ट्रेन्डिङ

खोटाङ, असोज २४ । खोटाङको बराहपोखरी गाउँपालिका–२ सुन्तलेस्थित राधा बन्जरा तिम्सिनालाई चेस्ट ट्युमर रोगले सताएको पाँच वर्ष चयो । दुई पटक अप्रेसन गरे पनि ट्युमर पूर्णरुपमा ठिक नभएपछि परिवार आर्थिक संकटमा परेको छ । श्रीमान चन्द्र शेखर तिम्सिना पनि अशक्त छन् । ब्रेनमा समस्याहुँदा बेहोस जस्तै अवस्थामा श्रीमान रहेका छन् । यता श्रीमती राधाको दुई चोटी सम्म जग्गा जमिन बिक्री गरेर अप्रेसन गराईएको थियो । तर अहिले पुनः रोग बल्झिएपछि परिवार थप पिडामा पुगेको छ । ट्युमरको अप्रेसन गर्न आर्थिक अभाव भएकाले सहयोगको अपिल गरिएको छ । उपचारका लागि स्थानीय युवाहरुले आर्थिक संकलन अभियानसमेत सुरु गरेका छन् । हालसम्म केही आर्थिक जम्मा भएको स्थानीय आशिस बन्जराले बताए । हाल राधालाई भक्तपुरस्थित क्यान्सर अस्पतालमा राखिएको छ । अस्पतालमा राधासँगै उनका छोरा छन् । उनि बुवालाई अस्पतालबाट घर ल्याएर आमालाई पुनः अस्पताल लिएर ...

खोटाङ, असोज २२ । खोटाङमा यौन दुर्व्यवहार गरेको आरोपमा एक युवा पक्राउ परेका छन् । गोठालो गएकी आठ वर्षीया बालिकालाई यौन दुर्व्यवहार गरेको आरोपमा हलेसी तुवाचुङ नगरपालिका–१० अर्खौलेका २० वर्षीय शिव श्रेष्ठ पक्राउ परेका हुन् । आफन्तका अनुसार जंगलमा अमला टिपिदिने बहानामा आरोपित युवाले बालिकालाई करणी गर्ने प्रयास गरेका हुन् । सुरुमा आफ्नो हजुरआमालाई बालिकाले अमला टिपिदिन भनेकी थिइन् । हजुरआमाले बोटमा चडेर अमला झार्न नसक्ने भएपछि सोही ठाउँमा रहेका आरोपित युवालाई अमला टिपिदिन आग्रह गरेको बताइएको छ । अमला टिप्न गएको १०–१५ मिनेटसम्म नफर्किएपछि हजुरआमाले खोजि गर्नुभएको थियो । हजुरआमाले बोलाएपछि बालिका बलात्कार हुन बाट जोगिएकी हुन् । कपडा खोलीसकेको बेला हजुरमाले बोलाएपछि आरोपित युवा यौन दुव्र्यवहारबाट पछि हटेको खुलेको छ । ‘थरथर’ काम्दै घर पुगेकी बालिकाले आफ्नो आमालाई भनेपछि घटना बाहिरिएको हो । असोज २...

खोटाङ, असोज १९ । खोटाङको हलेसी तुवाचुङ नगरपालिकाले जापनिज संस्था ‘मेयर फर पिस’को सदस्यता प्राप्त गरेको छ । नगरपालिकाले अन्तर्राष्ट्रिय संस्थासँग सोसियल नेटवर्क बढाउने क्रममा जापनिज संस्था ‘मेयर फर पिस’ले सदस्यता प्रदान गरेको हो । हलेसी तुवाचुङ नगरपालिकाले सदस्याताको लागि निवेदन दिएको थियो । सोही आधारमा स्थानीय तहहरूको समृद्धिका लागि एकताबद्ध हुने उदेश्यसाथ स्थापित शान्ति र विकाकासका लागि अघि बढेको संस्थाको सदस्यता प्राप्त गरेको नगरप्रमुख विमला राईले बताउनुभयो । उक्त संस्थामा १ सय ६६ देशका ८ हजार ३ सय ११ पालिकाहरु आवद्ध छन् । नेपालमा ३३ वटा पालिकाले हालसम्म सदस्यता पाएका छन् । सन् १९८२ मा जापानको हिरोसिमा र नागासाकीका मेयरहरूको नेतृत्वमा बनेको संस्थामार्फत मेयरहरूले आणविक हतियाररहित संसार, सुरक्षित र लचिलो शहरहरू, शान्तिको र संस्कृतिको लागि काम गरिरहेका छन् । शान्ति प्रत्येक ब्यक्तिको लाग...

