Banner News 2

  खोटाङ भदौ १७ गते : खोटाङको रावाबेसी गाउँपालिका क्षेत्रमा नेपाल टेलिकमको नेटवर्क नहुँदा समस्या भएको स्थानीयले बताएका छन । गाउँपालिकाको सबै वडाको तल्लो क्षेत्रमा नेपाल टेलिकमको नेटवर्क नआउँदा फोन गर्न डाँडा खोज्दै हिड्नु पर्ने बाध्यता रहेको स्थानीयको गुनासो छ । गाउँपालिकाको वडा नम्बर २ खार्पा र वडा नम्बर ५ दुबेकोलमा टेलीकमको टावार निर्माण भएको दुई बर्ष पुग्नै लाग्दा पनि हाल सम्म सञ्चालनमा नआएको स्थानीय बिष्णु उपरकोटीले बताउँनु भयो । घरबाट टेलीकमको टावार देखिन थालेको दुई बर्ष भयो तर आज सम्म मोबाईलमा नेटवर्कले प्रवेश नगरेकोे अर्का स्थानीय जीनब तामाङको भनाई छ । गाउँपालिकाको कार्यलयमा नेटवर्क नआउँदा सेवा प्रभाहमा समेत समस्या भएको प्रमुख प्रशासकीय अधिकृत रेख बहादुर थापाले बताउँनु भयो । अतिआवश्यक काम पर्दा फोन गर्नको लागि कार्यलय छाडेर डाँडा तीर निस्कनु पर्ने बाध्यता रहेको उहाँको भनाई छ ...

मैत्रीपूर्ण फुटबलमा नेपाल र भारतले बराबरी खेलेका छन् । पहिलाे मैत्रीपूर्ण फुटबलमा नेपाल र भारतले भारतले एक–एक गाेलकाे बराबरी खेलेका हुन् । दशरथ रङ्गशालामा भएकाे खेलमा अन्जन विष्टले ३६ औँ मिनेटमा गाेल गरेका अग्रता दिलाएका थिए । भारतका खेलाडी चिनलेनाना सिंह कोन्सामको ब्याक पासलाई गाेलकीपर गुरुप्रित सिंह सन्धुले नियन्त्रणमा लिन नसकेको बललाई अञ्जनले गाेलमा परिणत गरेका हुन् । तर नेपालकाे अग्रता दाेस्राे हाफमा रहन सकेन । भारतका  अनिरुध थापाले खेलकाे ६० औँ मिनेटमा गाेल गर्दै खेल बराबरीमा ल्याएका हुन् । नेपाल र भारतबीचकाे दाेस्राे मैत्रीपूर्ण फुटबल आउँदाे शनिवार दशरथ रङ्गशालामा नै हुनेछ ।...

वैदेशिक रोजगारीमा गएका मध्ये गएको वर्षमा खोटाङका १५ जनाको ज्यान गएको छ । सबैभन्दा धेरै मोरङका युवाले ज्यान गुमाएका छन् । वैदेशिक रोजगार बोर्डको तथ्याँक अनुसार आर्थिक वर्ष २०७७\७८ मात्रै मोरङका ५८ जनाले विदेशमै ज्यान गुमाएका छन् । मोरङपछि ज्यान गुमाउनेको सङ्ख्या सिराहा र धनुषाको धेरै छ । सिराहाका ५७ र धनुषाका पनि ५७ जनाको नै गएको वर्ष वैदेशिक रोजगारीको क्रममा ज्यान गएको छ । यस्तै महोत्तरीका ५५ जनाको, झापाका ५३ जनाको, स्याङ्जाका ४४ जनाको, सप्तरीका ४४ जनाको, सुनसरीका ४४ जनाको, नवलपरासी पश्चिमका ४० जनाको विदेशमा ज्यान गएको छ । गएको वर्ष ६७ जिल्लाका १२ सय ४२ जनाको ज्यान गएको छ । ज्यान गुमाउनेको सङ्ख्या सबैभन्दा धेरै साउदीमा छ । साउदी अरबमा मात्रै ३६२ जना नेपाली श्रमिकले रोजगारीकै क्रममा ज्यान गुमाएका छन् । साउदीपछि कतारमा २३९ जना र मलेसियामा २८० जनाको ज्यान गएको बोर्डले जनाएको छ ।...

हलेसी तुवाचुङ नगरपालिकामा नेपाल शिक्षक संघको नगर स्तरीय कार्यलय स्थापना गरिएको छ । आज सोमबार एक कार्यक्रमका बिच नगरपालिकाका मेयर इवन राईले कार्यलयको उद्धघाटन गर्नु भएको शिक्षक संघ नगर कमिटीका अर्थसचिब यकराज बुढाथोकिले जानकारी दिनुभयो । अर्थसचिव बुढाथोकीका अनुसार नगरपालिकाको वडा नम्बर ५ दुर्छिम स्थीत जितमान राउतको घरको एउटा कोठा भाडामा लिएर कार्यलय स्थापनासँगै उद्धघाटन गरिएको हो । कार्यक्रममा नगरपालिकाको उपमेयर बिमला राई, नेपाली कांग्रेसका जिल्ला कार्य समिती सदस्य चक्र कुमार राई, नगरपालिकाका भित्रका करीब ५० जना शिक्षक लगाएतकोे उपस्थित रहेको उहाँले बताउँनु भयो ।...

