Banner News 3

खोटाङ, चैत २५ । खोटाङको ऐँसेलुखर्क गाउँपालिकाका अध्यक्ष विश्वनाथ निरौला र उपाध्यक्ष पुष्पकला भुजेलले प्रयोग गर्दै आउनुभएको सरकारी सुविधाको गाडी गाउँपालिकालाई फिर्ता गर्नुभएको छ । अध्यक्ष निरौला र उपाध्यक्ष भुजेलले गाडीको चाबी शुक्रबार एक सार्वजनिक कार्यक्रममा प्रमुख प्रशासकीय अधिकृत हिराकुमारी यादवलाई हस्तान्तरण गर्नुभएको हो । अध्यक्ष निरौलाले बा २ झ ३४९६ को स्कारपियो र उपाध्यक्ष भुजेलले बा २ झ ४३९४ नम्बरको बोलेरो चढ्दै आउनुभएको थियो । कार्यकाल सकिन अढाइ महिना बाँकी रहँदै अध्यक्ष निरौला र उपाध्यक्ष भुजेलले गाडी फिर्ता गर्नुभएको हो । स्थानीय तहको निर्वाचन २०७९ वैशाख ३० गते हुने भएसँगै गत निर्वाचनबाट निर्वाचित स्थानीय तहका जनप्रतिनिधिले आफ्नो पाँचवर्षे कार्यकाल भने पूरा गर्न नपाउने भएका छन् । निर्वाचन घोषणा भएको र आचरसंहिता पनि लागू भएकाले निर्वाचनलाई स्वच्छ र मर्यादित बनाउन गाडी फिर्ता गर...

खोटाङ, चैत २२ । रावाबेँसी गाउँपालिका खोटाङको आर्थिक सहयोगमा रावाबेँसी खेलकुद विकास समितिले आयोजना गरेको सर्वाधिक पुरस्कार राशिको अन्तर पालिकास्तरीय पुरुष भलिबल प्रतियोगिताको उपाधि रावाबेँसी ‘ए’ ले जितेको छ । मंगलबार रावाबेँसी गाउँपालिका–१ कुभिण्डेस्थित रत्न राज्यलक्ष्मी आधारभूत विद्यालयको खेल मैदानमा भएको फाइनल खेलमा ऐँसेलुखर्क ‘बी’ लाई पराजित गर्दै रावाबेँसी ‘ए’ ले प्रतियोगिताको उपाधि जितेको हो । उपाधि विजेता रावाबेँसी ‘ए’ ले नगद रु. १ लाखसहित ट्रफी, मेडल र प्रमाणपत्र पाएको छ । फाइनलमा रावाबेँसी ‘ए’ सँग पराजित भएर उपविजेतामा सीमित बनेको ऐँसेलुखर्क ‘बी’ ले नगद रु. ७५ हजारसहित ट्रफी, मेडल र प्रमाणपत्र प्राप्त गरेको छ । यस्तै तेस्रो स्थान खोटेहाङले हासिल गरेको छ । मंगलबार नै भएको खेलमा ऐँसेलुखर्क ‘ए’ लाई हराउँदै खोटेहाङले तेस्रो स्थान हासिल गरेको हो । उसले नगद रु. ५० हजारसहित ट्रफी, मेडल ...

