Banner News 2

खोटाङ, चैत ६ । हलेसी तुवाचुङ नगरपालिका–९ सल्लेका ९२ जना जेष्ठ नागरिक सम्मानित भएका छन् । वडाका ५१ जना महिला र ४१ जना पुरुष गरी ९२ जना जेष्ठ नागरिकलाई वडा कार्यालयले सम्मान गरेको हो । जेष्ठ नागकिरलाई सम्मान गर्न वडा कार्यालयले आज कार्यक्रमनै आयोजना गरेको थियो । वडा कार्यालयद्वारा आयोजीत कार्याक्रममा हलेसी तुवाचुङ नगरपालिकाका मेयर इवन राई र उपमेयर बिमला राईले दोसल्ला ओडाएर सम्मापत्रले सम्मान गर्नुभएको मेयर राईको सचिवालयले जानकारी दिएको छ ।...

खोटाङ, चैत्र ०५ । खोटाङको रावाबेँसी गाउँपालिका–६ हौँचुरस्थित शारदा माध्यमिक विद्यालयमा एक लाख रुपैयाँको अक्षयकोष स्थापना भएको छ । विद्यालयका पूर्व प्रधानाध्यापक भद्रबहादुर राईले वार्षिक रूपमा गरिब तथा जेहेनदार ५ जना विद्यार्थीलाई पुरस्कृत गर्ने गरी अक्षयकोष स्थापना गर्नुभएको हो । शुक्रबार विद्यालयमा आयोजित एक कार्यक्रमकाबीच राईले विद्यालय व्यवस्थापन समिति अध्यक्ष विष्णु कार्की र प्रधानाध्यापक हर्कबहादुर कार्कीलाई अक्षयकोषका लागि १ लाख १ हजार १ सय रुपैयाँको चेक हस्तान्तरण गर्नुभएको छ । अक्षयकोषको रकम बैंकमा जम्मा गरी त्यसबाट प्राप्त हुने ब्याजको रकमले प्रत्येक वर्ष विद्यालयका गरिब तथा जेहेन्दार एक जना छात्र र एक जना छात्रा तथा विद्यालय प्रथम, द्वितीय र तृतीय हुने छात्रछात्रलाई पुरस्कृत गरिनेछ । कार्यक्रममा प्रमुख अतिथि रावाबेँसी गाउँपालिकाका अध्यक्ष लिलानाथ निरौलाले विद्यालयको शैक्षिक ग...

खोटाङ, चैत ०१ । नेपाल विद्युत प्राधिकरण दिक्तेल वितरण केन्द्रले चैत ५ गतेभित्र विद्युत महसुल बुझाइसक्न ग्राहकलाई ताकेता गरेको छ । लामो समयसम्म महसुल नबुझाएका ग्राहकलाई चैत ५ गतेभित्र अनलाइन मार्फत तथा कार्यालयमै गई विद्युत महसुल बुझाइसक्न केन्द्रले समयसीमा तोकेको हो । तोकिएको मितिमा पनि बक्यौता रकम नबुझाए सम्बन्धित ग्राहकको लाइन काटिने विद्युुत प्राधिकरण दिक्तेल वितरण केन्द्रका प्रमुख विजयराज रेग्मीले बताउनुभयो । सरकारी कार्यालय, स्थानीय निकाय, स्वास्थ्य चौकी, खानेपानी लिफ्टिङ र गार्हस्थ ग्राहकले विद्युत उपभोग गरे बापत बुझाउनुपर्ने महसुल लामो समयदेखि नतिरेको उहाँको भनाइ छ । चैत ५ गतेभित्र पनि महसुल नबुझाए लाइन काट्ने प्राविधिक टोली परिचालन गरेर महसुल बुझाउन बाँकी ग्राहकको लाइन काट्न सुरु गरिने केन्द्रले चेतावनी दिएको छ । ५ हजार रुपैयाँ बढी महसुल तिर्न बाँकी रहेका र महसुल नतिरेको २ महिना ...

खोटाङ, फागुन २६ । खोटाङमा गोरुले हान्दा एकजनाको मृत्यु भएको छ । जिल्लाको दिक्तेल रुपाकोट मझुवागढी नगरपालिका–७ का ५० वर्षीय असुरध्वज राईको छिमेकीको गोरुले हान्दा मृत्यु भएको स्थानीय कोमलप्रसाद ढकालले जानकारी दिनुभयो । गोरुको सिङले पेटको देब्रे साइडमा छेड्दा राईको आन्द्रा बाहिर निस्केको थियो । राईले मलका लागि आफन्तबाट ल्याएर उक्त गोरु पाल्न थालेको केही दिन मात्र भएको बताइएको छ । उनलाई बुधबार बिहान गोरुले हानेको थियो । गम्भीर घाइते भएका उनको फेमिली केयर अस्पताल दिक्तेलमा उपचार हुँदै गर्दा गएराति निधन भएको ढकालको भनाइ छ । मृतक राई शारीरिक रुपमा अपांग समेत रहेका थिए ।...

