Banner News 3

खोटाङ, साउन ११ । साउन १३ गते शुक्रबार दिक्तेल स्थित जिल्ला अस्पताल खोटाङमा रक्तदान कार्यक्रम हुने भएको छ । नेपाल रेडक्रस सोसाइटी खोटाङसँगको सहकार्यमा नेकपा एमाले संबद्ध विद्यार्थी संगठन अनेरास्ववियु खोटाङले रक्तदान कार्यक्रमको आयोजना गरेको हो । रगत जम्मा गर्ने जिल्ला अस्पताल खोटाङको ब्लड बैंकको क्षमता अनुसार १० जनासम्मले रक्तदान गर्न सक्ने रेडक्रसले जनाएको छ । जिल्लामा रगतको आवश्यकतालाई मध्यनजर गर्दै रक्तदान कार्यक्रमको आयोजना गरिएको अनेरास्ववियु खोटाङका सचिव विष्णु उपरकोटीले बताउनुभयो । रक्तदान गर्न इच्छुक व्यक्तिले उक्त दिन जिल्ला अस्पतालमा आउन अनेरास्ववियुले अनुरोध गरेको छ । ब्लड बैंकको क्षमता अनुसार इच्छुक १० जनाले सोही दिन रक्तदान गर्न पाउने छन् भने अन्य व्यक्तिको रगत परिक्षण गरिने र आवश्यक परेको अवस्थामा रक्तदान गर्न बोलाईने रेडक्रसले जनाएको छ । यस्तै, ३१ औँ मनोज स्मृति दिवस सप्ताह...

खोटाङ, साउन ४ । राष्ट्रिय भूमि आयोग र खोटाङका स्थानीय तहहरुबीच सम्झौता भएको छ । जिल्ला समन्वय समितिको सभाहलमा बुधबार (आज) एक कार्यक्रमका बीच भूमिहिनहरुलाई भूमि दिलाउने विषयको सम्झौता पत्रमा हस्ताक्षर भएको हो । जिल्लाका दशै वटा स्थानीय तहका प्रमुख, उपप्रमुख, प्रमुख प्रसाशकीय अधिकृत अर्थात प्रतिनिधि र सम्झौता पत्रमा हस्ताक्षर गर्नुभएको छ । कार्यक्रमको प्रमुख अतिथिका रुपमा आउनुभएका राष्ट्रिय भूमि आयोगका केन्द्रिय उपाध्यक्ष नहेन्द्र खड्काले भूमिहिन दलित, भूमिहिन सुकुम्बासी र अव्यवस्थित बसोबासीलाई व्यवस्थित गर्ने कार्यकालागि अभिमुखीकण पनि प्रदान गर्नुभयो । नेपाली नागरिक भएपनि कुनै भूमि आफ्नो नाममा नरहेको अवस्था छ । त्यस्ता व्यक्तिहरुलाई भूमि दिलाउनकालागि उक्त आयोगले काम गर्ने खड्काले बताउनुभयो । “संविधानमा, कानुनमा लेखिएका कुराहरु व्यवहारमा लागु भएका छैनन्, कानुनलाई कागजमा मात्र सिमित राख्ने ...

३ साउन ।  धरान उपमहानगरपालिकाका मेयर हर्क साम्पाङले लोक सेवा आयोगको परीक्षा र अन्तर्वार्ताको पनि प्रत्यक्ष प्रसारण हुनुपर्ने बताएका छन्। सामाजिक सञ्जालमा मंगलबार बिहान उनले परीक्षा र अन्तर्वार्ता लाइभ नगरे विश्वास नहुने बताएका छन्। 'लोक सेवा आयोगको परीक्षा र अन्तर्वार्ता पनि लाइभ हुनुपर्छ। नत्र विश्वास नहुने देखिन्छ', उनले लेखेका छन्।...

खोटाङ, असार २५ । खोटाङको हलेसी तुवाचुङ नगरपालिका–२ डिकुवामा अजिंगर भेटिएको छ । डिकुवाको छोम्पाङ स्थित एक स्थानीयको घर भित्रको खाटमुनी (खाटको खुट्टामा) बेरिएको अवस्थामा फेला परेको सोही ठाउँका स्थानीय रमेश राईले जानकारी दिनुभयो । राईको भनाइ अनुसार शुक्रबार साँझको समयमा खाटको खुट्टमा बेरिरहेको अवस्थामा अजिंगर भेटिएको थियो । केही समयसम्म पनि अजिंगर कतै नगएपछि स्थानीयले पुजाँ गरेर पुच्छरमा समातेर बिस्तारै नजिकैको जंगलमा लगेर छाडिदिएको राईले बताउनुभयो । अजिंगर करीब ५ मिटर लामो रहेको उहाँको भनाइ छ । अजिंगर ठूलो सर्प हो । यो प्रायः घना वन जंगलमा बस्छ । यो रुखको ठूलाठूला मुडामा र सुकेको पातहरुमा लुकेर बस्दछ । यो कहिलेकाहीँ नदी र ठूला पोखरीहरुका आसपासका घाँसे मैदानमा पनि बस्ने जानकारहरु बताउँछन । खोटाङमा भने आजसम्म यति ठुलो अजिंगर नदेखिएको नागरिकको भनाइ छ ।...