खोटाङ, चैत २२ । जिल्ला प्रहरी कार्यालय खोटाङले आगलागीका घटनाबाट बच्नका लागि सावधानी अपनाउन आग्रह गरेको छ । सुक्खा र हावाहुरीको मौसम सुरु भएको र अहिले आगलागी हुने सम्भावना बढी भएकाले सम्भावित जोखिमबाट आफू जोगिन र अरूलाई पनि जोगाउन प्रहरीले आग्रह गरेको हो । आगलाागी हुन नदिन प्रहरीले विभिन्न उपायसमेत सुझाएको छ । बालबालिकाहरूले भेट्न सक्ने स्थानहरूमा सलाई, लाइटर, राँको र टुकी बत्ती नराख्न, खाना पकाउँदा आगो बाल्ने अवधिभर भान्सा छाडेर टाढा नजान र पकाइसकेपछि आगो पूर्ण रूपमा निभाउन, ग्याँस सिलिन्डरको रेगुलेटर राम्ररी बन्द गर्न अनुरोध गरिएको छ । सुत्ने बेला ओछ्यानमा धूूमपान नगर्न र सल्किरहेको बिँडी, चुरोट र सलाई राम्ररी निभाएर मात्र फाल्न, घरमा प्रज्ज्वलनशील पदार्थहरू मट्टिटेल, पेट्रोल, डिजेल आदि नराख्न र राख्नै परेमा छुट्टै उपयुक्त भाडोमा राम्रोसँग बिर्को बन्द गरेर राख्न प्रहरीको अनुरोध छ । ह...

पवन खड्का खोटाङ, २१ चैत । खोटाङको जन्तेढुंगा गाउँपालिकामा पहिलोपटक बस पुगेको छ । खोटाङ यातायात प्रा.लि. द्वारा सञ्चालित प्र.०१–०५–००१ ख ००२१ नम्बरको बस आइतबार गाउँपालिकाको वडा नं. ५, चिसापानी बजार पुगेको हो । उदयपुरको सदरमुकाम गाईघाटदेखि छुटेको बस खोटेहाङ गाउँपालिका–७ खोटाङ बजार हुँदै चिसापानी बजारसम्म पुगेको हो । चालक प्रकाश चौधरीले पहिलोपटक उक्त स्थानमा बस पु-याउनुभएको हो । गाउँमा बस पुगेपछि स्थानीयले हर्षोल्लासका साथ बसका चालक चौधरी र सहचालक पर्शुराम श्रेष्ठलाई अबिर र खादा लगाइदिएर स्वागत गरेका थिए । जन्तेढुंगा गाउँपालिकाको २१ लख बजेटमा जन्तेढुंगा गाउँपालिका र खोटेहाङ गाउँपालिकाको सिमाना सावाखोलादेखि चिसापानीसम्म सडकको ट्रयाक खोलिएपछि चिसापानीमा बस आएको जन्तेढुंगा गाउँपालिकाका अध्यक्ष शंखरबहादुर राईले बताउनुभयो । तत्काल नियमित सञ्चालन भने नहुने चिसापानीमा पहिलोपटक बस पुगेको भए पन...

खोटाङ, चैत २१ । हलेसी तुवाचुङ नगरपालिका–७, महादेवस्थानमा अवस्थित त्रिधार्मिकस्थल हलेसी मन्दिरमा १८ दिनको अवधिमा पाँच लाख बढी भेटी संकलन भएको छ । चैत १ गते देखि १८ गते सम्मको अवधिमा ५ लाख ४ हजार ९ सय रुपैयाँ भेटी संकलन भएको हलेसी सूचना केन्द्रले जनाएको छ । सूचना केन्द्रका प्रमुख सयन्द्र राईका अनुसार यस अवधिमा हलेसी महादेव मन्दिरको शिव–पार्वती थानको दान पेटिकाबाट ४ लाख ३६ हजार र मन्दिरको प्राङ्गणमा रहेको दानपेटिकाबाट ६८ हजार ९ सय रुपैयाँ भेटी संकलन भएको छ । संकलित भेटीको रकमबाट पानी, भेटी गणना, अतिथि सत्कार, खाजा खर्च लगायतमा गरी ६२ हजार ५ सय १० रुपैयाँ खर्च गरिएको छ । बाँकी रकम ४ लाख ४२ हजार ३ सय ९० रुपैयाँ माछापुच्छ्रे बैंक हलेसी शाखामा रहेको मन्दिर व्यवस्थापन समितिको खातामा जम्मा गरिएको सूचना केन्द्रका प्रमुख राईले जानकारी दिनुभयो । यस्तै धुमथाङ–१ सिन्धुपाल्चोक निवासी धनबहादुर गुरुङल...

