Banner News 3

राजकुमार सरगम खोटाङ, भदौ १५ । प्रतिनिधिसभा र प्रदेशसभाको निर्वाचन मिति नजिकीदै गर्दा केही नेता गाउँ पस्न थालेका छन् भने केही नेता सहर छिरेका छन् । चुनावको समयमा मात्र गाउँ आउनेहरु अहिले जनतालाई अनुहार देखाउन आइपुगेका छन् । गाउँमै बस्नेहरु टिकट आफ्नो पक्षमा पार्न ठुला नेता फकाउन सहर पसेका छन् । जनता समाजवादी पार्टी (जसपा) र एकीकृत समाजवादी पार्टी (एस)ले दुवै सभामा खोटाङबाट प्रत्यक्ष र समानुपातिक उम्मेद्वारकालागि नाम सिफारिस गरिसकेको छ । तीन ठुला पार्टी नेपाली कांग्रेस, नेकपा एमाले र नेकपा माओवादीले पनि उम्मेद्वारको नाम सिफारिस गर्ने तयारी गर्दै छ । केही समय अगाडि भएको स्थानीय तहको निर्वाचनले तताएको गाउँघर सेलाएको थियो । अहिले पुनः चोकमा, चिया पसलमा, चोतारोहरुमा निर्वाचनका कुराहरु हुन थालेका छन् । मानिसहरुको भेटघाट बाक्लीएको छ । राजनीतिक दलहरुले बैठक निरन्तर गरिरहेका छने भने मत आफ्नो पक्ष...

खोटाङ, भदौ १३ । नवौं राष्ट्रिय खेलकुद प्रतियोगीताका लागि खोटाङबाट १ सय ५८ जना खेलाडी छनोट भएका छन् । भदौ ५ देखि १० गतेसम्म दिक्तेलमा भएको छनोट प्रतियोगिताबाट १४ खेलकालागि १ सय ५८ जना खेलाडी छनोट भएका हुन् । व्यवस्थापन तथा अफिसियलमा ३० जना गरेर जिल्लाबाट प्रदेश छनोट प्रतियोगितामा १ सय ८८ जना जानेछन् । आठौँ राष्ट्रिय प्रतियोगीतामा १० खेलमा खोटाङबाट खेलाडी लगिएको थियो । यो वर्ष नवौँ प्रतियोगितामा ४ खेल थपिएको खेलाडी छनोट समितिका संयोजक सुमन राईले जानकारी दिनुभयो । जिल्लाबाट छनोट भएका खेलाडीहरु अब प्रदेश स्तरीय खेलाडी छनोटमा भाग लिने छन् । प्रदेश छनोट प्रचियोगिता कुन–कुन जिल्लामा हुने भन्ने टुंगो लागिसकेको छैन् । यद्यपी कराते र बुद्धिचाल प्रतियोगिता खोटाङमा हुन सक्ने राईको भनाइ छ । भलिबलमा १८, एथ्लेटिक्समा २२, बुद्धिचालमा ४, तेक्वान्दोमा २२, टेबलटेनिसमा ४, फुटबलमा ३२, व्याडमिन्टनमा ७, भारोत्...

खोटाङ । जनता समाजवादी पार्टी (जसपा) खोटाङको अध्यक्षमा पुर्णराज राई (पि.के खम्बु) चयन हुनुभएको छ । तत्कालिन अध्यक्ष टंक थापा लगायतको समुहले पार्टी छाडेपछि उपाध्यक्ष राईलाई अध्यक्ष बनाएर नयाँ जिल्ला समन्वय समिति गठन गरिएको हो । तत्कालिन अध्यक्ष थापाले पार्टी परित्याग गरेपछि खम्बुको अध्यक्षतामा बसेको बैठकले पार्टीको यथार्थ अवस्था माथिल्लो कमिटीमा लेखी पठाएको र माथिल्लो समिति प्रदेश नम्बर १ समितिले उपाध्यक्षलाई नै अध्यक्षको जिम्मेवारी दिएको पत्रचार गरेपछि अध्यक्षको जिम्मेवारी खम्बुले पाउनुभएको हो । यस्तै, उपाध्यक्षमा नैनबहादुर कटवाल, निर्मल राई र मैया राई, सचिवमा सुनिल चाम्लिङ, उपसचिवमा टिकाराम राई, बिरेन्द्र दर्नाल, आशिस राई र कोषाध्यक्षमा नैनकला राई रहनेगरी ८७ सदस्सीय जिल्ला समन्वय समिति जसपाको जिल्ला बैठकले गठन गरेको छ । यता मुख्य सचिवबाट लेखि पठाएको पार्टीको कुनै पनि समितिमा नरहने गरी १७...

