Author: रुपाकोट खबर

खोटाङ, फागुन १४ । उपचार अभावमा खोरमा थुनिएकी खोटाङको दिक्तेल रुपाकोट मझुवागढी नगरपालिका–१३ नुनथलाकी फुर्दिकु शेर्पाको उद्दार गरिएको छ । नगरपालिकाले सम्पुर्ण खर्च बेहोर्ने गरी उपचारका लागि ३० वर्षीया शेर्पालाई मंगलबार उद्दार गरेर काठमाडौं लगिएको हो । मानसिक सन्तुलन गुमाएकी फुर्दिकुलाई परिवारले आगनमा काठको खोर बनाएर राखेका थिए । भेटिएको जो कसैलाई ढुङ्गा र हतियारले आक्रमण गर्ने, सामानहरु फुटाइदिने, घर परिवारका सदस्यलाईसमेत आक्रमण गरेपछि बाध्य भएर थुनेर राखिएको बुवा पेमा शेर्पाले बताउनुभयो । उपचारको लागि अस्पताल लान परिवारसँग प्रयाप्त आर्थिक नहुँदा फुर्दिकुलाई गत माघ १६ गतेदेखि थुनेर राखिएको थियो । फागुन १२ गते विभिन्न मिडियाले फुर्दिकुको विषयमा समाचार प्रकाशन गरेपछि दिक्तेल रुपाकोट मझुवागढी नगरपालिकाले उद्दार गरेको हो । नगरपालिकाले व्यवस्था गरिदिएको सुमो गाडीमा मंगलबार बिहान परिवार र ...

दमन राई खोटाङ, फागुन १२ । । खोटाङको साकेला गाउँपालिकाको गत माघ २८ गतेको कार्यपालिका बैठकले १० चक्के मालवाहक ट्रकलाई गाउँपालिका प्रवेशमा रोक लगाउने निर्णय गर्यो । उत्तिसका काठ बोक्न भित्र्याइएका हेभीवेट गाडीले कच्ची सडक बिगारेको भन्दै गाउँपालिकाले २० टन क्षमताको ट्रकलाई प्रवेशमा रोक लगाउने निर्णय गरेको थियो । सो सुचनाको बेवास्ता गर्दै साकेला गाउँपालिका–३ खिदिमाको पुङमा पुगेर काठ लोड गर्दै गरेको अवस्थामा गाउँपालिकाले फागुन ३ गते प्रदेश १–०२–००१ ख ९९७६ नम्बरको १० चक्के ट्रकलाई प्रहरीको सहयोगमा नियन्त्रणमा लिएर २० हजार जरिवाना गरेको थियो । ठूलो भार क्षमताको गाडीले सडकमा क्षती पुर्‍याएका कारण १० चक्के गाडी प्रवेशमा रोक लगाइएको साकेला गाउँपालिका उपाध्यक्ष बिर्सीका राई बताउँछिन् । “१० चक्के गाडीबाट बाटोमा एकदमै ठूलो क्षति भयो । त्यही भएर प्रवेशमा रोक लगाइएको हो,” उपाध्यक्ष राईले भनिन्, “बाटो ...

राजकुमार भट्टराई (सरगम) खोटाङ, फागुन १२ गते । उपचार अभावमा खोटाङमा एक महिला खोरमा थुनिएर बस्न बाध्य भएकी छिन् । घर परिवारको आर्थिक अवस्था कमजोर भएपछि तत्काल उपचारको लागि लान नसक्दा दिक्तेल रुपाकोट मझुवागढी नगरपालिका–१३ नुनथलाकी ३० वर्षिया फुर्दिकु शेर्पा खोरमा थुनिएकी हुन् । डेढ महिना अघिसम्म शेर्पाको दैनिकी सामान्य थियो । तर, अचानक उनको बानी व्यवहारमा परिवर्तन आएपछि अहिले आगनमा काठको खोर बनाएर परिवारले उनलाई थुनेर राखेका छन् । भेटिएको जो कसैलाई ढुङ्गा र हतियारले आक्रमण गर्ने, सामानहरु फुटाइदिने, घर परिवारका सदस्यलाईसमेत आक्रमण गरेपछि बाध्य भएर थुनेर राखिएको बुवा पेमा शेर्पाले बताउनुभयो । घरको आगनमा काठले बारेर सानो खोर बनाइएको छ । सोही खोर भित्र महिलालाई राखिएको छ । समय समयमा खाना खाजा उनलाई खोर भित्रै परिवारका सदस्यले दिने गरेका छन् । हाल खोर भित्रै गीत गाउने, नाच्ने कपडाहरुलाई आफ्नो ...