खोटाङ, चैत २० । खोटाङको जन्तेढुंगा गाउँपालिका–२ बोपुङ र वडा नं. ३ काहुलेमा एक हप्तादेखि सञ्चार सेवा अवरुद्ध भएको छ ।काहुलेको हुमापोखरीमा रहेको नेपाल टेलिकमको टावरमा आएको खराबीका कारण विगत एक हप्ताभन्दा बढी समयदेखि उक्त क्षेत्रका बासिन्दा सञ्चार सेवाबाट वञ्चित भएको नेपाली कांग्रेस जन्तेढुंगा गाउँपालिकाका सभापति बाजिन्द्र विष्टले बताउनुभयो । “नेटवर्क नहुँदा एक हप्ताभन्दा बढी समयदेखि यस क्षेत्रमा फोन नलाग्ने समस्या छ,” विष्टले भन्नुभयो, “खासगरी बोपुङ र काहुले प्रत्यक्ष प्रभावित भएका छन् ।” सञ्चार जस्तो अत्यावश्यकीय सेवा तत्काल सञ्चालनमा ल्याउन सम्बन्धित निकायले ढिला गरिरहेको विष्टको भनाइ छ । यता नेपाल दूरसञ्चार शाखा कार्यालय खोटाङका प्रमुख खगेन्द्र बलम्पाकी मगरले भने टावर मर्मतका लागि प्राविधिकको टोली खटाइसकिएको बताउनुभयो । समस्याको कारण पत्ता लगाई प्राविधिकको टोलीले चाँडै समाधान गर्ने उह...

खोटाङ, चैत १९ गते । पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले देशको विकास गर्ने पार्टी एमाले मात्रै रहेको बताउनुभएको छ । नेकपा एमाले खोटाङले सदरमुकाम दिक्तेलमा आयोजना गरेको जनसभालाई सम्बोधन गर्न शनिबार जिल्ला आउनुभएका ओलीले सम्बोधन गर्दै यस्तो बताउनुभएको हो । बृद्धबृद्धादेखि केटाकेटी सम्मको संरक्षण र देशको विकास एमालेले मात्र गर्न सक्ने उहाँको दावी छ । अध्यक्ष ओलीले भन्नुभयो “नेपालमा सामाजिक सुरक्षा भत्ता दिन नेकपा एमालेले सुरु गरेको हो, कर्मचारीको तलब बृद्धि गर्ने, नयाँ विकासका अवधारणा अघि सार्ने, जनता र गरीब सम्झीने पार्टी भनेको एमाले मात्रै हो ।” समृद्ध नेपाल निर्माण गर्दैगर्दा अव सरकार सधै एमालेले मात्र बनाउने भयो भनेर बिरोधीहरुले जालझेल गरेर सरकारबाट आफुलाई हटाएको उहाँको दावी छ । तर, देशै भरी एमालेमा जनताको लहर रहेको कारण एमाले पुनः सरकारमा जाने र समृद्ध नेपाल निर...

