Author: रुपाकोट खबर

खोटाङ, फागुन ४ । खोटाङमा नागरिक आरोग्य कार्यक्रम सम्बन्धि एक दिने अभिमुखिकरण कार्यक्रम सञ्चालन गरिएको छ । एक नम्बर प्रदेश सरकार अन्तरगत स्वास्थ्य निर्देशनालय आयुर्वेद तथा वैकल्पिक चिकित्सा शाखा धनकुटाको आयोजनामा दिक्तेलस्थित जिल्ला आयुर्वेद अस्पताल खोटाङमा अभिमुखिकरण कार्यक्रम सञ्चालन गरिएको हो । ‘मेरो स्वास्थ्य मेरो जिम्मेवारी’ नारासहित प्रदेश एकका १४ वटै जिल्लामा सञ्चालन भइरहेको यस कार्यक्रमको मुख्य उदेश्य गुणस्तरीय स्वास्थ्य प्राप्त रहेको बताइएको छ । कार्यक्रमको जिल्ला स्तरीय समितिको संयोजक जिल्ला समन्वय समितिका प्रमुख र सदस्य सचिव आयुर्वेद अस्पतालका प्रमुख रहने व्यवस्था छ । सोही अनुसार जिल्ला समन्वय समिति खोटाङका प्रमुख सन बहादुर राईको अध्यक्षतामा बिहिबार अभिमुखिकरण कार्यक्रम सम्पन्न भएको छ । कार्यक्रममा दिक्तेल रुपाकोट मझुवागढी नगरपालिकाका मेयर तीर्थराज भट्टराई, विभिन्न कार्यालयका प...

खोटाङ, फागुन ४ । खोटाङको हलेसी तुवाचुङ नगरपालिका–५ दुर्छिम डाँडाखर्कका बकसे बस्नेतको दुईवटा घर र एकवटा गोठ जलेर नष्ट भएको छ । । बनमा लागेको डढेलोले घर र गोठ जल्दा १० लाख बराबरको क्षति भएको जिल्ला प्रहरी कार्यालय खोटाङले जनाएको छ । बुधबार दिउँसो साढे दुई बजे दुर्छिमको आमकासुकसे सामुदायिक बनमा लागेको आगो अचानक हावाले उडाई ल्याउँदा बस्नेतको ढुंगा र माटोले बनेको फुसको छानो भएको दुई तलाको दुई वटा घर र काठले बनेको गाईबस्तु राख्ने एउटा गोठ पूर्णरुपमा जलेर नष्ट भएको छ । आगोले दुईवटा घरमा भएको लत्ताकपडा, भाडावर्तन, अन्नपात, नगद १ लाख, सुन ४ तोला, चाँदी २ तोला र गोठमा रहेको गाईको बाछी १ वटा तथा १ वटा बाख्रा पूर्णरुपमा जलेको छ । आगोलाई स्थानीय र प्रहरीले साँझ ६ बजेर ४० मिनेटमा नियन्त्रणमा लिएका जिल्ला प्रहरी कार्यालय खोटाङका प्रमुख प्रहरी नायब उपरीक्षक मञ्जिल मुकारुङले जानकारी दिनुभयो ।...

