Banner News 2

खोटाङ, भदौ १८ । नेपाली कांग्रेस प्रदेश ‘ख’ क्षेत्रिय कार्य समितिले आसन्न निर्वाचनकालागि उम्मेद्वारका आकंक्षीहरुको नाम सिफारिस गरेको छ । दुई दिनसम्म सञ्चालन भएको समितिको बैठकले आज खोटाङ प्रदेशसभा ‘ख’ का लागि प्रत्येक्षमा ६ जना र समानुपातिकमा १२ जनाको नाम सिफारिस गरेको हो । प्रत्येक्षतर्फ बिष्णुकुमार राई, लोकेन्द्र राई, सुमनबाबु आचार्य, कृष्णप्रसाद भट्टराई, शक्भु कार्की र पुर्णबहादुर खड्काको नाम सिफारिस भएको छ । यस्तै, समानुपातिकतमा खुल्ला पुरुषतर्फ शहरमान राई र महिलातर्फ कमला राईको नाम सिफारिस गर्दै अन्य आकांक्षी इच्छुराम राना, निर्मला ढकाल, बसन्त राई, दिपराज राई, प्रतिक्षा राई, कान्ता के.सी बस्नेत, धुव्रकला राई, सपना राई, निर्मला राई र राजु ढकालको नाम पनि समावेश गरेर जिल्ला कार्य समितिलाई पठाएको कांग्रेस प्रदेश ‘ख’ क्षेत्रिय सभापति दिनेशकुमार घिमिरेले जानकारी दिनुभयो । प्रदेशसभा ‘क’ क...

खोटाङ, भदौ १३ । नेपाली कांग्रेसका सभापति शेरबहादुर देउवाले पार्टीको भ्रातृ संगठन नेपाल लोकतन्त्रवादी आदिवासी जनजाति महासंघमाको केन्द्रिय सदस्यमा खोटाङका डा. राजकुमार राईलाई मनोनित गर्नुभएको छ । आइतबार ४८ जना सदस्य मनोनयन गर्दा डा. राईको पनि नाम समावेस भएको हो । यसअघि ओमबहादुर घर्तीमगरलाई महासंघको अध्यक्ष मनोनित गर्नुभएका देउवाले आइतबार सदस्यहरु मनोनित गर्नुभएको हो । विधान अनुसार अब १९ जना सदस्यहरु मनोनयन गर्न बाँकी छ। वादी आदिवासी जनजाति महासंघको केन्द्रीय समिति ६८ सदस्यीय रहने व्यवस्था छ । मनोनयन हुनेहरुको सूची १.विश्वदिप लिङदेन, झापा २.जगत बराम, गोरखा ३.तीर्थ लामा, सिन्धुपाल्चोक ४.डा. राजकुमार राई, खोटाङ ५.राम बहादुर लामा, चितवन ६.सुनिल गुरुङ, कास्की ७.कर्म व्यञ्जनकार, ललितपुर ८.धनादेवी थापा मगर, कैलाली ९ .रामजी कङ्रेन, धनकुटा १० .रेनुका काउचा मगर, बागलुङ ११ .शेरबहादुर तामा...

खोटाङ, भदौ १० । नेपाली कांग्रेसको ‘जनताको साथमा कांग्रेस’ कार्यक्रम खोटाङमा आजबाट औपचारिकरुपमा सुरु भएको छ । कांग्रेसको जिल्ला कार्य समिति खोटाङले पार्टी कार्यालयमा बैठक राखेर कार्यक्रमको औपचारिक सुरुवात गरेको हो । पार्टीको केन्द्रिय समितिको निर्णय अनुसार ‘जनताको साथमा कांग्रेस’ कार्यक्रम लिएर केन्द्रिय प्रतिनिधिहरु प्रत्येक जिल्लामा पुगेका छन् । खोटाङमा केन्द्रबाट प्रतिनिधिकोरुपमा केन्द्रिय सदस्य एवं पुर्व राज्य मन्त्री तारामान गुरुङ आउनुभएको छ । प्रदेशबाट प्रदेश सभा ‘क’ मा कमला गुरुङ र प्रदेश सभा ‘ख’ मा सबिता राई आउनुभएको छ । आगामी प्रदेश र प्रतिनिधिसभा निर्वाचनलाई लक्षित गर्दै नेपाली कांग्रेसले ‘जनताको साथमा कांग्रेस’ अभियान सुरु गरेको जिल्ला प्रतिनिधि एवं केन्द्रिय सदस्य गुरुङले बताउनुभयो । स्थानीय तह निर्वाचनमा कांग्रेस देशमा पहिलो पार्टी बने जस्तै मंसिर ४ गते देशैभर एकैसाथ हुने प्र...