खोटाङ, भदौ १२ । नेपाल कम्यूनिष्ट पार्टी (एकीकृत समाजवादी)ले आसन्न प्रतिनिधि र प्रदेश सभा निर्वाचनकालागि खोटाङबाट उम्मेदरका आकांक्षीहरुको नाम पठाएको छ । प्रतिनिधि सभाकालागि पार्टीका पोलिटव्युरो सदस्य राजन राईको नाम सिफारिस भएको छ । हाल प्रदेश नम्बर एकका सामाजिक विकास मन्त्रीसमेत रहनुभएका राईलाई एसले जिल्लाबाट प्रतिनिधिसभामा प्रत्यक्षतर्फको उम्मेद्वार बनाउने सर्वसम्मत निर्णय गरेको हो । यस्तै प्रतिनिधिसभा समानुपातिकमा जलसेर राई र संगीता राईको नाम सिफारिस भएको पार्टीले जनाएको छ । जिल्लाको प्रदेशसभा ‘क’ मा प्रत्यक्षतर्फ ७ जनाको नाम सिफारिस भएको छ । बीरबलकाजी राई, उदयबहादुर कार्की, राजन आचार्य, भीम राई (बुईपा), भीम राई (बाम्राङ), विष्णु दाहाल र तेजबहादुर राईको नाम प्रत्यक्षतर्फको उम्मेद्वारकालागि पाठाइएको छ भने समानुपातिकमा रमिला गुरुङको नाम सिफारिस भएको छ । प्रदेशसभा ‘ख’ मा प्रत्यक्षतर्फ ८ ज...

राजकुमार सरगम खोटाङ, भदौ ९ । खोटाङ सदरमुकाम दिक्तेलस्थित लालुपाते बहुद्देश्यीय सहकारी संस्था डेढ वर्षदेखि बन्द रहेको छ । सहकारी सञ्चालक समितिका अध्यक्ष अनिल कुमार जोसीको निधन पश्चात २०७८ बैशाखबाट सहकारी बन्द भएको हो । वि.स. २०७२ मङ्सिरमा दर्ता भएर सञ्चालनमा आएको सहकारी बन्द भएपछि बचतकर्ताहरु मारमा परेका छन् । ब्याजको आशमा लाखौँ रकम सहकारीमा जम्मा गरेका बचतकर्ताहरु हरेक दिन सहकारीको कार्यालयमा आउने गरेका छन्, तर सहकारीको कार्यालय प्रायः बन्द हुने गरेको उनिहरुको भनाइ छ । लालुपातेले आर्थिक वर्ष २०७६/ ०७७ को लेखापरीक्षण सहितको प्रतिवेदन प्रदेश सहकारी रजिष्ट्रारको कार्यालयमा नबुझाएको भन्दै प्रदेश सहकारीले गत वर्ष असोज ४ गते सार्वजनिक सूचना प्रकाशन गरेको थियो । त्यसपछि सञ्चालक समितिलाई बोलाएर छलफल पश्चात १ नम्बर प्रदेश सहकारी रजिष्ट्रार कार्यालयले संस्थाका सञ्चालकको सम्पत्ति रोक्का राख्ने निर्...

