Banner News 3

खोटाङ, पुस २० । खोटाङबाट रविन चाम्लिङ राष्ट्रिय प्रजातन्त्र पार्टी (राप्रपा) को केन्द्रीय सदस्य मनोनीत हुनुुभएको छ । पार्टीको विधान बमोजिम खोटाङबाट चाम्लिङ केन्द्रीय सदस्य मनोनीत हुनुभएको हो । पार्टीका केन्द्रीय अध्यक्ष राजेन्द्र लिङ्देनले आज ३१ जना केन्द्रीय सदस्य मनोनीत गर्नुभएको छ ।

खोटाङ, पुस १८ । खोटाङ सदरमुकाम दिक्तेलबजारमा मह भन्दै एक तराई मूलकी महिलाले अखाद्य वस्तु बिक्री गर्दै हिँडेको पाइएकाले सचेत रहन उद्योग वाणिज्य संघ खोटाङले आग्रह गरेको छ । महको नाम गरेर अपरिचित एक महिलाले आफू खोटाङबासी भएको बताउँदै अखाद्य वस्तु बिक्री गरेको जानकारीमा आएको संघका महासचिव मनोज बजियमले बताउनुभयो । कोही कसैलाई पनि खरिद नगर्न र ती महिला भेट्नेलाई उद्योग वाणिज्य संघमा जानकारी गराउन उहाँले आग्रह गर्नुभयो ।...

खोटाङ, पुस १७ । नेपाली कांग्रेस रावाबेसी काठमाडौँ सम्पर्क समितिको सभापतिमा घनश्याम श्रेष्ठ चयन हुनु भएको छ । आज सम्पन्न नेपाली कांग्रेस रावाबेसी काठमाडौँ सम्पर्क समितिको भेलाले श्रेष्ठको सभापतित्वमा १७ सदस्यीय तदर्थ समिति गठन गरेको हो । समितिको उपसापतिमा कैलास के.सी र चन्द्र दर्लामी, सचिवमा एलिना पाण्डे, सह–सचिवमा ददिराम भट्टराई र कोषाध्यक्षमा जय मगर सर्वसम्मत चयन हुनु भएको नेपाली कांग्रेस रावाबेसी गाउँपालिका सचिव चिरन्जीवी कार्कीले जानकारी दिनुभयो ।...

खोटाङ, पुस १५ । खोटाङको दिक्तेल रुपाकोट मझुवागढी नगरपालिका भित्रका करिब एक हजार कृषकले दुई लाख सम्म कर्जा पाउने भएका छन । अब कृषकले बैंकबाट ५ वर्षका लागि प्रतिकृषक बढिमा २ लाख सम्म सहुलियतपूर्ण कर्जा स्वीकृत गरी कृषीमा लगानी गर्न पाउने नगरपालिकाकी उपमेयर बिणादेवी राईले जानकारी दिनुभयो । उपमेयर राईका अनुसार कृषकलाई सहुलियतपूर्ण कर्जा उपलव्ध गराउने लक्ष्यका साथ नगरपालिका, ग्लोवल आइएमई बैंक र आर एण्ड डि इनोभेटिभ सोलुसन प्रालि बिच कर्जा सहजीकरण सम्वन्धी समझदारी गरिएको छ । कृषि क्षेत्रको व्यवसायिकतामार्फत आत्मनिर्भर कृषक निर्माणका लागि आर एण्ड डि इनोभेटिभ सोलुसन प्रालिका प्रमुख कार्यकारी अधिकृत सुनिता न्हेमाफुकी, ग्वोवल आइएमई बैंकका प्रमुख कार्यकारी अधिकृत रत्नराज बज्राचार्य र दिक्तेल रुपाकोट मझुवागढी नगरपालिकाका उपमेयर बिणादेबी राईले बुधबार त्रि–पक्षीय समझदारी–पत्रमा हस्ताक्षर गरेका छन् । ...

