Banner News 2

खोटाङ, जेठ ३० - जिल्ला समन्वय समिति (जिसस) खोटाङमा गठबन्धनका उम्मेदवार वियजी भएका छन् । जिससको प्रमुख, उपप्रमुख र सदस्य सबैमा गठबन्धनका उम्मेदवार निर्वाचित भएका हुन् । सोमबार भएको निर्वाचनमा नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीको गठबन्धनबाट प्रमुखमा जसपाका सनबहादुर राई निर्वाचित हुनुभएको छ । जिल्लाका दुई नगरपालिकाका प्रमुख/उपप्रमुख र आठ गाउँपाकिाका अध्यक्ष/उपाध्यक्ष गरी २० जना मतदाता थिए । जिसस प्रमुखमा निर्वाचित सनबहादुरले प्रतिस्पर्धी नेकपा एमालेका किशोर श्रेष्ठलाई १२ मतले पछि पार्नुभयो । सनबहादुर १६ मत ल्याएर विजयी हुँदा किशोरले ४ मत प्राप्त गर्नुभयो । जिसस उपप्रमुखमा गठबन्धनबाट माओवादीका सुरेश तामाङ विजयी हुनुभएको छ । सुरेशले १६ मत प्राप्त गर्दा प्रतिस्पर्धी एमालेका  सन्तोष राईले ४ मत ल्याउनुभयो । जिससको सदस्यहरूमा भने अरू दलले उम्मे...

खोटाङ, जेठ २३ । ट्याक्टरले ठक्कर दिदा खोटाङको हलेसी तुवाचुङ नगरपालिका– ५ दुर्छिम जोरकाफलका ५३ वर्षिय टेक बहादुर राई गम्भीर घाइते भएका छन् । घाइते राईको जिल्लामा उपचार सम्भव नभएपछि काठमाडौ पठाइएको जिल्ला प्रहरी कार्यालय खोटाङले जनाएको छ । दुर्छिम स्थित नगरपालिकाको कार्यालय नजिक घुमाउनेचौरमा हिजो राती ८ः४५ बजे ना ७ त ५७३४ नम्बरको ट्याक्टरले राईलाई ठक्कर दिएको थियो । ट्याक्टरले ठक्कर दिएर टाउकोमा गम्भीर चोट लागेका राईको दुर्छिम स्वास्थ्य चौकीमा सामान्य उपचार पश्चात हिजै राती काठमाडौ पठाइएको जिल्ला प्रहरी कार्यालय खोटाङका सूचना अधिकारी प्रहरी निरिक्षक शंकर चौधरीले जानकारी दिनुभयो । ट्याक्टर चालक हलेसी तुवाचुङ नगरपालिका–२ दाम्लीका २४ वर्षिय दिलिप परियारलाई प्रहरीले नियन्त्रणमा लिएको छ ।...

खोटाङ, जेठ २० । शैक्षिक गुणस्तर सुधारका लागि हलेसी तुवाचुङ नगरपालिका र नगरपालिकाका सामु्दायिक विद्यालयका प्रधानाध्यापकहरूबीच कार्य सम्पादन करार सम्झौता भएको छ । दुर्छिमस्थित नगरपालिकाको सभाहलमा आयोजित कार्यक्रमकाबीच नगरपालिकाको शिक्षा शाखा र आधारभूत तथा माध्यमिक विद्यालयका प्रधानाध्यापकबीच विभिन्न महत्त्वपूर्ण विषय समेटिएको १४ बुँदे करार सम्झौता भएको हो । सम्झौतामा नगर शिक्षा संयोजक पदमबहादुर कार्की, विद्यालय रहेको वडाका वडा शिक्षा समिति अध्यक्ष र सम्बन्धित विद्यालयका प्रधानाध्यापकले हस्ताक्षर गरेका छन् । २०७९ चैत्र मसान्तसम्मका लागि प्रचलित नियम–कानुनमा भएको व्यवस्थाका अतिरिक्त आपसी समझदारीमा सम्झौता भएको नगर शिक्षा संयोजक कार्कीले बताउनुभयो । उहाँका अनुसार नगरपालिकाका १२ वटा माध्यमिक र ७७ वटा आधारभूत विद्यालयसँग सम्झौता गरिएको हो । सम्झौतामा विद्यालयको यथार्थ विवरणको प्रतिवेदन त्रैमासि...

