हलेसी तुवाचुङ नगरपालिकाको वित्तीय प्रगति ४३.४९ प्रतिशत
खोटाङ, फागुन १६ । हलेसी तुवाचुङ नगरपालिकाले चालु आर्थिक वर्ष २०७८/०७९ को हालसम्मको अवधिमा ४३.४९ प्रतिशत वित्तीय प्रगति हासिल गरेको छ । चालु आर्थिक वर्षका लागि नगरपालिकामा विनियोजित कुल बजेट ५८ करोड १६ लाख २८ हजार ४ सय ५० मध्ये अहिलेसम्म २५ करोड २९ लाख ५८ हजार ४ सय ४२ रुपैयाँ खर्च भएको हो ।
दुर्छिमस्थित होलेसुङ रिसोर्टमा सम्पन्न १० औं हिउँदे नगर सभामार्फत उक्त विषयको जानकारी दिइएको हो । नगरसभाबाट २० वटा योजनाहरू संशोधन गर्दै रकमान्तर गरिएको छ ।
चार ऐन पारित
यस्तै नगर सभाले चार वटा ऐन पारित गरेको छ । नगर सभामा पेश भएको वन व्यवस्था ऐन–२०७८, संस्था ऐन–२०७८, हलेसी तुवाचुङ नगरपालिकामा कार्यरत कर्माचारीहरूको समायोजन गर्न बनेको ऐन–२०७८ र स्थानीय तहमा वातावरण तथा प्राकृतिक स्रोतको संरक्षण ऐन–२०७८ पारित भएको हो ।
सबै प्रस्ताव पारित
नगरपालिकाभित्रका स्वास्थ्य स्वयंसेविकाहरूले तलब भत्ता वृद्...
