Author: रुपाकोट खबर

खोटाङ, असार ७ । केपिलासगढी गाउँपालिकाले आगामि बजेट बारे सबै राजनीतिक दल र संघ संस्थासँग छलफल गरेको छ । आर्थीक वर्ष २०७९/०८० को बजेट ल्याउन लागेको गाउँपालिकाले आज विभिन्न राजनीतिक दलका प्रतिनिधि, संघ संस्थाका प्रतिनिधि, समाजसेवी ब्यापारी लगायत सरोकारवालाहरुसँग गलफल गरेको हो । आगामि आर्थीक वर्षकालागि गाउँपालिकाले के कस्ता कार्यक्रम सञ्चालन गर्ने र कस्ता योजनालाई छनोट गर्ने भन्ने विषयमा छलफल भएको गाउँपालिकाले जनाएको छ । छलफलमा उपस्थित प्रतिनिधिहरुले कृषि, स्वास्थ्य, शिक्षा र सडक पुर्वाधारलाई विशेष ध्यान दिएर बजेट निर्माण गर्न सुझाव दिएका छन् । बजेटले भ्याएसम्म सबैका सुझाव र नागरिकको आवश्यकतालाई मध्यनजर गर्दै आर्थीक वर्ष २०७९/०८० को कार्यक्रम नीति तथा कार्यक्रम ल्याएर केपिलासगढी गाउँपालिकालाई नमुना स्थानीय निर्माण गर्ने पालिका अध्यक्ष समिर राईले बताउनुभयो ।...

खोटाङ, असार ७ । हरेक आन्दोलनमा अग्रसर हुँदै नेपाली कांग्रेसमा जीवन बिताउनु भएका ७८ वर्षिय नृप बहादुर चम्लागाई कांग्रेसको खोटाङ जिल्ला सदस्यमा मनोनीत हुनुभएको छ । जिल्लाको जन्तेढुंगा गाउँपालिका–४ डम्र्बखु शिवालयमा जन्मीएर लामो समय कांग्रेसमा योगदान दिनुभएका चम्लागाईलाई जिल्ला सभापति बिष्णुकुमार राईले पत्र दिदै जिल्ला सदस्यमा मनोनीत गर्नुभएको हो । नेपाली कांग्रेसको नियामावली २०७६ को दफा ५६ (२) अनुसार उहाँलाई जिल्ला कार्य समिति सदस्यमा मनोनीत गरिएको पत्रमा उल्लेख छ । साविकको डम्र्बखु शिवालय गाउँ विकास समितिको करीब २० वर्ष कांग्रेसको सभापति सम्हाल्नु भएका चम्लागाई परिवर्तनकालागि कांग्रेसले गरेको हरेक आन्दोलनमा अग्रसर भएर लाग्नु भएको नेपाली कांग्रेसका नेताहरु बताउछन । वि.स. २०७४ सालमा भएको स्थानीय तहको चुनावमा वडाध्यक्षको टिकट पाउनु भएका चम्लागाईले युवालाई अगाडि सार्नु पर्छ भन्दै टिकट समेत हस...

खोटाङ, असार ७ । खोटाङको हलेसी तुवाचुङ नगरपालिकाले आगामि बजेट बारे सर्वदलीय छलफल गरेको छ । आर्थीक वर्ष २०७९/०८० को बजेट ल्याउन लागेको नगरपालिकाले आज नगरपालिकाको सभाहलमा सर्वदलीय छलफल गरेको हो । सबैको राय, सल्लाह र सुझावले नागरिकको आधारभूत आवश्यकता, पारदर्शिता र सुशासन कायम गर्न सकिने भएको कारण सर्वदलीय छलफल गरिएको मेयर विमला राईले बताउभयो । मेयर राईले भन्नुभयो, “निर्णय गर्ने ठाउँमा जनप्रतिनिधि छौँ तर सबैको सल्लाह र सुझाव अनुसार चलियो भने हरेक क्षेत्रमा राम्रो हुने भएकाले हामीले सर्वदलीय बैठक आह्वान गरेका हौँ ।” आज सम्पन्न सर्वदलीय बैठकमा नेपाली कांग्रेस, नेकपा एमाले, नेकपा माओवादी केन्द्र, जनता समाजवादी, एकीकृत समाजवादी लगायतका पार्टीका नगर सभापति एवं पार्टी प्रतिनिधिहरुले सल्लाह सुझाव राख्नु भएको थियो । सबै जनतालाई समान हुने गरी बजेट बिनियोजन, ब्यवहारिक शिक्षा, आधुनिक कृषी, माटो परिक्षण ...

