समाज

भदौ १२ । आइतबार बिहानैदेखि देशभर वर्षा भइरहेको छ । आज दिनभर देशैभरिको मौसममा सामान्यदेखि पूर्ण बदली रही देशका धेरै स्थानमा चट्याङसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ ।  आइतबार दिउँसो देशभर सामान्यदेखि पूर्ण बदली रहनेछ। बागमती प्रदेश, गण्डकी प्रदेश र सुदूरपश्चिम प्रदेशका  धेरै स्थानमा तथा बाँकी प्रदेशका केही स्थानमा चट्याङसहित हल्कादेखि मध्यम वर्षाको सम्भावना  छ।  बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका थोरै स्थानमा र बाँकी प्रदेशका एक–दुई स्थानमा भारी वर्षाको सम्भावना रहेको महाशाखाले जनाएको छ । आइतबार राती पनि गण्डकी प्रदेश, लुम्बिनी प्रदेश र सुदुर पश्चिम प्रदेशमा चट्याङ्ग सहित भारी वर्षाको सम्भावना  छ । यी प्रदेशमा सोमबार समेत भारी वर्षा हुने महाशाखाले जनाएको छ ।  भारी वर्षाले पहिरो तथा गेग्रान बहावको जोखिम रहनुको साथै नदी ...

राजकुमार सरगम खोटाङ, भदौ ९ । खोटाङ सदरमुकाम दिक्तेलस्थित लालुपाते बहुद्देश्यीय सहकारी संस्था डेढ वर्षदेखि बन्द रहेको छ । सहकारी सञ्चालक समितिका अध्यक्ष अनिल कुमार जोसीको निधन पश्चात २०७८ बैशाखबाट सहकारी बन्द भएको हो । वि.स. २०७२ मङ्सिरमा दर्ता भएर सञ्चालनमा आएको सहकारी बन्द भएपछि बचतकर्ताहरु मारमा परेका छन् । ब्याजको आशमा लाखौँ रकम सहकारीमा जम्मा गरेका बचतकर्ताहरु हरेक दिन सहकारीको कार्यालयमा आउने गरेका छन्, तर सहकारीको कार्यालय प्रायः बन्द हुने गरेको उनिहरुको भनाइ छ । लालुपातेले आर्थिक वर्ष २०७६/ ०७७ को लेखापरीक्षण सहितको प्रतिवेदन प्रदेश सहकारी रजिष्ट्रारको कार्यालयमा नबुझाएको भन्दै प्रदेश सहकारीले गत वर्ष असोज ४ गते सार्वजनिक सूचना प्रकाशन गरेको थियो । त्यसपछि सञ्चालक समितिलाई बोलाएर छलफल पश्चात १ नम्बर प्रदेश सहकारी रजिष्ट्रार कार्यालयले संस्थाका सञ्चालकको सम्पत्ति रोक्का राख्ने निर्...

खोटाङ, भदौ ९ । धार्मिक आस्थाको प्रतिक अनि प्राकृतिक सौन्दर्यले भरीपूर्ण स्थल, जसको बारेमा सुनेपछि एक पटक जान मन लाग्ने स्थल हो साल्पा पोखरी । जुन खोटाङ, सोलुखुम्बु, भोजपुर र संखुवासभा गरी चार जिल्लाको संगमस्थलका रूपमा परिचित प्राकृतिक सौन्दर्यले भरीपूर्ण स्थल हो । चार जिल्लाको संगमस्थल भएपनि भोजपुर जिल्लाको साल्पा सिलिछो गाउँपालिका साविकको दोभाने गाउँ विकास समितिमा साल्पा पोखरी पर्दछ । समुद्र सतहदेखि ३ हजार ४ सय ४३ मिटर उचाइमा रहेको साल्पा पोखरीमा चार जिल्लाबाटै जाने बाटाहरु रहेका छन् । खोटाङको सदरमुकाम दिक्तेलदेखि तालखर्क, मैयुङ डाँडा हुँदै मुन्दुम पदमार्गको बाटोबाट जान सकिन्छ भने सुङदेल हुँदै अर्को बाटोबाट पनि जान सकिन्छ । संखुवासभाको तुम्लिङटार विमानस्थलमा ओर्लिएर पनि जान सकिन्छ । भोजपुरको कात्तिके, नेपालेडाँडा, मझुवा, केदाकाउले, ताँबुटार, चौकीडाँडा, दोभाने पार गर्दै साल्पा पोखरी पुग...