खोटाङ, भदौ ७ । आगामी प्रदेश र प्रतिनिधिसभा निर्वाचनलाई लक्षित गर्दै नेपाली कांग्रेसले ‘जनताको साथमा कांग्रेस’ अभियान सुरु गर्दैछ । कांग्रेसले १० भदौबाट अभियान सुरु गर्न लागेको हो । त्यसका लागि कांग्रेसले ७७ जिल्लामै केन्द्रीय प्रतिनिधि तोकिसकेको छ । खोटाङ जिल्लाकालागि केन्द्रिय सदस्य तारामान गुरुङलाई खटाइएको छ । केन्द्रिय सदस्य गुरुङ जिल्ला आएपछि १० गते पार्टी कार्यालयमा बैठक बसेर अभियान सुरु गर्ने जिल्ला सभापति विष्णुकुमार राईले बताउनुभयो । केन्द्रीय प्रतिनिधिका रूपमा खटाइएका केन्द्रीय सदस्यहरूले जिल्लाका वस्तुगत स्थिति र चुनावमा पार्टीको पोजिसनबारे पार्टीलाई रिपोर्टिङ गर्नुपर्ने छ । जसअनुसार ११ गतेबाट जिल्ला घुम्ने कार्यक्रम सुरु हुने सभापति राईको भनाइ छ । ‘केन्द्रिय सदस्य तारामान ज्यु आएपश्चात हामी एक खालको बैठक बस्छौँ । त्यसपछि जिल्लाका सबै पालिकाका हरेक वडामा, हरेक जनताका घरमा पुग्छ...

खोटाङ, भदौ ६ । सोलुखुम्बुमा ३ वर्षीया बालिकाको पानीको भाँडामा डुबेर मृत्यु भएको छ । सोलुखुम्बुको लिखुपिके गाउँपालिका–३ चौलाखर्क स्थित लोक बहादुर भुजेलकी ३ वर्षकी छोरी सौगात भुजेलको पानीको भाँडामा डुबेर मृत्यु भएको हो । भुजेलको आफ्नै आँगनमा राखिएको पानीको भाँडामा डुबेर छोरीको मृत्यु भएको प्रहरीले जनाएको छ । आइतार दिउँसो भएको यस घटनाको विषयमा थप अनुसन्धान भइरहेको प्रहरीको भनाइ छ ।...

खोटाङ, भदौ २ । खोटाङका भूमीहिन र अव्यवस्थितहरुले भूमि प्राप्तिकालागि निवेदन दिने समय सुरु भएको छ । राष्ट्रिय भूमि आयोगले नेपालका २ सय ४० स्थानीयतहरुका लागि भदौ १ गते सूचना प्रकाशन गरेको छ । जसमा खोटाङका दश वटै स्थानीय तहहरु रहेका छन् । जिल्लाका सबै पालिका भित्रका भूमिहीन दलित, भूमिहीन सुकुम्बासी र अव्यवस्थित बसोबासीले जग्गा पाउन आयोगले तोकेको ढाँचा बमोजिम सम्बन्धित वडा कार्यालयमा भदौ १ देखि असोज ४ गतेसम्म निवेदन दिनसक्ने आयोगको सूचनामा उल्लेख छ । निवेदन दिन आयोगको केन्द्रिय कार्यालयले सूचना प्रकाशन गरेसँगै जिल्ला कार्यालय खोटाङले बिहिबार (आज) समन्वय समितिको हलमा पत्रकार सम्मेलन गरेको थियो । सम्मेलनमा बोल्दै भूमि आयोग खोटाङका अध्यक्ष सुरेश राईले पालिका र वडाहरुमा सहजिकरण समिति निर्माणका लागि ताकेता गरिरहेको बताउनुभएको छ । आयोगको नीति अनुसार सम्बन्धित पालिका प्रमुख संयोजक रहनेगरी पालिका स्त...

खोटाङ, भदौ १ । दिक्तेल रुपाकोट मझुवागढी नगरपालिका–१५ विजयखर्कको मालामा शाखा वडा कार्यालय स्थापन भएको छ । वियजखर्क वडाले साविकका वडाहरु १ र २ का नागरिकलाई सहजताका लागि मालामा शाखा वडा कार्यालय स्थापना गरिएको वडाध्यक्ष राम बहादुर कटुवालले जानकारी दिनुभयो । उक्त क्षेत्रका नागरिकलाई वडा कार्यालय बसेरीसम्म आउन डेड देखि २ घण्टासम्म समय लाग्छ । जसकारण साविकका दुई वडालाई समेट्ने गरी पञ्चकन्य माध्यमिक विद्यालयको खाली भवनबाट महिनाको ५ दिन सेवा प्रवाह गर्ने व्यवस्था मिलाएको वडाध्यक्ष कटुवालले बताउनुभयो । प्रत्येक महिनाको १ गते र प्रत्येक सोमबार उक्त ठाउँबाट वडाले दिने सबै सेवा प्रदान गरिने उहाँको भनाइ छ । ‘विजयखर्कको सबै भन्दा धेरै जनसंख्या भएको साविक १ र २ नम्बर वडा हो, तर उनिहरुलाई नै वडा कार्यालय आउन सबै भन्दा टाढा छ । त्यहाँका जनताको अत्याधिक माग र आवश्यकतालाई मध्यनजर गर्दै हामीले सोही ठाउँबाट ...