खोटाङ, फागुन ४ । नेकपा माओवादी केन्द्रका नेता तथा खोटाङ प्रतिनिधि सभाका सांसद रामकुमार राई (पासाङ) ले राष्ट्रपति जो भए पनि गठबन्धन नटुट्ने बताउनुभएको छ । फागुन २५ गते हुने राष्ट्रपतिको निर्वाचनले सत्ता गठबन्धनप्रति आशंका उत्पन्न भइरहेको बेला सांसद राईले यस्तो बताउनुभएको हो । बिहिबार खोटाङ सदरमुकाम दिक्तेलमा प्रेस सेन्टर नेपालले आयोजना गरेको पत्रकार भेटघाट कार्यक्रम बोल्दै राईले भन्न्ुभयो, ‘राजनीतिमा भएको पछिल्लो समिकरण राष्ट्रपतिको चुनावमा टुट्दैन । किन भने यो समिकिरण जे थियो राष्ट्रपतिको चुनावले छेदविछेद हुँदैन । राष्ट्रपति राष्ट्रि सहमतिमै हुन्छ, तर गठबन्धनको एउटा आधार तयार भइसकेको छ, अब त्यति सजिलै अर्को सरकार बन्दैन् । केही दलहरु सरकारबाट बाहिरीने भित्रीने चलिरहन्छ यो संविधान अनुसार नै हो यसलाई सत्ताको खेल भन्न मिल्दैन् ।’ माओवादी केन्द्रका अध्यक्षसमेत रहनुभएका प्रधानमन्त्री पुष्प कम...

खोटाङ, फागुन २ । खोटाङको दिक्तेल रुपाकोट मझुवागढी नगरपालिका एवं जिल्ला सदरमुकाम दिक्तेलमा निःशूल्क आँखा शिविर सुरु भएको छ । जिल्ला आयुर्वेद अस्पतालको भवनमा तीन दिनसम्म सञ्चालन हुने शिविरको मंगलबार उद्घाटन गरिएको हो । नेपाल नेत्र ज्योति संघ खोटाङको समन्वय, वि.पि कोइराला लाईन्स आँखा अध्ययन केन्द्र (टिचिङ अस्पताल) को प्राविधिक सहयोग तथा दिक्तेल रुपाकोट मझुवागढी नगरपालिकाको मुख्य आयोजनामा शिविर सुरु भएको हो । दिक्तेलका ८४ वर्षीया बिष्णुमाया आचार्यको आँखा परिक्षण गरेर शिविरको सुरु गरिएको छ । तीन दिनसम्म सञ्चालन हुने शिविरमा करीब १ हजार जनालाई सेवा प्रदान गर्ने लक्ष्य राखिएको नगरपालिकाका जन स्वास्थ्य निरिक्षक खेमराज आचार्यले बताउनुभयो । कम्तीमा १०० जनाको मोतिविन्दुको शल्यक्रिया गरिने उहाँको भनाइ छ । शिविरका सञ्चालनका लागि सह–प्राध्यापक डाक्टर रन्जु खरेल सिटौलाको नेतृत्वमा १३ जनाको समुह दिक्तेल...

खोटाङ, फागुन १ । खोटाङमा प्रहरीसँग हात हालाहाल हुँदा एक किशोर घाईते भएका छन् । दिप्रुङ चुईचुम्मा गाउँपालिका–१ याम्खास्थित प्रहरीचौकीमा कार्यरत प्रहरी जवान सागर राई र सोही ठाउँका १४ वर्षीय अशोक दाहालबीच हात हालाहालहुँदा दाहाल घाईते भएका हुन् । सामान्य विषयमा विवाद हुँदा राई र दाहालबीच सोमबार बिहान करीब ९ बजे हात हालाहाल भएको थियो । दाहालले हात हालेपछि प्रहरी जवान राईले कुटपिट गरेको प्रत्यक्षदर्शीले बताएका छन् । आफुमाथि कुटपिट भएको भन्दै दाहाल पुःन हतियारसहित प्रहरीमाथि जाइलागेपछि उनीमाथि थप कुटपिट भएको थियो । दाहालमाथि प्रहरी हवल्दार प्रभुराम बास्तोलाले पनि कुटपिट गरेको आमा मुना दाहालले दावी गरिन् । केही समयअघि एपेन्डिसाइटको अप्रेसन गरेका दाहालको निरन्तर पेट दुखेपछि एम्बूलेन्समार्फत जिल्ला अस्पताल दिक्तेल लगिएको छ । कुटपिटमा संलग्न प्रहरी जवान राईलाई छानविनका लागि जिल्ला प्रहरी कार्यालयमा...

