स्थानीय

खोटाङ, जेठ ३० । बर्सात सुरु भएसँगै  खोटाङमा धान रोपाइँ सुरु भएको छ । जेठ २८ गतेदेखी लगातार वर्षा हुन थालेपछी किसानले  धान रोप्न सुरु गरेका हुन । दश स्थानीय तह रहेको जिल्लामा प्राय सबै पालिका क्षेत्रमा धान रोपाइँ हुन्छ । बेँसी क्षेत्रमा असार १५ पछि मात्र रोपाइँ गर्ने गरिन्छ । माथिल्लो लेक क्षेत्रमा भने किसानले जेठ अन्तिम देखि रोपाइँ सुरु गर्ने गरेका छन । धान रोप्ने समय भए पनि पानी नपर्दा किसान चिन्तित थिए । २८ गते भारी बर्षा भएपछि सोही मौका छोपेर अहिले किसान रोपाइँमा ब्यस्त भएका छन ।...

खोटाङ, जेठ २७ । स्वास्थ्य बीमा गरेकाहरुले अब हलेसी तुवाचुङ नगरपालिका–५ दुर्छिमबाट पनि सेवा लिन पाउने भएका छन् । नेपाल सरकारको मापदण्ड अनुसार बीमा गरेका ब्यक्तिहरुलाई नगर अस्पताल दुर्छिमबाट सेवा दिने गरी सुरु गरिएको हो । एक परिवारले ३५ सयमा स्वास्थ्य बीमा गरेर एक वर्षसम्म एक लाख बराबरको उपचार सेवा लिन पाउने व्यवस्था छ । यस अघि हलेसी तुवाचुङ नगरपालिकाका नागरिक उक्त सेवा लिन जिल्ला अस्पताल दिक्तेल, छिमेकी जिल्ला ओखलढुंगासँगै अन्यन्त्र जिल्ला जानु पर्ने बाध्यता थियो । शनिबार एक कार्यक्रमकासाथ नगरपालिकाले नगर अस्पताल दुर्छिमबाट उक्त सेवा दिन सुरु गरेको हो । नगरपालिकाको जोडबलले दुर्छिमबाट स्वास्थ्य बीमा गरेकाहरुलाई मापदण्ड अनुसारको निःशूल्क सेवा प्रदान गर्न सुरु गरिएको मेयर विमला राईले बताउनुभयो । नगर अस्पताल दुर्छिमबाट प्रथम सेवा विन्दुको कार्यक्रम सुरु भएसँगै नागरिकले घरआगनमै सेवा लिन पाउदा ...

खोटाङ, जेठ २५ । खोटाङको दिक्तेलबजारमा आगो निभाउने  यन्त्रको उद्घाटन गरिएको छ । दमकलको विकल्पमा प्रयोग गर्नेगरी अग्नि नियन्त्रण यन्त्र (फायर हाइड्रेन्ट) बिहिबार संस्कृति, पर्यटन तथा नागरिक उड्यान मन्त्री सुदन किरातीले उद्घाटन गर्नुभएको हो । आगलागीमा समयमा पाईपबाट पानीको फोहोरा फालेर दमकलकै सट्टामा प्रयोग गर्नेगरी दिक्तेलबजारमा फायर हाइड्रेन्ट बनाइएको छ । आगलागीका बेला पानीको फोहरा फालेर दमकल सरह उपयोग गर्नेगरी रम्बाखोला–माझ खोला साना शहरी खानेपानी तथा सरसफाई उपभोक्ता संस्थाले बनाएको हो । दिक्तेल बजारको विभिन्न १० स्थानमा फायर हाइड्रेन्ट गेट भल्भ राखिएको छ । बजारमा आगलागिका ठुला घटना हुन नदिन फायर हाइड्रेन्ट बनाइएको रम्बाखोला–माझ खोला साना शहरी खानेपानी तथा सरसफाई उपभोक्ता संस्थाका अध्यक्ष नवराज जोशीले बताउनुभयो । दिक्तेलबजारको किरातचोक, रत्नपार्क, संगमपार्क, सल्लेरीटोल, त्रिबेणीचोक, बैंक...