खोटाङ, फागुन २५ । खोटाङको वराहपोखरी गाउँपालिकाले किसानलाई निःशुल्क उन्नत जातको मकैको बिउ वितरण गरेको छ । गाउँपालिकाभरिका करिब २६ सय किसानलाई उन्नत जातको मकैको बिउ निःशुल्क वितरण गरिएको गाउँपालिकाले जनाएको छ । परम्परागत खेती प्रणालीलाई विस्थापित गर्दै उत्पादन वृद्धि गर्ने उद्देश्यले मकैको बिउ वितरण गरिएको गाउँपालिकाका कृषि शाखा प्रमुख द्रोणराज रेग्मीले जानकारी दिनुभयो । लेकाली क्षेत्रका किसानलाई मनकामना–३ र बेँसी क्षेत्रका किसानलाई बायोसिड हाइब्रिड जातको मकैको ४५ सय केजी बिउ वितरण गरिएको हो । खेती गर्ने जमिनको परिमाण हेरेर बढी खेती गर्नेलाई २ केजी र कम खेती गर्नेलाई १ केजीका दरले बिउ वितरण गरिएको रेग्मीले बताउनुभयो । बिउ वितरण कार्यमा संघीय सरकारको सशर्त अनुदान र गाउँपालिका आफैँले छुट्याएको बजेट गरी ११ लाख रकम खर्च गरिएको छ । रेग्मीका अनुसार गाउँपालिकाको वडा नं. १ वराहपोखरीका केही किस...

खोटाङ, फागुन २२ । खोटाङका स्थानीय तहको कार्यसम्पादन मूल्यांकनमा दिक्तेल रुपाकोट मझुवागढी नगरपालिका पहिलो भएको छ । दुई नगरपालिका र आठ गाउँपालिका गरी दश स्थानीय तह रहेको जिल्लामा दिक्तेल रुपाकोट मझुवागढी नगरपालिकाले कार्यसम्पादन मूल्यांकनमा सर्वाधिक ७५.१८ अंक ल्याएको हो । राष्ट्रिय प्राकृतिक स्रोत तथा वित्त आयोगले गरेको मूल्यांकनमा ६३.०७ अंक ल्याएर हलेसी तुवाचुङ नगरपालिकाले दोस्रो स्थान हासिल गरेको छ । यस्तै ६२.२० अंकसहित वराहपोखरी तेस्रो, ५८.३८ अंकसहित खोटेहाङ चौथो, ५७.०२ अंकसहित साकेला पाँचौँ, ५६.३६ अंकसहित रावाबेँसी छैटौँ, ५१.३४ अंकसहित जन्तेढुंगा सातौँ, ५१.२७ अंकसहित दिप्रुङ चुइचुम्मा आठौँ, ४९.७० अंकसहित ऐँसेलुखर्क नवौँ र ३७.५७ अंकसहित केपिलासगढी गाउँपालिका दशौँ स्थानमा परेको छ । राष्ट्रिय प्राकृतिक स्रोत तथा वित्त आयोगले कार्यसम्पादन सूचक मूल्यांकनबाट प्राप्त अंक र तथ्यांक फागुन १८ ...

खोटाङ, फागुन १९ । नेपाली कांग्रेसले हलेसी तुवाचुङ नगरपालिका–८ धितुङका जेष्ठ नागरिकलाई सम्मान गरेको छ । बुधबार एक कार्यक्रममो आयोजना गरेर धितुङका २८ जना जेष्ठ नागरिकलाई सम्मान पत्र प्रदान गर्दै दोसल्ला ओढाएर सम्मान गरेको वडा सभापति टेकराज राईले जानकारी दिनुभयो । कार्यक्रमको प्रमुख अतिथीको रुपमा कांग्रेसका खोटाङ जिल्ला सभापति बिष्णुकुमार राई रहनु भयो थियो । सम्मान कार्यक्रममा अघिल्लो स्थानीय निर्वाचनमा वडा सदस्यको उम्मेदवार समेत रहनु भएका नेकपा माओवादी केन्द्रका नेता टेकबहादुर बुढाथोकी लगायत १२ जना अन्य पार्टी परित्याग गरी कांग्रेसमा प्रवेश गर्नुको भएको वडा सभापति राईले बताउनुभयो । नवप्रवेशी ब्यक्तिहरुलाई जिल्ला सभापति राई, पुर्व सभापति नरेशकुमार श्रेष्ठ, उपसभापति इवन राई, हलेसी तुवाचुङ नगर सभापति चक्र राई लगायतका नेताले स्वागत गर्नुभएको छ ।...

