Author: रुपाकोट खबर

  राजकुमार सरगम (भट्टराई) खोटाङ, पुष १५ । रैथाने बाली कोदो खोटाङमा अझै पनि मनग्ये फल्ने गरेको छ । तर यसबाट उल्लेखीय आम्दानी हुन नसक्दा किसानहरु चिन्तित् छन् । उनिहरुले अन्य विकल्प नभएको कारण मात्र बारीमा कोदो रोप्ने गरेको बताउछन् । जिल्लाका प्राय सबै ठाउँमा कोदो फल्छ, कृषकले रोप्दै पनि आएका छन् । कृषक यस खेतीबाट सन्तुष्ट भने छैनन् । चालू आर्थिक वर्ष २०८०/८१ म मात्र खोटाङमा ३४ हजार १ सय ४६ मेट्रिक टन कोदो उत्पादन भएको तथ्यांक कृषि ज्ञान केन्द्र खोटाङसँग छ । तर, कोदोलाई सहि सदुपयोग गर्न नसक्दा कोदो खेतीबाट कृषकले लगानी उठाउन सकेका छैनन् । अधिकांश कृषकको भनाइ अनुसार गाउँ घरमा आजभोली कोदोको प्रयोग जाँडरक्सीमा मात्र भइरहेको छ । तर त्यसबाट पनि उल्लेखीय आम्दानी छैन् । रोटी, ढिडो र कोदोको पिठोको अन्य परिकार बनाएर खाने चलन विस्तारै हराउदै गएको छ । अहिले जिल्लामा घरेलु मदिरा उत्पादनको ल...

खोटाङ, पुस १४ । युके लाहुरेको आर्थिक सहयोग र स्थानीयको श्रमदानमा खोटाङको दिक्तेल रुपाकोट मझुवागढी नगरपालिका–३ बाम्राङस्थित सामातुङ–पाँचगरे सडक स्तरोन्नतीको काम धमाधम भइरहेको छ । ४ किलोमिटर लम्बाई रहेको उक्त सडक ६ मिटर फराकिलो बनाउनेगरी स्तरोन्नतीको काम भइरहेको हो । बाम्राङस्थित सामातुङ घर भइ हाल युकेमा रहेका लाहुरे, पूर्वलाहुरे तथा उनीहरुका परिवार गरी २७ जनाले रु १६ लाख ७७ हजार आर्थिक सहयोग गरेका छन् । हाल अन्य देशमा रहेका सामातुङ्गेहरुले पनि सहयोग रकम पठाउन थालेको श्रम समितिका संयोजक एबं पूर्ववडाध्यक्ष ललितकुमार राईले बताउनुभयो । रकम संकलनसँगै श्रमदानको काम पनि अहिले धमाधम भइरहेको छ । जेसिभि र डोजरले गर्ने वाहेकका कामका लागि सामातुङ र थापागाउँका ७९ घर स्थानीयले कम्तीमा १०÷१० दिन श्रमदान गर्ने नीति बनाइएको छ । जसअनुसार अहिले स्थानीयहरु घरबाट कुटो, कोदालो, झम्पल लगायतको आवश्यक सामाग्री ल्...

