Author: रुपाकोट खबर

खोटाङ, कात्तिक १९ । आसन्न मंसिर ४ गते हुने आम निर्वाचनकालागि खोटाङमा चुनावीसभा सुरु भएको छ । लोकतान्त्रीक बाम गठबन्धनले शुक्रबारबाट सभा सुरु गरेको छ । नेकपा एमालेले आइतबारबाट सभा सुरु गर्दैछ । जनता समाजवादी पार्टी, राष्ट्रिय प्रजातन्त्र पार्टी भने घरदैलोमा व्यस्त छन् । सिट भागबन्डामा असन्तुष्टि जनाउदै खोटाङ प्रदेशसभा ‘क’ मा नेपाली कांग्रेसले स्वतन्त्र उम्मेद्वार उठाएको छ । महाधिवेशन प्रतिनिधि धर्मराज पोखरेललाई स्वतन्त्र उम्मेद्वार उठाएका कांग्रेसका नेताहरु वर्तमान अवस्थामा गठबन्धनमा खुल्न थालेका छन् । मनोनयन दर्ताको समयमा पुर्व मन्त्री सर्वधन राईले प्रतिनिधिसभामा र महाधिवेशन प्रतिनिधि सुबासकुमार पोखरेलले प्रदेशसभा ‘क’ मा स्वतन्त्र उम्मेद्वार दिनुभयो थियो । तर सर्वधन र सुबासले उम्मेद्वारी फिर्ता लिनुभयो भने धर्मराजको उम्मेद्वारी कायम छ । सुरुवाती चरणमा धर्मराज जिताउनु पर्छ भन्दै होमिएका ने...

खोटाङ, कात्तिक १९ । खोटाङको हलेसी तुवाचुङ नगरपालिकामा निशुल्क आँखा शिविर सुरु भएको छ । तीन दिनसम्म सञ्चालन हुने शिविरको शनिबार हलेसी तुवाचुङ नगरपालिकाका मेयर विमला राई र उपमेयर रमेशकुमार राउतले उद्घाटन गरेसँगै सुरु भएको हो । हलेसी तुवाचुङ नगरपालिका, नेपाल नेत्र ज्योती संघ खोटाङ, आँखा तथा कान उपचार केन्द्र हलेसी र आँखा उपचार केन्द्र सहयोग समितिले आयोजना गरेको शिविरमा प्राविधिक सहयोग सगरमाथा चौधरी आँखा अस्पताल लाहानको रहेको छ । शिविरमा निशुल्क आँखा जाँच हुनेछ भने मोतिबिन्दु पहिचान भएमा निशुल्क शल्यक्रिया गरिनेछ । आवश्यक अनुसार चस्मा ससुल्क र औषधी निशुल्क प्रदान गरिने आँखा तथा कान उपचार केन्द्र हलेसीका प्रमुख सुरेन्द्र श्रेष्ठले जानकारी दिनुभयो । शिविरमा मोतिबिन्दुसँगै आँखामा मासु पलाएको, मासुको डल्ला पलाएको र परेलाको भाग भित्र छिरेको पनि शल्यक्रिया मार्फत निशुल्क उपचार हुनेछ । कोभिड–१९ सुर...

खोटाङ, कात्तिक १८ । डिजिटल सुशासनमा खोटाङका स्थानीय तहहरु कमजोर रहेको गुनासो आएको छ । इन्टरनेट प्रविधि र डिजिटल सुशासन सम्बन्धि समसामयिक छलफल कार्यक्रममा जिल्लाका सरोकार निकायले यस्तो गुनासो गरेका हुन् । भिजन फर चेन्ज संस्थाको आयोजना तथा खोटाङ उद्योग वाणिज्य संघको सहकार्यमा शुक्रबार संघको कार्यालयमा छलफल कार्यक्रम भएको हो । कार्यक्रममा संघका अध्यक्षसहित अन्य पदाधिकारी, पत्रकार, महिला उद्यमी प्रतिनिधि, घरेलु तथा साना उद्योग संघका प्रतिनिधि लगायत विभिन्न संघ संगठनका प्रतिनिधिको उपस्थिती रहेको थियो । वर्तमान अवस्थामा इन्टरनेट प्रविधि र डिजिटल सुशासन सम्बन्धि भिजन फर चेन्ज संस्थाका कार्यक्रम व्यवस्थापक गीता बरामुले जानकारी गराउनुभएको थियो । सन २०२२ को जनवरीसम्मको तथ्यांक अनुसार नेपालमा ११.५ मिलियन इन्टरनेट प्रयोगकर्ताहरु रहेका छन् । हाल इन्टनेट अपरिहार्य जस्तै भएको र यसका सकारात्मक, नकारात्म...

