Banner News 3

खोटाङ, जेठ २ । खोटाङको साकेला गाउँपालिकाको अध्यक्षमा कांग्रेस र उपाध्यक्षमा माओवादी निर्वाचित भएको छ । अध्यक्षमा कांग्रेसका रविप्रकाश राई निर्वाचित भएका हुनुभएको हो । उहाँले माओवादी केन्द्रका अर्जुनकुमार खड्कालाई पराजित गर्नुभएको छ । राईले १ हजार ८५० मत र खड्काले १ हजार ७७२ मत पाउनु भएको छ । खड्का निवर्तमान अध्यक्ष पनि हुनुहुन्छ । यसअघि यो पालिकामा अध्यक्ष माओवादी र उपाध्यक्षमा कांग्रेस निर्वाचित भएका थिए । तर यसअघि निर्वाचित भएका दुवै जना यसपटक पराजित हुनुभएको छ । उपाध्यक्षमा कांग्रेसकी सरिता खड्का माओवादीकी विर्सिका राईसँग पराजित हुनुभएको छ । विर्सिकाले २ हजार १२ र सरिताले १ हजार २२४ मत पाउनुभएको छ ।...

खोटाङ, जेठ २ । खोटाङको ऐँसेलुखर्क गाउँपालिका अध्यक्षमा एमाले र उपाध्यक्षमा कांग्रेस विजयी भएको छ । पालिका अध्यक्षमा गठबन्धनका उम्मेद्वार माओवादीका श्री बहादुर राईलाई पछि पार्दै एमालेका गिरेन्द्र बहादुर राई विजयी हुनुभएको हो । उपाध्यक्षमा भने एमालेकी पुस्पकला भुजेललाई हराउदै गठबन्धनबाट कांग्रेसका राजेश राजभण्डारी विजयी हुनुभएको छ । पालिका अध्यक्षमा निर्वाचित गिरेन्द्र बहादुर राईले २ हजार ६ सय ६ मत प्राप्त गर्नुभएको छ भने उहाँका प्रतिस्पर्धी श्री बहादुर राईले २ हजार ४ सय ८० मत प्राप्त गर्नुभएको छ । यस्तै पालिका अध्यक्षमा नेपाली कांग्रेसका बागी उम्मेद्वार सन्तविर तामाङले १ हजार ६ मत प्राप्त गर्नुभएको छ । उपाध्यक्षमा निर्वाचित राजभण्डारीले ३ हजार १ सय ४६ मत पाएर विजयी हुँदा उहाँका प्रतिस्पर्धी भुजेलले २ हजार ५ सय ९५ मत पाउनु भएको छ । ऐँसेलुखर्क गाउँपालिकाका अध्यक्ष : गिरेन्द्र बहादुर राई (ए...

खोटाङ, जेठ १ । खोटाङको रावाबेसी गाउँपालिकामा नेकपा एमालेले खाता खोलेको छ । वडा नम्बर ३ लामिडाँडामा एमालेका बिरेन्द्र मगर वडाध्यक्षमा विजयी भएसँगै सो पालिकामा एमालेले खाता खोलेको हो । मगरले ७०७ मत ल्याएर निर्वाचित हुँदा नेपाली कांग्रेसका बिदुर खतिवडाले ६६४ मत पाउनु भएको छ । खतिवडा अघिल्लो निर्वाचनमा भारी मतान्तरले विजयी हुनुभएको थियो । तर दोस्रो कार्यकालकालागि उम्मेद्वार दिनुभएका खतिवडा पराजित हुनुभएको हो । अन्य वडा सदस्यमा भने नेपाली कांग्रेसका उम्मेद्वारहरु विजयी हुनुभएको छ । गठबन्धनकाबाट पालिका अध्यक्षका उम्मेद्वार फट्टिक श्रेष्ठको वडा समेत रहेको लामिडाँडाको वडाध्यक्षमा एमाले विजयी भएको हो । एमालेका उम्मेद्वार हरी पोखरलेको वडा समेत रहेको खार्पामा भने कांग्रेसको प्यानल विजयी भएको छ । यस्तै वडा नम्बर कुभिण्डेमा पनि नेपाली कांग्रेसको प्यानलनै विजयी भएको छ । पालिका अध्यक्ष उपाध्यक्षमा गठ...