खोटाङ, पुस १३ । रावा बेसी गाउँपालिका–६ हौँचुर वडा कार्यालयले सामुदायिक विद्यालयका विद्यार्थीलाई झोला (स्कुल ब्याग) वितरण गरेको छ । वडा भित्रका सामुदायिक विद्यालयका कक्षा १–५ सम्मका सबै विद्यार्थीलाई झोला वितरण गरिएको हो । पञ्चकन्या, जनएकता, शिंहदेवि, जनता र बछलादेवि आधारभूत विद्यालयसँगै शारदा माध्यमिक विद्यालयको कक्षा १–५ सम्मका ३ सय ५१ जना विद्यार्थीलाई झोला वितरण गरिएको वडाध्यक्ष चिरञ्जीवि कार्कीले जानकारी दिनुभयो । सम्बन्धित विद्यालयमा पुगेर वडाका जनप्रतिनिधिहरुले झोला वितरण गरेका हुन् । अन्य विद्यालयमा यस अघिनै वितरण गरिएको थियो । शारदा माविका विद्यार्थीलाई शुक्रबार वितरण गरिएको वडाध्यक्ष कार्कीले बताउनुभयो । सामुदायिक विद्यालयमा विद्यार्थीको आकर्षण तथा शैक्षिक सुधारमा टेवा पुर्‍याउने उद्श्यले झोला वितरण गरिएको कार्कीको भनाइ छ । विद्यार्थीलाई झोला वितरणको लागि वडाले चालु आर्थिक वर्ष ...

राजकुमार सरगम (भट्टराई) खोटाङ, पुस १० । खोटाङको एक सामुदायिक विद्यालयमा विद्यार्थी नहुँदा एउटा कक्षा कोठा खाली रहेको पाइएको छ । जिल्लाको हलेसी तुवाचुङ नगरपालिका–११ राजापानीस्थित भीमकन्या प्राथमिक विद्यालयको कक्षा दुई खाली रहेको पाइएको हो । कक्षा तीनसम्म पठनपाठन हुने उक्त विद्यालयमा चालु शैक्षिक सत्रमा ११ जना विद्यार्थी भर्ना भएका थिए । कक्षा एकमा दश जना र कक्षा तीनमा एक जना विद्यार्थी भर्ना भएका हुन् । कक्षा दुईमा भने कोही पनि विद्यार्थी भर्ना भएनन् । दश जना भर्ना भएपनि अहिले कक्षा एकमा ६ जना विद्यार्थी मात्र नियमित विद्यालय आउने गरेको प्रधानाध्यापक लोकबहादुर कार्कीले बतानुभयो । भर्ना गरिए पनि अन्य विद्यार्थीको उमेर सानै रहेकाले उनिहरु विद्यालय नियमित आउन नसकेको उहाँको भनाइ छ । कक्षा दुई मा कोही पनि विद्यार्थी नभएपछि कक्षा तीनको एकजना र कक्षा एकको ६ जनालाई एउटै कोठामा राखेर पठनपाठन गराइर...

खोटाङ, पुस १० । खोटाङको दिक्तेल रुपाकोट मझुवागढी नगरपालिका–११ खार्मीमा एक दिने एकीकृत घुम्ती शिविर आयोजना गरिएको छ । अपाङ्गता र जेष्ठ नागरिक परिचयपत्र वितरण, नागरिकताकालागि कागजपत्र संकलन एवं स्वास्थ्य, कृषि तथा पशुसम्बन्धि विभिन्न सेवाकालागि घुम्ती शिविर आयोजना गरिएको हो । उक्त घुम्ती शिविरमा ४७७ जना स्थानीय बासिन्दा लाभान्वित भएका छन् । नगरपालिका, जिल्ला प्रशासन कार्यालय र बालसेवा समाज नेपालले खार्मीमा सोमबार संयुक्त आयोजना गरेको शिविरमा ९५ जना जेष्ठ नागरिकलाई जेष्ठ नागरिक परिचयपत्र, ४० जनालाई नागरिकता प्रदान गर्न आवश्यक कागजपत्र सङ्कलन, ४२ जनाको मृगौला परीक्षण, ११ जनालाई अपाङ्गता परिचयपत्र वितरण, ४९ वटा कुकुरालाई रेबिज भ्याक्सिन, सात जना कृषकको माटो परीक्षण तथा २३३ जना कृषकलाई पशुचौपायका लागि आवश्यक पर्ने औषधि वितरण गरिएको नगरपालिकाले जनाएको छ । शिविरमा सेवा लिन खार्मीवासीहरुको भिड ला...

