समाचार

साउन २३ । हिमालपारिको सानो जिल्ला सोलुखुम्बु । जहाँ हिउँसँग लड्दै मान्छे बाँच्न सिक्छ, जहाँ पत्रकारिता बन्दुक र बम होइन, नक्सा र नक्साच्युत आवाजसँग संघर्ष गर्छ । त्यसै भूभागबाट उक्लिएर एक पत्रकार आज विश्व पत्रकारहरूको साझा थलोमा उभिएका छन् । नेपाल पत्रकार महासंघ सोलुखुम्बुका अध्यक्ष तथा राष्ट्रिय समाचार समिति (रासस) का पत्रकार सुवास दर्नाल अमेरिकामा आयोजित अन्तर्राष्ट्रिय नेतृत्वकर्ता कार्यक्रममा सहभागी भएका छन् । अमेरिकी सरकारको विदेश मन्त्रालयद्वारा आयोजना गरिएको यो कार्यक्रम पत्रकारिता, नेतृत्व र अन्तर्राष्ट्रिय समन्वयको क्षेत्रका लागि विश्वकै प्रतिष्ठित मञ्च मानिन्छ । सन् २०२५ को संस्करणमा दर्नालले नेपालको मात्र नभई हिमाली पत्रकारिता र स्थानीय आवाजहरूको प्रतिनिधित्व गरिरहेका छन् । १५ वर्षभन्दा बढी समयदेखि राजनीति, पर्यटन र जलवायु परिवर्तन जस्ता जटिल र दूरदराजका विषयमा कलम चलाएका दर्ना...

खोटाङ, साउन १७ । खोटाङमा ‘फिफा फुटबल फर स्कुल’ कार्यक्रम सुरु भएको छ । विश्व फुटबल महासङ्घ (फिफा) को सहयोगमा नेपालमा सञ्चालन भइरहेको ‘फिफा फुटबल फर स्कुल’ कार्यक्रम खोटाङमा शनिबारबाट सुरु भएको हो । नेपालमा यो कार्यक्रम बिहिबारबाट औपचारिकरुपमा सुरु भएको थियो । दशरथ रङ्गशालामामा बिहिबार प्रधानमन्त्री केपी शर्मा ओलीले ‘फिफा फुटबल फर स्कुल’ कार्यक्रम को शुभारम्भ गरेका थिए । देशभरका ७७ वटै जिल्लाका १ हजार ७२ वटा विद्यालयहरूमा उक्त कार्यक्रम सञ्चालन हुने बताइएको छ । फिफाले नेपाल फुटबल संघ एन्फासँगको सहकार्यमा नेपालमा ‘फिफा फुटबल फर स्कुल’ सञ्चालन गरेको छ । फिफा एवं एन्फाको मान्यता पाएपछि दिक्तेल इङ्लिस बोर्डिङ स्कुलबाट यो कार्यक्रम सुरु भएको हो । बोर्डिङका करिब २ सय जना विद्यार्थीलाई कार्यक्रमको सुरुवातसँगै फुटबल प्रशिक्षण सुरु गरिएको प्रशिक्षक रोशेष श्रेष्ठले बताए । खोटाङ फुटबल संघको आयोजना एव...

खोटाङ, साउन १६ । नेकपा एमालेको विद्यार्थी सङ्गठन अनेरास्ववियुको खोटाङ र सोलुखुम्बु जिल्ला इन्चार्जको जिम्मेवारी विष्णु उपरकोटीले पाएका छन् । अनेरास्ववियुकाको खोटाङ जिल्लाको निवर्तमान अध्यक्ष उपरकोटी हालै सम्पन्न अधिवेशनबाट केन्द्रीय सदस्यमा निर्वाचित भएका थिए । केन्द्रीय सदस्य उपरकोटीलाई अनेरास्वियुको केन्द्रीय सचिवालय बैठकले खोटाङ र सोलुखुम्बु दुई जिल्लको इन्चार्जको जिम्मेवारी दिएको हो । यस्तै, सचिवालयको बैठकले अनेरास्ववियु खोटाङ जिल्ला संयोजक शुसिला तिमिल्सिनालाई तोकेको छ । तिमिल्सिनाले संयोजकको जिम्मेवारी पाउदा अबिशेक घिमिरे र इश्वर आचार्यलाई सह–संयोजकको जिम्मेवारी प्रदान गरिएको छ ।...