खोटाङ, असार २४ । खोटाङमा अवैधरुपमा बालुवा उत्खनन् गर्ने ट्याक्टरलाई प्रहरीको नियन्त्रणमा लिएको छ । जिल्लाको हलेसी तुवाचुङ नगरपालिका–८ धितुङ स्थित सुनकोशी नदिबाट रातको समयमा नदिजन्य बालुवा अवैधरुपमा उत्खनन् गर्ने ट्याक्टरलाई प्रहरीले नियन्त्रणमा लिएको हो । अवैधरुपमा बालुवा ओसारपसार गरिरहेको भन्ने सूचनाका आधारमा धितुङ प्रहरी चौकीबाट खटिएको प्रहरी टोलीले शुक्रबार बिहान राती २ बजेको समयमा ट्याक्टर नियन्त्रणमा लिएको हो । सुनकोशी भाडवेँसीबाट धितुङ तर्फ आउदै गरेको लु ४ त ६९७४ नम्वरको बालुवासहितको ट्याक्टर नियन्त्रणमा लिएर आवश्यक कारबाहिकालागि हलेसी तुवाचुङ नगरपालिकालाई बुझाईएको इलाका प्रहरी कार्यालय हलेसीले जनाएको छ । नगरपालिकाले रु १५ सय जरिवाना तिराएर छाडिएको उपमेयर रमेशकुमार राउतले जानकारी दिनुभयो । आगामि दिनमा पुनः सोही गल्ती गरेमा थप कारवाहि गरिने उपमेयर राउतले बताउनुभयो ।...

खोटाङ, असार २३ । हलेसी तुवाचुङ नगरपालिकाले बालविवाह रोक्न किशोरी परिचालन कार्यक्रमको सुरुवात गरेको छ । नगरपालिकाको वडा नम्बर ३ च्यास्मिटारबाट यस कार्यक्रमको सुरुवात गरिएको हो । जसका लागि नगर प्रमुख विमलाई राईले च्यास्मिटार माध्यमिक विद्यालयलाई नगद रु ५५ हजार समेत प्रदान गरिसक्नु भएको छ । अब बालविवाह रोक्न विद्यालयमा किशोरीहरुको समुह निर्माण हुनेछ । सोही समुहले बालविवाह रोक्न विभिन्न जनचेतना मुलक कार्यक्रमहरु गर्नेछन् । “पहिले घरबाट दिएर बालविवाह हुन्थ्यो भने अहिले आफै भागेर बाविवाह गर्ने चलन बढिरहेको छ ।” नगर प्रमुख राईले भन्नुभयो, “त्यसैले अब बालविवाह रोक्नका लागि बालिकाहरु आफै सचेत हुनुपर्ने भएकाले उनिहरुकै नेतृत्वमा कार्यक्रम सुरु गरिएको हो ।” बालविवाह किन गर्न हुँदैन ? गर्दा कस्ता समस्या हुन सक्छन ? भन्ने विषयमा उनिहरु आफैमा चेतना हुन आवश्यक रहेकाले यस कार्यक्रम प्रभावकारी हुने प्रमुख...

खोटाङ, असार २२ । रावा बेसी गाउँपालिका–३ लामिडाँडाकी निर्वाचित दलित महिला वडा सदस्य मेनुजा विश्वकर्मा झुण्डिएको अवस्थामा मृत फेला परेकी छन् । नजिकै रहेको माईती घरमा आज बिहान ३४ वर्षिया विश्वकर्मा झुण्डिरहेको अवस्थामा फेला परेको वडाध्यक्ष बिरेन्द्र मगरले जानकारी दिए । उनको घर र माईतिघर नजिकै रहेको छ । हिजो माईतिघर गएकी विश्वकर्मा आज बिहान झुन्डिएको अवस्थामा भेटिएको जिल्ला प्रहरी कार्यालय खोटाङले जनाएको छ । विश्वकर्मा नेपाली कांग्रेसबाट निर्वाचित वडा सदस्य हुन । उनी रावा बेसि गाउँपालिकाको कार्यपालिका सदस्य पनि हुन् । पहिलो स्थानीय तहको चुनावमा विजयी भएर पाँच वर्ष कार्यकाल पुरा गरेकी विश्कर्मा दोस्रो कार्यकालका लागि निर्वाचित भएकी हुन् । उनमा केही समय अघि देखि डिप्रेसनको बिमार रहेको स्थानीयको भनाइ छ । उनका दुई जना छोरी रहेका छन भने श्रीमान् बिदेशमा छन । मृतकको शवलाई परीक्षण गर्न जिल्ला अस्पत...