खोटाङ, फागुन ८ । ऐसेलुखर्क गाउँपालिकामा सर्वाधिक पुरस्कार राशीको “ऐसेलुखर्क गाउँपालिका प्रथम अध्यक्ष कप” आगामि चैतमा हुने भएको छ । चैत ७ देखि १० गतेसम्म आयोजना गर्न लागिएको “ऐसेलुखर्क गाउँपालिका प्रथम अध्यक्ष कप” मा अन्तर पालिका स्तरीय पुरुष तथा महिला भलिबल प्रतियोगिता हुने छ । ऐसेलुखर्क गाउँपालिकाको मुख्य प्रायोजनमा ऐसेलुखर्क खेलकुद विकास समितिले प्रथम अध्यक्ष कप आयोजना गरेको हो । प्रतियोगिताको पुरुषतर्फ प्रथम हुने टोलीले रु २ लाख नगदको साथमा ट्रफी, मेडल र प्रमाणपत्र प्राप्त गर्ने छ । दोस्रो, तेस्रो र चौथो हुने टोलीले क्रमश रु १ लाख, ५० हजार र ३० हजार नगदको साथमा ट्रफी, मेडल र प्रमाणपत्र प्राप्त गर्ने ऐसेलुखर्क खेलकुद विकास समितिका अध्यक्ष रजिन राईले जानकारी दिनुभयो । यस्तै, महिलातर्फ प्रथम हुने टोलीले रु १ लाख २५ हजार नगदको साथमा ट्रफी, मेडल र प्रमाणपत्र प्राप्त गर्ने छ । दोस्रो, तेस्र...

खोटाङ, फागुन ६ गते । टेकमाइन इन्टरनेटको लापारबाहिको कारण खोटाङमा सरकारी कार्यालयदेखि विभिन्न संघ संस्थाहरुको सेवा प्रभावित बनेको छ । नेट जडान गरेर मर्मतमा टेकमाइन कम्पनीले ध्यान नदिदा कार्यालयहरुले प्रदान गर्ने सेवा प्रभावित भएको हो । बढ्दो प्रविधिको प्रयोगसँगै जिल्लाका सबै स्थानीय तह तथा सरकारी कार्यालयमा इन्टरनेटमार्फत सेवा प्रवाह शुरु गरिएको छ । तर, इन्टरनेट सेवा प्रदायक कम्पनीको लापरवाहीले स्थानीय तह तथा कार्यालयहरुमा जडान गरिएका इन्टरनेट सेवा प्रभावकारी नहुँदा सेवाग्राही मारमा परेका छन् । ऐसेलुखर्क गाउँपालिका–६ ज्यामिरे वडा कार्यालयमा माघ २५ गतेदेखि इन्टरनेट नचल्दा सेवा प्रभावित भएको वडाध्यक्ष सुनिल राई बताउनुहुन्छ । बसाइँसराइ, जन्मदर्ता, जग्गाको तिरो तिर्ने, पञ्जिकरणका कामहरु सबै अनलाइनबाट हुने गरेको छ । तर वडा कार्यालयमा इन्टरनेट नचल्दा सेवा प्रभावित भएको उहाँको भनाइ छ । ‘नागरिकह...