खोटाङ, चैत १६ । नेपालका अधिकांश स्थानीय तहका जनप्रतिनिधिको महँगो चार पांग्रे गाडिमा मोह भएपनि केही जनप्रतिनिधिले गाडि खरिद नगरी आफ्नो कार्यकाल बिताउन लागेका छन् । दुई नगरपालिका र आठ गाउँपालिका गरी दश स्थानीय तह रहेको खोटाङ जिल्लाका चार स्थानीय तहका जनप्रतिनिधिले चार पांग्रे गाडि खरिद गरेका छैनन् । गाडि खरिद नगर्ने स्थानीयतहहरुमा वराहपोखरी, जन्तेढुंगा, साकेला र केपिलासगढी गाउँपालिकाका जनप्रतिनिधि रहेका छन् । नागरिकको आवश्कयतालाई प्राथमिकतामा राखेर धेरै रकम पर्ने चार पांग्रे गाडी खरिद नगरेका जिल्लाका चार पालिकाका अध्यक्ष र उपाध्यक्षले मोटरसाइकल भने खरिद गरेका छन् । सेवा दिन नागरिकका घरआँगन पुग्नुपर्ने भएकाले थोरै रकमको दुई पांग्रे मोटरसाइकल खरिद गरिएको उहाँहरूले बताउनुभएको छ । “एकातिर गरिबी र अर्कोतिर भौगोलिक विकटताका कारण नागरिकहरूले अझै पनि लौरो टेकेर ढाकर बोकिरहेको अवस्थामा मैले स्कारपि...

पवन खड्का खोटाङ, चैत १५ । करिब ३१ हजार जनसंख्या घटेको खोटाङमा २८ हजार बढी मतदाता बढेका छन् । केन्द्रीय तथ्यांक विभागले माघ अन्तिम साता सार्वजनिक गरेको राष्ट्रिय जनगणना–२०७८ को प्रारम्भिक विवरणले पछिल्लो दश वर्षमा जिल्लाको जनसंख्या ३० हजार ९ सय ७२ ले घटेको देखाएको थियो । २०६८ को जनगणनामा २ लाख ६ हजार ३ सय १२ जनसंख्या रहेको जिल्लामा २०७८ को जनगणनाले १ लाख ७५ हजार ३ सय ४० मात्र रहेको देखाएको छ । निर्वाचन आयोगले आइतबार सार्वजनिक गरेको अन्तिम सूचीअनुसार आगामी वैशाख ३० मा हुने स्थानीय तह निर्वाचनमा खोटाङका १ लाख ४३ हजार ७ सय ५२ जनाले मतदानमा भाग लिन पाउने भएका छन् । जिल्लाका ७५ हजार ६ जना पुरुष र ६८ हजार ७ सय ४६ जना महिलाले मताधिकार प्रयोग गर्न पाउने भएका हुन् । २०७४ सालको स्थानीय तह निर्वाचनमा जिल्लामा १ लाख १५ हजार ६ सय ४२ जना मतदाता थिए । यस आधारमा जिल्लामा पछिल्लो पाँच वर्षमा २८ हजार १ सय...

खोटाङ, चैत १४ : खोटाङको एक विद्यालयमा पानीको कारण तीन जना विद्यार्थी बिरामी परेका छन् । जिल्लाको हलेसी तुवाचुङ नगरपालिका–२ डिकुवा स्थीत दाम्ली माध्यमिक विद्यालयमा अध्यानरत तीन जना विद्यार्थी सोही विद्यालयमा पानी पिउने क्रममा बिरामी परेका हुन् । विद्यालय नजिकैको धाराबाट जारमा पानी ल्याएर राखिएको अवस्थामा पानी पिउदा ती विद्यार्थी बिरामी परेका डिकुवाका वडाध्यक्ष हरीकुमार खड्काले बताउनुभयो । जारमा राखिएको पानी अन्य विद्यार्थीले पिउदा केही नभएपनि अन्तिममा पानी पिउने तीन जना विद्यार्थी बिरामी परेका हुन् । पानी पिउदै गर्दा बिषाधीको गन्ध आएको विद्यार्थीले बताएका थिए । विद्यार्थी बिरामी परेपछि हेर्दा पानीमा मेटासीट जस्तो सेतो तरलपदार्थ भेटिएको खड्काको भनाइ छ । जारमा राखेको पानीमा कसैले बिषाधी मेसाइदिएको हुन सक्ने आशंका गरिएको छ । विद्यार्थी बिरामी परेपछि हलेसी तुवाचुङ नगरपालिकाका मेयर इवन राई सहि...