Author: रुपाकोट खबर

खोटाङ, माघ २२ । खोटाङको रावा बेसी गाउँपालिकाले सुविधा सम्पन्न प्रशासनीक भवन निर्माण गर्न सुरु गरेको छ । करीब ५ करोड लागतमा निर्माण हुने भवन सोमबार पालिका अध्यक्ष फटिक कुमार श्रेष्ठले शिलान्यास गर्नुभएको हो । यस अघि गाउँपालिका ट्रस्ट भवन निर्माण गरेर सञ्चालन भइरहेको थियो । रु ४ करोड ७६ लाख १६ हजार ७ सय ९० रुपैयाँ ३६ पैसा लागतमा सुविधा सम्पन्न भवन निर्माण गर्न सुरु गरिएको हो । उक्त भवन निर्माण सम्पन्न भएपछि सेवा प्रवाहमा सहज हुने गाउँपालिकाले जनाएको छ । हाल गाउँपालिका सञ्चालन भइरहेको ट्रस्ट भवन भत्काएर सोही ठाउँमा सुविधा सम्पन्न भवन निर्माण गर्न सुरु गरिएको हो । ट्रस्ट भवन भत्काइएपछि सभाहलको लागि निर्माण गरिएको भवनमा कोठा बारेर गाउँपालिका सञ्चालन गरिएको छ । स्वास्थ्य शाखा भने नजिकै ब्यक्तिको घरको एक कोठा भाडामा लिएर सञ्चालन गरिएको प्रमुख प्रशासकीय अधिकृत सरोज रेग्मीले जानकारी दिनुभयो । ३०...

खोटाङ, माघ २२ । नेपाल प्रेस चौतारी खोटाङले बिरामीहरुलाई फलफुल दिएर आफ्नो स्थापना दिवस मनाएको छ । जिल्ला अस्पताल खोटाङमा उपचाररत बिरामीलाई स्वास्थ्य लाभको कामना गर्दै फलफुल दिएर सोमबार चौतारीले आफ्नो २६ औँ स्थापना दिवस मनाएको हो । अस्पतालमा उपचाररत १३ जना बिरामीलाई स्वास्थ्य लाभको कामना गर्दै स्वाउ, केरा, अनार, अंगुर लगायतका फलफुल दिएर स्थापना दिवस मनाइएको चौतारी खोटाङका उपाध्यक्ष राजन ठटालले बताउनुभयो । वरिष्ठ पत्रकार कृष्ण आचार्य, पत्रकार महासंघ खोटाङका अध्यक्ष दिलिप खत्री, प्रेस चौतारीका कोशी प्रदेश सहइन्चार्ज हरिबोल आचार्य लगायत जिल्लाका विभिन्न संगठनमा आबद्ध पत्रकारहरु, दिक्तेलका वडाध्यक्ष नवराज राई, नेकपा एमालेका जिल्ला अध्यक्ष राम प्रसाद दंगाल, सचिव कुमार आचार्य, दिक्तेल रुपाकोट मझुवागढी नगर कमिटी अध्यक्ष गोपाल आचार्य, अधिवक्ता ओम प्रकाश घिमिरे लगायतले बिरामीलाई फलफुल दिएर बिरामीको ...