खोटाङ, फागुन ५ गते । कला, संस्कृति र पर्यटन प्रवद्र्धनको लागि नेपाल कला परिषद, बबरमहल, काठमाडौंमा ‘मुन्दुम अन्तर्राष्ट्रिय चित्रकला प्रदर्शनी’ सुरु भएको छ । फागुन १७ गतेसम्म चल्ने ‘मुन्दुम अन्तर्राष्ट्रिय चित्रकला प्रदर्शनी’–२०८० को शनिबार एक समारोहबिच राष्ट्रपति रामचन्द्र पौडेलले उद्घाटन गर्नुभयो हो । खोटाङको दिक्तेल रुपाकोट मझुवागढी नगरपालिका र धनु आर्ट स्टुडियोले गत असोज १७ गतेदेखि असोज २० गतेसम्म दिक्तेलमा मुन्दुम अन्तर्राष्ट्रिय चित्रकला कार्यशाला तथा प्रदर्शनी आयोजना गरेको थियो । उक्त कार्यक्रममा सहभागी स्वदेश तथा विदेशका चित्रकारले बनाएको चित्रलाई काठमाडौं ल्याएर प्रदर्शन गरिएको हो । चित्रकला प्रदर्शनीको क्यानभासमा रङ्ग लगाएर उद्घाटन गर्नुभएका राष्ट्रपति पौडेलले प्रदर्शनीमा राखिएका चित्रहरुको अवलोकनसमेत गर्नुभएको छ । उद्घाटन कार्यक्रममा बिशेष अतिथीकोरुपमा उपस्थित संस्कृति, पर्यट...

खोटाङ, माघ २९ । स्थानीय तहको संस्थागत क्षमता स्वमूल्याङ्कन (लिजा) मा खोटाङ जिल्लाको स्थानीय तह मध्ये हलेसी तुवाचुङ नगरपालिका उत्कृष्ट देखिएको छ । दश स्थानीय तह रहेको यस जिल्लामा सबै भन्दा धेरे अंक ल्याएर हलेसी तुवाचुङ प्रथम भएको हो । संघीय मामिला तथा सामान्य प्रशासन मन्त्रालयले वेवसाइटमा सार्वजनिक गरेको नतिजा अनुसार हलेसी तुवाचुङले आर्थिक वर्ष २०७९/८० को संस्थागत क्षमता स्वमूल्याङ्कनमा १०० पुर्णाङ्कमा ८६.७५ अंक पाएको हो । संघीय सरकारले आउँदो आर्थिक वर्षको बजेट निर्माणमा स्थानीय तहलाई विनियोजन गर्ने ससर्त र निसर्त अनुदान बाँडफाँड गर्न हरेक वर्ष स्थानीय तहको संस्थागत क्षमता स्वमूल्याङ्कन गर्दै आएको छ । मन्त्रालयले स्थानीय तहको कार्यप्रक्रिया र उपलब्धिहरुको बारेमा लेखाजोखा गर्न, विकास तथा सुशासनमा रहेका कमीकमजोरीहरुको जानकारी लिन, आवधिक समिक्षाका लागि आधार प्राप्त गर्न स्वमुल्यांकन गराउँदै आ...

