Banner News 2

खोटाङ, चैत २८ । खोटाङ कोरोना भाइरस (कोभिड–१९) मुक्त जिल्ला बनेको छ । पछिल्लोपटक संक्रमण पुष्टि भई होम आइसोलेसनमा रहेका दुई जना आइतबार निको भएसँगै जिल्ला तत्कालका लागि संक्रमणमुक्त बनेको हो । आइतबार २५ जनाको एन्टिजेन परीक्षण गर्दा कसैमा पनि संक्रमण नेदेखिएको जिल्ला स्वास्थ्य कार्यालय खोटाङका प्रमुख पुुण्यप्रसाद सिग्देलले जानकारी दिनुभयो । कोरोनमा महामारी सुरु भएयता जिल्लामा ३ हजार ५ सय २ जनामा संक्रमण पुष्टि भएको थियो । तीमध्ये ३ हजार ४ सय ५८ जना निको भएका स्वास्थ्य कार्यालयको तथ्यांक छ । पहिलो र दोस्रो लहरमा गरी संक्रमणबाट १५ जनाको ज्यान जाँदा तेस्रो लहरमा भने मृत्यु हुनेको संख्या शून्य रह्यो । जिल्लामा हालसम्म १ लाख ७ हजार ४२ जनाले पूर्ण र १ लाख २१ हजार ४ सय ३० जनाले पहिलो मात्रा खोप लगाएका छन् । जिल्लामा महामारीमा उपयोगका लागि जिल्ला अस्पतालसहित ७ अस्पतालमा २३४ बेड उपलब्ध छ । यस्तै १ ...

खोटाङ, चैत २२ । खोटाङको हलेसी तुवाचुङ नगरपालिका–३ च्यास्मिटारको वडा कार्यालय तोडफोड भएको छ । वडा कार्यालयको दुई तले भवनको सभाहलका रूपमा प्रयोग भइरहेको भुइँतलाको कोठामा तोडफोड भएको हो । सोमबार राति स्थानीय युवाले वडा कार्यालयको ताला तोडेर तोडफोड गरेका हुन् । तोडफोडबाट प्लास्टिकका १७ वटा कुर्सी, काठका तीन वटा बेन्च, प्लास्टिकको एउटा वटा टेबल, एक थान ह्वाइटबोर्ड, भइपरी आउँदा प्रयोग गर्न राखिएको दुई वटा हेलमेट, दुई थान पावर सकेट लगायत सामानमा क्षति पुगेको वडाध्यक्ष भलाराज राईले बताउनुभयो । यस्तै हरेक महिनाको २७ गते वितरण गर्नेगरी राखिएको आयुर्वेदको औषधि छरपस्ट अवस्थामा भेटिएको छ । पानी भरेर राख्ने गरिएको एक थान सिल्भरको गाग्री पूर्ण रूपमा क्षति भएको पाइएको छ । वडा कार्यालयको दुई तले भवनको माथिल्लो तलाबाट भने वडाको कामकाज सञ्चालन हुँदै आएको छ । तोडफोडमा संलग्न भएको अभियोगमा चार युवालाई पक्...

प्रेम श्रेष्ठ खोटाङ, चैत १७ । रावाबेसी गाउँपालिकाका दुई वटा वडामा महिनाको दुई दिन सञ्चालन हुने गरी (नागरिक आरोग्य सेवा कार्यक्रम) सुरु भएको छ । गाउँपालिकाको आयोजना र खार्पा थुम्की आयुर्वेद औषधालयको संयोजनमा वडा नम्बर–५ दुबेकोल र ६ हौँचुरमा (नागरिक आरोग्य सेवा कार्यक्रम) सुरु भएको हो । पहिलो दिन चैत १५ गते दुबेकोलबाट कार्यक्रमको सुरुवात गरिएको गाउँपालिकाले जनाएको छ । यस्तै दोस्रो दिन चैत १६ गते हिजो हौँचुरमा सो कार्यक्रम सञ्चालन भएको छ । अव प्रत्येक महिनाको १५ र २९ गते दुवेकोलमा, १६ र ३० गते हौँचुरमा (नागरिक आरोग्य सेवा कार्यक्रम)ले त्यहाँका नागरिकलाई सेवा दिने हौँचुरका वडाध्यक्ष यज्ञनारायण श्रेष्ठले जानकारी दिनुभयो । (नागरिक आरोग्य सेवा कार्यक्रम) अन्तरगत योग तथा स्वास्थ्य परामर्शसँगै बिभिन्न रोगहरुको आयुर्वेदिक औषधि निशुल्क प्रदान गरिने वडाध्यक्ष श्रेष्ठले बताउनुभयो ।...