खोटाङ, जेठ १ । खोटाङको ऐँसेलुखर्क गाउँपालिका–६ ज्यामिरेमा गठबन्धनका उम्मेद्वार विजयी भएका छन् । गठबन्धनबाट नेपाली कांग्रेसका सुनिल राई २७३ मत ल्याएर वडाध्यक्षमा विजयी हुनुभएको हो । नेकपा एमालेका बालकुमार राई २३३ मत प्राप्त गर्नुभएको छ । निर्वाचित सुनिल राई अघिल्लो निर्वाचनमा एमालेका उम्मेद्वारसँग परिाजित हुनुभएको थियो ।  वडा सदस्यमा गठबन्धनबाट माओवादीका उम्मेद्वारहरु विजयी भएका छन् ।...

खोटाङ, वैशाख ३१ । खोटाङको बराहपोखरी गाउँपालिका–५ पौवासेरामा एमालेका फौदराज राई विजयी हुनुभएको छ । राईले ४६४ मत प्राप्त गरेर विजयी हुनुभएका हो । राई २०७४ सालमा भएको निर्वाचनमा पनि वडाध्यक्षमा निर्वाचित हुनुभएको थियो । नेपाली कांग्रेसका देबेन्द्र राईले ३०७, एकीकृत समाजवादीका हरीबहादुर मगरले १२२ र माओवादीका धुर्बजीत राईले ५५ मत पाउनु भएको छ । वडा सदस्यामा एक जना कांग्रेसबाट निर्वाचित हुनुभएको छ भने अन्य एमालेबाटै हुनुहुन्छ । गाउँपालिका अध्यक्ष र उपाध्याक्षमा चार दलीय गठबन्धनलाई पछि पार्दै एमालेका उम्मेद्वारले अग्रता कायमै राखेका छन् ।...

खोटाङ, वैशाख ३१ । खोटाङको रावाबेसी गाउँपालिकामा राती १ः३० बजेबाट मत गणनाा सुरु भएको छ । वडा नम्बर १ कुभिण्डे बाट सुरु गरिको मत गणनामा हाल सम्म २ सय मत गणना भएको मुख्य निर्वाचन अधिकृत लाल बहादुर कार्कीले जानकारी दिनुभयो । सुरुवाती प्ररम्भिक परिणाम अनुसार नेपाली कांग्रेस र नेकपा माओवादी केन्द्रको गठबन्धन अगाडि रहेको छ । गठबन्धनबाट अध्यक्षका उम्मेद्वार फट्टिक कुमार श्रेष्ठले ९७ मत ल्याउदै अग्रता लिनुभएको छ भने एमालेबाट अध्यक्षका उम्मेद्वार हरी पोखरेलले ६८ र जसपाकाका मोहन गुरुङले १० मत प्राप्त गर्नुभएको छ । यस्तै उपाध्यक्षमा गठबन्धनका लिलानारायण श्रेष्ठले ९५ मत पाउदा एमालेका उपाध्यक्षका उम्मेद्वार गुरुङले ७० मत पाउनु भएको छ । वडामा कांग्रेसको अग्रता छ । कांग्रेसका उम्मेद्वारले ८५, एमालेका उम्मेद्वारले ५१, माआवादीका उम्मेद्वारले ५५ र जसपाका उम्मेद्वार २ मत प्राप्त गरेका छन् ।...

खोटाङ, वैशाख २४ । हलेसी तुवाचुङ नगरपालिकामा नेपाली कांग्रेसका उम्मेद्वार विजयी भएमा विपन्न, अशक्त र एकल नागरिकलाई निःशुल्क स्वास्थ्य बीमा गरिदिने र युवालाई रोजगार प्रदान गर्ने प्रतिबद्धता जनाएका छन् । कांग्रेसले १२ बुधे आफ्नो प्रतिबद्धता जारी गर्दै यस्तो बताएको हो । जेष्ठ नागरिकसँगै एकल महिला/पुरुष र शारीरिक अशक्तको पनि निःशुल्क स्वास्थ्य बीमा गरिदिने प्रतिबद्धता पत्रमा उल्लेख छ । यस्तै कपासको इतिहास बोकेको यस नगरपालिकामा पुनः कपास खेतीलाई पहिलो प्रथामिकतामा राख्दै उत्पादनमुखी कृषीमा जोड दिने, चिस्यान केन्द्र, र संकलन केन्द्र स्थापना गरेर बजारिकरणको सुनिश्चितता पनि नगरपालिकाले गर्ने पत्रमा उल्लेख छ । नगरपालिकामा यस अघिनै सुरु गरेर लोकपृय भएको कार्यक्रम महिला कृषी सहकारी र बालिका बचत कार्यक्रमलाई थप बृहत बनाउने, प्राविधिक÷प्रयोगात्मक शिक्षामा जोड दिने, पर्यटनलाई कृषिसँग जोडेर काम गर्ने, नग...