खोटाङ, माघ २९ । खोटाङको खोटेहाङ गाउँपालिकाले फागुन १ गते सार्वजनिक बिदा दिएको छ । जनयुद्ध दिवसको दिन गाउँपालिकाभर सार्वजनिक बिदा दिने निर्णय गरिएको गाउँपालिकाले जनाएको छ । गाउँपालिकाको निर्णय अनुसार फागुन १ गते पालिकाको सबै सरकारी कार्यालय, शैक्षिक संस्था, स्वास्थ्य संस्था, सरकारी तथा गैर सरकारी कार्यालय एवं संघ संस्थाहरु बन्द हुनेछन् । गाउँपालिकाले निर्माण गरेको वार्षिक शैक्षिक पात्रोमानै जनयुद्ध दिवसको दिन सार्वजनिक बिदा उल्लेख गरिएको छ । सोही अनुसार बिदा दिइएको गाउँपालिका अध्यक्ष उदिम बहादुर राईले बताउनुभयो । देशमा जनयुद्धको जगबाट हालको व्यवस्था अर्थात परिर्वतन आएकाले जनयुद्धमा साहदत प्राप्त सहिद, घाइते र बेपत्ताको सम्मानका लागि सार्वजनिक बिदा दिने निर्णय गरिएको अध्यक्ष राईको भनाइ छ । जिल्लाका अन्य ९ स्थानीय तहले भने बिदा दिएका छैनन् । गृह मन्त्रालयले पनि सूचना जारी गर्दै फागुन १ गते...

खोटाङ, माघ २९ । नक्कली प्रमाण–पत्रधारी स्वास्थ्यकर्मीलाई कर्तव्य ज्यान मुद्धामा ११ वर्षपछि पक्राउ गरिएको छ । खोटाङ जिल्ला सदरमुकाम दिक्तेलमा सञ्चालित हलेसी पोलीक्लिनिकमा उपचारका क्रममा लापरवाहीका कारण दिक्तेल रुपाकोट मझुवागढी नगरपालिका–३ बाम्राङका ७२ वर्षीय चन्द्रसेन राईको मृत्यु भएको भन्दै मृतक परिवारले किटानी जाहेरी दिएका थिए । सोही जाहेरीका आधारमा उपचारमा संलग्न सुनसरीको गढी गाउँपालिका–३ का जिवानन्द मेहतालाई पक्राउ गरिएको जिल्ला प्रहरी कार्यालय खोटाङले जनाएको छ । नक्कली प्रमाणपत्र बोकेर मेहताले ‘डाक्टर हुँ’ भन्दै उपचार गर्ने गरेका थिए । पोलीक्लिनिकमा उपचार गराउन आएका बाम्राङका राईको २०६९ फागुन १७ गते साँझ मृत्यु भएको थियो । पाँच मिनेटको अन्तरमा दुई वटा सुई लगाएको पाँच मिनेटपछि बिरामीको मृत्यु भएको भन्दै मृतकका आफन्त देबीसरा राईले २०६९ चैत्र १४ गते मेहता विरुद्ध किटानी जाहेरी दिएका थिए ...

खोटाङ, माघ २३ । खोटाङको रावा बेसी गाउँपालिकामा आयोजित वडा स्तरीय पुरुष भलिबल प्रतियोगितामा पहिलो पटक कुभिण्डे च्याम्पियन बनेको छ । पालिका भित्रका वडा स्तरीय भलिबल प्रतियोगितामा वडा नम्बर १ कुभिण्डेले पहिलो पटक उपाधि जित्न सफल भएको हो । ६ वटा वडा रहेको रावा बेसीमा हरेक वर्ष वडा स्तरीय भलिबल प्रतियोगिता आयोजना हुने गरेको छ । प्राय डुम्रे धारापानी र दुवेकोलले जित्दै आएको यस प्रतियोगितामा यस पटक कुभिण्डे च्याम्पियन बनेको हो । मंगलबार सम्पन्न फाइनल खेलमा कुभिण्डेले वडा नम्बर ५ दुवेकोललाई पराजित गर्दै उपाधि जितेको हो । उपाधिसँगै कुभिण्डेले नगद १ लाखको साथमा शिल्ड, मेडल र प्रमाणपत्र प्राप्त गरेको छ । दोस्रो भएको दुवेकोलले नगद ७० हजारसँगै शिल्ड, मेडल र प्रमाणपत्र पाएको छ । प्रतियोगिताको तेस्रो र चौथो भएका लामिडाँडा र हौँचुरलाई क्रमश ४० हजार र २० हजार नगदको साथमा शिल्ड, मेडल र प्रमाणपत्र प्रदान ग...