खोटाङ, पुस ७ । खोटाङको हलेसी तुवाचुङ नगरपालिकामा आयोजना गरिएको तीन दिने निःशूल्क आँखा शिविरमा ९१ जनाको अप्रेसन गरिएको छ । हलेसी बजारस्थित आँखा तथा कान उपचार केन्द्रको कार्यालयमा बिहिबारदेखि शनिबारसम्म सञ्चालन भएको शिविरमा ९१ जनाको अप्रेसनमार्फत उपचार गरिएको हो । ९१ मध्ये ६४ जनाको मोतीविन्दुको अप्रेसन गरिएको आँखा तथा कान उपचार केन्द्र हलेसीका प्रमुख सुरेन्द्र श्रेष्ठले बताउनुभयो । अन्य २७ जनाको आँखामा मासु पलाएको, मासुको ढल्लो देखिएको (माइनर) अप्रेसन गरिएको उहाँको भनाइ छ । तीन दिनसम्म सञ्चालन भएको शिविरमा ५ सय ९० जनाले निःशूल्क सेवा लिएका छन् । ४ सय बढीलाई निःशूल्क औषधि तथा १ सय ५० बढीलाई निःशूल्क चस्मा वितरण गरिएको श्रेष्ठले बताउनुभयो । अप्रेसन गरिएको ९१ जनालाईनै कालो चस्मा पनि निःशूल्क प्रदान गरिएको छ । शिविरमा आँखा उपचार गराउन हलेसी तुवाचुङ नगरपालिकासँगै छिमेकी पालिकाहरु रावा बेस...

खोटाङ, पुस ५ । खोटाङको हलेसी तुवाचुङ नगरपालिकामा निःशूल्क तीन दिने आँखा शिविर सुरु भएको छ । आँखाको समस्या भएका नागरिकहरुको सहजताका लागि अप्रेसनसहितको शिविर हलेसी बजारस्थित आँखा तथा कान उपचार केन्द्रको कार्यालयमा बिहिबारबाट सुरु भएको हो । शिविरमा आँखा उपचार गराउन हलेसी तुवाचुङ नगरपालिकासँगै छिमेकी पालिकाहरु रावा बेसी गाउँपालिका, दिक्तेल रुपाकोट मझुवागढी नगरपालिका, दिप्रुङ चुइचुम्मा गाउँपालिका लगायत अन्य पालिकासँगै ओखलढुंगा, उदयपुर जिल्लाका नागरिकहरु हलेसी आएका छन् । आँखाको समस्या भएका बृद्धबृद्धादेखि बालबालिकासम्मलाई परिवारका अन्य सदस्यहरुले शिविरमा लिएर आएका छन् । हलेसीका ७८ वर्षिया मनसरा राई अघिल्लो वर्ष सोही ठाउँमा भएको शिविरमा एउटा आँखाको मोतीविन्दु अप्रेसन गरेर केही सुधार भएपछि अहिले अर्को आँखा अप्रेसनका लागि आएको बताउनुहुन्छ । यस्तै, राजापानीका ८७ वर्षिय जनकप्रसादन घिमिरे पनि आँखामा...

खोटाङ, पुस २ । खोटाङमा यस वर्ष धान उत्पादनमा कमी आएको छ । गत वर्षको तुलनामा यस वर्ष जिल्लामा १ हजार ६ सय १२.७३ मेट्रिक टन कम धान उत्पादन भएको कृषि ज्ञानकेन्द्र खोटाङले जनाएको छ । गत आर्थिक वर्ष २०७९/०८० मा जिल्लामा २८ हजार ८ सय ९२ मेट्रिक टन धान उत्पादन भएको थियो । चालु आर्थिक वर्ष २०८०/०८१ मा घटेर २७ हजार २ सय ७९.२७ मेट्रिक टन धान उत्पादन भएको कृषि ज्ञानकेन्द्र खोटाङका सूचना अधिकारी सञ्जय कुमार पण्डितले जानकारी दिनुभयो । पशुचौपायमा देखिएको लम्पी स्किन रोगका कारण यस वर्ष धान उत्पादनमा गिरावट आएको उहाँको भनाइ छ । अघिल्लो वर्ष १२ हजार ८ सय ९८ हेक्टर क्षेत्रफलमा धान लगाइएको थियो । यस वर्ष १२ हजार १ सय २४.१२ हेक्टर क्षेत्रफलमा मात्र धान लगाइएको हो । लम्पी स्किन रोग लागेर गोरु मरेपछि शतप्रतिशत क्षेत्रफलमा किसानले धान रोप्न नसक्दा उत्पादनमा कमी आएको सूचना अधिकारी पण्डितले बताउनुभयो । दुई नगरप...