खोटाङ, भदौ ९ । धार्मिक आस्थाको प्रतिक अनि प्राकृतिक सौन्दर्यले भरीपूर्ण स्थल, जसको बारेमा सुनेपछि एक पटक जान मन लाग्ने स्थल हो साल्पा पोखरी । जुन खोटाङ, सोलुखुम्बु, भोजपुर र संखुवासभा गरी चार जिल्लाको संगमस्थलका रूपमा परिचित प्राकृतिक सौन्दर्यले भरीपूर्ण स्थल हो । चार जिल्लाको संगमस्थल भएपनि भोजपुर जिल्लाको साल्पा सिलिछो गाउँपालिका साविकको दोभाने गाउँ विकास समितिमा साल्पा पोखरी पर्दछ । समुद्र सतहदेखि ३ हजार ४ सय ४३ मिटर उचाइमा रहेको साल्पा पोखरीमा चार जिल्लाबाटै जाने बाटाहरु रहेका छन् । खोटाङको सदरमुकाम दिक्तेलदेखि तालखर्क, मैयुङ डाँडा हुँदै मुन्दुम पदमार्गको बाटोबाट जान सकिन्छ भने सुङदेल हुँदै अर्को बाटोबाट पनि जान सकिन्छ । संखुवासभाको तुम्लिङटार विमानस्थलमा ओर्लिएर पनि जान सकिन्छ । भोजपुरको कात्तिके, नेपालेडाँडा, मझुवा, केदाकाउले, ताँबुटार, चौकीडाँडा, दोभाने पार गर्दै साल्पा पोखरी पुग...

खोटाङ, भदौ ९ । हलेसी तुवाचुङ नगरपालिकाका विद्यालयहरुलाई हरियाली बनाउन विद्यार्थीहरु वृक्षारोपणमा उत्रिएका छन् । चन्द्र सुर्य साझा बालमञ्चको अघुवाइमा “एक विद्यालय एक बगैँचा” कार्यक्रमको अवधारणा अपनाएर विद्यार्थीहरुले विद्यालय वरिपरी वृक्षारोपण गर्न थालेका हुन् । विद्यालय वरिपरी हरियाली वातावरण र अर्गानिक फलफुलको बगैँचा बनाउने उद्श्यले वृक्षारोपण गरिएको बालमञ्चका अध्यक्ष मोतिराज राईले बताउनुभयो । सोही कार्यक्रम अन्तरगत बुधबार दुर्छिम माध्यमिक र महेन्द्रोदय माध्यमिक विद्यालयको खाली जग्गामा धुपी सल्ला, दार्जिलिङ धुपी, कफी, हाइब्रेट अम्बा, दन्ते ओखर लगायत प्रजातिका २ सय ५० वटा विरुपा रोपिएको राईको भनाइ छ । वृक्षारोपणमा बालमञ्चका पदाधिकारी, शिक्षक, विद्यार्थी सबैको उपस्थिति रहने गरेको उहाँले बताउनुभयो । हाल सम्म हलेसी तुवाचुङ नगरपालिकाका ५ र ७ नम्बर वडाका सबै विद्यालयहरुमा १ हजार २ सय भन्द...

