ताजा अपडेट

खोटाङ, चैत २२ । माध्यमिक शिक्षा परीक्षा (एसईई) मा मोबाइलबाट प्रश्नपत्र बाहिर पठाएर चिट चोर्ने खोटाङमा तीन जना विद्यार्थीलाई निष्कासन गरिएको छ । दिक्तेल रुपाकोट मझुवागढी नगरपालिका–१२ जालपास्थित जालपा मावि परीक्षा केन्द्रमा मोबाइलसहित भेटिएका तीन जना विद्यार्थीलाई परीक्षाबाट निष्कासन गरिएको शिक्षा विकास तथा समन्वय इकाई खोटाङले जनाएको छ । इकाईका निमित्त प्रमुख नन्द बहादुर विश्वकर्माको टोली बिहिबार परीक्षाको अनुगमन गर्न पुग्दा विद्यार्थीले मोबाइलबाट चिट चोरिरहेको भेटिएको हो । मोबाइलमा मेसेन्जर ग्रुप बनाएर चिट चोरिरहेको भेटिएपछि तत्काल तीन जना विद्यार्थीको बिहिबारको परीक्षा रद्द गरिएको निमित्त प्रमुख विश्वकर्माले बताउनुभयो । उक्त तीन जना विद्यार्थी रहेको २ वटै कक्षाका निरीक्षकलाईसमेत हटाइएको छ । एउटा कोठमा एक जना सरस्वति मावि पाथेका र अर्को कोठामा कालिका मावि खार्मीका दुई जना विद्यार्थीसँग मोब...

खोटाङ, चैत २० । खोटाङको खोटेहाङ गाउँपालिकाले शिक्षक, कर्मचारी र जनप्रतिनिधिका छोराछोरी अनिवार्य सामुदायिक विद्यालयमा पढाउनु पर्ने निर्णय गरेको छ । गाउँपालिकाबाट तलब, भत्ता लगायतका आर्थिक सुविधा लिएका ब्यक्तिहरुले छोराछोरी सामुदायिक विद्यालयमा नपढाए कारबाही गर्ने गाउँपालिकाले जनाएको छ । गाउँपालिकाको यो निर्णय शैक्षिक सत्र २०८१ देखि लागू हुने छ । गाउँपालिकाको नीति अनुसार आगामि वैशाखबाट जनप्रतिनिधि, कर्मचारी र शिक्षकले अनिवार्य सामुदायिक विद्यालयमा छोराछोरी भर्ना गर्नु पर्ने छ । चालू आर्थिक वर्ष २०८०/०८१ को गाउँपालिकाको नीति तथा कार्यक्रममा यो नीति उल्लेख गरिएको थियो । सोही अनुसार चैत ८ गते गाउँकार्यापालिकाको बैठक बसेर नीति कार्यक्रम लागू गर्ने गरी निर्णय गरिएको गाउँपालिकाले सूचनामार्फत जनाकारी दिएको छ । शिक्षक, कर्मचारी र जनप्रतिनिधिका छोराछोरी आफ्नो पायक पर्ने सामुदायिक विद्यालयमा भर्ना गर...

खोटाङ, चैत १९ । रामेछापमा सम्पन्न सैलुङ अल्ट्रा म्याराथन प्रतियोगिताको उपाधि खोटाङका दिदिबहिनीले जितेका छन् । दिदि निर्मला राईले ५५ किलोमिटर दूरीको र बहिनी प्रियाले २५ किलोमिटर दूरीको उपाधि जितेका हुन् । उपाधिसँगै निर्मलाले रु ८० हजार र प्रियाले रु ४५ हजार नगद पाएका छन् । खोटाङको ऐसेलुखर्क गाउँपालिका–२ बाकाचोल स्थायी घर भएका उनीहरु नेपालमा आयोजना भएको म्याराथन प्रतियोगिताको प्राय उपाधि जितिरहेका हुन्छन् । केही समय अगाडि ओखलढुंगामा सम्पन्न म्यारथनमा पनि प्रिया प्रथम र निर्मला दोस्रो भएका थिए । प्रिया राईले नेपालको प्रतिनिधित्व गर्दै केही अन्तराष्ट्रिय म्याराथनकोसमेत उपाधि जितेकी छिन् । राष्ट्रिय खेलकुद परिषद् (राखेप) को विशेष सहयोगमा सुनापति, खाँडादेवी र दोरम्बा शैलुङ स्पोर्ट्स क्लबद्वारा संयुक्त आयोजित सैलुङ अल्ट्रा म्याराथन प्रतियोगितामा महिला र पुरुष दुवैतर्फ ५५, २५ र ५ किलोमिटर दूरीको...