खोटाङ, पुस १४ । आज देशैभर बर्षासँगै हिमाली जिल्लाहरुमा भारी हिमपात भएको छ । खोटाङका रुपाकोट, टेम्केडाँडा, बहानेपोखरी, मैयुङडाँडा, लगायतका उच्च स्थानमा सामान्य हिमपात भएको छ भने अन्य ठाउँमा भारी बर्षाका कारण चिसो अत्याधिक बढेको छ । चिसो बढेसँगै खोटाङको जन्तेढुंगा गाउँपालिकाले एक हप्ताका लागि विद्यालय बन्द गरेको छ । गाउँपालिकाले पुस १५ अर्थात भोली देखि पुस २३ गते सम्म विद्यालय बन्द गर्ने निर्णय गरेको हो । चिसोले बालबालीका र बृद्धबृद्धालाई बढी असर गर्ने भएको हुँदा देशैभर विद्यालय बन्द गर्न विज्ञले सुझाव दिएका छन । यता जन्तेढुंगा गाउँपालिकाले पनि विद्यार्थीको स्वास्थ्यलाई मध्यनजर गरेर विद्यालय बन्द गर्ने निर्ण गरिएको गाउँपालिकाले जनाएको छ ।...

खोटाङ, पुस १३ । खोटाङको जन्तेढुंगा गाउँपालिका ५ चिसापानीका वडाध्यक्ष रामकुमार श्रेष्ठको निधन भएको छ । श्रेष्ठको ६४ बर्षको उमेरमा राती १२ बजे घरमै निधन भएको कार्यबाहक वडाध्यक्ष धन बहादुर राईले जानकारी दिनुभयो । मुटु रोगबाट पीडित श्रेष्ठको अघिलो बर्ष मुटुको भल्भ फेरिएको र अहिले औषधी सेवन गर्दै आउनु भएको पारिवारीक श्रेतले जनाएको छ । २०४९ सालको पहिलो स्थानीय निकायको निर्वाचनमा उहाँ साविक चिसापानी गाविसको अध्यक्षमा नेपाली कांग्रेसको तर्फबाट निर्वाचित हुनभएको थियो । २०५७ सालको जिल्ला अधिवेशनबाट क्षेत्रीय सभापति , २०६२ मा जिल्ला सदस्य तथा २०६७ र ७२ मा महाधिवेशन प्रतिनिधि हुनुभएको थियो । यस्तै श्रेष्ठ २०७४ सालको स्थानीय तहको चुनावमा नेपाली कांग्रेसको तर्फबाट चिसापानीको वडाध्यक्षमा निर्वाचित हुनु भएको थियो । श्रेष्ठको निधनबाट सिंगो नेपाली कांग्रेस पार्टी शोकमग्न बन्न पुगेको जिल्ला सभापति बिष्णु क...

खोटाङ, पुस ११ । नेकपा एमाले खोटाङको १३ औँ पूर्ण बैठकका निर्णय सार्वजनिक भएको छ । पार्टी कार्यालय पुष्पलाल स्मृति भवन दिक्तेलमा शनिबार बसेको बैठकका निर्णय आइतबार पत्रकार सम्मेलन गरी सार्वजनिक गरिएको हो । बैठकले पार्टीको यही पुस २३ गते हुने जिल्ला अधिवेशन लक्षित विभिन्न निर्णयहरू गरेको छ । बैठकले २३ औँ जिल्ला अधिवेशनको नारा ‘सत्तालिप्साले जन्माएको गठबन्धन विरुद्ध एक होऔँ : विकास, समृद्धि र अग्रगतिका लागि सबै एमाले बनौँ’ भन्ने तय गरेको छ । जिल्ला अधिवेशन स्थल जिल्ला खेलकुद विकास समितको कभर्ड हल, माटिकोरे तोकेको बैठकले अधिवेशन सम्पन्न गर्नका लागि विभिन्न समिति तथा उपसमिति पनि गठन गरेको छ । पार्टी जिल्ला अध्यक्ष रामप्रसाद दंगाललाई राजनीतिक प्रतिवेदन लेखन उपसमितिको संयोजक तोकिएको छ भने मूल व्यवस्थापन समिति संयोजकको जिम्मा देवविक्रम राईलाई दिइएको छ । यस्तै सांगठानिक प्रतिवेदन लेखन उपसमितिको...

