स्थानीय

खोटाङ, फागुन ११ । खोटाङको केपिलासगढी गाउँपालिकामा भएको पालिका स्तरीय अन्तर माध्यमिक विद्यालय राष्ट्रपति रनिङ शिल्डको उपाधि पृथ्वी माध्यमिक विद्यालय बाक्सिलाले जितेको छ । गाउँपालिका भरीका आठ वटा माविको सहभागिता प्रतियोगितामामा सुर्य मावि सुङदेल दोस्रो भएको छ । १९ स्वर्ण, ८ रजत र ३ कास्य सहित प्रतियोगितामा पहिलो बनेको पृथ्वी माविले नगद ४० हजारका साथमा शिल्ड, मेडल र प्रमाणपत्र प्राप्त गरेको छ । सुर्य मावि सुङदेल ५ स्वर्ण, ८ रजत र ६ कास्य ल्याएर दोश्रो भएको छ । सुक्रजित मावि खार्ताम्छाले ५ स्वर्ण, २ रजत र ३ कास्य ल्याएर तेश्रो भएको गाउँपालिकाले जनाएको छ । दोश्रो भएको सुर्य माविले ३० हजार र तेश्रो हुने सुक्रजित माविले २० हजारका साथमा शिल्ड, मेडल, प्रमाणपत्र प्राप्त गरे भने, सहभागी अन्य पाँच विद्यालयले आवतजावत तथा व्यवस्थापन खर्च स्वरुप जनही १५ हजार र सहभागिताको प्रमाणपत्र पाएको शिक्षा संयोजक ...

खोटाङ, फागुन ११ । कार्यसम्पादन सुचक मूल्यांकनमा खोटाङको १० स्थानीय तहमध्ये दिक्तेल रुपाकोट मझुवागढी नगरपालिका पहिलो बनेको छ । राष्ट्रिय प्राकृतिक श्रोत तथा वित्त आयोगले प्रकाशित गरेको कार्यसम्पादन सूचक मूल्यांकन प्रतिबेदन अनुसार नगरपालिका ६६.७८ अंक प्राप्त गरेर पहिलो बनेको हो । यस्तै, आयोगका अनुसार दिप्रुङ चुइचुम्मा गाउँपालिकाले ५९.८४ अंक प्राप्त गरेको छ । दिरुमनपा पछि दोस्रो स्थानमा दिप्रुङ चुइचुम्मा रहेको आयोगले जनाएको छ । जन्तेढुंगा गाउँपालिकाले भने जिल्लाको सबैभन्दा कमजोर देखिएको छ । प्रकाशित कार्यसम्पादन सूचक मूल्यांकन प्रतिबेदन अनुसार जन्तेढुंगा गाउँपालिकाले सबैभन्दा कम ४४.०८ अंक ल्याएको छ । अन्य स्थानीय तहले क्रमस ऐसेलुखर्क गाउँपालिकाले ५७.७८ अंक, हलेसी तुवाचुङ नगरपालिकाले ५५.३० अंक, खोटेहाङ गाउँपालिकाले ५१.७० अंक प्राप्त गरेको छ । यस्तै, साकेला गाउँपालिकाले ५१.१३ अंक, रावाबेँसी ग...

खोटाङ, फागुन ११ । खोटाङको दिप्रुङ चुईचुम्मा गाउँपालिकामा नेपाल शिक्षक संघ आन्दोलनमा उत्रिएको छ । शिक्षिकालाई राजनीतिक आस्थाको आधारमा अपायक पर्ने ठाउँमा सरुवा गरेको भन्दै संघ आन्दोलनमा उत्रिएको हो । दिप्रुङ चुईचुम्मा गाउँपालिका–४ बतासेस्थित राम्चे निकेतन मावि इजारामा प्राशि तृतीय (राहत दरवन्दी) पदमा कार्यरत शिक्षिक विमला पौडेललाई दिप्रुङ चुईचुम्मा गाउँपालिका–२ डाँडागाउँस्थित सितला माबि ओख्रेमा सरुवा गरिएको थियो । राजनीतिक आस्थाको सरुवा गरिएको भन्दै शिक्षक संघले संघर्ष समिति र एकीकृत अखिल नेपाल शिक्षक संगठनसँगको सहकार्यमा चरणवद्ध आन्दोलन घोषणासमेत गरेका छन् । विरोधमा उत्रिएको शिक्षक संगठनले फागुन ११ र १२ गते गाउँपालिकाको कार्यालय अगाडि बिहान १० बजेदेखि अपरान्ह ४ बजेसम्म धर्ना दिने जनाएको छ । सोही अनुसार बिहिबार संगठनमा आबद्ध शिक्षकहरु धर्नामा बसेका छन् । फागुन १३ गतेदेखि १५ गतेसम्म रिले अन...