खोटाङ, माघ २१ गते । खोटाङको दिक्तेल रुपाकोट मझुवागढी नगरपालिकाले कृषि एम्बुलेन्स सञ्चालन गरेको छ । नगरपालिकाले आइतबारबाट कृषकको सहजताका लागि कृषि एम्बुलेन्स सुरु गरेको जनाएको छ । कृषि एम्बुलेन्स सञ्चालनको पहिलो दिन नगर प्रमुख तीर्थ राज भट्टराई, उपप्रमुख विसन राई लगायतको टोली वडा नम्बर ११ खार्मी पुगेर कृषि उपज बजार ल्याएका छन् । खार्मीस्थित सोति कृषि तथा पशुपंक्षी वहुउद्श्यीय फर्मको तरकारी दिक्तेल बजार ल्याइएको हो । कृषि एम्बुलेन्समार्फत ल्याइएको कृषि उपज नगरपालिकाले निःशूल्क प्रदान गरेको बिउबाट उत्पादन भएको कृषि फर्मका अध्यक्ष हर्कराज राईले बताउनुभयो । वार्षिक भाडा तिर्ने गरी उक्त कृषि समुहले जग्गा भाडामा लिएर सामुहिक कृषि खेती सुरु गरेको छ । नगरपालिकाले बजारसम्म निःशूल्क ल्याउने व्यवस्था गरिदिदा सहज भएको अध्यक्ष राईको भनाइ छ । चालू आर्थिक वर्ष २०८०/८१ को नीति तथा कार्यक्रम र बजेटमासमेत ...

खोटाङ, माघ २१ । रावा बेसी गाउँपालिमा आयोजित राष्ट्रपति रनिङ शिल्ड प्रतियोगिताको उपाधि शारदा माध्यमिक विद्यालय खार्पाले जितेको छ । गाउँपालिका भित्रका अन्तर माध्यमिक विद्यालय स्तरीय राष्ट्रपति रनिङ शिल्डमा १२ स्वर्ण, १० रजत र ४ कास्य गरी कुल २६ पदकसहित खार्पाले उपाधि जितेको हो । बिहिबारबाट वडा नम्बर ४ डुम्रे धारापानीस्थित देउराली माध्यमिक विद्यालयको प्राङ्गणमा सुरु भएको प्रतियोगिता शनिबार सम्पन्न भएको छ । ८ स्वर्ण, १० रजत र ६ कास्यसहित आयोजक देउराली मावि प्रतियोगिताको दोस्रो भएको छ । ६ स्वर्ण, १ रजत र ६ कास्यसहित शारदा मावि हौँचुर तेस्रो भएको गाउँपालिकाले जनाएको छ । विजेता विद्यालयहरुलाई शिल्ड र प्रमाणपत्र, पदक विजेता खेलाडीहरुलाई मेडल र प्रमाणपत्र गाउँपालिकाका अध्यक्ष फटिक कुमार श्रेष्ठ, उपाध्यक्ष कौशिला कुमारी गुरुङ लगायतले प्रदान गर्नुभएको थियो । यस्तै, गाउँपालिका भित्रका ७ वटा माध्यमिक...

खोटाङ, माघ २० । खोटाङमा विगत ७ वर्षदेखि सञ्चालन भइरहेको आमन्त्रित “केएफए दिक्तेल हलेसी मेयर गोल्ड कप” को पाँचौ संस्करण आगामी वैशाखमा हुने भएको छ । “स्थानिय खेलाडीको विकास र पहिचान, खोटाङ फुटबल एकेडेमीको अभियान” भन्ने मुल नारासहित चार संस्करण सम्पन्न भइसकेको यस प्रतियोगिताको पाँचौ संस्करण आगामी वैशाख २३ गतेदेखि २९ गतेसम्म माटिकोरे खेल मैदानमा सञ्चालन हुने आयोजकले जनाएको हो । २०७३ साल बाट सुरु भएको यस प्रतियोगिताको पहिलो उपाधि खोटाङ फुटबल एकेडेमीले जितेको थियो । क्रमश अन्य संस्करणको उपाधि युवा जागरण क्लब, योङ ब्याईज युनाईटेड र नेर्पा स्पटोस क्लबले जितेका थिए । ०७६ र ७७ मा कोरोना भाइरसको महामारीको कारण प्रतियोगिता आयोजना गरिएको थिएन् । नेर्पा स्पटोस क्लबले जितेको अघिल्लो संस्करणमा प्रथम पुरस्कार राशी नगद रु १ लाख ५० हजार राखिएको थियो । यस संस्करणमा पुरस्कार राशी करीब ३ लाखको बनाउने गरी तयारी...