खोटाङ, चैत १६ । हलेसी तुवाचुङ नगरपालिका–८ धितुङका ८० जना ज्येष्ठ नागरिक सम्मानित भएका छन् । वडा कार्यालयले आज कार्यक्रम नै आयोजना गरेर महिला र पुरुष गरी ८० जना ज्येष्ठ नागरिकलाई सम्मान गरेको हो । ७३ वर्षमाथिका पुरुष र ७० वर्ष माथिका महिला ज्येष्ठ नागरिकलाई सम्मान गरिएको धितुङका वडाध्यष पृथ्वीराज राईले जानकारी दिनुभयो । ज्येष्ठ नागरिकहरूलाई नगरपालिकाक मेयर इवन राई र उपमेयर विमला राईले दोसल्ला आढाएर सम्मानपत्रसहित सम्मान गर्नुभएको हो । सोही अवसरमा ज्येष्ठ नागरिकको स्वास्थ्य जाँचसमेत गरिएको छ । स्वास्थ्य चौकी धितुङका स्वास्थ्यकर्मीलाई बोलाएर सम्मान कार्यक्रममा उपस्थित ज्येष्ठ नागरिकको रक्तचाप जाँच गरिएको वडाध्यक्ष राईले बताउनुभयो । दुर्छिममा महिलालाई बुटिक तालिम हलेसी तुवाचुङ नगरपालिका–५ दुर्छिममा महिलालाई बुटिक सम्बन्धी सीप विकास तालिम प्रदान गर्न थालिएको छ । गरिबी निवारणका लागि लघु उद...

खोटाङ, चैत १५ । नेपाली कांग्रेस खोटाङ जिल्ला कार्य समितिको कोषाध्यक्षमा नवराज राई मनोनीत हुनुभएको छ । निर्वाचित जिल्ला सदस्यलाई सभापतिले सिफारिस गर्ने र जिल्ला कार्यसमितिले मनोनीत गर्ने कांग्रेसको बिधान अनुसार छैटौँ बैठकले राईलाई कोषाध्यक्षमा मनोनीत गरेको हो । सदरमुकाम दिक्तेल स्थित कांग्रेसको पार्टी कार्यालय बिपि स्मृती भवनमा आज बसेको जिल्ला कार्य समितिले बैठकले कोषाध्यक्षमा राईलाई मनोनीतसँगै अन्य चार वटा निर्णय समेत गरेको छ । वडागत संगठन बिस्तार सुदृढीकरण र अनुगमन समितिले पेस गरेको प्रतिबेदन अध्यान गर्नका लागि उप–सभापति तिर्थराज भट्टराईको संयोजकत्वमा अध्यान समिति गठन गरिएको कांग्रेसका जिल्ला सभापति बिष्णुकुमार राईले जानकारी दिनुभयो । सो समितिले चैत ३० गते भीत्रमा प्रतिबेदनको अध्यान गरी सार प्रतिवेदन पार्टीको जिल्ला कार्यालयमा बुझाउनु पर्नेछ । यस्तै प्रदेश क्षेत्रीय समितिले वडा र पालिका...

खोटाङ, चैत १४ । बहुमूल्य धातु पुल्ली उत्खनन गरेको आरोपमा खोटाङमा पाँच जना पक्राउ परेका छन् । खोटेहाङ गाउँपालिका–३ सावाकटहरेस्थित बारीमा पुल्ली उत्खनन गरेको आरोपमा उनीहरू पक्राउ परेका हुन् । पक्राउ पर्नेहरूमा पाचँथरको फिदिम नगरपालिका–९ का ५१ वर्षीय गोकुल आङ्दाङबे, २४ वर्षीय अशोक आङ्दाङबे, २६ वर्षीय झिलन आङ्दाङबे, ५७ वर्षीय डिल्ली आङ्दाङबे र झापाको धाइजन गाउँपालिका–७ का ७३ वर्षीय सुनबहादुर चेम्जोङ रहेका प्रहरीले जनाएको छ । बहुमूल्य धातु पुल्लीको उत्खनन भइरहेको भन्ने सूचनाको आधारमा इलाका प्रहरी कार्यालय खोटाङबजारबाट खटिएको प्रहरी टोलीले उनीहरूलाई पक्राउ गरेको हो । प्रहरीले उनीहरूको साथबाट २ थान सेतो कालो पाटे पुल्ली, १ थान कालो भेडी सेतो, १ थान कालो टेका भेडी, २ थान रातो टेका माला, ६ थान खैरो टेका माला र ५ थान बेल्चा बरामद गरेको छ । यस सम्बन्धमा प्रहरीले थप अनुसन्धान गरिरहेको जनाएको छ ।...

खोटाङ, चैत १३ । नेकपा एमाले संसदीय दलका प्रमुख सचेत विशाल भट्टराईले गठबन्धनमा रहेका पाँच दल मात्र पर्याप्त नभए अन्य दल पनि थप्न सुझाव दिनुभएको छ । तर, पनि एमालेलाई पराजित गर्न नसक्ने उहाँको दावी छ । गृह जिल्ला खोटाङ आउनु भएका भट्टराईले ऐसेलुखर्क युवा संघले आयोजना गरेको पुरुष एवं महिला भलिबल प्रतियोगिताको आइतबार उद्घाटन गर्दै भन्नुभयो “हिजो मात्र प्रधानमन्त्री शेरबहादुर देउवाले एमाले बलियो छ एक्लै लड्न सकिदैन, त्यसैले हामी मिलौँ भनेर भन्नु भएछ । पाँच वटा दलले पुग्दैन भने प्रधानमन्त्री ज्यु अरु पनि छरियाका कोही छन् भने मिलाउनुहोस् एमाले यक्लै लड्छ ।” एमालेको पोलिटब्युरो सदस्य समेत रहनुभएका प्रमुख सचेतक भट्टराईले एमालेले कसैसँग गठबन्धन नगर्ने र सूर्य बाहेक अन्य चुनाव चिन्हमा भोट पनि नमाग्ने बताउनुभयो । सबै राजनीतिक दल एक ठाउँमा उभिएपनि आगामी बैशाख ३० गते हुने स्थानीय तहको चुनावमा एमालेले एक...