खोटाङ, फागुन ११ । फागुन २४ र २५ गते दिक्तेलमा मृगौला सम्बन्धि शिविर सञ्चालन हुने भएको छ । अन्तर्राष्ट्रिय मृगौला दिवसको अवसरमा निःशुल्क मृगौला रोग सम्बन्धि दुई दिने चेकजाँच शिविर सञ्चाालन गर्न लागिएको बताइएको छ । दिक्तेल रुपाकोट मझुवागढी नगरपालिकाको आयोजना तथा स्वास्थ्य कार्यालय र नेपाल रेडक्रस सोसाइटी शाखा खोटाङको सहआयोजनामा शिविर सञ्चालन हुने भएको हो । सरस्वती मावि दिक्तेलको प्राङ्गणमा फागुन २४ गते बिहान ८ बजेबाट सञ्चालन गरिने शिविरमा मृगौला प्रत्यारोपण केन्द्र बनस्थली काठमाडौंका संस्थापक नेपालका वरिष्ठ मृगौला रोग विशेषज्ञ डा. ऋषिकुमार काफ्लेको नेतृत्वमा आएको टोलीले मृगौला रोग सम्वन्धी चेकजाँच गर्ने नगरप्रमुख तीर्थराज भट्टराईले बताउनुभयो । पछिल्लो समय जीवनशैली र खानपानमा आएको परिवर्तनसँगै मृगौला रोगको समस्या बढ्दै गएकोले समयमा नै रोग तथा समस्याको पहिचान गर्न शिविरको आयोजना गरिने भएको न...

खोटाङ, फागुन ८ । खोटाङमा ८३ वर्षिय वृद्ध विगत साढे दुई वर्षयता छाप्रोमा जीवन बिताइरहेको पाइएको छ । केपिलासगढी गाउँपालिका–३ बासपानी खोक्माका एकल तथा अशक्त वृद्ध जिरे राई ओछ्यानमै दिसापिसाव गर्ने अवस्थामा सामान्य छाप्रोमा जीवन बिताइरहेका छन् । जसको अगाडी पुग्दा मानिसको जीवन पनि यस्तो दर्दनाक अवस्थामा पुग्छर भन्ने लाग्नु स्वाभाबिक जस्तै छ । अढाई वर्षदेखि सुँगुरको खोरजस्तो छाप्रोमा राखिएका वृद्ध जसको दृष्टि गुमेको छ । तर दृष्टि हुनेहरुले पनि उनलाई अहिलेसम्म देखेका छैनन् । विगत आठ वर्षदेखि आँखाको दृष्टि गुमाएका राई तीन वर्षदेखि ओछ्यानमै दिसापिसाव गर्ने अवस्थामा पुगेका छन् । आफन्तकोमा बस्दै आएका राई दिसापिसाव नै ओछ्यानमा हुन थालेपछि आफन्तले अलग्गै छाप्रो बनाएर राखिदिएका छन् । विवाह नगरी बसेका राई वृद्धावस्थामा पुगेसँगै हिँडडुल गर्न सक्दैनन् । वृद्धावस्थामा उनी भतिजो निरकुमार राईको रेखदेखमा बस्...

खोटाङ, फागुन ८ । खोटाङको रावा बेसी गाउँपालिका–१ कुभिण्डेस्थित रत्न राज्य लक्ष्मी माध्यमिक विद्यालयले आफ्नो ६० औँ जन्मजयन्ती अर्थात हीरक महोत्सव मनाएको छ । विद्यालयले चार दिनसम्म विभिन्न कार्यक्रम सञ्चालन गरेर मनाएको हीरक महोत्सवमा वडा स्तरीय भलिबल प्रतियोगितादेखि राष्ट्रिय कलाकारहरुको प्रस्तुतिसम्म रहेको थियो । प्रतिनिधि सभा सदस्य राम कुमार राई (पासाङ) ले बिहिबार उद्घाटन गर्नुभएको कार्यक्रमको आइतबार समापन प्रतिनिधि सभा सदस्य सरस्वती बजिमयले गर्नुभएको छ । हीरक महोत्सवमा आयोजना गरिएको गाउँपालिका भित्रका वडा स्तरीय भलिबल प्रतियोगिताको उपाधि वडा नम्बर ४ डुम्रे धारापानीले जितेको छ । यस्तै वडा नम्बर १ कुभिण्डे दोस्रो भएको छ भने वडा नम्बर ५ दुवेकोल तेस्रो हुन सफल भएको छ । प्रथम, दोस्रो र तेस्रो समुहलाई क्रमस रु २५, २० र १० हजार नगदको साथमा शिल्ड, मेडल प्रमाणपत्र प्रदान गरिएको कुभिण्डेका वडाध्यक्...