खोटाङ, माघ १९ गते । पाँच वर्ष अघि ठगिएका खोटाङका ६ जना ब्यक्तिले अझै पनि रकम फिर्ता पाएका छैनन् । विदेश पठाइदिन्छु भन्दै खोटाङ सोल्माका प्रेम पुरीले उनिहरुसँग रु ८ लाख ९५ हजार लगेका थिए । विदेश पठाइदिने बहानामा रकम लिएर फरार भएका पुरीले हालसम्म रकम फिर्ता गरेका छैनन् । २०७५ सालमा पुरीले दुबइको सेराटन होटलमा पठाइदिने भन्दै दिक्तेलका इन्द्र बहादुर खड्का (माइकल), कर्ण बहादुर खड्का, राजेन्द्र खड्का, डिल्ली खत्रीबाट रु ५०–५० हजार र सोम बहादुर भण्डारीबाट रु ३५ हजार लिएका थिए । दिक्तेलकै बाबुराम खड्काबाट जापान पठाइदिन्छु भन्दै रु ६ लाख ६० हजार लिएका थिए । तर पुरीले विदेश नपठाइ रकम लिएर फरार भएको पीडितहरुको गुनासो छ । उनिहरुले आईएमई र मोबाइल बैंकिङमार्फत पुरीलाई रकम पठाएका थिए । उक्त पैसा पठाएको रकमको प्रमाणसहित सम्बन्धित निकायहरुमा लामो समयदेखि धाए पनि रकम फिर्ता नपाएको उनिहरुको दुखेसो छ । खोटा...

खोटाङ, माघ १८ । चालू आर्थिक वर्ष २०८०/०८१ को हालसम्म खोटाङबाट ४ हजार बढी नागरिक विदेश गएका छन् । साउनदेखि पुषसम्म ६ महिनामा ४ हजार १ सय ६६ जनाले वैदेशिक रोजगारीकालागि श्रम स्वीकृति लिएका हुन् । साउनमा ६६५ जना, भदौमा ६७२ जना, असोजमा ७२७ जना, कात्तिकमा ४५४ जना, मंसिरमा ८२३ जना र पुषमा ८२५ जनाले श्रम स्वीकृति लिएको सुरक्षित आप्रबाशन सामी कार्यक्रमले जनाएको छ । जसमा महिला ३९२ र पुरुष ३ हजार ७७४ जना रहेका छन् । अघिल्लो आर्थिक वर्ष २०७९/८० मा जिल्लाका ९ हजार ८०६ जनाले वैदेशिक रोजगारिको लागि श्रम स्वीकृति लिएको सामी कार्यक्रमका जिल्ला संयोजक सन्तोष कुमार राईले जानकारी दिनुभयो । वैदेशिक रोजगारीमा जानको लागि अन्तिम प्रक्रिया श्रम स्वीकृति हो । जसकारण चालू आर्थिक वर्षको हालसम्म ४ हजार बढी नागरिक विदेश गएको संयोजक राईले बताउनुभयो । उनिहरु प्राय खाडी मुलुक, मलेसीया लगायतका देश गएका छन् । तथ्यांक अनु...