खोटाङ, साउन ३० । १ करोड ३६ लाख रकम ठगी गरेको अभियोगमा खोटाङका एक युवा पक्राउ परेका छन् । नेदरल्याण्ड पठाइदिन्छु भन्दै युवाहरुबाट रकम लिएर ठगी गरेको अभियोगमा खोटाङको वराहपोखरी गाउँपालिका–५, पौवासेराका प्रकाश राई काठमाडौंबाट पक्राउ परेका हुन् । खोटाङ घर भएका राई हाल काठमाडौं महानगरपालिका–३२ कोटेश्वरमा रहेर ह्युमन रिसोर्स प्रालि सञ्चालन गर्दै आएका थिए । उनलाई काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरीले आइतबार साँझ कोटेश्वरबाट पक्राउ गरेको हो । विदेशमा आकर्षक रोजगारीमा लगाइदिने प्रलोभन देखाएर १ करोड ३६ लाख बढी रकम ठगी गरेको अभियोगमा उनलाई पक्राउ गरिएको प्रहरीले जनाएको छ । उनले १६ जना व्यक्तिहरूलाई वर्किङ भिजामा नेदरल्याण्ड जानको लागि प्रतिव्यक्ति १६ लाख रुपैयाँ लाग्छ, पानीजहाजको सिम्यानको रूपमा काममा लगाइदिन्छु, सुरुमा मासिक ७५ हजार रुपैयाँ तलब हुन्छ भन्ने प्रलोभन देख...

खोटाङ, साउन २६ । नेपालको संविधान २०७२ को भाग ३, धारा (३१) मा प्रत्येक नागरिकलाई राज्यबाट आधारभुत तहसम्मको शिक्षा अनिवार्य र निशुल्क तथा माध्यमिक तहसम्मको शिक्षा निशुल्क पाउने व्यवस्था उल्लेख गरिएको छ । तथापी सामुदायिक विद्यालयहरुले विभिन्न बहानामा शुल्क उठाउने गरेका छन् । यसै सिलसिलामा खोटाङको हलेसी तुवाचुङ नगरपालिकाले कुनै पनि बहानामा शुल्क नलिने निर्णय गरेको छ । सरकारी विद्यालयले विभिन्न बहानामा शुल्क असुल्ने गरेको अभिभावकले गुनासो गरेपछि नगरपालिकाले यस्तो निर्णय गरेको जनाएको छ । निजि शिक्षकलाई तलब दिने बहानामा पनि विद्यालयहरुले विद्यार्थीबाट शुल्क असुल्ने गरेका छन् । सामुदायिक विद्यालयमा माध्यामिक तहसम्मको शिक्षा पुर्णरुपमा निशुल्क गर्नेगरी चालु आर्थीक वर्ष २०७९/८० मा नगरपालिकाले रु १७ लाख बजेट विनियोजन गरेर (जेरो फि) कार्यक्रम लागू गरेको छ । माध्यमिक १२ वटा, कक्षा १–८ आधारभुत १३ वटा ...

खोटाङ, साउन २४ । खोटाङमा १२ सय बढी नयाँ मतदाता थपिएका छन् । स्थानीय निर्वाचन पश्चात असार १ गतेदेखि साउन १९ गतेसम्म सञ्चालन भएको मतदाता अभियानमा १२ सय ७६ जना नयाँ मतदाता थपिएका हुन् । जिल्ला निर्वाचन कार्यालय, जिल्ला प्रशासन कार्यालय, इलाका प्रशासन कार्यालय खोटाङ बजार र ऐँसेलुखर्कबाट उक्त नयाँ मतदाताले नाम दर्ता गराएका जिल्ला निर्वाचन कार्यालयका सूचना अधिकारी लोकेन्द्र राईले जानकारी दिनुभयो । सरकारले आगामी मङ्सिर ४ गते प्रतिनिधि र प्रदेशसभा निर्वाचनको मिति घोषणा गरेसँगै मतदाता नामवली संकलन स्थगित भएको उहाँको भनाइ छ । नयाँ मतदाता थपिएकासहित जिल्लामा १ लाख ४५ हजार २८ जना मतदाता भएका छन् । एक संघीय र दुई प्रदेश सभा रहेको यस जिल्लामा १ सय ३६ मतदान स्थल र १ सय ९४ मतदान केन्द्र रहेका छन् । पालिकाहरुबाट ४ मतदान स्थल थप गर्ने प्रस्ताव आएपनि प्राविधिक कारणले नयाँ मतदान स्थल थप नभएको सूचना अधिकारी र...