खेलकुद

खोटाङ, माघ २३ । खोटाङको रावा बेसी गाउँपालिकामा आयोजित वडा स्तरीय पुरुष भलिबल प्रतियोगितामा पहिलो पटक कुभिण्डे च्याम्पियन बनेको छ । पालिका भित्रका वडा स्तरीय भलिबल प्रतियोगितामा वडा नम्बर १ कुभिण्डेले पहिलो पटक उपाधि जित्न सफल भएको हो । ६ वटा वडा रहेको रावा बेसीमा हरेक वर्ष वडा स्तरीय भलिबल प्रतियोगिता आयोजना हुने गरेको छ । प्राय डुम्रे धारापानी र दुवेकोलले जित्दै आएको यस प्रतियोगितामा यस पटक कुभिण्डे च्याम्पियन बनेको हो । मंगलबार सम्पन्न फाइनल खेलमा कुभिण्डेले वडा नम्बर ५ दुवेकोललाई पराजित गर्दै उपाधि जितेको हो । उपाधिसँगै कुभिण्डेले नगद १ लाखको साथमा शिल्ड, मेडल र प्रमाणपत्र प्राप्त गरेको छ । दोस्रो भएको दुवेकोलले नगद ७० हजारसँगै शिल्ड, मेडल र प्रमाणपत्र पाएको छ । प्रतियोगिताको तेस्रो र चौथो भएका लामिडाँडा र हौँचुरलाई क्रमश ४० हजार र २० हजार नगदको साथमा शिल्ड, मेडल र प्रमाणपत्र प्रदान ग...

खोटाङ, माघ २१ । रावा बेसी गाउँपालिमा आयोजित राष्ट्रपति रनिङ शिल्ड प्रतियोगिताको उपाधि शारदा माध्यमिक विद्यालय खार्पाले जितेको छ । गाउँपालिका भित्रका अन्तर माध्यमिक विद्यालय स्तरीय राष्ट्रपति रनिङ शिल्डमा १२ स्वर्ण, १० रजत र ४ कास्य गरी कुल २६ पदकसहित खार्पाले उपाधि जितेको हो । बिहिबारबाट वडा नम्बर ४ डुम्रे धारापानीस्थित देउराली माध्यमिक विद्यालयको प्राङ्गणमा सुरु भएको प्रतियोगिता शनिबार सम्पन्न भएको छ । ८ स्वर्ण, १० रजत र ६ कास्यसहित आयोजक देउराली मावि प्रतियोगिताको दोस्रो भएको छ । ६ स्वर्ण, १ रजत र ६ कास्यसहित शारदा मावि हौँचुर तेस्रो भएको गाउँपालिकाले जनाएको छ । विजेता विद्यालयहरुलाई शिल्ड र प्रमाणपत्र, पदक विजेता खेलाडीहरुलाई मेडल र प्रमाणपत्र गाउँपालिकाका अध्यक्ष फटिक कुमार श्रेष्ठ, उपाध्यक्ष कौशिला कुमारी गुरुङ लगायतले प्रदान गर्नुभएको थियो । यस्तै, गाउँपालिका भित्रका ७ वटा माध्यमिक...

खोटाङ, माघ २० । खोटाङमा विगत ७ वर्षदेखि सञ्चालन भइरहेको आमन्त्रित “केएफए दिक्तेल हलेसी मेयर गोल्ड कप” को पाँचौ संस्करण आगामी वैशाखमा हुने भएको छ । “स्थानिय खेलाडीको विकास र पहिचान, खोटाङ फुटबल एकेडेमीको अभियान” भन्ने मुल नारासहित चार संस्करण सम्पन्न भइसकेको यस प्रतियोगिताको पाँचौ संस्करण आगामी वैशाख २३ गतेदेखि २९ गतेसम्म माटिकोरे खेल मैदानमा सञ्चालन हुने आयोजकले जनाएको हो । २०७३ साल बाट सुरु भएको यस प्रतियोगिताको पहिलो उपाधि खोटाङ फुटबल एकेडेमीले जितेको थियो । क्रमश अन्य संस्करणको उपाधि युवा जागरण क्लब, योङ ब्याईज युनाईटेड र नेर्पा स्पटोस क्लबले जितेका थिए । ०७६ र ७७ मा कोरोना भाइरसको महामारीको कारण प्रतियोगिता आयोजना गरिएको थिएन् । नेर्पा स्पटोस क्लबले जितेको अघिल्लो संस्करणमा प्रथम पुरस्कार राशी नगद रु १ लाख ५० हजार राखिएको थियो । यस संस्करणमा पुरस्कार राशी करीब ३ लाखको बनाउने गरी तयारी...