खोटाङ, असार २२ । नेपाल प्रेस युनियन खोटाङका अध्यक्ष एवं प्रभाव न्युज डटकमका अध्यक्ष उत्तम चौलागाई ‘किरात राई खेलकुद पत्रकारिता पुरस्कार’ बाट सम्मानित भएका छन् । दिक्तेलमा भएको संघको तेश्रो राष्ट्रिय महाधिवेशनको समापन समारोहमा चौलागाईलाई खेलकुद पत्रकारिता प्रदान गरेको हो । चौलागाईलाई तेक्वान्दो ग्राण्ड मास्टर तथा सगरमाथा तेक्वान्दो डोजाङ बेलायतका संस्थापक प्रमुख राष्ट्र राईले नगद १५ हजार ५ सय ५५ रुपैयाँ र सम्मान पत्रले सम्मान गरेका हुन् । पत्रकारिताको माध्यमबाट जिल्लाको खेलकुद क्षेत्रको सुधार, वेतिथि विरुद्ध र सुशासनको पक्षमा समाचार सम्प्रेषण गरी पु¥याएको योगदानको उच्च प्रशंसा गर्दै पुरस्कृत गरिएको किरात राई खेलकुद संघले जनाएको छ । खोटाङमा बसेर पत्रकारित गर्दै आएका चौलागाई कान्तिपुर टेलिभिजनका जिल्ला संवाददाता पनि हुन् ।...

खोटाङ, असार २१ । खोटाङका सर्जक गोविन्द सुनुवार (खोटाङगे)को नयाँ गीत “मुटुमा घाउ छ मेरो” सार्वजनिक भएको छ । गोविन्दकै शब्द, सगिंत र स्वरमा रहेको गीत युट्युवमा सार्वजनिक गरिएको हो । पुस्कर सुनुवार युट्युव च्यानलबाट सार्वजनिक गरिएको गीतमा चर्चित गायक पुस्कर सुनुवारको एरेन्ज, मिक्सिङ तथा मास्टरिङ रहेको छ । “तिम्रो बारेमा” र “तिमिलाई मैले भनेको थिएँ” बोलका दुई वटा गीत सांगितक बजारमा ल्याइसकेका गोविन्दको “मुटुमा घाउ छ मेरो” तेस्रो सृजना हो । तेस्रो सृजना लिएर सांगितिक बजारमा आएका गोविन्दले एक पटक गीत सुन्न र प्रतिक्रिया समेत दिन आग्रह गरेका छन् ।  ...

असार २१ । जिल्ला अदालत संखुवासभाले ४ जनालाई आजीवन कैदको फैसला सुनाएको छ । जिल्ला अदालत संखुवासभाका न्यायाधीश शान्तिप्रसाद आचार्यको इजलासले संखुवासभाको मादी नगरपालिका–१ स्थित उम्लिङमा एकै परिवारका ६ जनाको हत्यामा संलग्नलाई आजीवन कैद सजायको फैसला सुनाएको हो । हत्यामा ५ जना संलग्न रहेको पुष्टि भएपनि चार जनालालाई आजीवन कारावासको सजाय सुनाएको श्रेस्तेदार केदारप्रसाद गौतमले बताए । उनले एक जना नाबालक रहेकाले कम सजाय भएको बताए । २५ वर्षलाई आधार मानेर दुईतिहाइ कैद हुने फैसला भएको छ । आजीवन कारावासको सजाय सुनाइएकाहरुले बाँचुनजेलसम्म कारागारमा बसेर कैद सजाय कटाउनुपर्ने गौतमले बताए । ४ जनाले मृतक परिवारको राहत कोषमा २–२ लाख रूपैयाँ क्षतिपूर्ति रकमसमेत जम्मा गर्नुपर्ने फैसला अदालतले गरेको छ । नाबालकलाई भने यसमा छुट दिइएको छ । नाबालकले भने १६ वर्ष ८ महिना मात्रै कैद सजाय भुक्तान गर्नुपर्ने भएको छ । उ...