राजनीति

खोटाङ, वैशाख १३ । नेपाली कांग्रेसबाट दिक्तेल रुपाकोट मझुवागढी नगरपालिकाको मेयरमा उम्मेदवारी दिनुभएका महाधिवेशन प्रतिनिधि धर्मराज पोखरेलले उम्मेदवारी फिर्ता गर्नुभएको छ । केन्द्रीय कार्यसमितिले जिल्ला कार्यसमिति उपसभापति तीर्थराज भट्टराईलाई मेयरको आधिकारिक उम्मेदवार घोषणा गरेसँगै पोखरेलले आफ्नो उम्मेदवारी फिर्ता लिनुभएको हो । बुधबार अपराह्न दिक्तेलमा पत्रकार सम्मेलन गरेर पोखरेलले आफूले पार्टीको तर्फबाट नगरपालिकाको मेयरमा दिएको उम्मेदवारी फिर्ता लिने जानकारी गराउनुभएको हो । प्रदेश कार्यसमितिमा सिफारिस भएका १६ जनामध्ये मेयरका अर्का आकांक्षी भट्टराईले टिकट नपाएपछि उहाँ पक्षका कार्यकर्ता आन्दोलित बनेका थिए । पोखरेलले टिकट पाएको जानकारी लगत्तै असन्तुष्ट उनीहरूले सोमबार बिहान दिक्तेलस्थित कांग्रेसको जिल्ला पार्टी कार्यालयमा तालाबन्दी गरेका थिए । दिउँसो प्रदेशबाट टिकट लिई हेलिकोप्टर चढेर मनोनय...

पवन खड्का खोटाङ, वैशाख १३ । यही वैशाख ३० गते हुने स्थानीय तहको निर्वाचनका लागि खोटाङमा १३ सय बढीको उम्मेदवारी परेको छ । आइतबार र सोमबार उम्मेदवारको मनोनयन दर्ताका लागि समय दिइएको थियो ।  दशवटै पालिकामा रहेका निर्वाचन कार्यालयमा गरी दुई दिनमा दलगत र स्वतन्त्रसहित १३ सय २८ जनाले उम्मेदवारी दर्ता गराएका हुन् । जसमध्ये दुुई नगरपालिकाको नगरप्रमुखमा १३, उपप्रमुखमा ९, आठ गाउँपालिकाको अध्यक्षमा ३२, उपाध्यक्षमा २७, ७९ वडाको वडाध्यक्षमा २ सय ९५ र वडा सदस्यमा ९ सय ५२ जनाले मनोनयन दर्ता गराएका जिल्ला निर्वाचन कार्यालय खोटाङले जनाएको छ । दिक्तेल रुपाकोट मझुवागढी नगरपालिका जिल्ला निर्वाचन अधिकारी राजेश गौतमका अनुसार जिल्लाका दुई नगरपालिकामध्ये जिल्ला सदरमुकामसमेत रहेको दिक्तेल रुपाकोट मझुवागढी नगरपालिकामा प्रमुुखका लागि ६ जना र उपप्रमुखका लागि ४ जनाले उम्मेदवारी दर्ता गराएका छन् । कांग्रेससहित चार दल...