खोटाङ, असार ७ । खोटाङका नव गायक राज बस्नेतको “बुढेशकालैमा” बोलको गीत सार्वजनिक भएको छ । रावा बेसी गाउँपालिका–४ डुम्रेधारापानीमा जन्मिएर सांगितिक दुनियाँमा होमिएका बस्नेत आफ्नो दोस्रो गीतका रुपमा “बुढेशकालैमा” लिएर बजारमा आएका हुन् । गीतमा आवाज, शब्द र संगीत बस्नेतको रहेको छ भने संगीत संयोजन फोसिलले गरेका छन् । “बुढेशकालैमा” बोलको बस्नेतको नयाँ गीत राज बस्नेत नामक युटुव च्यानलमा हेर्न सकिनेछ ।...

खोटाङ, असार ६ । खोटाङको हलेसी तुवाचुङ नगरपालिकाले सबै विद्यालयको अर्धवार्षिक र वार्षिक परिक्षा नगरले लिने निर्णय गरेको छ । विद्यार्थीको क्षमताको निष्पक्ष मुल्याङकनकालागि नगर कै मातहतमा परिक्षा सञ्चालन गर्ने निर्णय गरिएको नगरपालिकालले जनाएको छ । विद्यालय आफैले प्रश्नपत्र बनाएर उत्तरपुस्तिका पनि आफैले परिक्षण गर्दा विद्यार्थीको सही मुल्याङकन हुन नसकेको नगर शिक्षा समितिले निष्कर्ष निकालेको छ । त्यसैले आगामि दिनमा नगरपालिका भित्रका सबै विद्यालयमा (एसईई) जस्तै परिक्षा सञ्चालन गरिने सामाजिक विकास समितिका संयोजक एवं वडा नम्बर १ बाहुनिडाँडाका वडाध्यक्ष रुद्रकुमार राईले बताउनुभयो । कक्षा १ देखि ९ सम्मकालागि नै प्रश्नपत्र नगरपालिकाले तयार गर्नेछ । परिक्षाको समयमा पनि हरेक विद्यालयमा फरक विद्यालयका शिक्षक परिक्षा नियन्त्रक बनाएर परिक्षा सञ्चालन गरिने छ भने उत्तरपुस्तिका पनि नगरपालिकाकै मातहतमा परिक...

खोटाङ, असार ५ । खोटाङको हलेसी तुवाचुङ नगरपालिका–१ बाहुनिडाँडा वडा कार्यालय र स्वास्थ्य चौकीको भवन चर्किएको छ । लगातारको हावाहुरी सहितको वर्षाको कारण भवन चर्किएको वडाध्यक्ष रुद्र कुमार राईले बताउनुभयो । बाहुनिडाँडाको वडा कार्यालय र स्वास्थ्य चौकी एउटै भवनबाट सञ्चालन भइरहेको छ । वर्षाका कारण भवन चर्किएपछि अहिले जोखिम मोलेर नागरिकलाई सेवा दिन बाध्य भएको राईको भनाइ छ । राईले भन्नु भयो, “केही दिन अगाडि लगातार हावाहुरी सहित वर्षा भयो । हावाहुरीको कारण छड्के पानीपरेपछि भवनको ३/४ ठाउँ चर्किएको छ । अन्य भवन नहुँदा अहिले वडा कार्यालय र स्वास्थ्य चौकी सोही भवनमा सञ्चालन गर्न बाध्य छौँ तर कुन दिन भत्किन्छ टुंगो छैन ।” वि.स. २०६२ सालमा निर्माण गरिएको तत्कालीन गाउँ विकास समितिको उक्त भवनमा अहिले दुई कोठा बनाएर एउटा कोठा वडा कार्यालय र एउटा कोठा स्वास्थ्य चौकीकालागि प्रयोग गरिएको छ । बाहिरि गारो चर्किए...

खोटाङ, असार ५ । खोटाङको रावा बेसी गाउँपालिका–३ लामिडाँडाको खेल मैदान व्यक्तिको नाममा रहेको पाइएको छ । सुरुमा संस्थाको नाममा जग्गा नामसारी गर्दिने भनेर मैदान निर्माण गरेपनि हाल सम्म व्यक्तिकै नाममा जग्गा रहेको खुलेको हो । लामिडाँडा स्थित पात्लेमा खेल मैदान निर्माण भइरहेको छ । प्रदेश नम्बर १ सरकारबाट विनियोजित बजेटबाट निर्माण भइरहेको मैदानको हालसम्म सम्याउने काम सकिएको छ । यस्तै मैदानको तलबाट तारजालीको ग्याबिङ र मैदान अगाडि पनि केही ठाउँमा सिमेन्ट प्लास्टर गरेर माथी उठाउने काम भएको छ । दुई आर्थीक वर्षमा २०/२० लाख गरी जम्मा ४० लाख लगानी भइसकेको मैदानको जग्गा अझै व्यक्तिकै नाममा रहनु शङ्कास्पद रहेको स्थानीयको भनाइ छ । मैदान निर्माण भइरहेको जग्गा केशर बहादुर श्रेष्ठको नाममा रहेको छ । श्रेष्ठको अगाडिनै मृत्यु भइसकेको हो भने जग्गा उहाँको कान्छा छोरोले खेल मैदानकोलागि निशुल्क प्रदान गर्ने घोषणा ...