खोटाङ, फागुन १ । खोटाङको हलेसी तुवाचुङ नगरपालिकाले पाठेघरको समस्या भएका २८ जना महिलाको शल्यक्रियामार्फत उपचार गर्न निःशूल्क अस्पताल लगेको छ । शल्यक्रियामार्फत उपचार गर्नुपर्ने देखिएका ३२ जना मध्ये २८ जनालाई सोमबार भक्तपुरको बनेपास्थित शिर मेमोरियल अस्पताल लगिएको हो । अन्य ४ जना नगएको नगरपालिकाका स्वास्थ्य शाखा संयोजक प्रकाश घिमिरेले जानकारी दिनुभयो । पाठेघरको रोग पहिचान र उपचारका लागि माघ १ देखि ९ गतेसम्म नगरपालिकाका सबै वडामा स्वास्थ्यकर्मी परिचालन गरिएको थियो । जसमा ३२ जनाको पाठेघर खसेका महिलाहरुको शल्यक्रिया गर्नुपर्ने देखिएको संयोजक घिमिरेले बताउनुभयो । उहाँहरुलाई सामुदायिक सेवा प्रतिष्ठान नेपाल भक्तपुरको सहयोगमा निःशूल्क उपचार गर्न लगिएको हो । अस्पताल पुगेका २८ जना मध्ये १० जनाको सोमबार बाट उपचार प्रक्रिया सुरु भएको छ । त्यसपछि अन्यको उपचार प्रक्रिया सुरु हुने घिमिरेको भनाइ छ । उपचा...

खोटाङ, माघ २८ । खोटाङको हलेसी तुवाचुङ नगरपालिकामा सम्पन्न राष्ट्रपति रनिङ शिल्ड प्रतियोगिताको उपाधि पिपलडाँडा देवीस्थान माध्यमिक विद्यालयले जितेको छ । नगरपालिकाको वडा नम्बर ३ च्यास्मिटारको खेलमैदानमा शनिबार सम्पन्न प्रतियोगितामा ७ स्वर्ण, २ रजत र ५ कास्य गरी कुल १४ पदकसहित मंगलटारस्थित पिपलडाँडा देवीस्थान माध्यमिक विद्यालयले उपाधि जितेको हो । प्रतियोगितामा अर्खौलेस्थित सरस्वती माध्यमिक विद्यालय ५ स्वर्ण, ६ रजत र ३ कास्य गरी कुल १४ पदकसहित दोश्रो भएको छ । राजापानीस्थित ज्योति माध्यमिक विद्यालय ५ स्वर्ण, ३ रजत र २ कास्य गरी कुल १० पदक सहित तेश्रो भएको नगरपालिकाका शिक्षा शाखा प्रमुख पदम बहादुर कार्कीले जानकारी दिनुभयो । यस्तै, महेन्द्रोय माध्यमिक विद्यालयले ५ स्वर्ण र ३ कास्य पदक हात पार्दा च्यास्मिटार माध्यमिक विद्यालयले ३ स्वर्ण, ६ रजत र ७ कास्य, दुर्छिम माध्यमिक विद्यालयले २ स्वर्ण, ३ रज...