खोटाङ, चैत १५ । खोटाङमा एक जना केन्द्र अध्यक्ष कारबाहीमा परेका छन् । माध्यमिक शिक्षा परीक्षा (एसईई) मा नियम विपरीत गर्ने विश्वज्यति माविका केन्द्र अध्यक्ष माधव प्रसाद ठाकुर कारबाहीमा परेका हुन् । उनले नियम विपरीत परीक्षर्थीलाई सहभागी गराएकाले केन्द्र अध्यक्षबाट हटाइएको शिक्षा विकास तथा समन्वय इकाई खोटाङका प्रमुख नन्द बहादुर विश्वकर्माले बताउनुभयो । केन्द्र अध्यक्ष तथा विश्वज्यति मावि लामिडाँडाका प्रधानाध्यापक ठाकुरले एक जना परीक्षार्थी बिरामी भएर अस्पतालमा भएकाले सट्टामा अर्को ब्यक्तिलाई परीक्षामा सहभागि गराएका थिए । माध्यमिक शिक्षा परीक्षा सञ्चालन समबन्धि ऐन २०६८ अनुसार अपाङ्गाता भएका ब्यक्तिको सट्टामा मात्र अर्को ब्यक्ति राख्न पाइने नियम छ । तर, नियम विपरीत अस्पतालमा भएको भन्दै सट्टा परीक्षार्थी राखिएकाले ठाकुरलाई केन्द्र अध्यक्षबाट हटाइएको हो बताइएको छ । ठाकुरलाई हटाएर साहयक प्रधानाध्...

खोटाङ, चैत १५ । यस वर्षको माध्यमिक शिक्षा परीक्षा (एसईई) बिहिबारबाट देशभर सुरु भएको छ । पहिलो दिन खोटाङबाट नियमित २ हजार ८५६ जना विद्यार्थीले परीक्षा दिएका छन् । शिक्षा विकास तथा समन्वय इकाईका अनुसार नियमिततर्फ ४१ जना विद्यार्थी परीक्षामा उपस्थित भएनन् । उपस्थित नहुनेमा ३४ जना छात्रा र ७ जना छात्र रहेका छन् । परीक्षामा अनुपस्थित धेरै जसो छात्राहरुको बिबाह भइसेको स्रोतले जनाएको छ । यता अनुपस्थित छात्रहरु कतिपय बैदेशिक रोजगारीको लागि बिदेश गइसकेका छन् । (एसईई) परीक्षामा नियमिततर्फ जिल्लाबाट १ हजार ४४७ जना छात्रा र १ हजार ४०९ जना छात्र उपस्थित छन् । जसमा छात्र भन्दा छात्रा ३८ जना बढी रहेको शिक्षा विकास तथा समन्वय इकाईको तथ्याङ्कले देखाएको छ । जिल्लाभर २४ वटा परीक्षा केन्द्र तोकिएको छ । १०० वटा सादुदायिक र ४ वटा संस्थागत गरी १०४ वटा माध्यमिक विद्यालयबाट परीक्षार्थी सहभागि छन् । सबै भन्दा धेर...

खोटाङ, चैत १४ । खोटाङको एउटा सामुदायिक विद्यालयबाट (एसईई) दिने चार जना मात्रै विद्यार्थी रहेका छन् । सामुदायिक विद्यालयमा निरन्तर विद्यार्थी सङ्ख्या घट्दै जादा जिल्लाको ऐसेलुखर्क गाउँपालिका–६ ज्यामिरे सल्लेस्थित शान्तोदय माध्यमिक विद्यालयबाट (एसईई) परीक्षा दिने चार जना मात्रै विद्यार्थी भएका हुन् । कक्षा १–१० सम्म पठनपाठन हुने उक्त विद्यालयमा अहिले जम्मा ६२ जना विद्यार्थी छन् । हाल कक्षा ९ मा ५ जना मात्रै विद्यार्थी अध्ययनरत रहेको प्रधानाध्यापक दिप बहादुर राईले बताउनुभयो । प्रधानाध्यापक राईको भनाइ अनुसार अर्को वर्ष पनि शान्तोदयबाट (एसईई) मा ५ जना भन्दा बढी सहभागि हुने देखिदैन् । शान्तोदय माविमा कुनै समय एउटा कक्षामा ५० जनासम्म विद्यार्थी थिए । तर, अहिले सोही विद्यालयबाट ४ जना विद्यार्थी (एसईई)मा सहभागि हुँदै छन् । अत्याधिक बसाइसराई र जन्मदर कमहुँदा विद्यार्थी सङ्ख्या निरन्तर घटेको प्रधाना...

खोटाङ, चैत १३ । खोटाङमा निःशूल्क आँखा परिक्षण एवं चस्मा वितरण गरेर नेपाल नेत्र ज्योति संघको स्थापना दिवस मनाइएको छ । संघको ४६ औँ स्थापना दिवसको अवसरमा मंगलबार जिल्ला कार्यसमिति खोटाङले निःशूल्क आँखा परिक्षण एवं चस्मा वितरण गरेको हो । नेपालमा २०३५ साल चैत १३ नेपाल नेत्र ज्योति संघको स्थापना भएको थियो । स्थापना भएको ४६ वर्ष पुगेको अवसरमा आयोजना गरिएको कार्यक्रममा संघका आजीवन सदस्यहरु, सल्लाहकार एवं कार्यक्रममा उपस्थित सबै ४१ जनाको आँखा परिक्षण गरिएको हो । उनीहरु मध्ये आवश्यकताको आधारता ३२ जनालाई रिडिङ चस्मा वितरण गरिएको नेत्र ज्योति संघ खोटाङका सभापति इन्द्र कसजुले बताउनुभयो । खोटाङ जिल्लामा नेत्र ज्योति संघको शाखा २०६० साल वैशाख १० गते विस्तार भएको हो । शाखा स्थापनासँगै संघले जिल्लामा आँखा सम्बन्धित विभिन्न कार्यक्रम गर्दै आएको छ । सुरुमा जिल्ला अस्पतालको एउटा कोठामा रहेर आँखा उपचार केन्द...