खोटाङ, चैत्र १२ । जनता समाजवादी पार्टी (जसपा) निकट विद्यार्थी संगठन र युवा संगठनको दिक्तेल रुपाकोट मझुवागढी नगरपालिका समति गठन भएको छ । शनिबार दिक्तेलस्थित जिल्ला समन्वय समितिको हलमा सम्पन्न प्रथम नगर सम्मेलनले विद्यार्थी संगठन र युवा संगठनको नगर समिति गठन गरेको समाजवादी विद्यार्थी युनियन प्रदेश १ का मुख्य सचिव कृष्ण गिरीले जानकारी दिनुभयो । जसपाका केन्द्रीय सदस्य तथा किरात राष्ट्रिय समितिका अध्यक्ष रमेश राईको प्रमुख आतिथ्यता र समाजवादी युवा संघ खोटाङका अध्यक्ष गजेन्द्र राईको अध्यक्षतामा भएको सम्मेलनले समाजवादी विद्यार्थी युनियनमा सञ्जीव राईको अध्यक्षतामा २३ सदस्यीय नगर समिति गठन गरेको छ । युनियनको उपाध्यक्षमा कविता राई, सचिवमा रामप्रसाद घिमिरे, सहसचिवमा संगम राई र कोषाध्यक्षमा उषा परियार चयन हुनुभएको छ । यस्तै सुरेन्द्र राईको अध्यक्षतामा ३५ सदस्यीय युवा संघको  नगर समिति गठन गरिएको छ ।...

खोटाङ, चैत १० । आगामी वैशाख ३० गते हुने स्थानीय तह निर्वाचनका लागि खोटाङ १३ दल दर्ता भएका छन् । जिल्ला निर्वाचन कार्यालयका अनुसार ६ ठूला दलबाहेक १३ साना दलले निर्वाचनका लागि चिह्न लिन दल दर्ता गराएका हुन् । निर्वाचन आयोगले दलहरूलाई आफ्नै निर्वाचन चिह्न लिनका लागि चैत ४ गतेदेखि ६ गतेसम्म आवेदन दिन समय दिएको थियो । आयोगले तोकेको समयमा खोटाङमा क्रियाशील रहेका १३ दलले आफ्नै निर्वाचन चिह्नका लागि विवरण बुझाएका जिल्ला निर्वाचन कार्यालय खोटाङका सूचना अधिकारी लोकेन्द्रकुमार राईले जानकारी दिनुभयो । राईका अनुसार राष्ट्रिय मान्यता प्राप्त दल नेपाली कांग्रेस, नेकपा (एमाले), नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी (जसपा) र लोकतान्त्रिक समाजवादी पार्टी (लोसपा) ले जिल्लामा विवरण बुझाउनु नपर्ने भएकाले १३ दलले चिह्नका लागि विवरण बुझाएका हुन् । उनीहरूको विवरण निर्वाचन आयोगमा...

खोटाङ, चैत १० । राष्ट्रिय मानव अधिकार आयोग, प्रदेश नं. १ शाखा कार्यालय खोटाङले २०७९ वैशाख ३० गते हुने स्थानीय तहको निर्वाचनमा मानव अधिकार उल्लंघनकर्तालाइ उम्मेद्वार नबनाउन आग्रह गरेको छ । आयोगले आफ्नो कार्यक्षेत्र खोटाङ, ओखलढुंगा र सोलुखुम्बु जिल्लामा सक्रिय प्रमुख राजनीतिक दलहरूलाई पत्राचार गरेर मानव अधिकार उल्लंघनमा दोषी किटान गरी नाम सार्वजनिक भएका व्यक्तिहरूलाई निर्वाचनमा उम्मेद्वार नबनाउन आग्रह गरेको हो । साथै आयोगले निर्वाचनमा समानुपातिक समावेशी सिद्धान्तको आधारमा उम्मेद्वारी तय गर्न पनि राजनीतिक दलहरूलाई आग्रह गरिएको कार्यालयका प्रमुख श्यामबाबु काफ्लेले जानकारी दिनुभयो । यस्तै निर्वाचन प्रचारप्रसारको क्रममा आयोजना गरिने कार्यक्रमहरूमा बालबालिकाहरूको प्रयोग नगर्न, निर्वाचन अवधिमा हुने विभिन्न कार्यक्रमहरूमा घृणा, द्वेष फैलने जस्ता अमर्यादित किसिमका शब्दहरू कोही पनि उम्मेद्वार तथा ने...