खोटाङ, भदौ ८ । दिक्तेल रुपाकोट मझुवागढी नगरपालिका–१ दिक्तेलस्थित भुक्ते–आयुर्वेद सडकखण्ड ढलानको काम बिचमै छाडिएको छ । सडक ढलान गर्दागर्दै रड बिछ्याएर छाडिएपछि हिडडुल गर्नसमेत समस्या भएको स्थानीयले बताएका छन् । सडकको केही ठाउँमा ढलान गरिएको छ भने केही ठाउँमा रड मात्र बिच्छ्याइएको छ । सडकमा रड बिच्छ्याएर छाडिएपछि मान्छे हिड्न देखि पशुचौपाय हिडाउन समेत समस्या भएको स्थानीय टंक प्रसाद आचार्यले बताउनुभयो । ‘स्थानीयहरुले लेकबेँसी गर्ने बाटो यहि हो, यहाँका मानिसहरु पानीपधेँरो जाने बाटो यहि हो, सबैले गाईबस्तु यही बाटो हिडाउँनु पर्छ, तर बाटोभरी रड बिच्छ्याएर छाडिएको छ । रडमा अल्झिएर खुट्टा भाँचिन्छ भन्ने ठुलो डर छ ।’ स्थानीय राधिका आचार्यले भन्नुभयो । दुई महिना देखि सडक अलपत्र बनाएर ठेकेदार बेपत्ता भएको अर्का स्थानीय भवानी प्रसाद आचार्यलेको भनाइ छ । उक्त सडकमा बिच्छ्याइएको रडले हिडडुल गर्न समस्या ...

भदौ ७ । प्रहरीले भिजिट भिसामा कुबेत हुँदै संयुक्त अरब इमिरेट्स (युएई) को दुबई जान लागेका खोटाङ की सहित ३९ जना महिलालाई बुधबार बिहान विमानस्थलमा रोकेको छ । विमानस्थल प्रहरीका अनुसार ती महिलाहरु अल जजिरा एयरबाट कुबेततर्फ जान लागेका थिए । ‘कुबेत हुँदै दुबई जान लागेकोहरुको कागजात शंकास्पद रहेको र आवश्यक कागजात पुरा नभएर नेपाली नागरिक ३९ जना महिलालाई होल्डमा राखि आवश्यक कारवाही भैरहेको छ,’ प्रहरीले भनेको छ । यसरी रोकिएका खोटाङकी देवी दमाई, धादिङकी सरिता चालिसे र लक्ष्मी परियार, मोरङकी मनमान मुर्मु, झापाकी सुष्मा कामी बिक, झुमकुमारी सिजाली, मंजली स्वर्णकार बिक, नानु तुदु, कमला खड्का र हिरा विश्वकर्मा, सल्यानकी ईश्वरी कुँवर, रसुवाकी सावित्री गङदान र पवित्रा घले, सिन्धुपाल्चोककी अस्मिता तामाङ, सोनिया तामाङ, बिबी तामाङ, उषा बिक, निशा बिक, नवलपरासीकी सम्झना दमाई रहेकी छिन् । त्यसैैगरी दैलेखकी सम्...

खोटाङ, भदौ ७ । खोटाङमा व्यवसायीकरुपमा खुकुरी लगायत घरेलु फलामे औजार उत्पादन गर्न थालिएको छ । बराहपोखरी गाउँपालिका–४ धर्तुङ छुलुवारका सेवन राईले फलामे घरयासी सामाग्री उत्पादन गर्ने कारखाना दर्ता गराएर खुकुरी साथै अन्य घरेलु औजारहरु निर्माण गरिरहनु भएको हो । उहाँकी श्रीमती बिमला राईको नामबाट ९ महिना अगाडि घरेलु तथा साना उद्योयक कार्यालय दिक्तेलमा कारखाना दर्ता गराएको उहाँको भनाइ छ । कारखाना दर्ता गराएको करीब ३ महिना पछिबाट रामकुमारी छुलाछा खुकुरी उद्योग कारखाना खोलेर फलामे औजारहरु उत्पादन गरिरहेको उहाँले बताउनुभयो । कारखानामा फलामे सामाग्री उत्पादन तथा निर्माणकालागि खुकुरीको नेपालकै चर्चित जिल्ला भोजपुरबाट दुई जना कालिगड ल्याइएको सञ्चालक राईले बताउनुभयो । ‘विज्ञ दुई जना कालिगड राखेका छौँ, औजार निर्माणकालागि समस्या छैन् । धरानबाट फलाम ल्याएर यहाँ अहिले खुकुरी, खुर्पा, कुटो, कोदालो सबै निर्म...

खोटाङ, भदौ ६ । सोलुखुम्बुमा ३ वर्षीया बालिकाको पानीको भाँडामा डुबेर मृत्यु भएको छ । सोलुखुम्बुको लिखुपिके गाउँपालिका–३ चौलाखर्क स्थित लोक बहादुर भुजेलकी ३ वर्षकी छोरी सौगात भुजेलको पानीको भाँडामा डुबेर मृत्यु भएको हो । भुजेलको आफ्नै आँगनमा राखिएको पानीको भाँडामा डुबेर छोरीको मृत्यु भएको प्रहरीले जनाएको छ । आइतार दिउँसो भएको यस घटनाको विषयमा थप अनुसन्धान भइरहेको प्रहरीको भनाइ छ ।...