खोटाङ, चैत १३ । ‘..दिक्तेलदेखि पूर्व हेर्दा मन फुरुङ्ग भयो । धेरै वर्षपछि आमालाई भेटेजस्तो, आफ्नो गाउँ फर्किँदा मैले अतीतका जम्मै पीडाहरु बिर्सिएँ ।’ उपन्यास “विधाता” मा भेटिन्छन् यि शब्दहरु । खोटाङ जिल्लाको कथा व्यथा, शिक्षाको अवस्था, माओवादी जनयुद्ध समयमा भोग्नु परेको समस्या लगायतको विषय समेटेर शिक्षक एवं साहित्यकार मनोज कुमार राईले लेख्नु भएको उपन्यास “विधाता” बजारमा आएको छ । दिक्तेल रुपाकोट मझुवागढी नगरपालिका–७ दोर्पास्थित विध्योदय माध्यमिक विद्यालयमा कार्यरत शिक्षक राईले लेख्नु भएको उपन्यास “विधाता” गत ७ गते काठमाडौंमा बिमोचन गरिएको हो । सामाजिक उपन्यास “विधाता” मा खोटाङमा जन्मिएका पात्र बसाइ सरेर तराइ गएको, धन कमाउन विदेश गएको र त्यो पात्रले भोगेको समस्या, दुःख, लगायतका कथा बस्तु पढ्न सकिने लेखक राईले बताउनुभयो । हाल जिल्लामा देखिएको शैक्षिक क्षेत्रको विचलनलाई पनि उपन्यासमा समेटिएक...

खोटाङ, चैत ११ । लोकप्रिय गायक थानेश्वर गौतम र खोटाङमा जन्मिएकी गायिका सबिता बस्नेतको स्वरमा नयाँ गीत “डाँडा पारी जुन” बजारमा आएको छ । दुई दिन अगाडि युटुवमा सार्वजनिक गरिएको यो गीतलाई दर्शकले राम्रो प्रतिक्रिया दिएका छन् । प्रभा ब्रर्तौलाको शब्द रहेको “डाँडा पारी जुन” गीतको संगीत स्वयं गायक थानेश्वरकै रहेको छ । संगीत संयोजन भने रमेश सेन्चुरीको रहेको छ । गीतको भिडियोमा प्रभात पल ठकुरी, सम्पदा अम्गाईं र युवराज भट्टराई लगायतको अभिनय देख्न सकिन्छ । राम केसीको टिमले खिचेको भिडियो मिलन विश्वकर्माले सम्पादन गरेका हुन् । भिडिओ बिशाल घिमिरेले निर्देशन गरेका हुन् । नेपाली गीत संगीत क्षेत्रमा चर्चा कमाइसकेका गायक थानेश्व र नव गायिका सबिताको आवाजमा रहेको नयाँ गीत “डाँडा पारी जुन” ले पनि दर्शकको मन जित्ने टिमको विश्वास छ । एक पटक गीत हेरेर एवं सुनेर प्रतिक्रिया दिन गायिक बस्नेतले दर्शकहरुलाई अनुरोध गर...

खोटाङ, चैत ९ । अघिल्लो वर्ष ४४ जना किसानलाई भैसी वितरण गरेको हलेसी तुवाचुङ नगरपालिकाले यस वर्ष थप ५० किसानलाई भैसी प्रदान गर्ने भएको छ । नगरपालिकाको “भैसी प्रवद्र्धन कार्यक्रम” अन्तरगत थप ५० किसानले भैसी खरिदका लागि शुक्रबार सम्झौता गरेका हुन् । किसानलाई दुधमा आत्मनिर्भर बनाउँदै दुधबाट आम्दानी भित्र्याउने लक्ष्यले दुई माउ भैसी पालिरहेका किसानलाई थप एक माउ भैसी प्रदान गर्ने नगरपालिकाको नीति छ । सोही अनुसार अघिल्लो वर्ष दुई माउ भैसी पालिरहेका ४४ जना किसानलाई नगरपालिकाले एक माउ भैसी दिएको थियो । उनीहरुले अहिले तीन माउ भैसी पालेर दुध उत्पादन गर्दै विक्री वितरण गरिरहेका छन् । चालू आर्थिक वर्ष २०८०/०८१ मा थप ५० जना दुई माउ भैसी पालिरहेका किसानले एक माउ भैसी पाउदै छन् । शुक्रबार भएको सम्झौता अनुसार किसानले उन्नत जातको भैसी खरिद गरेर ल्याउने छन् । त्यसको ८० प्रतिशत अर्थात ८० हजार नगरपालिकाले किसा...