  खोटाङ, असोज १८ । खोटाङ आएका नेपालसहित १४ देशका ३७ जना कलाकारहरुले जिल्लाका महत्वपुर्ण स्थानहरुलाई क्यानभासमा उतार्न सुरु गरेका छन् । दिक्तेल रुपाकोट मझुवागढी नगरपालिका र धनु आर्ट स्टुडियोको आयोजनामा बुधबारबाट सुरु भएको “मुन्दुम अन्तर्राष्ट्रिय चित्रकला प्लेन एयर कार्यशाला तथा कला प्रदर्शनी” मा सहभागि कलाकार एवं चित्रकारहरुले चित्र कोर्न सुरु गरेका हुन् । चित्रकारहरु बिहिबार बिहान दिक्तेल रुपाकोट मझुवागढी नगरपालिका–१२ जालपा पुगेका थिए । जालपाबाट उनिहरुले औपचारिकरुपमा लाइभ चित्र कोर्न सुरु गरेका छन् । २१ असोजसम्म सञ्चालन हुने कार्यक्रममा चित्रकारहरु जिल्लाका विभिन्न ठाउँमा पुगेर धार्मिक, साँस्कृतिक र पर्यटकीय क्षेत्रको दृश्यलाई क्यानभासमा प्रत्यक्ष उतार्ने कार्यक्रम रहेको छ । बिहिबार (आज) जालपासँगै खानीडाँडा विमानस्थलसम्म चित्रकारहरु पुगेका थिए । शुक्रबार बिहान मझुवागढी डाँडाम...

खोटाङ, असोज १४ । खोटाङको दिक्तेल रुपाकोट मझुवागढी नगरपालिकाले सामुदायिक विद्यालयमा खुला प्रतिस्पर्धाबाट प्रधानाध्यापक छनोट गरेको छ । नगरपालिकाले गत साउनबाट खुला प्रतिस्पर्धामार्फत प्रधानाध्यापक छनोट गर्ने प्रक्रिया सुरु गरेको थियो । साउन ७ गते बसेको नगर कार्यपालिकाको बैठकले सबै तहका विद्यालयका प्रधानाध्यापकलाई हटाएर विज्ञापन गरी प्रधानाध्यापक नियुक्ति गर्ने निर्णय गरेको थियो । संघीय शिक्षा ऐन, नगर शिक्षा ऐन, नियमावली र प्रधानाध्यापक छनौट तथा व्यवस्थापन सम्बन्धि कार्यविधिले व्यवस्था गरे बमोजिम प्रधानाध्यापक नियुक्ति गर्ने निर्णय गरेको नगरपालिकाले साउन ३१ गते सूचना निकालेको थियो । नगरपालिकाले प्रकाशन गरेको सूचना अनुसार ६१ जनाले प्रधानाध्यापकको लागि आवेदन दिएको नगर शिक्षा शाखा प्रमुख तीर्थराज विश्वकर्माले बताउनुभयो । असोज ८ गते नगरपालिकाले लिएको प्रधनाध्यापकको परिक्षामा ५० जना शिक्षक उत्तीर...

खोटाङ, असोज १४ । खोटाङमा ५ वर्षीया बालिकालाई २४ वर्षीय युवकले बलात्कार गरेका छन् । शनिबार बलात्कृत भएकी बालिकाको जिल्ला अस्पताल गाईघाटमा उपचार भइरहेको छ ।  बालिकाको यौनीबाट निरन्तर रक्तश्राव भइरहेको अवस्थामा प्राथमिक स्वास्थ्य केन्द्र चिसापानी लगिएको थियो । चिसापानीबाट रेफर गरिएपछि बालिकालाई उपचारका लागि रातारात उदयपुर लगिएको हो । बालिकाको अवस्था नाजुक रहेको बताइएको छ ।  नजिकै रहेको आफन्तको घरमा शनिबार खेल्न गएकी बालिका बलात्कृत भएकी हुन् । बालिका बलात्कार गर्ने जन्तेढुंगा गाउँपालिका–६ दिप्लुङका २४ वर्षीय ट्वाँके माईला भनिने राजु राईलाई प्रक्राउ गरिएको जिल्ला प्रहरी कार्यालय खोटाङले जनाएको छ । उनले मोबाईलमा अश्लिल भिडियो देखाएर बालिकालाई बलात्कार गरेको बताइएको छ ।  बालिका बलात्कार गरेर लुकिछिपि बसिरहेका राईलाई शनिबार रातीनै पक्राउ गरिएको जिल्ला प्रहरी कार्यालय खोटाङका प्रमुख (डिएसपी) पु...