खोटाङ, २४ वैशाख । हिन्दु, बौद्ध र किरात धर्मावलम्बीको पवित्र सङ्गमस्थल हलेसी मन्दिरबाट १९ दिनमा ११ लाख बढी भेटी सङ्कलन भएको छ । २०७९ वैशाख १ गतेदेखि १९ गतेसम्मको अवधिमा मन्दिर दर्शन तथा अवलोकनका लागि आएका दर्शनार्थी तथा पर्यटकले ११ लाख २६ हजार ९६ रुपैयाँ भेटी चढाएका हुन् । हलेसी सूचना केन्द्रका प्रमुख सयन्द्र राईकाअनुसार हलेसी महादेव मन्दिरको शिव–पार्वती थानबाट ७ लाख ७३ हजार ५ सय, मन्दिरको प्राङ्गणमा रहेको दानपेटिकाबाट ६९ हजार ६ सय, रुद्री, पुराण, लाखबत्ती र अन्य सहयोगबाट २ लाख ८२ हजार ९ सय ९६ रुपैयाँ भेटी सङ्कलन भएको छ । भेटीबापतको आम्दानीबाट विद्युत, पानी, रुद्री, पुराण, लाखबत्तीको रसिद कटाएबापतको खर्च, दूध, दही, खाजा, भेटी गणना, अतिथि सत्कार र अन्य गरी १ लाख ४० हजार ६ सय ३४ रुपैयाँ खर्च गरिएको छ । खर्च कटाएर बाँकी रहेको रकम ९ लाख ८५ हजार ४ सय ६२ रुपैयाँ माछापुच्छ्रे बैङ्क, हलेसी शाखामा...

राजकुमार भट्टराई (सरगम) खोटाङ, वैशाख २१ । जिल्लाको दिक्तेल रुपाकोट मझुवागढी नगरपालिकामा गठबन्धनले प्रत्येक घरमा स्वच्छ पिउँनपानीको धारा निर्माण गर्ने प्रतिबद्धता जनाएको छ । गठबन्धनले १३ बुधे प्रतिबद्धता पत्र सार्वजनिक गर्दै पाँच वर्ष भित्रमा हरेक नागरिकको घरमा विश्व स्वास्थ्य संगठन (धजय) को मापदण्ड अनुसार स्वच्छ पिउँनपानीको ब्यवस्था गर्ने भएको हो । यस्तै युवाहरुलाई उद्यमशिलतामा जोड्न स्थानीय कच्चा पदार्थको उपयोग गरी साना तथा मझौला उद्योगको स्थापना गरेर ५ बर्षभित्र प्रत्येक वडामा १०० जनालाई स्वरोजगार बनाईने, नगरपालिकाभित्र कुनै पनि प्रकारको भ्रष्टाचार नगर्ने, गर्न नदिने र गर्नेलाई कारवाहिको दायरामा ल्याइने, नगरपालिकाको स्रोत साधनको दुरुपयोग नगर्ने प्रतिबद्धता पत्रमा उल्लेख छ । ७५ बर्ष माथिका वृद्धवृद्धा, अशक्त र अपांगता नागरिकलाई नगरपालिकाको सेवा लिन जादा निःशुल्क यातायात सेवा उपलब्ध गराइ...

खोटाङ वैशाख २१ । खोटाङमा निर्वाचन आचारसंहिता बिपरीत बिभिन्न सामान वितरण गरेको पाइएको छ । जिल्लाको दिक्तेल रुपाकोट मझुवागढी नगरपालिकाका दुई ठाउँमा मंगलबार एकै दिन आचारसंहिता बिपरीत सामान बितरण गरिएको पाइएको हो । नगरपालिका– ९ निर्मलीडाँडामा रातको समयमा त्रिपाल र चाउचाउ ट्याक्टरमा बितरणलागि लगिएको बताइएको छ । ट्याक्टरमा त्रिपाल र चाउचाउ मतदातालाई बितरण गर्न लगिएको भन्दै त्यहाँका युवाहरुले ट्याक्टर नियन्त्रणमा लिएर प्रहरीलाई बुझाएका बताइएको छ । सो सामानलाई चिउरीडाँडा प्रहरी चौकीले नियन्त्रणमा लिएको जिल्ला प्रहरी कार्यालय खोटाङले पनि पुष्टी गरेको छ । नियन्त्रणमा लिइएको ट्याक्टर अहिले जिल्ला प्रहरी कार्यालयमा ल्याइएको छ । एमालेका उम्मेद्वारको मातहतमा ट्याक्टर सामान लिएर गाउँ पसेको गठबन्धनका उम्मेद्वारहरुले बताएका छन् । उनिहरुले ट्याक्टर जिल्ला प्रहरी कार्यालयलमै ल्याएर बुझाउँदै छानबिनको माग समे...