खोटाङ, वैशाख १२ । हलेसी तुवाचुङ नगरपालिका– ५ दुर्छिममा जनता समाजवादी पार्टी (जसपा) ले छुट्टै उम्मेद्वारी दर्ता गरेको छ । यस नगरपालिकामा कांग्रेस बाहेक नेकपा माओवादी, जसपा र एकीकृत समाजवादी (एस)ले गठबन्धन गर्ने जिल्लामा निर्णय भएपनि सहमती नभएपछि जसपाले छुट्टै उम्मेद्वारी दर्ता गराएको पार्टीले जनाएको छ । आफ्नो पकेट क्षेत्र रहेको दुर्छिम वडामा वडाध्यक्ष जसपालाई दिन अन्य पार्टी नमानेपछि जसपा एक्ले चुनावी मैदानमा उत्रिने निर्णय गरेको जसपा हलेसी तुवाचुङ नगर समिति अध्यक्ष मबिन्द्र चाम्लिङले बताउनुभयो । राईको भनाइ अनुसार दयाराम राईको नेतृत्वमा आज मनोनय दर्ता गरिएको छ । जसमा खुल्ला सदस्यामा युकराज राई र जितेन्द्र राई, महिला सदस्यमा कोपिला राई र दलित सदस्यमा दिलकुमारी दमाइको उम्मेद्वारी दर्ता भएको छ । जसपाले जिते के हुन्छ ? नागगरिले विश्वास गर्दै जसपाका उम्मेद्वारलाई मत दिएर जिताए पहिलो प्रथामिकत...

खोटाङ, वैशाख १२ । खोटाङको जिल्ला सदरमुकामसमेत रहेको दिक्तेल रुपकोट मझुवागढी नगरपालिकाको मेयरमा अन्ततः नेपाली कांग्रेसले तीर्थराज भट्टराईलाई उम्मेद्वार बनाएको छ । जिल्ला समितिबाट आकांक्षी १६ जनाको नाम प्रदेश समितिमा सिफारिस गरिएकोमा प्रदेश समितिले महाधिवेशन प्रतिनिधि धर्मराज पोखरेललाई मेयरको टिकट दिएको थियो । जिल्ला कार्यसमिति उपसभापतिसमेत रहनुभएका भट्टराईले मेयरको टिकट पाउने विश्वास जिल्लाका आम कांग्रेस नेता कार्यकर्ताले राखेकोमा प्रदेश समितिले पोखरेललाई टिकट दिएपछि रुष्ट बनेका कार्यकर्ताले आज बिहानै दिक्तेलस्थित जिल्ला पार्टी कार्यालयमा तालाबन्दी गरेका थिए । दिउँसो टिकट लिएर मनोनयन दर्ताका लागि आउनुभएका पोखरेलमाथि कांग्रेसकै असन्तुष्ट कार्यकर्ताले हातपातसमेत गरेका थिए । विवाद चर्किँदै गएपछि उम्मेद्वार छनोटका लागि आकांक्षीहरूको नाम केन्द्रीय समितिमा पुगेको थियो । कांग्रेस सभापति शेरबहादु...

खोटाङ, वैशाख १२ । हलेसी तुवाचुङ नगरपालिकाको नगर प्रमुख र उप–प्रमुखमा नेपाली कांग्रेसले उम्मेद्वारी टुंगो लगाएको छ । नगर प्रमुखमा विमला राई र उप–प्रमुखमा रमेश राउतले टिकट पाउनु भएको कांगेसले जनाएको छ । राई यस अघि नगरपालिकाको उप–प्रमुख हुनुहुन्थ्यो भने राउत वडा नम्बर ६ मंगलटारको वडाध्यक्ष हुनुहुन्थ्यो । कांग्रेसको प्रदेश नम्बर १ समितिले राई र राउतलाई उम्मेद्वारी बनाउने निर्णय गरेसँगै मनोनय दर्ताकालागि तयारी गरिएको स्रोतले जनाएको छ । हलेसी तुवाचुङमा कांग्रेसले एक्लै लड्ने निर्णय गरेको छ । यस्तै गठबन्धनको तर्फबाट दिक्तेल रुपाकोट मझुवागढी नगरपालिकामा कांग्रेसले माहाधिवेशन प्रतिनिधि धर्मराज पोखरेललाई उम्मेद्वार बनाउने निर्णय गरेको छ । नगर प्रमुखमा उम्मेद्वार मनोनयन दर्ता गराउन काठमाण्डौबाट दिक्तेल आउनु भएका पोखरेललाई कांग्रेसकै कार्यकर्ताले हातपात समेत गरेका छन् । नगर प्रमुखमा तिर्थराज भट्टराई...