खोटाङ, जेठ २४ । हलेसी तुवाचुङ नगरपालिका–८ धितुङका स्वयंसेविकाहरुको निःशूल्क स्वास्थ्य बिमा गरिएको छ । धितुङ वडा कार्यालयले वडाका सबै १२ जना महिला स्वास्थ्य स्वयंसेविकाहरुको निःशूल्क बिमा गरिदिएको जनाएको छ । स्वयंसेविकाहरुको स्वास्थ्य सुरक्षालाई मध्यनजर गरेर बिमा गरिएको वडाध्यक्ष टेकराज राईले बताउनुभयो । ‘नागरिकको घरदैलोमा खटिएर स्वास्थ्य सेवा प्रवाह गर्ने स्वयंसेविकाहरुको आफ्नै स्वास्थ्य जोखिम हुन्छ । त्यसैले उहाँहरुको निःशूल्क स्वास्थ्य बिमा वडाले गरिदिएको छ ।’ अध्यक्ष राईले भन्नुभयो । स्वयंसेविकाहरुलाई बुधबार वडाले एक कार्यक्रमका बीच झोलासमेत बितरण गरेको छ । यस्तै, धितुङ स्वास्थ्य चौकीलाई वडाले प्रोजेक्टर र ल्यापटप प्रदान गरेको छ । जनस्वास्थ्य कार्यक्रमका लागि आवश्यक परेकाले वडाले १ लाख ५० हजार बराबरको १/१ वटा प्रोजेक्टर र ल्यापटप प्रदान गरेको वडाध्यक्ष राईले बताउनुभयो । विद्यालयसँगै व...

खोटाङ, जेठ २४ । खोटाङको केपिलासगढी गाउँपालिका पूर्ण खोप सुनिश्चितता पालिका घोषणा भएको छ । खोप उमेर समुहका सबै बालबालिकाले सम्पूर्ण खोपको मात्रा पूरा गरेको सुनिश्चित भएपछि गाउँपालिकालाई मंगलबार एक कार्यक्रमका साथ पूर्ण खोप सुनिश्चितता पालिका घोषणा गरिएको हो । नेपाल सरकारले निःशूल्क प्रदान गर्ने १३ प्रकारका खोप केपिलासगढी गाउँपालिका भित्रका सबै बालबालिकाले लगाएसँगै मंगलबार जिल्ला समन्वय प्रमुख सन बहादुर राई, स्वास्थ्य कार्यालय प्रमुख पुण्यप्रसाद सिक्देलले गाउँपालिका अध्यक्ष समिर राईलाई पूर्ण खोप सुनिश्चितताको प्रमाणपत्र प्रदान गर्नुभएको हो । घर सर्वेक्षणमा गाउँपालिकाका धेरै बालबालिका खोप लगाउन छुटेको पाइएको छ । उक्त छुटेका बालबालिकालाई यो वर्ष गाउँपालिकाले सबै मात्राको खोप दिएको जनाएको छ । ० देदि १५ महिनासम्मका २ जना बालबालिकाले कुनै पनि खोप नलगाएको र १ जनाको बीचैमा छुटेको पाइएको थियो । उन...

खोटाङ, जेठ २३ । नेकपा एमालेको विद्यार्थी संगठन अनेरास्ववियुको खोटाङ जिल्ला सम्मेलन आगामी असोजमा हुने भएको छ । मंगलबार बसेको अनेरास्ववियुको बैठकले २४ औं जिल्ला सम्मेलन असोजको पहिलो साता गर्ने निर्णय गरेको हो । मंगलबारको बैठकलले जिल्ला सम्मेलनको लागि आयोजक कमिटिसमेत गठन गरेको छ । कमिटिको संयोजकमा अनेरास्ववियु खोटाङका वर्तमान उपाध्यक्ष यम खड्का र सह–संयोजकमा सचिव विष्णु उपरकोटी रहेका छन् ।...

खोटाङ, जेठ २३ गते । खोटाङको रावा बेसी गाउँपालिकाले विधुर भत्ता दिन थालेको छ । श्रीमतीको मृत्यु भएका ४५ वर्ष माथिका एकल पुरुषहरुलाई पालिकाले मासिक एक हजार विधुर भत्ता दिन थालेको हो । स्थानीय तहको दोस्रो निर्वाचन पश्चात पहिलो कार्यापालिकाको बैठकलले विधुर भत्ता दिने निर्णय पारित गरेको थियो । सोही अनुसार २०७९ साउन १ गते देखि लागु हुने गरी गाउँपालिकाले कार्यविधि निर्माण गरेर भत्ता प्रदान गरेको छ । साउन १ गते देखिको एकमुस्टमा जेठ २२ गते (सोमबार) विधुर भत्ता प्रदान गरिएको गाउँपालिकाका पञ्जिकरण शाखा प्रमुख गिरिराज रानाले जानकारी दिनुभयो । ६ वडा रहेको पालिकामा पहिलो चरणमा २४ जनाले विधुर भत्ता पाएका छन् । उनिहरुलाई सोमबार गाउँपालिकाका अध्यक्ष फटिक कुमार श्रेष्ठ, उपाध्यक्ष कौशिला कुमारी गुरुङ, वडाध्यक्षहरु गेहेन्द्रमान राई, डोलराज बस्नेत र चिरञ्जीवी कार्कीले संयुक्त रुपमा भत्ताको चेक हस्तान्तरण गर्...