खोटाङको हलेसी तुवाचुङ नगरपालिकाले अनलाई कक्षा सुरु गरेको छ । कोरोना संक्रमणको कारण भौतिक उपस्थितमा पठनपाठन गर्न नसकिने भएको हुँदा बिद्यार्थीको भविष्यलाई मध्यनजर गर्दै अनलाईन कक्षा सुरु गरिएको नगरपालिकाले जनाएको छ । १२ वटा माध्यमिक र ७७ वटा आधाभुत गरी ८९ वटा बिद्यालय रहेको नगरपालिकामा हाल दुर्छिम, महेन्द्रद्धोय र सरस्वती माध्यमिक बिद्यालयबाट अनलाईन कक्षा सुरु गरिएको नगरपालिकाका शिक्षा शाखा प्रमुख पदम कार्कीले जानकारी दिनुभयो । अन्य ९ वटा माध्यमिक बिद्यालयबाट पनि यहि हप्ता भित्रमा अनलाईन कक्षा सुरु गर्ने उहाँको भनाई छ । नगरपालिका भित्रका माध्यमिक बिद्यालयमा अनलाईन कक्षा सञ्चालन हुने र उक्त वडाका सबै बिद्यार्थीले सोहि बिद्यालयको जुममा जोडिने ब्यवस्था मिलाएको उहाँले बताउँनु भयो । यस्तै अन्य आधारभुत बिद्यालयका शिक्षकहरुले गाउँका बिद्यार्थीलाई अनलाईन कक्षामा जोड्नको लागि आवश्यक सहयोगसँगै निरिक...

नवलपरासी (बर्दघाट सुस्तापूर्व )नवलपुरको हुप्सेकोट गाउँपालिकामा पहिरोमा परेर एकै परिवारका तीन जना बेपत्ता भएका छन् । अविरल वर्षापछि गएकाे पहिरोमा परेर हुप्सेकोट गाउँपालिका-४ माथिल्लो चार घरेका तीन जना बेपत्ता भएका हुन् । हुप्सेकोट गाउँपालिका-४ का अध्यक्ष रोशन थापाका अनुसार बेपत्ता हुनेमा हर्कबहादुर पुलामीकी श्रीमती धनमाया पुलामी, नातिनीहरू भूमिसार पुलामी र देउमाया पुलामी रहेका छन् । हर्कबहादुर पुलामीको भने गम्भीर अवस्थामा उद्धार गरिएको वडा अध्यक्ष थापाले बताउनुभयो । सुरक्षाकर्मीको टोली अहिले घटना स्थलमा पुगेको र बेपत्ता भएकाहरूको खोजी भइरहेको उहाँले बताउनुभयो । पहिरोका कारण त्यही ठाउँका पदमबहादुर पुलामीकाे घरमा समेत क्षति पुर्याएको वडा अध्यक्ष थापाले बताउनुभयो । अविरल वर्षाका कारण माथिल्लो चार घरेका १७ घर परिवार पहिरोको जोखिममा परेका छन् । यस्तै शङ्खदेवमा समेत एक घरमा क्षति पुगेको छ । वड...

खोटाङको जन्तेढुंगा गाउँपालिकाले आफ्नै भवनबाट सेवा प्रवाह सुरु गरेको छ । आर्थिक वर्ष २०७५\०७६ मा गाउँपालिकाले विनियोजन गरेको ७१ लाख, आर्थिक वर्ष २०७६\०७७ मा प्रदेश सरकारबाट प्राप्त ५० लाख र २०७७\०७८ मा संघीय सरकारबाट प्राप्त ८५ लाख गरी २ करोड ६ लाखमा भवन निर्माण भएपछि गाउँपालिकाले आफ्नै भवनबाट सेवा प्रवाह सुरु गरेको हो । गाउँपालिकाले साविकाको चिसापानी गाबिसको कार्यालयबाट सेवा प्रवाह गर्दै आएको थियो । भवनमा सिमित कोठा भएको हुँदा बहु शाखाको सेवा एउटै भवनबाट प्रवाह गर्दा झन्जटिलो हुने गरेको गाउँपालिकाका सामाजिक बिकास शाखाका प्रमुख बिदुरमान राईले बताउँनु भयो । तर गाउँपालिकाको आफ्नै सुबिदा सम्पन्न १० कोठे भवन निर्माण पश्चात अब त्यस्ता समस्याको समाधान हुने उहाँको भनाई छ । १ तला भवन फिनिसिङ गरेर सेवा प्रदान गर्न थालेको गाउँपालिकाले भवनलाई अढाई तले बनाउने तयारी गरेको गाउँपालिकाका अध्यक्ष शंखर बहा...