खोटाङ, भदौ ५ । सोर्गीय शिक्षक शुभशेर राईको परिवारले शुभशेर राई स्मृति प्रतिष्ठानलाई रु १६ लाख ९० हजार ९ रुपैयाँको चेक हस्तान्त्रण गरेको छ । राईको वार्षिक पुण्य तिथिको अवसरमा आइतबार (आज) जिल्ला समन्व समितिको हलमा कार्यक्रमको आयोजना गरेर परिवारका सदस्यबाट उक्त रकम प्रतिष्ठानलाई हस्तान्त्रण गरिएको हो । वि.स. २००७ सालमा जन्मनुभएका स्व. शिक्षक राईको वि.स. २०७८ साल भदौ ५ गते निधन भएको थियो । ४३ वर्ष लामो समय शिक्षण पेशामा आबद्ध राई नेपाल राष्ट्रिय शिक्षक संगठन खोटाङका पूर्व अध्यक्षसमेत हुनुहुन्थ्यो । स्व. राईको जेठा छोरा देव विक्रम राई अध्यक्ष रहनेगरी शुभशेर राई स्मृति प्रतिष्ठानको स्थापना गर्दै गत साउन ३० गते जिल्ला प्रशासनमा दर्ता गरिएको प्रतिष्ठानका वरिष्ठ उपाध्यक्ष कुमार पराजुलीले जानकारी दिनुभयो । प्रतिष्ठानलाई आज परिवारका सदस्यहरुले रकम संकलन गरेर स्व. राईकी श्रीमती जम्मासरी राईको हातबाट ...

खोटाङ, भदौ २ । खोटाङका भूमीहिन र अव्यवस्थितहरुले भूमि प्राप्तिकालागि निवेदन दिने समय सुरु भएको छ । राष्ट्रिय भूमि आयोगले नेपालका २ सय ४० स्थानीयतहरुका लागि भदौ १ गते सूचना प्रकाशन गरेको छ । जसमा खोटाङका दश वटै स्थानीय तहहरु रहेका छन् । जिल्लाका सबै पालिका भित्रका भूमिहीन दलित, भूमिहीन सुकुम्बासी र अव्यवस्थित बसोबासीले जग्गा पाउन आयोगले तोकेको ढाँचा बमोजिम सम्बन्धित वडा कार्यालयमा भदौ १ देखि असोज ४ गतेसम्म निवेदन दिनसक्ने आयोगको सूचनामा उल्लेख छ । निवेदन दिन आयोगको केन्द्रिय कार्यालयले सूचना प्रकाशन गरेसँगै जिल्ला कार्यालय खोटाङले बिहिबार (आज) समन्वय समितिको हलमा पत्रकार सम्मेलन गरेको थियो । सम्मेलनमा बोल्दै भूमि आयोग खोटाङका अध्यक्ष सुरेश राईले पालिका र वडाहरुमा सहजिकरण समिति निर्माणका लागि ताकेता गरिरहेको बताउनुभएको छ । आयोगको नीति अनुसार सम्बन्धित पालिका प्रमुख संयोजक रहनेगरी पालिका स्त...

खोटाङ, भदौ १ । दिक्तेल रुपाकोट मझुवागढी नगरपालिका–१५ विजयखर्कको मालामा शाखा वडा कार्यालय स्थापन भएको छ । वियजखर्क वडाले साविकका वडाहरु १ र २ का नागरिकलाई सहजताका लागि मालामा शाखा वडा कार्यालय स्थापना गरिएको वडाध्यक्ष राम बहादुर कटुवालले जानकारी दिनुभयो । उक्त क्षेत्रका नागरिकलाई वडा कार्यालय बसेरीसम्म आउन डेड देखि २ घण्टासम्म समय लाग्छ । जसकारण साविकका दुई वडालाई समेट्ने गरी पञ्चकन्य माध्यमिक विद्यालयको खाली भवनबाट महिनाको ५ दिन सेवा प्रवाह गर्ने व्यवस्था मिलाएको वडाध्यक्ष कटुवालले बताउनुभयो । प्रत्येक महिनाको १ गते र प्रत्येक सोमबार उक्त ठाउँबाट वडाले दिने सबै सेवा प्रदान गरिने उहाँको भनाइ छ । ‘विजयखर्कको सबै भन्दा धेरै जनसंख्या भएको साविक १ र २ नम्बर वडा हो, तर उनिहरुलाई नै वडा कार्यालय आउन सबै भन्दा टाढा छ । त्यहाँका जनताको अत्याधिक माग र आवश्यकतालाई मध्यनजर गर्दै हामीले सोही ठाउँबाट ...