खोटाङ, फागुन ७ । खोटाङको केपिलासगढी गाउँपालिकामा पालिका स्तरीय राष्ट्रपति रनिङ शिल्ड प्रतियोगिता सुरु भएको छ । गाउँपालिका केन्द्र तथा वडा नम्बर ४ बाक्सिलास्थित पृथ्वी माध्यमिक विद्यालयको खेलमैदानमा प्रतियोगिता आईतबारबाट सुरु भएको हो । प्रतियोगिताको केपिलासगढी गाउँपालिका अध्यक्ष समिर राई र उपाध्यक्ष गुरुराज राईले संयुक्त रुपमा उद्घाटन गर्नुभएको थियो । तीन दिने प्रतियोगितामा छात्राछात्रतर्फ १५ विद्यामा अर्थात ३० स्वर्ण पदका लागि प्रतिस्पर्धा हुनेछ । जसमा १००, २००, ४००, ८००, १५००,३००० मिटरको दौड, रिले दौड दुई, सटफुट, ज्याबलिङ थ्रो, हाइजम्प, लङजम्प, त्रिपाल जम्प, भलिवल र कबड्डी प्रतिस्पर्धा हुने गाउँपालिकाले जनाएको छ । प्रतियोगितामा गाउँपालिकाभरीका आठ वटा माविको सहभागिता छ । राष्ट्रपति रनिङ शिल्ड प्रतियोगिताका लागि संघीय सरकारको सशर्त बजेट एक लाख र गाउँपालिकाको चार लाखसहित ५ लाखमा प्रतियोगित...

खोटाङ, फागुन ७ । खोटाङको हलेसी तुवाचुङ नगरपालिकाले चालु आर्थीक वर्ष २०७९/०८० को पुस ३० गतेसम्म २८ प्रतिशत बजेट खर्च गरेको छ । नगरपालिकाले शनिबार अर्ध वार्षिक सार्वजनिक सुनुवाइ गर्दै पुस मसान्तसम्म २८ दशमलव ७४ प्रतिशत मात्र बजेट खर्च भएको जनाकारी दिएको छ । नगरपालिकाले विनियोजन गरेको रु ६९ करोड ५५ लाख ४४ हजार ५० रुपैयाँमा अर्ध वार्षिक अर्थात पुस मसान्तसम्म रु १९ करोड ९९ लाख ३२ हजार ८ सय ३६ रुपैयाँ २९ पैसा खर्च भएको विवरण नगरपालिकाले सार्वजनिक सुनुवाइमा प्रस्तुत गरेको हो । नगरपालिकामा हालसम्म भएको काम र बजेट खर्चको विषयमा सबै शाखागत प्रमुखहरुले प्रस्तुत गर्नुभएको थियो । नगरपालिकामा भएका कामहरु सबैलाई जानकारी गराउन त्यसको पारदर्शिताका लागि नगरपालिकाले सार्वजनिक सुनुवाइ गरेको उपमेयर रमेशकुमार राउतले बताउनुभयो । अर्ध वार्षिक रुपमा वा वर्षमा एक पटक स्थानीय तहले सार्वजनिक सुनुवाइ गर्नै पर्ने कान...

खोटाङ, फागुन ५ । खोटाङको जन्तेढुंगा गाउँपालिकामा २ लाख ५५ हजार पुरस्कार राशिको ‘प्रथम जन्तेढुंगा आमन्त्रित गोल्डकप’ हुने भएको छ । आगामि वैशाख २ गतेदेखी ९ गतेसम्म जिल्लाकै सर्वाधिक राशिको गोल्डकप जन्तेढुंगा गाउँपालिकाका–५ खर्क खेलमैदानमा आयोजना हुने गाउँपालिकाले शुक्रबार पत्रकार सम्मेलनमार्फत जानकारी दिएको छ । जन्तेढुंगा गाउँपालिका र जन्तेढुंगा खेलकुद विकास समितिको संयुक्त आयोजनामा हुन लागेको प्रतियोगिताको प्रथम हुने टिमले रु २ लाख ५५ हजार ५ सय नगदसहित कप, मेडल, प्रमाणपत्र प्राप्त गर्ने छन् । दोश्रो हुने टिमले १ लाख ५५ हजार ५ सय नगदसहित कप, मेडल र प्रमाणपत्र प्राप्त गर्नेछन् । यस्तै, सेमिफाइनलिष्ट दुई टोलीले नगद रु ५०–५० हजारका साथमा प्रमाणपत्र प्राप्त गर्ने आयोजकले जनाएको छ । विद्यातर्फ बेष्ट स्टाइकरलाई, बेष्ट गोल्डकिपर, बेष्ट डिफेण्डरलाई नगद रु १० हजार र म्यान अफ द म्याचलाई नगद रु ५ हजा...