खोटाङ, वैशाख ११ । नेकपा एमाले खोटाङले जिल्लाका दशवटै पालिकामा चुनाव लड्ने प्रमुख /अध्यक्ष र उपप्रमुख/उपाध्यक्षको उम्मेद्वार टुङ्गो लगाएको छ । दिक्तेल रुपाकोट मझुवागढी नगरपालिका प्रमुख – कुमार आचार्य उपप्रमुख – वीणादेवी राई/राजकुमारी राई (टुङ्गो लाग्न बाँकी) हलेसी तुवाचुङ नगरपालिका प्रमुख – खडेन्द्र साम्पाङ राई उपप्रमुख – तुलसा बुढाथोकी साकेला गाउँपालिका अध्यक्ष – गोपीकृष्ण खड्का उपाध्यक्ष – दिलकुमारी राई वराहपोखरी गाउँपालिका अध्यक्ष – गोमा मगर उपाध्यक्ष – जीवनकुमार राई रावाबेँसी गाउँपालिका अध्यक्ष – हरि पोखरेल उपाध्यक्ष – कौशिला गुरुङ दिप्रुङ चुइचुम्मा गाउँपालिका अध्यक्ष – लोकेन्द्र राई उपाध्यक्ष – अरूणा थापा मगर जन्तेढुङ्गा गाउँपालिका अध्यक्ष – शंखरबहादुर राई उपाध्यक्ष – विमला राई खोटेहोङ गाउँपालिका  अध्यक्ष – कविता राई उपाध्यक्ष – राजन बञ्...

खोटाङ, वैशाख ९ । नेपाल कम्युनिष्ट पार्टी (एमाले) ले खोटाङका दशमध्ये नौ पालिकामा प्रमुख र पाँच पालिकामा उपप्रमुखको उम्मेद्वार टुङ्गो लगाएको छ । एमाले जिल्ला कमिटी स्रोतका अनुसार सदरमुकामसमेत रहेको दिक्तेल रुपाकोट मझुवागढी नगरपालिकाको प्रमुखमा कुमारप्रसाद आचार्य र उपप्रमुखमा विणादेवी राईको नाम प्रदेश कमिटीलाई सिफारिस गरिएको छ । हलेसी तुवाचुङ नगरपालिकाको प्रमुखमा खडेन्द्र साम्पाङको नाम सिफारिस गरेको एमालेले उपप्रमुखको उम्मेद्वार भने तोकेको छैन ।ऐंसेलुखर्क गाउँपालिकाको अध्यक्षमा गिरेन्द्रबहादुर राई र उपाध्यक्षमा पुष्पकला भुजेल, केपिलासगढी गाउँपालिकाको अध्यक्षमा कृष्णकुमार राईको नाम सिफारिस हुँदा उपाध्यक्ष पदको उम्मेद्वारको नाम आएको छैन । रावाबेँसी गाउँपालिकाको अध्यक्षमा हरिकुमार पोख्रेल र उपाध्यक्षमा कौशिला गुरुङको नाम सिफारिस भएको छ । दिप्रुङ चुइचुम्मा गाउँपालिकाको अध्यक्षमा लोकेन्द्र राईल...