खोटाङको हलेसी तुवाचुङ नगरपालिकामा ग्रासरुट फुटबल प्रशिक्षण कार्यक्रम एक साता भीत्र सञ्चालन हुने भएको छ । उक्त कार्यक्रम सञ्चालनको लागि अखिल नेपाल फुडबल संघ (एनफा),खोटाङ फुटबल संघ र ओम शिवशक्ती समुह हलेसीसँग नगरपालिकाले गत चैत्र ५ गते सम्झौता गरेको थियो । तर कोभिड १९ को संक्रमणको कारण कार्यक्रम सुरु हुन नसकेको नगर प्रमुख इवन राईले जानकारी दिनुभयो । प्रमुख राईका अनुसार कोरोना संक्रमण दर घट्दै गएपछि नगरका कार्यक्रम चलायमान बनाउँदै विद्यालहरुमा ग्रासरुट फुटबल प्रशिक्षण कार्यक्रम सुरु गर्न लागिएको हो । जसको लागि एनफाका अध्यक्ष कर्मा छिरिङ शेर्पा लगाएतका पदाधिकारीसँग मंगलबार छलफल भएको उहाँले बताउँनु भयो । ग्रासरुट फुटबल प्रशिक्षण कार्यक्रमले दक्ष, असल र अनुसासित खेलाडी उत्पादन भई समृद्ध समाज निर्माण हुने बिश्वास लिएको उहाँको भनाई छ । प्रशिक्षण कार्यक्रमको लागि आवश्यक खेल सामाग्री र प्रशिक्षक ...

नेकपा एमालेले सबै सङ्गठनलाई २०७५ सालको जेठ २ गते पूर्वकै अवस्था र जिम्मेवारीमा क्रियाशील हुन निर्देशन दिएको छ । ललितपुरमा आज मङ्गलवार बसेको स्थायी कमिटीको बैठकले पार्टी एकताका लागि भन्दै केन्द्रीय कमिटी, केन्द्रीय निकाय, प्रदेश, जिल्लालगायत सबै सङ्गठन र कमिटीलाई २०७५ जेठ २ गते अघिकै अवस्था र जिम्मेवारीमा क्रियाशील हुन आग्रह गरेको हो । पार्टीको विवाद मिलाउन गठन भएको कार्यदलले गरेको सहमतिअनुसार नै आजको बैठकले यस्ताे निर्णय गरेको प्रवक्ता प्रदीप ज्ञवालीले जानकारी दिनुभयो । अध्यक्ष केपी शर्मा ओलीले १० बुँदे सहमति पालना गर्दै एमालेका सङ्गठन र नेताको जिम्मेवारी २०७५ सालको जेठ २ गते अघिकै अवस्थामा फर्काउने वाचा गरेपछि माधव नेपाल पक्षमा गएका स्थायी कमिटी सदस्यहरु पनि एमालेमै फर्किएका छन् । आजको बैठकमा माधव नेपालको साथ छाडेका युवराज ज्ञवाली, भीम रावल, अष्टलक्ष्मी शाक्य, सुरेन्द्र पाण्डे, गोकर्ण व...

प्रदेश १ को भूमि व्यवस्था, कृषि तथा सहकारी मन्त्रालयले कृषक भ्रमणको नाममा ४० लाख ५० हजार रूपैयाँ खर्च गरेको छ। १२ जना कृषक र १३ जना कर्मचारीसहित २५ जनाको नौ दिनको भारत भ्रमणमा उक्त खर्च भएको महालेखा परीक्षकको प्रतिवेदनमा उल्लेख छ। प्रदेश आर्थिक कार्यविधि नियमावली, २०७५ को नियम ३६ मा कार्यालयलाई प्राप्त निकासा रकम स्वीकृत कार्यक्रमको आधारमा खर्च गर्नुपर्ने व्यवस्था छ। उद्यमी एवं व्यावसायिक कृषकहरुलाई भारतस्थित व्यावसायिक फर्महरुमा स्थलगत तालिम तथा अवलोकन भ्रमण गर्न मन्त्रालयको २०७६ असार २९ मा १२ जना कृषक र १३ जना कर्मचारीलाई नौ दिनको भारत भ्रमण कार्यक्रम स्वीकृत गर्ने निर्णय गरेको थियो। महालेखाले भ्रमणमा लगिएका कृषक कसरी छनौट गरियो र कर्मचारी किन बढी लगियो भनी प्रश्न गरेको छ। प्रतिवेदनमा उल्लेख छ, ‘उक्त कार्यक्रममा कृषक छनौटको आधार पेश भएन। कृषकका लागि निर्धारित कार्यक्रमबाट कृषकभन्दा बढी...