खोटाङ, कात्तिक १७ । जनता समाजवादी पार्टी (जसपा) को भातृ संगठन समाजवादी विद्यार्थी प्रदेश नम्बर एकका अध्यक्ष एवं खोटाङका प्रचार विभाग प्रमुख रविन खम्बु लगायत जसपाका नेता कार्यकर्ता नेकपा माओवादी केन्द्र प्रवेश गरेका छन् । बिहीबार नेकपा माओवादी केन्द्रको पार्टी कार्यालय दिक्तेलमा पत्रकार सम्मेलन गरेर जसपा त्याग गर्दै खम्बुसहित ३८ जना माओवादीमा प्रवेश गरेका हुन् । प्रतिक्रियावादी एमालेसँग गठबन्धन गरेर जसपाले गलत गरेकाले पार्टी छाड्न बाध्य भएको खम्बुले बताए । जसपा युवा संघ जिल्ला अध्यक्ष÷जिल्ला पार्टी उत्पादन तथा स्वरोजगार विभाग प्रमुख गजेन्द्र राई, सचिवालय सदस्य तथा दिप्रुङ चुईचुम्मा गाउँपालिका अध्यक्ष पृथ्वीकुमार राई, सचिवालय सदस्य मेघराज राई, प्रवास समिति कतारका गजेन्द्र खालिङ, दिरुमनपा नगर सह–सचिव सौराज राई छन् । जसपाको विभिन्न जिम्मेवारीमा रहेका प्रज्वल राई, सरजित तामाङ, गोविन्द राई, रो...

खोटाङ, कात्तिक १७ । खोटाङका चार स्थानीयतहले कात्तिक १८ गते सार्वजनिक विदा दिएका छन् । रावाबेसी, बराहपोखरी, जन्तेढुंगा र दिप्रुङ चुइचुम्मा गाउँपालिकाले भोली सार्वजनिक विदा दिएको सूचना सामाजिक सञ्जाल फेसबुक र पालिकाको वैवसाइटमा प्रकाशन गरेका हुन् । रावाबेसी गाउँपालिकाले कात्तिक १८ गते हरिबोधनी एकादशीका दिन गाउँपालिका भित्र पर्ने रबुवामा धार्मिक मेला लाग्ने भएकाले सार्वजनिक विदा दिएको जनाएको छ । बराहपोखरी गाउँपालिकाले शंखेश्वरी महादेवस्थित बराहपोखरीमा धार्मिक मेला लाग्ने भएकाले सार्वजनिक विदा दिएको सूचनामा उल्लेख गरेको छ । सोही अवसरमा आज पनि पालिकाले विदा दिएको थियो । यस्तै, जन्तेढुंगा गाउँपालिकाले नजिकै रहेको बराहपोखरीमा र स्थानीय होङजा पोखरीमा मेला लाग्ने भएकाले सार्वजनिक विदा दिएको छ । दिप्रुङ चुइचुम्मा गाउँपालिकाले भने गाउँसभा सदस्य एवं वडा नम्बर २ का वडा सदस्य कुमारी नेपालीको निधन भएका...