राजकुमार सरगम (भट्टराई) खोटाङ, साउन ८ । एक वर्षमा खोटाङको खोटेहाङ गाउँपालिकामा कर्मचारी तथा पदाधिकारी बैठक भत्ता, अनुगमन तथा भ्रमण खर्च, कर्मचारी प्रोत्साहन तथा इन्धन र विविध तथा विविध कार्यक्रममा २ करोड ४२ लाख ९३ हजार खर्च गरेको पाइएको छ । महालेखा परीक्षकको कार्यालयको लेखापरीक्षण प्रतिवेदन अनुसार आर्थिक वर्ष २०८०/०८१ मा खोटेहाङ गाउँपालिकाले उक्त खर्च गरेको हो । एक आर्थिक वर्षमा गाउँपालिकाको कर्मचारी पदाधिकारी बैठक तथा अन्य भत्तामा १ करोड १२ लाख ९८ हजार खर्च भएको महालेखाको प्रतिवेदनले जनाएको छ । यस्तै, अनुगमन तथा मुल्यांकन र भ्रमण खर्चमा ३४ लाख ४३ हजार, इन्धन पदाधिकारी र कार्यालय प्रयोजनमा १७ लाख ३८ हजार, विविध खर्चमा ४७ लाख ६२ हजार, विविध कार्यक्रम खर्चमा २० लाख ५१ हजार र कर्मचारी प्रोत्साहन र फिल्ड भत्तामा १० लाख १ हजार खर्च भएको देखिएको महालेखाको प्रतिवेदनमा उल्लेख छ । खाना खाजा खर्च...

खोटाङ, साउन ७ । नेपाल लोकतान्त्रिक खेलकुद संघ खोटाङको अध्यक्षमा मिलन कसजु र सचिवमा विरेन गुरुङ सर्वसम्मत निर्वाचित भएका छन् । नेपाली कांग्रेसको भातृ संगठन नेपाल लोकतान्त्रिक खेलकुद संघको खोटाङको पहिलो अधिवेशनले कसजुको अध्यक्षतामा सर्वसम्मत २४ सदस्य जिल्ला कार्य समिति निर्वाचित गरेको हो । बुधबार नेपाली कांग्रेस वीपी स्मृति भवन दिक्तेलमा भएको प्रथम जिल्ला अधिवेशनले संघको उपाध्यक्षमा सागर राई, महिला उपाध्यक्षमा वविता खत्री, सहसचिवमा श्याम कुमार पौडेल र कोषाध्यक्षमा किरण राईलाई निर्विरोध निर्वाचित गराएको हो । यस्तै, सदस्यहरुमा विचारी तामाङ, दिनेश राई, राजधन राई, दिपक खत्री, चन्द्रबहादुर श्रेष्ठ, हरिकुमार श्रेष्ठ, कंचन राई, सविन श्रेष्ठ, सोमकुमार राई, सन्तोष खड्का, ढकराज मगर, गौधन राई र एलिशा गुरुङ चयन भएको निर्वाचन मण्डलका सदस्य फुर्वा शेर्पाले जानकारी दिनुभयो । यस्तै, केन्द्रीय प्रतिनिधिमा...

खोटाङ, साउन ६ । त्रि–धार्मिक स्थल हलेसीमा दर्शन गर्न आएका दर्शनार्थीहरुले होटलप्रति गुनासो गरेका छन् । साउनको सोमबार हलेसीमा लाग्ने बोलबम मेलामा आएका दर्शनार्थीहरुले होटल व्यवसायीसँग गुनासो गरेका हुन् । हलेसीमा साउनको प्रत्येक सोमबार बोलबम मेला लाग्ने गर्छ । यस वर्षको बोलबम मेला पहिलो सोमबार साउन ५ गतेबाट सुरु भएको छ । पहिलो सोमबार देश विदेशका करिब १३ हजार दर्शनार्थीले हलेसीको दर्शन गरेका छन् । अन्य समयमा भन्दा मेलाको समयमा होटलहरुले कोठा शूल्क महङ्गो लिएको, खाना खानेलाई मात्र कोठा दिएको लगायतका गुनोसो दर्शनार्थीले गरेका हुन् । मेलाको मौका छोपेर केही होटल व्यावसायीहरुले अन्य समयमा भन्दा दर्शनार्थीबाट ५० प्रतिशतसम्म बढी भाडा लिएको उनीहरुको भनाइ छ । हलेसी आएका एक दर्शनार्थीका अनुसार सामान्य होटलहरुमा पनि ननएटेज कोठाको २ हजार ५ सयसम्म रकम तिर्नु पर्ने बाध्यता रहेको छ । “कोठाको रकम अरुबेला भ...

राजकुमार सरगम (भट्टराई) खोटाङ, असार २१ । जिल्ला समन्वय समिति खोटाङको सभाहलमा शनिबार भएको पुरस्कार वितरण कार्यक्रममा एउटा यस्तो दृश्य देखियो, जुन दृश्यले सबैलाई अचम्मित बनाउछ । दिक्तेल रुपाकोट मझुवागढी नगरपालिकाले शैक्षिक सत्र २०८१ मा सामुदायिक विद्यालयबाट नगर प्रथम, दोस्रो र तेस्रो हुने विद्यालय र विद्यार्थीलाई पुरस्कार प्रदान गर्न सुरु गर्यो । प्रथम, दोस्रो र तेस्रो हुने विद्यार्थीलाई कार्यक्रमको मञ्चमा बोलाएर पुरस्कार प्रदान गरियो । जब विद्यालयलाई पुरस्कार प्रदान गर्ने पालो आयो । नगरपालिकाको शिक्षा शाखामा कार्यरत कर्मचारी सुबास राईले विद्यार्थी उत्तीर्ण प्रतिशतको आधारमा कालिका मावि नेर्पा प्रथम भएको भन्दै पुरस्कार ग्रहणका लागि बोलाए । पञ्चमाविलाई दोस्रो र सरस्वती माविलाई तेस्रो भएको भन्दै पुरस्कार ग्रहणका लागि बोलाइयो । तर, कार्यक्रम हलमा अचानक हल्ला भयो, सरस्वती माविका शिक्षक धनिराम र...