खोटाङ, भदौ २९ । खोटाङको ऐसेलुखर्क गाउँपालिका–६ ज्यामिरे स्वास्थ्य चौकीको जीर्ण भवनबाट सेवा प्रवाह भइरहेको छ । लामो समयदेखि निर्माणधिन नयाँ भवन सञ्चालनमा नआउदा स्वास्थ्यकर्मीहरु पुरानै जीर्ण भवनबाट स्वास्थ्य सेवा दिन बाध्य भएका छन् । हाल स्वास्थ्य चौकी सञ्चालन भइरहेको भवन अत्यन्तै जीर्ण छ । ढुंगा र माटोको पुरानो भवनको बाहिरी सबै भागहरु चर्किएका छन् । भवनको भित्र ढलान गरिएको भएपनि फुटेर पुरै चिराचिरा भएको छ । जोखिम मोलेर बाध्यताले उक्त जीर्ण भवनबाट सेवा प्रवाह भइरहेको स्वास्थ्य चौकीका इन्चार्ज सिनियर अहेव तेज बहादुर राईको भनाइ छ । ‘औषधी लयातको सामान राख्ने ठाउँ, बिरामी जाँच गर्ने ठाउँ र प्रशासन सञ्चालन सबै एउटै कोठामा छ । त्यही पनि भवन जीर्ण भएर कुन बेला भत्किन्छ टुंगो छैन् ।’ अहेव राईले बताए । बर्थिङ सेन्टरका लागि छुट्टै सानो २ कोठाको भवन छ । जसकारण प्रसूति गराउन समस्या नरहेको उनको भनाइ छ ...

खोटाङ, भदौ २६ । खोटाङको दिक्तेल रुपाकोट मझुवागढी नगरपालिका–३ बाम्राङका महिलाहरु यतिबेला बाँसका सामाग्री निमार्ण गर्न ब्यस्त छन् । बाम्राङको वडा कार्यालयमा सञ्चालन भइरहेको तालिममा सहभागी महिलाहरु बाँसका सामाग्री निर्माण गर्न ब्यस्त भएका हुन् । अन्तराष्ट्रिय श्रम संगठनको समन्वयमा महिला उद्यमी महासंघले एक महिने बाँसका सामाग्री निर्माण गर्ने तालिम आयोजना गरेको हो । भदौ १० गतेबाट सुरु भएको तालिममा ३० जना महिलाहरु सहभागी छन् । सुरु दिनदेखि नै तालिममा सहगाभी सबै महिलाहरु अहिले धमाधम बाँसका सामाग्री निर्माण गरिरहेका छन् । उनिहरु आफैले बाँसका चोया काडेर पेनकेस, र्‍याक, फुलदानी, डुङ्गाबास्केट र डस्बिन बुनिरहेका छन् । गाउँ घरमा प्राय पुरुषहरुले गरिरहेको यस्ता काम महिलाबाट पनि सम्भव हुन्छ भन्ने उनिहरुलाई लाग्दैन थियो । तर, अहिले सिक्दै जादा सम्भव रहेछ भन्ने लागेको बाम्राङकी रोजिना रिजाल बताउनु हुन्छ...

खोटाङ, भदौ २६ । खोटाङको रावा बेसी गाउँपालिका–४ डुम्रेधारापानीका नागरिकले संघीय राजधानी काठमाडौंमै वडाको सेवा पाएका छन् । डुम्रेधारापानी स्थायी ठेगाना भएर विभिन्न कामले काठमाडौं बस्दै आएका नागरिकलाई जनप्रतिनिधि र कर्मचारीले उहीँ पुगेर वडाको सेवा प्रदान गरेका हुन् । डुम्रेकोट सेवा समाज खोटाङ, काठमाडौंको समन्वयमा वडा कार्यालयले सोमबार आयोजना गरेको प्रशासनिक घुम्ति सेवाबाट २ सय बढीले सेवा लिएका छन् । वडाध्यक्ष ज्ञान बहादुर पाण्डे र वडा सचिव सुवास पौडेल उपस्थित भएर प्रदान गरिएको घुम्ति सेवा बिहान ८ बजेदेखि राती ८ बजेसम्म सञ्चालन भएको थियो । सेवाग्राहीको भिड लागेकाले रातीसम्म सेवा सञ्चालन गर्दा पनि केही नागरिकको काम बाकी नै रहेको छ । उक्त बाकी काम मंगलबार (आज) सक्ने वडाध्यक्ष पाण्डेले बताउनुभयो । स–साना कामका लागि ठुलो खर्च गरेर वडा कार्यालय आउनु पर्ने नागरिकहरुको समस्या छ । जसकारण नागरिकको सम...