खोटाङ, पुस २ । खोटाङको हलेसी तुवाचुङ नगरपालिकामा निःशूल्क तीन दिने आँखा शिविर सञ्चालन हुने भएको छ । पुस ५ देखि ७ गतेसम्म सञ्चालन हुने शिविरमा आँखा सम्बन्धि समस्या भएकाहरुले निःशूल्क उपचार गराउन सक्ने छन् । हलेसी तुवाचुङ नगरपालिका, नेपाल नेत्र ज्योती संघ खोटाङ, आँखा तथा कान उपचार केन्द्र हलेसी र आँखा उपचार केन्द्र सहयोग समितिले आयोजना गरेको शिविरमा प्राविधिक सहयोग सगरमाथा चौधरी आँखा अस्पताल लाहानको रहेको छ । शिविरमा उपस्थित बिरामीहरुको निशुल्क आँखा जाँच हुने आँखा तथा कान उपचार केन्द्र हलेसीका प्रमुख सुरेन्द्र श्रेष्ठले जानकारी दिनुभयो । आँखा जाँचबाट मोतीविन्दु तथा माइनर अप्रेसन गर्नु पर्ने बिरामीहरुको छनोट गरी निःशूल्क अप्रेसनसमेत गरिने उहाँको भनाइ छ । आवश्यक अनुसार चस्मा ससुल्क र औषधी निशुल्क उपलब्ध हुनेछ । ४० वर्ष माथिका ब्यक्तिहरुलाई निःशूल्क रिडिङ चस्मा प्रदान गरिने श्रेष्ठले बताउनुभय...

खोटाङ, मंसिर २४ । खोटाङका तीन स्थानीय तहले सोमबार स्थानीय बिदा दिएका छन् । बालाचतुर्दशीको अवसरमा हलेसी तुवाचुङ नगरपालिका, रावा बेसी गाउँपालिका र खोटेहाङ गाउँपालिकाका धार्मिक स्थलमा मेला लाग्ने भएकाले सार्वजनिक बिदा दिएको जनाएका छन् । बालाचतुर्दशीको दिन हलेसी तुवाचुङमा अवस्थित सुप्रशिद्ध त्रिधार्मिक तपोभूमि हलेसीमा बृहत् मेला लाग्ने गरेको छ । बालाचतुर्दर्शीका दिन हलेसीमा आफ्ना दिवंगत आफन्तको सम्झनामा सतविज छर्नका लागि देश विदेशबाट दर्शनार्थीको बाक्लो उपस्थिति रहने गर्छ । सोही अवसरमा स्थानीय बिदा दिइएको नगरपालिकाले सूचनामार्फत जानकारी दिएको छ । यस्तै, रावा बेसी गाउँपालिका–६ हौँचुरस्थित खोटाङको दोस्रो हलेसीको नामले परिचित जुडिमा पनि बालाचतुर्दशीको दिन भब्य मेला लाग्ने गर्दछ । हरेक बर्षको बालाचतुर्दशीको दिन जुडिमा लाग्ने मेलाको अवसरमा गाउँपालिकाले स्थानीय बदा दिएको जनाएको छ । गाउँपालिकाले नि...