खोटाङ, फागुन १७ । नेकपा एमाले खोटाङको सातौँ जिल्ला अधिवेशनपछि आज पहिलो सचिवालय बैठक बसेको छ । गत पुस २३ र २४ गते सम्पन्न अधिवेशनबाट चयन भएको पार्टीको जिल्ला कमिटीको सचिवालय बैठक दिक्तेल रुपाकोट मझुवागढी नगरपालिकाको सभाहलमा बसेको हो । पार्टीका पोलिटब्युरो सदस्य, संसदीय दलका प्रमुख सचेतक एवं जिल्ला इन्चार्ज विशाल भट्टराईको प्रमुख आतिथ्यता, केन्द्रीय कमिटी सदस्य जिल्ला सह–इन्चार्ज उषाकला राईको विशेष आतिथ्यता र जिल्ला कमिटी अध्यक्ष रामप्रसाद दंगालको अध्यक्षतामा बसेको बैठकले १०९ सदस्यीय जिल्ला कमिटीका पदाधिकारीलाई जिम्मेवारी बाँडफाँड गरेको छ । यस्तै बैठकले जिल्लाका १० वटै पालिकामा इन्चार्ज र सह–इन्चार्ज तोकेको छ । नगरपालिकातर्फ दिक्तेल रुपाकोट मझुवागढी इन्चार्जमा वीणादेवी राई र सह–इन्चार्जमा दिनेश साम्पाङ र अनिशा खनाल, हलेसी तुवाचुङ इन्चार्जमा रमेश तिवारी र सह–इन्चार्जमा किशोर श्रेष्ठ र कुम...

खोटाङ, फागुन १५ । खोटाङको हलेसी तुवाचुङ नगरपालिका–८ धितुङले स्थानीय महिला आमा समूहलाई विद्युतीय कुटानी पिसानी मिल र अति विपन्न वर्गका दलित परिवारलाई पानी शुद्धीकरण गर्ने फिल्टर प्रदान गरेको छ । वडा कार्यालयले वडाका ८ वटा महिला आमा समूहलाई प्रति समूह १/१ वटा मिल र अति विपन्न वर्गका १ सय ५० दलित परिवारलाई प्रति परिवार १/१ वटा फिल्टर प्रदान गरेको हो । आइतबार वडा कार्यालयमा आयोजित कार्यक्रमका बीच नगरप्रमुख इवन राई र उपप्रमुख विमला राईको उपस्थितिमा मिल र फिल्टर वितरण गरिएको धितुङका वडाध्यक्ष पृथ्वीराज राईले जानकारी दिनुभयो । वडाले विनियोजन गरेको ४ लाख बजेटबाट मिल र २ लाख ५० हजार बजेटबाट फिल्टर खरिद गरी वितरण गरिएको हो । महिलाहरूको दैनिक घरायसी काममा कार्यबोझ घटाउन मिल र अति विपन्न वर्गका दलित परिवारलाई शुद्ध पिउने पानीका लागि फिल्टर प्रदान गरिएको वडाध्यक्ष राईले बताउनुभयो ।...

खोटाङ, फागुन १४ । खोटाङको हलेसी तुवाचुङ नगपालिकाले सामुदायिक विद्यालयमा कार्यरत बाल विकास शिक्षक र विद्यालयका कर्मचारीलाई १५ हजार तलब दिने निर्णय गरेको छ । हिजो (शुक्रबार) बसेको नगर कार्यापालिकाको बैठकले यस्तो निर्णय गरेको हो । संघिय सरकारले दिने ८ हजारमा ७ हजार थपेर चैतबाट निकासा हुनेगरी १५ हजार तलब दिने निर्णय भएको नगरपालिकाकले जनाएको छ । सरकारले चालु आर्थिक वर्षको कार्यक्रममा बालविकास शिक्षक र कार्यालय सहयोगीको तलब बृद्धि गर्ने निर्णय गरेको थियो । सोही अनुसार हलेसी तुवाचुङ नगरपालिकाले तलब बृद्धि गर्ने निर्णय गरेको नगरपालिकाकले जनाएको छ । सरकारले तोके अनुसारको तलब बृद्धि गर्ने निर्णय गरेकोमा नेपाल शिक्षक महासंघ र नेपाल शिक्षक संघ हलेसी तुवाचुङ नगरपालिका कार्य समितिले नगरपालिकालाई धन्यवाद दिएका छन् । दश स्थानीय तह रहेको जिल्लाका केहि स्थानीय तहले मात्र अहिलेसम्म सरकारले तोके अनुसारको ...