खोटाङ, जेठ २० । सरकारले पालिका र प्रदेशमा पठाउने बजेटको टुङ्गो लगाएको छ । अर्थ मन्त्रालयले चार वटा अनुदानका शीर्षकमा प्रदेश र पालिका सरकारलाई आगामि आर्थीक वर्ष २०७९/०८० का लागि पठाउने बजेट टुङ्गो लगाएको हो । दुइ नगरपालिका र आठ गाउँपालिका गरी दश स्थानीय तह रहेको खोटाङले समानीकरण अनुदान, ससर्त अनुदान, समपूरक अनुदान र विशेष अनुदान गरी ३ अर्ब ६२ करोड १ लाख रुपैयाँ बजेट पाएको छ । जिल्लाको सबै भन्दा धेरै दिक्तेल रुपाकोट मझुवागढी नगरपालिकाले ६५ करोड १५ लाख र सबै भन्दा कम बराहपोखरी गाउँपालिकाले २४ करोड २४ लाख रुपैयाँ बजेट पाएको हो । हलेसी तुवाचुङ नगरपालिकाले ४९ करोड ६ लाख, एँेसेलुखर्क गाउँपालिकाले ३२ करोड ४९ लाख, केपिलासगढी गाउँपालिकाले २५ करोड ८६ लाख, खोटेहाङ गाउँपालिकाले ४३ करोड १ लाख बजेट पाएका छन् । यस्तै जन्तेढुंगा गाउँपालिकाले २९ करोड ९५ लाख, दिप्रुङ चुइचुम्मा गाउँपालिकाले ३७ करोड ९२ लाख, ...

खोटाङ, जेठ १९ । त्रिधार्मिक तपोभूमि हलेसी बजार क्षेत्रको सरसफाइ गरिएको छ । हलेसी तुवाचुङ नगरपालिकका मेयर विमला राई र उपमेयर रमेश कुमार राउतको नेतृत्वमा आज सो क्षेत्रको सरसफाइ गरिएको हो । सरसफाइको लागि मेयर राई, उपमेयर राउत स्वयं फिल्डमा खटिनु भएको छ । अब हरेक बिहिबार बिहान ९ देखि ११ बजेसम्म सरसफाइ गरिने मेयर राईले जानकारी दिनुभयो । मेयर राईले भन्नुभयो “आफुले नगरि अरुले गर्दैनन्, हरेक काममा सुरुमा आफै अघि सर्ने हो त्यसैले म आफै फिल्डमा खटिएर आजबाट सरसफाइको सुरुवात गरिएको छ ।” सुन्दर र स्वच्छ हलेसी तुवाचुङ नगरपालिका बनाउन दीर्घकालिन सोच सहित आगामि दिनमा काम सुरु गरिने पनि उहाँको भनाइ छ । जसकालागि सरसफाइका कर्मचारी थप्ने, डम्पिङ साइड व्यवस्थापन गर्दै जाने सोच पनि नगरपालिकाले अघि सारेको उहाँले बताउनुभयो । हलेसी बजार क्षेत्र मात्र नभएर नगरपालिका भित्रका सबै बजार क्षेत्रमा सरसफाइ गरिनेछ । “हले...

खोटाङ, जेठ १८ । खोटाङको हलेसी तुवाचुङ नगरपालिकाभित्रका सामुदायिक वनमा वृक्षरोपण कार्यक्रम सुरु गरिएको छ । सामुदायिक वन उपभोक्ता महासंघको २७ औँ स्थापना दिवसको अवसरमा आज नगरपालिकाको वडा नम्बर ५ दुर्छिमस्थित बालकन्या बोखिम सामुदायिक वनमा वृृक्षरोपण गरेर कार्यक्रमको सुरुवात गरिएको हो । सामुदायिक वन उपभोक्ता हलेसी तुवाचुङ नगरको आयोजना एवं वृक्षरोपण पहल नेपाल दुर्छिमको समन्वयमा आजबाट सुरु भएको वृक्षरोपण कार्यक्रम नगरभित्रका ७२ वटै सामुदायिक वनमा सञ्चालन हुने सामुदायिक वन नगर अध्यक्ष अगीन्द्र राईले जानकारी दिनुभयो । ‘वनको दिगो व्यवस्थापनकालागि सामुदायिक वनको अधिकार, उद्यमशिलता र ससत्त संगठन समृद्धिको आधार’ नारासहित सुरु गरिएको वृक्षरोपण कार्यक्रमको पहिलो दिन आज हलेसी तुवाचुङ नगरपालिकाकी मेयर विमला राईको प्रमुख आतिथ्यतामा बालकन्या बोखिम सामुदायिक वनमा २ सय वटा बिरुवा रोपिएको उहाँको भनाइ छ । ...

