्घटना भएको जिल्ला प्रहरी कार्यलय खोटाङले जनाएको छ ।
आज करीब साँझ ५ बजे भएको दुर्घटनामा सुमोमा सवार ७ जनानै घाइते भएका छन । घाइते मध्ये दिक्तेल रुपाकोट मझुवागढी नगरपालिका दुईका ६२ बर्षका काजिमान राईको दाहिने हातको ३ वटा औला चुट्टिएको छ । १ बर्षका नाबालक सहित अन्य ६ जनालाई सामान्य चोट लागेको छ ।
घाइतेको इलाका प्रहरी कार्यलय हलेसीको प्रहरी टोलीले उद्दार गरी ओमबाबा पोलिक्लीनिक मेडिकल हलेसीमा उपचार भईरहेको छ । सुमो चाल फरार रहेको प्रहरीको भनाई छ ।...