खोटाङ, असार ४ । खोटाङको हलेसी तुवाचुङ नगरपालिकाका जनप्रतिनिधिलाई वार्षिक नीति तथा कार्यक्रम सम्बन्धि एक दिने अभिमुखिकरण तालिम प्रदान गरिएको छ । निति तथा कार्यक्रम समबन्धि विज्ञ बिके महर्जनले जनप्रतिनिधिहरुलाई आज भर्चुअल माध्यमबाट अभिमुखिकरण तालिम प्रदान गर्नु भएको हो । महर्जचनले भर्चुअल माध्यमबाट अभिमुखिकरण गरेपश्चात नगरपालिकाका प्रमुख विमला राई, उप–प्रमुख रमेश कुमार राउत र निमित्त प्रमुख प्रशासकीय अधिकृत रवि किरण आचर्यले पनि अन्य जनप्रतिनिधिलाई भौतिक उपस्थितीमा अभिमुखिकरण गर्नुभएको नगरपालिकाका प्रवक्ता एवं वडा नम्बर ७ का वडाध्यक्ष कमल गिरीले जानकारी दिनुभयो । नीति तथा कार्यक्रममा के कस्ता कार्यक्रमहरु समेट्ने, कस्ता कार्यक्रमलाई प्रथामिकता दिने लगायतका विषयमा तालिम प्रदान भएको प्रवक्ता गिरीले बताउनुभयो ।  गिरीले भन्नुभयो, “प्राय जनप्रतिनिधिहरु नयाँ छौँ । निर्वाचित भएको केही समय मात्रै भ...

खोटाङ, असार ४ । खोटाङको रावा बेसी गाउँपालिका–६ हौँचुर वडा कार्यालयको सेवा अब चापर्खकबाट लिन सकिने भएको छ । वडा कार्यालय टाढा भएको कारण सास्ती खेपिरहेका पोखरी, चापखर्क र पैयाँका नागरिकले घर छेउबाटै वडाको सेवा पाउने भएका हुन् । साविकाको वडाहरु १ र २का नागरिकलाई वडा सम्म आएर फर्कन दिन नै माया मार्नु पर्ने अवस्था छ । त्यसैले उक्त क्षेत्रका नागरिकको सहजताकालागि अब हरेक महिनाको २ र १५ गते चापखर्क सामुदायिक भवनबाट वडाको सेवा प्रदान गरिने वडाध्यक्ष चिरनञ्जीवि कार्कीले बताउनुभयो । वडाध्यक्ष कार्कीले भन्नुभयो, “संघीयताले गाउँघरमा सिंहदरबार ल्याएको भनिएपनि पैयाँ, चापखर्क र पोखरीका जनतालाई वडा सम्म आएर फर्कन एक दिन नै लाग्ने गरेको छ । त्यसैले उक्त क्षेत्रका नागरिकको सहजताकालागि हामीले उनिहरुको घर छेउमै गएर सेवा दिने निर्णय गरेका छौँ ।” नवनिर्वाचित वडाध्यक्ष कार्कीले आफ्नो चुनाव घोषणा पत्रमा माथिल्लो...

खोटाङ, असार १  - खोटाङको हलेसी तुवाचुङ नगरपालिका–१०, अर्खौलेको वडासचिव नियुक्तिमा लैंगिक विभेद भएको छ । वडाध्यक्ष अर्जुनकुमार पु्रीले महिला कर्मचारीसँग काम गर्न असहज हुने भन्दै पुरुष कर्मचारी माग गरेका हुन् । वडाध्यक्ष पुरीले मंगलबार प्रमुख प्रशासकीय अधिकृतलाई पत्र पठाउँदै वडा सचिव पुरुष नै व्यवस्था गरिदिन माग गरेका हन् । वडाध्यक्ष पुरी एमालेबाट निर्वाचित हुन् । नगरपालिकाले १० नं वडामा सुशीला दाहाललाई हालै सरुवा गरी पठाएको थियो । तर, सोमबार बसेको वडा समितिको बैठकले उनलाई हाजिर नगराई पुरुष कर्मचारी नै माग गर्ने निर्णय गरेको हो । नगरमा पठाएको पत्रमा भनिएको छ, ‘महिला वडा सचिवबाट असजिलो हुने भएको कारणले यस वडामा पुरुष कर्मचारी नै वडा सचिव व्यवस्था गरिदिनुहुन यस वडाको मिति २०७९ जेठ ३० गतेको वडा समिति बैठकको निर्णय अनुसार अनुरोध छ।’ हलेसी तुवाचुङ नगरपालिकाकी मेयर विमला राई हुन् । यही नगरपालि...