खोटाङ, माघ २७ । अनेरास्ववियु खोटाङका पूर्व अध्यक्ष तथा तत्कालिन केन्द्रीय सदस्य स्वर्गीय मिलन राईको छैटौँ स्मृति दिवस मनाइएको छ । नेकपा एमाले खोटाङको पार्टी कार्यालयमा स्वर्गीय राईको फोटोमा माल्यार्पण गरेर दिवस मनाइएको हो । छोटो समयमा विद्यार्थी राजनीतिमा फड्को मारेका स्वर्गीय राईलाई कुशल नेतृत्वको रुपमा विद्यार्थी नेताहरुले सम्झने गरेका छन् । संगठनकै काममा काठमाडौँबाट घर फर्कदा भक्तपुरमा मोटरसाईकल दुर्घटना हुँदा राई गम्भीर घाइते बन्नु भएको थियो । घाइते राईको २०७३ साल माघ २७ गते उपचारको क्रममा अस्पतालमा निधन भएको थियो । अनेरास्ववियु खोटाङका अध्यक्ष मोहन पोखरेलको अध्यक्षतामा भएको माल्यार्पण कार्यक्रममा एमाले खोटाङका अध्यक्ष रामप्रसाद दंगाल, सचिव कुमार प्रसाद आचार्य, अनेरास्ववियु केन्द्रीय सचिवालय सदस्य खेमराज राई, नेकपा एमाले जिल्ला कमिटी खोटाङका सचिवालय सदस्य दिपक ठटाल र रमेश परियार, जिल...

राजकुमार भट्टराई (सरगम) खोटाङ, माघ २६ । खोटाङको रावा बेसी गाउँपालिकाले डिपिआर निर्माणमा लापर्बाही गर्दा १० शैयाको अस्पताल अलपत्र परेको छ । गाउँपालिका–२ खार्पामा निर्माणधिन रहेको अस्पताल भवनको डिपिआर स्वास्थ्य तथा जनसंख्या मन्त्रालयले स्वीकृत नगरेपछि निर्माणको काम अघि बढ्न नसकेको हो । प्रत्येक स्थानीय तहमा अस्पताल स्थापना गर्ने नेपाल सरकारको नीति अनुसार १० शैयाको अस्पताल निर्माण गर्न सरकारले रावा बेसी गाउँपालिकालाई भवनको नक्सा पठाएको थियो । ०७७ मङ्सिर १५ गते स्वास्थ्य चौकी खार्पालाई १० शैयाको अस्पतालमा रुपान्तरण गर्नेगरी तत्कालिन संघीय सांसद विशाल भट्टराई र तत्कालिन गाउँपालिका अध्यक्ष लिलानाथ निरौलाले भवनको शिलान्यास गर्नुभएको थियो । ७ करोड ५७ लाख ५१ हजार ६ सय २ रुपैयाँ ८७ पैसा (भ्याट सहित) मा ३७ महिनामा काम सक्ने गरी ०७८ असार २१ गते महादेव खिम्ती अन्जान रुजन जे.भिले भवन निर्माणको सम्झौत...

खोटाङ, २५ माघ । खोटाङको दिक्तेल रुपाकोट मझुवागढी नगरपालिका–१५ बिजयखर्कस्थित साप्सु खोला लिफ्टिङ खानेपानी आयोजनामा राजनीतिकरण सुरु भएको छ । संघीय खानेपानी ढल व्यवस्थापन आयोजनाको कार्यालयमार्फत प्राप्त भएको २९ करोड (भ्याट सहित) मा निर्माण सुरु गरिएको लिफ्टिङ खानेपानी आयोजनामा राजनीतिकरण सुरु गरिएको हो । दुई वर्षमा सम्पन्न गर्नेगरी २०७९ जेठमा सम्झौता गरिएको लिफ्टिङ खानेपानी आयोजना सञ्चालनका क्रममा विवाद निस्किएको हो । वडामा पार्टीलाई पुग्ने लाभ र हानीको हिसाव किताव गर्न थालिएका कारण लिफ्टिङ खानेपानी योजनामा बखेडा निस्किएको हो । साप्सु खोला लिफ्टिङ खानेपानी योजना ठेक्का प्रकृयाबाट सञ्चालन भइरहेको छ । एमाले वडा कमिटि अध्यक्ष एबं वडासदस्य युवबहादुर कार्की, नेकपा माओवादी केन्द्रका वडा कमिटि अध्यक्ष पुष्पलाल खनाल र सरोकारवालाकोतर्फबाट प्रेम खनालले संयुक्त विज्ञाप्ती जारी गर्दै सरोज राई अध्यक्ष रह...