खोटाङ, माघ १५ । खोटाङको हलेसी तुवाचुङ नगरपालिकामा सम्पन्न राष्ट्रपति रनिङ शिल्ड प्रतियोगिताको उपाधि मंगलटारस्थित पिपलडाँडा देवीस्थान माध्यमिक विद्यालयले जितेको छ । देवीस्थानले लगातार दोस्रो पटक प्रथम शिल्ड आफ्नो पोल्टामा पारेको हो । अघिल्लो वर्ष उपाधि जितेको देवीस्थानले यो वर्ष पनि ९ स्वर्ण, ५ रजत र ७ कास्य पदकसहित उपाधि जितेको नगरपालिकाले जनाएको छ । अर्खौले विजुलेस्थित सालपा खेलमैदानमा शनिबारदेखि सञ्चालन भएको प्रतियोगिता सोमबार सम्पन्न भएको छ । डिकुवास्थित दाम्लि माध्यमिक विद्यालय ४ स्वर्ण, ४ रजत र ३ कास्य पदकसहित प्रतियोगिताको दोस्रो भएको नगरपालिकाका खेल प्रशिक्षक मिलन कसजुले जानकारी दिनुभयो । यस्तै, च्यास्मीटर मावि ४ स्वर्ण, ३ रजत र २ कास्यसहित तेस्रो भएको छ । एथलेटिकमा २६, भलिबलमा २ र कवड्डिमा २ गरी कुल ३० स्वर्ण पदकको लागि प्रतिस्पर्धा भएको थियो । जसमा ज्योति माविले ३ स्वर्ण, ६ रज र...

खोटाङ, माघ १३ । खोटाङको हलेसी तुवाचुङ नगरपालिकामा राष्ट्रपति रनिङ शिल्ड प्रतियोगिता सुरु भएको छ । प्रतियोगिताको नेपाल सरकारका कानुन न्याय तथा संसदीय मामिला मन्त्री धनराज गुरुङले शनिबार उद्घाटन गर्नुभएको हो । संघीय सरकारको सशर्त बजेट एक लाख र नगरपालिकाको नौ लाखसहित दश लाख लागतमा सञ्चालन हुने प्रतियोगितामा ३० स्वर्ण पदकका लागि प्रतिस्पर्धा हुने बताइएको छ । माघ १५ गतेसम्म सञ्चालन हुने प्रतियोगितामा नगरपालिकाका १२ वटा सामुदायिक माध्यमिक विद्यालय र २ वटा संस्थागत गरी १४ वटा विद्यालय सहभागि रहेको नगरपालिकाका खेल प्रशिक्षक मिलन कसजुले बताउनुभयो । वडा नम्बर १० अर्खौले विजुलेस्थित सालपा खेलमैदानमा सञ्चालन भइरहेको प्रतियोगितामा छात्रातर्फ २९० जना र छात्रतर्फ २६१ जना विधार्थी खेलाडी सहभागी रहेको उहाँको भनाइ छ । प्रतियोगितामा प्रथम हुने विद्यालयले रनिङ शिल्डका साथमा मेडल र प्रमाणपत्र पाउने छ । दोश्र...

खोटाङ, माघ ६ । खोटाङको सिम्पानीमा एक लाख बढी पुरस्कार राशीको पालिका स्तरीय खुला पुरुष भलिबल प्रतियोगिता हुने भएको छ । खोटेहाङ गाउँपालिका–८ सिम्पानी वडा कार्यालयको आयोजनामा खुला पालिका स्तरीय पुरुष भलिबल प्रतियोगिता आयोजना गरिएको हो । सिम्पानीस्थित सिम्पानी माध्यमिक विद्यालयको प्रांगणमा माघ १८ देखि २० गतेसम्म हुने प्रतियोगिता नकआउटको आधारमा खेलाइने वडाध्यक्ष चन्द्र बहादुर पाथाले जानकारी दिनुभयो । खेलमा सहभागिताको लागि पालिकाको सिफारिस र खेलाडीको परिचय खुल्ने कागजात अनिवार्य गरिएको उहाँको भनाइ छ । प्रतियोगिताको प्रथम हुने टिमले रु १ लाख १ हजार १११ नगदको साथमा ट्रफी, मेडल र प्रमाणपत्र प्राप्त गर्नेछ । दोस्रो र तेस्रो हुने टिमलाई क्रमश रु ७१ हजार १११ र रु ५१ हजार १११ नगदको साथमा ट्रफी, मेडल र प्रमाणपत्र प्रदान गरिने वडाध्यक्ष थापाले बताउनुभयो । यस्तै, विद्यागत उत्कृष्ट ६ खेलाडीलाई पनि पुरस्...