खोटाङ, भदौ ८ । दिक्तेल रुपाकोट मझुवागढी नगरपालिका–१ दिक्तेलस्थित भुक्ते–आयुर्वेद सडकखण्ड ढलानको काम बिचमै छाडिएको छ । सडक ढलान गर्दागर्दै रड बिछ्याएर छाडिएपछि हिडडुल गर्नसमेत समस्या भएको स्थानीयले बताएका छन् । सडकको केही ठाउँमा ढलान गरिएको छ भने केही ठाउँमा रड मात्र बिच्छ्याइएको छ । सडकमा रड बिच्छ्याएर छाडिएपछि मान्छे हिड्न देखि पशुचौपाय हिडाउन समेत समस्या भएको स्थानीय टंक प्रसाद आचार्यले बताउनुभयो । ‘स्थानीयहरुले लेकबेँसी गर्ने बाटो यहि हो, यहाँका मानिसहरु पानीपधेँरो जाने बाटो यहि हो, सबैले गाईबस्तु यही बाटो हिडाउँनु पर्छ, तर बाटोभरी रड बिच्छ्याएर छाडिएको छ । रडमा अल्झिएर खुट्टा भाँचिन्छ भन्ने ठुलो डर छ ।’ स्थानीय राधिका आचार्यले भन्नुभयो । दुई महिना देखि सडक अलपत्र बनाएर ठेकेदार बेपत्ता भएको अर्का स्थानीय भवानी प्रसाद आचार्यलेको भनाइ छ । उक्त सडकमा बिच्छ्याइएको रडले हिडडुल गर्न समस्या ...

खोटाङ, भदौ ७ । रावा बेसी गाउँपालिकाका बृद्धबृद्धालाई पेटी र दोसल्लाले सम्मान गरिएको छ । पालिकाका ६ वटै वडाका ८० वर्ष माथीका बृद्धबृद्धालाई कम्मरमा पेटी लगाइदिएर र दोसल्ला ओढाएर सम्मान गरिएको हो । आर्थिक वर्ष २०७८/०७९ को बजेटबाट खरिद गरिएको पेटी र दोसल्लाले अहिले सम्मान कार्यक्रम धमाधम भइरहेको गाउँपालिकाले जनाएको छ । वडा नम्बर ४ डुम्रेधारापानीमा केही दिन अगाडि सम्मान गरेर सकिएको वडाध्यक्ष ज्ञानबहादुर पाण्डेले जानकारी दिनुभयो । वडा नम्बर ६ हौँचुरमा पनि सम्मान कार्यक्रम भइरहेको वडाध्यक्ष चिरञ्जीवि कार्कीले बताउनुभयो । वडा नम्बर १ कुभिण्डेमा सोमबार (आज) बृद्धबृद्धाको घर घरमै पुगेर सम्मान गरिएको वडा सदस्य विशाल राईले बताउनुभयो । यस्तै, वडा नम्बर २ खार्पा र ३ लामिडाँडामा पनि सम्मान कार्यक्रम धमाधम भइरहेको सम्बन्धित वडाध्यक्षहरुको भनाइ छ । पालिकाका भरीमा ८० वर्ष पुरा भएका २ सय ८२ जना बृद्धबृद्ध...

खोटाङ, भदौ ७ । खोटाङमा व्यवसायीकरुपमा खुकुरी लगायत घरेलु फलामे औजार उत्पादन गर्न थालिएको छ । बराहपोखरी गाउँपालिका–४ धर्तुङ छुलुवारका सेवन राईले फलामे घरयासी सामाग्री उत्पादन गर्ने कारखाना दर्ता गराएर खुकुरी साथै अन्य घरेलु औजारहरु निर्माण गरिरहनु भएको हो । उहाँकी श्रीमती बिमला राईको नामबाट ९ महिना अगाडि घरेलु तथा साना उद्योयक कार्यालय दिक्तेलमा कारखाना दर्ता गराएको उहाँको भनाइ छ । कारखाना दर्ता गराएको करीब ३ महिना पछिबाट रामकुमारी छुलाछा खुकुरी उद्योग कारखाना खोलेर फलामे औजारहरु उत्पादन गरिरहेको उहाँले बताउनुभयो । कारखानामा फलामे सामाग्री उत्पादन तथा निर्माणकालागि खुकुरीको नेपालकै चर्चित जिल्ला भोजपुरबाट दुई जना कालिगड ल्याइएको सञ्चालक राईले बताउनुभयो । ‘विज्ञ दुई जना कालिगड राखेका छौँ, औजार निर्माणकालागि समस्या छैन् । धरानबाट फलाम ल्याएर यहाँ अहिले खुकुरी, खुर्पा, कुटो, कोदालो सबै निर्म...