खोटाङ, जेठ २३ । हलेसी तुवाचुङ नगरपालिका–८ धितुङमा भएको वडा स्तरीय भलिबलको उपाधि धितुङले जितेको छ । वडा कार्यालयको आयोजनामा भएको खुल्ला वडा स्तरीय भलिबल प्रतियोगिताको उपाधि आयोजक टिम धितुङले जितेको हो । वडाको खेल मैदान लावाचुङ मैदानमा सोमबार सम्पन्न फाइनल खेलमा धितुङकै अर्को टिमलाई पराजित गर्दै धितुङ (ए) ले उपाधि आफ्नो पक्षमा पारेको हो । उपाधि जितेको धितुङ (ए) ले नगद २० हजारको सामथा मेडल र प्रमाणपत्र पाएको छ । दोस्रो भएको धितुङ कात्तिकेले नगद १५ हजारको साथमा मेडल र प्रमाणपत्र र तेस्रो हुने टिम दुर्छिमले नगद १० हजारसँगै मेडल र प्रमाणपत्र पाएको धितुङका वडाधयक्ष टेकराज राईले बताउनुभयो । प्रतियोगितामा ९ टिमले सहभागि जनाएका थिए । अर्को वर्षबाट वडाध्यक्ष कप आयोजना गर्ने योजना रहेको वडाध्यक्ष राईको भनाइ छ ।...

राजकुमार सरगम खोटाङ, जेठ १७ । खोटाङको ऐसेलुखर्क गाउँपालिका–३ धोद्रेमा सञ्चालन भएको ७६ लाख ४० हजारको मौरी ब्लकमा ३ घारमा मात्र मौरी छन् । प्रधानमन्त्री कृषि आधुनिकीकरण परियोजना अन्तरगत कृषि ज्ञान केन्द्र खोटाङको ५० प्रतिशत अनुदानमा सञ्चालित मौरी ब्लक कार्याक्रम सम्झौतामा सिमित देखिएको छ । दुई आर्थिक वर्षमा कृषि ज्ञानकेन्द्रबाट मौरी ब्लकका लागि ३८ लाख २० हजार भुक्तानी भएको छ । सेवाग्राहीकोतर्फबाट ५० प्रतिशत जोड्दा ७६ लाख ४० हजारमा मौरी ब्लक कार्यक्रम सम्झौता भएको हो । ऐसेलुखर्क बहुउद्धेश्यीय कृषि वन नर्शरी तथा पशुपालन फर्मबाट सञ्चालन भएको ऐुेलुखर्क मौरी ब्लक विकास समितिको ब्लकमा अहिले ३ घारमा मात्र मौरी छन् । ब्लकमा जम्मा २२ घार राखिएको छ । ३ घारमा मौरीहुँदा अन्य घार खाली छन् । २ वटा घार निर्माण पुरा भएको देखिदैन, १ वटा घार हावाले उडाएर तल्लो गरामा झारेको देखिन्छ । मौरी ब्लकका लागि पहिलो ...

खोटाङ, जेठ १६ । खोटाङका दश स्थानीय तहले संघीय सरकारबाट आगामी आर्थिक वर्ष २०८०/०८१ मा ३ अर्ब ६९ करोड २० लाख बजेट प्राप्त गरेका छन् । चालुतर्फ ३ अर्ब २४ करोड ४९ लाख र पुँजीगततर्फ ४४ करोड ७१ लाख गरी जम्मा ३ अर्ब ६९ करोड २० लाख बजेट प्राप्त गरेका हुन् । दिक्तेल रुपाकोट मझुवागढी नगरपालिकाले सबै भन्दा धेरै रकम पाएको छ । चालुतर्फ ६१ करोड ५९ लाख र पुँजीगततर्फ ८ करोड ३४ लाख गरी जम्मा ६९ करोड ९३ लाख रकम संघीय सरकारबाट दिक्तेल रुपाकोट मझुवागढी नगरपालिकाले पाएको हो । यस्तै, हलेसी तुवाचुङ नगरपालिकाले चालुतर्फ ४३ करोड ४ लाख र पुँजीगततर्फ ४ करोड ७३ लाख गरी जम्मा ४७ करोड ७७ लाख रकम पाएको छ । खोटेहाङ गाउँपालिकालाई चालुतर्फ ३५ करोड ८७ लाख र पुँजीगततर्फ ६ करोड ४८ लाख गरी जम्मा ४२ करोड ४५ लाख, ऐसेलुखर्क गाउँपालिकालाई चालुतर्फ ३० करोड ९ लाख र पुँजीगतर्फत २ करोड ३५ लाख गरी जम्मा ३२ करोड ४४ लाख, केपिलासगढी गाउ...