खोटाङ, कात्तिक २६ । दिप्रुङ चुइचुम्मा गाउँपालिका–७ टेम्मामा आयोजित साबिकको खुल्ला वडा स्तरीय भलिबल प्रतियोगिताको उपाधि पुरुषतर्फ हलेसी तुवाचुङ नगरपालिका–११ राजापानी र महिलातर्फ दिप्रुङ चुइचुम्मा गाउँपालिका–७ टेम्मा गोपिले जितेको छ । टेम्मास्थित धिप्लुङ झर्ना न्यु स्टार युवा संस्थाले आयोजना गरेको भलिबल प्रतियोगिताको पुरुषतर्फको उपाधिसँगै राजापानीले नगद रु ३० हजारको साथमा मेडल र प्रमाणपत्र प्राप्त गरेको छ । पुरुषतर्फ दोस्रो र तेस्रो हुने दिप्रुङ चुइचुम्मा गाउँपालिका–२ डाँडागाउँको खुमुम्बु र सोही गाउँपालिकाको वडा नम्बर ७ टेम्मास्थित गोपिलेले क्रमस नगद रु २० हजार र रु १० हजारको साथमा मेडल र प्रमाणपत्र प्राप्त गरेको आयोजक संस्थाका अध्यक्ष विविचन राईले बताए । महिलातर्फ प्रथम भएको दिप्रुङ चुइचुम्मा गाउँपालिका–७ टेम्मा गोपिले नगद रु ७ हजार ७७७ को साथमा मेडल र प्रमाणपत्र प्राप्त गरेको छ । दोस्रो र...

खोटाङ, कात्तिक २५ । खोटाङको केपिलासगढी गाउँपालिका–३ बास्पानीमा आयोजित अन्तर वडा स्तरीय पुरुष फुटबल प्रतियोगिताको उपाधि नेर्पा फुटबल क्लबले जितेको छ । खकलुङ युनाइटेड क्लबले आयोजना गरेको प्रतियोगिताको उपाधिसँगै नेर्पाले नगद रु ३० हजारसहित ट्रफी र मेडल प्राप्त गरेको छ । खकलुङ युनाइटेड क्लबको खोक्मा खेल मैदानमा बिहिबारबाट सुरु भएको प्रतियोगितामा १६ टिमको सहभागिता रहेको थियो । शनिबार भएको फाइनल खेलमा सुङ्देल फुटबल क्लबलाई ६–१ गोल अन्रतले हगाउदै नेर्पाले उपाधि जितेको हो । दोस्रो भएको सुङ्देलले नगद रु २० हजारसहित ट्रफी र मेडल प्राप्त गरेको खेल संयोजक किरण राईले जानकारी दिए । प्रतियोगिताको सेमिफाईनलिस्ट हुने राईजिङ स्पोर्टस् क्लब बाम्राङ र सप्तेस्वर स्पोर्टस् क्लबलाई नगद रु ६÷६ हजार प्रदान गरिएको छ । उक्त वडा स्तरीय फुटबल प्रतियोगिताको उद्घाटन कोशी प्रदेशका पूर्व सामाजिक विकास मन्त्री राजन राईले...

खोटाङ, कात्तिक २२ । खोटाङमा “स्लो राइड” मोटर साइकल प्रतियोगिता हुने भएको छ । नेकपा एमालेको युवा संगठन राष्ट्रिय युवा संघ नेपाल खोटाङको आयोजनामा “स्लो राइड” मोटर साइकल प्रतियोगिता हुन लागेको हो । जिल्ला सदरमुकाम दिक्तेलस्थित माटिकोरे खेलमैदानमा कात्तिक २४ गते हुने उक्त प्रतियोगितामा प्रथाम हुने ब्यक्तिले रु १० हजार १११ नगदको साथमा मेडल र प्रमाणपत्र प्राप्त गर्ने आयोजकले जनाएको छ । दोस्रो र तेस्रो हुने ब्यक्तिले क्रमश रु ६ हजार ६६६, रु ४ हजार ४४४ नगदको साथमा मेडल र प्रमाणपत्र पाउने खेल संयोजक कविराज रिजालले बताउनुभयो । यस्तै, “स्लो राइड” मोटर साइकल प्रतियोगितासँगै हण्डिफोर प्रतियोगिता पनि युवा संघले आयोजना गरेको छ । हण्डिफोरको प्रथम हुने ब्यक्तिले रु ५ हजार ५५५ नगदसँगै मेडल र प्रमाणपत्र पाउने छन् । सोही दिन शुभ दिपावलीको अवसरमा शुभकामना आदनप्रदान कार्यक्रम पनि हुने राष्ट्रिय युवा संघ नेपा...