खोटाङ, वैशाख ९ । हलेसी तुवाचुङ नगरपालिकामा सर्वदलीय बैठक राखेर आसन्न स्थानीय तहको निर्वाचनमा पालना गर्नुपर्ने आचारसंहिताबारे सरोकारवालासँग अन्तरक्रिया गरिएको छ । नगरपालिकामा क्रियाशील राजनीतिक दलका प्रमुख तथा प्रतिनिधि, सुरक्षाकर्मी र पत्रकारसमेतको उपस्थितिमा दुर्छिमस्थित नगरपालिकाको सभाहलमा सर्वदलीय बैठक बसेको हो । नगरपालिकास्थित निर्वाचन अधिकृतको कार्यालयले आयोजना गरेको सर्वदलीय बैठकमा राजनीतिक दलहरूलाई कार्यालय स्थापनाको जानकारी गराउँदै निर्वाचन स्वच्छ, निश्पक्ष, पारदर्शी र भयरहित वातावरणमा सम्पन्न गर्न पालना गर्नुपर्ने आचारसंहिताबारे छलफल गरिएको हो । कार्यक्रममा सहायक निर्वाचन अधिकृत भीमसेन दाहालले निर्वाचनमा राजनीतिक दल, भातृ सङ्गठन, उम्मेद्वार, मतदाता, कर्मचारी, संस्थाका पदाधिकारी र सञ्चार माध्यमले पालना गर्नुपर्ने आचारसंहिताबारे जानकारी गराउनुभएको थियो । निर्वाचन अधिकृत सङ्गीता न्...

राजकुमार भट्टराई (सरगम) खोटाङ, बैशाख ७ । बैशाख ३० गते हुने स्थानीय तहको निर्वाचनले यतिबेला सबैको ध्यान तानेको छ । निर्वाचनमा भाग लिएका राजनीतिक दलहरु उम्मेद्वार छनोटमा व्यस्त छन भने कुन राजनीतिक दलको उम्मेद्वार कस्ता आउनेहुन भन्ने मतदाताको चासो बिषय बनेको छ । आसन्न स्थानीय तहको निर्वाचनमा खोटाङमा गठबन्धन दलहरूबीच तालमेल गर्ने सहमति जुटेको छ । निर्वाचनमा गठनबन्धनलाई कायम राख्न सहमत भएका दलहरू अन्ततः चुनावमा तालमेल गर्न तयार भएका हुन् । यता प्रमुख प्रतिपक्षी दल एमालेले पनि केन्द्रमा अन्य राजनीतिक दलहरुसँग तालमेल गर्ने निर्णय गरेपनि खोटाङमा ती राजनीतिक दलको प्रभाव भने देखिदैन । दुई नगरपालिका र आठ गाउँपालिका गरी १० स्थानीय तह रहेको जिल्लामा ४ पालिकामा कांग्रेसबाहेकको गठबन्धन बन्ने भएको छ । हलेसी तुवाचुुङ नगरपालिका, दिप्रुङ चुइचुम्मा, केपिलासगढी र साकेला गाउँपालिकामा प्रमुख र उपप्रमुखसहित का...

खोटाङ, वैशाख ५ । स्थानीय तहको निर्वाचनमा खोटाङमा गठबन्धन दलहरूबीच तालमेल गर्ने सहमति जुटेको छ । निर्वाचनमा गठनबन्धनलाई कायम राख्न सहमत भएका दलहरू अन्ततः चुनावमा तालमेल गर्न तयार भएका हुन् । गत चैत १६ गते जिल्ला समन्वय समितिको सभाहलमा बसेको नेपाली कांग्रेस, नेकपा माओवादी केन्द्र, जनता समाजवादी र नेकपा एकीकृत समाजवादी पार्टीको बैठकले आसन्न स्थानीय तहको निर्वाचनमा गठबन्धनलाई कायमै राख्ने निर्णय गरेको थियो । त्यसयता पटकपटक तालमेलबारे छलफल गर्न गठबन्धन दलको बैठक बसे पनि सहमित जुट्न सकेको थिएन । आइतबार राति साढे ११ बजे बसेको चार दलको बैठकले निर्वाचनमा तालमेल गर्ने सहमति जुटाएको नेपाली कांग्रेस खोटाङका सभापति विष्णुकुमार राईले जानकारी दिनुभयो । बैठकले तालमेलको मोडालिटीसमेत टुंगो लगाएको छ । दुई नगरपालिका र आठ गाउँपालिका गरी १० स्थानीय तह रहेको जिल्लामा ४ पालिकामा कांग्रेसबाहेकको गठबन्धन बन्न...