खोटाङ, पुस ९ । जिल्लाको रावाबेसी गाउँपालिकाले कृषकलाई आधुनिक कृषि औजार उपकरण सञ्चालन तथा व्यवस्थापन सम्बन्धि दुई दिने आधारभूत तालिम प्रदान गरेको छ । गाउँपालिकाको कृषि विकास शाखाको आयोजनामा हिजो र आज कृषि औजार उपकरण वितरण गरिएका २२ कृषक समुहका ३५ जना कृषक सहभागी गराई तालिम प्रदान गरिएको हो । तालिमको हिजो रावाबेसी गाउँपालिकाका अध्यक्ष लिलानाथ निरौलाले उद्घाटन गर्नुभएको थियो । कृषिमा व्यावसायीकरणका लागि आधुनिक कृषि औजार उपकरणको उपयोग अपरिहार्य भएकाले तालिम आयोजना गरिएको गाउँपालिकाको कृषि विकास शाखाका प्रमुख मुगाधन राईले जानकारी दिनुभयो । तालिममा खोटाङ एग्रोट्रेड एण्ड सप्लायर्सका प्रबन्धक धर्मराज राई, कृषि औजार प्राविधिकहरू दीपक राई र नेत्र राइले सहजीकरण गर्नुभएको थियो । आधुनिक कृषि औजार उपकरण सञ्चालन तथा व्यवस्थापनबारे जानकारी गराई कृषि उपकरणको प्रभावकारी प्रयोगमा सहयोग पु¥याउने उद्देश्यले...

पुस ८ । कार्यक्रम “मुक्तक लहर” तीन वटा रेडियोबाट एकैसाथ प्रसारण हुँदै आएको छ । खोटाङ जिल्लाबाट सञ्चालित रेडियो खोटाङ १०३.३ मेगाहर्ज, सामुदायिक रेडियो हलेसी एफ.एम १०२.४ मेगाहर्ज र सोलुखुम्बु जिल्लाबाट सञ्चालित पुर्वि क्षेत्रको पहिलो सामुदायिक रेडियो सोलु एफ.एम १०१.२ मेगाहर्जबाट हरेक मंगलबार राती ९ः१५ देखि १० बजे सम्म कार्यक्रम “मुक्तक लहर” सुन्न सकिनेछ । साहित्यको मुक्तक विद्याको रेडियो कार्यक्रम “मुक्तक लहर”मा मुक्तक लहरको फेसबुक पेजबाट सहभागिता जनाउन सकिनेछ । पुस ६ गतेको अंकमा प्रसारण भएका उत्कृष्ट १५ मुक्तकहरु १, तिम्ले नफकाए अर्कोले फकाउछ भन्दै हिड्ने र खुट्टाले जुत्ता छानीछानी पाउछ भन्दै हिड्ने अक्सर प्रेमको परिभाषा नबुझ्ने हरुले नै हुन् कालो गए गोरो फर्किएर आउँछ भन्दै हिड्ने मिलन क्षेत्री बादल डोटि हाल साउदी अरेबिया २, साततले महल राजधानीमा घर कसरी हुन्छ जताततै हेलिकप्टर...

खोटाङ, पुस ७ । खोटाङको खोटेहाङ गाउँपालिका–४ बडकादियाले, नौलाकी दुवै मिर्गौला फेल भएकी १४ वर्षीया बालिका कविता विश्वकर्माको उपचारका लागि परिवारले सहयोगको याचाना गरेका छन् । दुवै मिर्गौला फेल भएर गत मंसिर ९ गतेदेखि शिक्षण अस्पताल महारागञ्ज, काठमाडौँमा भर्ना गरिएकी कविताको अहिले पेडियाट्रिक विभागका डा. सीताराम न्यौपाने नेतृत्वको चिकित्सकको टोलीले मिर्गौलाको डायलासिस गरिरहेको छ । उपचारका क्रममा डाक्टरबाट होमोडायलासिस वा मिर्गौला प्रत्यारोपण गर्नुपर्ने सुुझाव आएकाले थप आर्थिक समस्या भएको कविताको उपचारका लागि अस्पतालमा सँगै रहनुभएका उहाँका काका चन्द्रबहादुर विश्वकर्माले बताउनुभयो । कमजोर आर्थिक अवस्थाका कारण उपचारमा समस्या भएपछि परिवारले इच्छुकलाई आर्थिक सहयोग गर्न अपिल गरेका हुन् । सहयोग गर्न चाहने व्यक्तिले बिरामी बालिका कविताका बुुबा श्यामकुमार विश्वकर्मालाई ९८६०५५४४२४ मा सम्पर्क गर्न वा ...