खोटाङ, कात्तिक १५ । दिक्तेल–खानिडाँडा–रेग्मीटार सडक चाडै सञ्चालनमा आउने भएको छ । दिक्तेलबाट तराई जाने छोटो दुरीको उक्त सडकको ट्रयाक खोलिएपनि हाल सडक सञ्चालनमा छैन् । दिक्तेल रुपाकोट मझुवागढी नगरपालिका–४ खाल्लेस्थित आहालेबाट सडक ठप्प रहेको छ । सडक सञ्चालनमा ल्याउन नगरपालिकाले विनियोजन गरेको रु ४० लाख बजेटले हाल सडक स्तरोन्नतीको काम धमाधम भइरहेको छ । नगरपालिकाको गौरवको योजनामा रहेको उक्त आहाले रेग्मीटार सडकको मंगलबार नगर प्रमुख तिर्थराज भट्टराई, उपप्रमुख विसन राई, प्रमुख जिल्ला अधिकारी (सिडियो) सुर्य प्रसाद सेडाई, प्राविधिक लगायतको समुहले अनुगमन गरेको छ । अनुगमनका क्रममा प्रमुख भट्टराई र उपप्रमुख राईले जति सक्दो चाडो सडक स्तरोन्नती गरेर सवारी साधन गुड्न सक्ने बनाउने बताउनुभएको छ । सोही अनुसार काम गर्न उपभोक्ता समितिलाई उहाँहरुले निर्देशन पनि दिनुभएको छ ।‘ यो सडकलाई जति सक्दो चाडो हाल सवारी...

कात्तिक १५ । खुकुरी प्रहार गरेर हत्या गरेको अभियोगमा खोटाङका एक पुरुष पक्राउ परेका छन् । ललितपुर महानगरपालिका–२७ सुनाकोठीमा बस्ने ३५ वर्षीय रामचन्द्र राईको खुकुरी प्रहार गरेर हत्या गरेको अभियोगमा उनलाई प्रहरीले पक्राउ गरेको हो । हत्या अभियोगमा पक्राउ पर्नेमा खोटाङको साकेला गाउँपालिका–१ घर भई हाल ललितपुर महानगरपालिका–२७ सुनाकोठी बस्ने ४१ वर्षीय राजेन्द्र राई रहेका छन् । प्रहरीका अनुसार राजेन्द्रले खुकुरी प्रहार गर्दा रामचन्द्रको घटनास्थलमै मृत्यु भएको थियो । घटनाबारे सूचना पाएपछि प्रहरी वृत्त चापागाउँ र जिल्ला प्रहरी परिसर ललितपुरबाट खटिएको प्रहरीले राजेन्द्रलाई पक्राउ गरेको हो । प्रहरीको प्रारम्भिक अनुसन्धानबाट रामचन्द्रले हेपेर बोल्ने गरेको र राजेन्द्रकी श्रीमती समेतलाई अपशब्द बोलेको विषयलाई लिएर वादविवाद हुदाँ राजेन्द्रले खुकुरी प्रहार गरी हत्या गरेको खुलेको छ । थप अनुसन्धान भइरहेको प्...

खोटाङ, कात्तिक १४ । वि.सं. २०४१ सालबाट राजनीति शुरु गर्नुभएका रामकुमार राई ‘पासाङ’ आगामी मङ्सिर–४ गते हुने प्रतिनिधिसभा तथा प्रदेशसभा सदस्य निर्वाचन अन्तरगत खोटाङबाट प्रतिनिधिसभा सदस्यका लागि उम्मेदवार हुनुहुन्छ । नेकपा (माओवादी केन्द्र)का पोलिटब्यूरो सदस्य एवम् १ नं. प्रदेश सरकार, खानेपानी, सिचाइँ तथा उर्जामन्त्री पासाङ बाम–लोकतान्त्रिक गठबन्धनको तर्फबाट साझा उम्मेदवार हुनुभएको हो । वि.सं. २०६४ सालमा भएको पहिलो संविधानसभा सदस्यको निर्वाचनमा तत्कालीन नेकपा माओवादीबाट खोटाङ क्षेत्र नम्बर १ बाट प्रत्यक्ष निर्वाचित सभाषद बन्नुभएका पासाङ वि.सं. २०७४ सालमा भएको प्रतिनिधिसभा तथा प्रदेशसभा निर्वाचनमा प्रदेशसभा (ख)बाट निर्वाचित हुनुभएको थियो । खोटाङको साकेला गाउँपालिका–२ रतन्छामा वि.सं. २०२५ वैशाख–१४ गते जन्मनुभएका पासाङ वि.सं. २०४९ सालबाट भूमिगत राजनीतिमा क्रियाशील हुनुभएको थियो । तत्कालीन नेकप...