खोटाङ, जेठ १६ । खोटाङ सदरमुकाम दिक्तेलबजारभित्रको सडक ढलानको काम ७ दिनभित्र सुचारु गर्ने वातावरण मिलाउन दिक्तेल रूपाकोट मझुवागढी नगरपालिकाले सघन शहरी तथा भवन निर्माण आयोजना ओखलढुंगा र निर्माण कम्पनीलाई ताकेता गरेको छ । सडकको ढलान कार्य लामो समयदेखि स्थगित भएका कारण यातायात अवरुद्ध भएको, हिँडडुल गर्नसमेत समस्या भएको, निर्माणाधनी बाटो अलपत्र रहेका कारण दुर्घट्नाको जोखिम भएको तथा स्थानीयबासीहरूबाट व्यापक जनगुनासो आएकाले हप्ता दिनभित्र पुनः काम सुचारु गर्नका लागि पहल गरिदिन मेयर तीर्थराज भट्टराईले सघन शहरी तथा भवन निर्माण आयोजना ओखलढुंगालाई सोमबार पत्रचार गर्नुभएको हो । मेयर भट्टराईले सघन शहरी तथा भवन निर्माण आयोजना ओखलढुंगालाई बोधार्थ राखेर निर्माण कम्पनी एससीएफ बिएनएस जेभीलाई भने ७ दिनभित्र निर्माण कार्य सुचारु गरी यथाशीघ्र काम सम्पन्न गर्न निर्देशन दिनुभएको छ । तोकेको समयामा पनि काम सुचारु...

खोटाङ, जेठ १६ । उदयपुरको त्रियुगा नगरपालिकाको प्रमुखमा नेपाली कांग्रेसका वसन्त बस्नेत विजयी हुनुभएको छ । बस्नेतले १३ हजार ९ सय ५९ मत पाउनुभयो । उहाँका निकटतम प्रतिस्पर्धी नेकपा एमालेका भागवत राउले ११८७३ मत ल्याउनुभयो । पूर्वमेयरसमेत रहेका एकीकृत समाजवादीका बलदेब चौधरीले ९१४७ मत प्राप्त गर्नुभएको छ । यस्तै उपप्रमुखमा भने एमालेकी महेश्वरी राई निर्वाचित हुनुभएको छ । उहाँले नेपाली कांग्रेसकी सरिता राईलाई हराउनुभयो । महेश्वरीले १३ हजार ७०३ मत पाउँदा कांग्रेसकी सरिताले ११ हजार ९८१ मत ल्यानुभयो । नेकपा माओवादी केन्द्रकी गिता खड्का कार्कीले ६५६८ मत पाउनुभयो । त्रियुगाका १६ वडामध्ये नेपाली कांग्रेसले ९, नेकपा एमालेले ४ र ३ वडा माओवादी केन्द्रले जितेको छ । त्रियुगामा माओवादी केन्द्र र एकीकृत समाजवादीबीच चुनावी तालमेल भएको थियो । त्रियुगामा निर्वाचन सकिएको ११ दिनपछि गणना सुरू गरिएको थियो । तोकिएकै...

पवन खड्का खोटाङ, ६ जेठ । स्थानीय तहको निर्वाचन, २०७९ मा सबैभन्दा बढी पालिकाको प्रमुख, उपप्रमुख र वडाको अध्यक्ष जितेर नेपाली कांग्रेस खोटाङको पहिलो दल बनेको छ । २०७४ सालको स्थानीय तहको निर्वाचनमा ४ स्थानीय तहको प्रमुख, ३ स्थानीय तहको उपप्रमुख र २७ वडाको अध्यक्ष जितेर दोस्रो बनेको कांग्रेस यसपटक ६ स्थानीय तहको प्रमुख, ४ स्थानीय तहको उपप्रमुख र ३२ वडाको अध्यक्ष जितेर पहिलो बनेको हो । कांग्रेसले ३ स्थानीय तहको प्रमुख र १ स्थानीय तहको उपप्रमुख एक्लै लडेर र ३/३ स्थानीय तहको प्रमुख र उपप्रमुख नेकपा माओवादी केन्द्र, नेकपा एकीकृत समाजवादी (एस) र जनता समाजावदी पार्टी (जसपा) सँग गठबन्धन गरेर जितेको हो । वडाको अध्यक्ष भने धेरैमा एक्लै लडेर र थोरैमा गठबन्धन गरेर जितेको हो । गत निर्वाचनमा १ पालिकाको प्रमुख र १२ वडाको अध्यक्ष जितेर तेस्रो बनेको माओवादी यसपटक दोस्रो भएको छ । यसअघि ५ स्थानीय तहको प्रम...