खोटाङ, माघ १५ । खोटाङको हलेसी तुवाचुङ नगरपालिकामा सम्पन्न राष्ट्रपति रनिङ शिल्ड प्रतियोगिताको उपाधि मंगलटारस्थित पिपलडाँडा देवीस्थान माध्यमिक विद्यालयले जितेको छ । देवीस्थानले लगातार दोस्रो पटक प्रथम शिल्ड आफ्नो पोल्टामा पारेको हो । अघिल्लो वर्ष उपाधि जितेको देवीस्थानले यो वर्ष पनि ९ स्वर्ण, ५ रजत र ७ कास्य पदकसहित उपाधि जितेको नगरपालिकाले जनाएको छ । अर्खौले विजुलेस्थित सालपा खेलमैदानमा शनिबारदेखि सञ्चालन भएको प्रतियोगिता सोमबार सम्पन्न भएको छ । डिकुवास्थित दाम्लि माध्यमिक विद्यालय ४ स्वर्ण, ४ रजत र ३ कास्य पदकसहित प्रतियोगिताको दोस्रो भएको नगरपालिकाका खेल प्रशिक्षक मिलन कसजुले जानकारी दिनुभयो । यस्तै, च्यास्मीटर मावि ४ स्वर्ण, ३ रजत र २ कास्यसहित तेस्रो भएको छ । एथलेटिकमा २६, भलिबलमा २ र कवड्डिमा २ गरी कुल ३० स्वर्ण पदकको लागि प्रतिस्पर्धा भएको थियो । जसमा ज्योति माविले ३ स्वर्ण, ६ रज र...

खोटाङ, माघ १५ । खोटाङका गायक हर्क गदाल र चर्चित गायीका शान्ती श्री परियारको आवाजमा रहेको नयाँ गीतको म्युजिक भिडियो सार्वजनिक गरिएको छ । खोटाङमै छायांकन गरिएको “मेरी काली” बोलको उक्त म्युजिक भिडियो सोमबार सार्वजनिक गरिएको हो । खोटाङको दिक्तेल रुपाकोट मझुवागढी नगरपालिका–४ खाल्लेका गदाल लामो समयदेखि मोफसलमा बसेर गीत संगीतमा काम गरिरहेका छन् । उनै गायक तथा संगीतकार गदालले “मेरी काली” बोलको लोक दोहोरी गीत बजारमा ल्याएका हुन् । गीतलाई साइनो कला केन्द्रको आयोजनामा दिक्तेल रुपाकोट मझुवागढी नगरपालिका उपमेयर विसन राईले लोकार्पणसमेत गरेका छन् । खोटाङ म्युजिक युटुव च्यानलमार्फत गीत सार्वजनिक गरिएको छ । गीतमा गदालको आफ्नै शब्द, संगीत रहेको छ । गीतको भिडियो खोटाङको दिक्तेल, खाल्ले, मझुवागढी लगायतका क्षेत्रका छायांकन गरिएको हो । खोटाङ खार्मीका ज्ञानेन्द्र कमेडियानले निर्देशन गरेको भिडियोमा प्राय सबै जि...

खोटाङ, माघ १३ । रवि लामिछाने नेतृत्वको राष्ट्रिय स्वतन्त्र पार्टीले खोटाङको दिक्तेल रुपाकोट मझुवागढी नगरपालिकामा समिति गठन गरेको छ । शुक्रबार भएको खुल्ला जिल्ला भेलामा नगर समिति गठन गरेको बताइएको छ । माघ १२ गते जिल्ला समन्वय समितिको सभाहलमा (रास्वपा) को खुल्ला जिल्ला भेला राखिएको थियो । सोही भेलाको अवसरमा नगर समिति निर्माण गरिएको (रास्वपा)का क्षेत्रीय सचिव मुकुन्द कृष्ण थापाले जानकारी दिनुभयो । भेलामा प्रतिनिधि सभा सदस्य अशोक चौधरी, कोशी प्रदेश सभापति राजेश तिमिल्सीना, महामन्त्री लाल विक्रम थापासँगै जिल्लाका नेता कार्यकर्ताहरुको उपस्थिति रहेको थियो । भेलाले नगर समितिको संयोजकको जिम्मेवारी पर्शुराम थापा “आशिष”लाई दिएको छ । यस्तै, सह–संयोजकमा चन्द्रकला परियार, सचिवमा बिजय मिश्र, कोषाध्यक्षमा जीवन ढकाल, सदस्यहरुमा भरत ढकाल, खगेन्द्र आचार्य, एकराज ढकाल, आनन्द खत्री, मन्जु घिमिरे रिजाल, टेक ब...