राजकुमार सरगम (भट्टराई) खोटाङ, असार ८ गते । खोटाङको दिक्तेल रुपाकोट मझुवागढी नगरपालिकाका जनप्रतिनिधिको सुविधामा एक वर्षमा १ करोड २२ लाख ६४ हजार खर्च भएको पाइएको छ । महालेखा परीक्षको कार्यालयको लेखा परीक्षण अनुसार आर्थिक वर्ष २०८०/०८१ मा उक्त खर्च भएको प्रतिवेदनमा भनिएको छ । नगरपालिकाका मेयर उपमेयरदेखि वडा सदस्यसम्मको सुविधा खर्चमा १ करोड २२ लाख ६४ हजार खर्च भएको छ । जुन नगरपालिकाको आन्तरिक आयको ९९.५ प्रतिशत हो । प्रतिवेदन अनुसार पालिकालाई प्राप्त भएको सबै अनुदान र राजस्व बाँडफाँडको रकमबाट ६८ प्रतिशत चालु र २७ प्रतिशतमात्र पुँजिगत निर्माणमा खर्च भएको देखिन्छ । यसबाट पालिकाले विकास निर्माण कार्यक्रम सञ्चालनमा न्यून खर्च गरी प्रशासनिक कार्यमा बढी खर्च गरेको महालेखाले जनाएको छ । मितव्ययिता नपनाइ अत्याधिक खर्च महालेखा प्रतिवेदन अनुसार कर्मचारी तथा पदाधिकारी बैटक भत्ता, अनुगमन तथा भ्रमण खर्च,...

राजकुमार सरगम (भट्टराई) खोटाङ, असार ६ । खोटाङको दिप्रुङ चुइचुम्मा गाउँपालिकाले विविध शिर्षकमा १६ लाख बढी खाना र खाजामा मात्र खर्च गरेको पाइएको छ । आर्थिक वर्ष २०८०/०८१ को महालेखा परीक्षकको कार्यालयले निकालेको गाउँपालिकाको लेखा परीक्षण प्रतिवेदनमा गाउँपालिकाले खाना र खाजामा विविध शिर्षकबाट १६ लाख ३६ हजार ७८५ रुपैयाँ खाना र खाजामा मात्र खर्च गरेको जनाएको छ । गाउँपालिकाले खर्च गर्दा मितव्ययिता अपनाएको नदेखिएको प्रतिवेदनमा उल्लेख छ । एक आर्थिक वर्षमा दिप्रुङ चुइचुम्मा गाउँपालिकाले कर्मचारी पदाधिकारी बैठक भत्ता, अनुगमन तथा भ्रमण खर्च, कर्मचारी प्रोत्साहन तथा इन्धन र विविधमा १ करोड २४ लाख ८१ हजार खर्च गरेको छ । विविध शिर्षकमा १६ लाख ३६ हजार ७८५ रुपैयाँ खाना र खाजामा मात्र खर्च गरेको छ । कर्मचारी पदाधिकारी बैठक र अन्य भत्तामा ३८ लाख ४० हजार खर्च देखिन्छ । अनुगमन मुल्याङ्कन र भ्रमण खर्चमा ३१ ला...

  राजकुमार सरगम (भट्टराई )  खोटाङ, असार ४ । एक वर्षमा खोटाङको जन्तेढुंगा गाउँपालिकामा कर्मचारी तथा पदाधिकारी बैठक भत्ता, अनुगमन तथा भ्रमण खर्च, कर्मचारी प्रोत्साहन तथा इन्धन र विविधमा १ करोड ५३ लाख ९९ हजार खर्च गरेको पाइएको छ । महालेखा परीक्षकको कार्यालयको लेखापरीक्षण प्रतिवेदन अनुसार आर्थिक वर्ष २०८०/०८१ मा जन्तेढुंगा गाउँपालिकाले उक्त खर्च गरेको हो । एक आर्थिक वर्षमा गाउँपालिकामा कर्मचारी पदाधिकारी बैठक र अन्य भत्ता ४५ लाख २४ हजार, भ्रमण खर्च ३१ लाख ४६ हजार, इन्धन खर्च २४ लाख ९ हजार र विविध खर्च ५३ लाख २० हजार रहेको प्रतिवेदनमा उल्लेख छ । पालिकाले खर्च गर्दा सवारी गुडेको किलोमिटर उल्लेख गरी सवारी लगबुक नराखेको, भ्रमण गर्नुको कारण र उदेश्य उल्लेख गरी भ्रमण प्रतिवेदन तयार नगरेको, अनुगमन समिति बनाइ अनुगमन मुल्यांकन नगरेको तथा एउटै कार्यमा दोहोरो हुने गरी अनुगमन गरेको देखिएकाले...