स्थानीय

खोटाङ, असोज ३ । संविधान दिवसका अवसरमा खोटाङ कारागारबाट ५ कैदबन्दी रिहा भएका छन् । विभिन्न अपराध मुुद्दामा कैद भुक्तान गरिरहेका उनीहरूले राष्ट्रपति विद्यादेवी भण्डारीबाट बाँकी कैद मिनाहा पाएका हुन् । ५० प्रतिशत कैद सजाय भुक्तान गरिसकेका र असल चालचलन भएका कैदीबन्दीको बाँकी कैद सजाय मिनाहा गरी रिहा गर्ने सरकारी नियमअनुसार संविधान दिवसका अवसरमा ५ पुरुषको कैद मिनाहा भएको निमित्त जेलर सोमप्रसाद आचार्यले जानकारी दिनुुभयो । रिहा हुनेहरुमा कर्तव्य ज्यान मुद्दाका भक्तबहादुर राई र रत्नबहादुर थापा रहेका छन् । यस्तै, ज्यान मार्ने उद्योगका धनबहादुर राई, हातहतिया मुद्दाका मनकाजी राई र सवारी ज्यान मुुद्दाका भविन बस्नेत रहेका आचार्यले बताउनुभयो । संविधान दिवसको अवसरमा खोटाङका ५ सँगै राष्ट्रपति विद्यादेवी भण्डारीले देशभरका ६ सय ८१ जना कैदी–बन्दीको कैद कट्टा र २१ जनाको सजाय माफी गर्नुभएको हो ।...

खोटाङ, असोज २ । विद्युत महसुल नबुझाउने खोटाङका ग्राहकको लाइन काटिने भएको छ । नेपाल विद्युत प्राधिकरण दिक्तेल वितरण केन्द्रले सूचना जारी गर्दै महसुल नतिर्ने ग्राहकको लाइन असोज ४ देखि ७ गतेसम्म धमाधम काटिने जनाएको छ । ‘नेपाल विद्युत प्राधिकरणको विद्युत महसुल संकलन विनियमावलीमा मिटर रिडिङ गरेको ६० औँ दिनसम्म विद्युत महसुल नबुझाएमा विना सूचना जुनसुकै समयमा लाइन काटिने व्यवस्था छ । सोही व्यवस्था बमोजिम समयमै महसुल नबुझाउने ग्राहकको लाइन धमाधम काटिने छ ।’ सूचनामा लेखिएको छ । मिटर रिडिङ भएको ७ दिन भित्र महसुल बुझाउनेलाई २ प्रतिशत छुट समेत रहेको प्राधिकरणले जनाएको छ । महसुल अनलाइनबाट पनि बुझाउन मिल्ने व्यवस्था नेपाल विद्युत प्राधिकरण दिक्तेल वितरण केन्द्रले गरेको छ ।...

खोटाङ, असोज २ । तीन वर्ष भित्रमा खोटाङमा १ सय ८३ जनाले आत्महत्या गरेका छन् । आर्थीक वर्ष २०७६/७७ देखि ०७८/७९ भित्रमा जिल्लाका १ सय ८३ जनाले विभिन्न कारणले आत्महत्या गरेर ज्यान गुमाएका छन् । चालु आर्थीक वर्ष ०७९/८० को दुई महिनामै ९ जनाले आत्महत्या गरिसकेका छन् । जिल्ला प्रहरी कार्यालय खोटाङले आयोजना गरेको आत्महत्या दर रोकथाम तथा न्यूनिकरण सम्बन्धी सचेतनामूलक कार्यक्रममा प्रहरी निरीक्षक राम बालक रायले आत्महत्या सम्बन्धी तथ्याङक प्रस्तुत गर्दै जिल्लाको तीन वर्षको अवस्था बताउनुभएको हो । रायका अनुसार तीन वर्षमा सबै भन्दा धेरै दिक्तेल रुपाकोट मझुवागढी नगरपालिका भित्र आत्महत्या भएको छ । यस नगरपालिकामा ४१ जनाले आत्महत्या गर्दा सबैभन्दा कम बराहपोखरी गाउँपालिकामा ८ जनाले आत्महत्या गरेका छन् । जन्तेढुंगा, साकेला र केपिलासगढी गाउँपालिकामा ११/११ जनाले आत्महत्या गर्दा हलेसी तुवाचुङ नगरपालिकामा २३, दिप...

खोटाङ, असोज १ । खोटाङको दिक्तेलमा सम्पन्न समता खुला पुरुष फुटबल प्रतियोगिताको उपाधि बाम्राङ फुटबल क्लबले जीतेको छ । शनिबार सम्पन्न फाइनल खेलमा साकेला गाउँपालिका फुटबल क्लबलाई २–१ गोल अन्तरले हराउदै बाम्राङले उपाधि आफ्नो पोल्टामा पारेको हो । उपाधिसँगै बाम्राङले नगद ५१ हजार १ सय ११ रुपैयाँसहित ट्रफी, मेडल र प्रमाणपत्र प्राप्त गरेको छ । प्रतियोगिताको दोस्रो हुने साकेला गाउँपालिका फुटबल क्लबले नगद २७ हजार ७ सय ७७ र तेश्रो हुने हलेसी तुवाचुङ फुटबल क्लबले नगद १२ हजार ५ सय ५५ रुपैयाँसहित ट्रफी, मेडल र प्रमाणपत्र प्राप्त गरेका छन् । तेस्रो स्थानकालागि शुक्रबार भएको खेलमा हलेसीले युवा जागरण क्लबलाई २–१ गोल अन्तरले पराजीत गरेको थियो । खेलको सर्वाधिक गोलकर्ता बाम्राङका हरी खवास भएका छन् । यस्तै, साकेलाका जोर्डन राई उत्कृष्ट खेलाडी, बाम्राङका सुजन खड्का सर्वोत्कृष्ट किपर, साकेलाका रामसुर राई उत्कृष्...

खोटाङ, असोज १ । राष्ट्रपति शैक्षिक सुधार कार्यक्रम अन्तरगत खोटाङका ५३ वटा विद्यालय छनोट भएका छन् । शिक्षा, विज्ञान तथा प्रविधि मन्त्रलायको भदौ २९ गते बुधबारको निर्णय अनुसार मन्त्री स्तरबाट छनोट भएका विद्यालय मध्ये जिल्लाका ५३ विद्यालय परेका छन् । ऐसेलुखर्क गाउँपालिकाका ६ वटा विद्यालय छनोट भएका छन् । २ वटा ४ कोठे भवन, २ वटा २ कोठे भवन र २ वटा आइसिटिकोलागि छनोट भएका हुन् । रावा बेसी गाउँपालिकामा ४ कोठे १, २ कोठे १ र आइसिटि २ गरी ४ वटा भवन छनोट भएका छन् । खोटेहाङ गाउँपालिकामा ४ कोठे १, २ कोठे ३ र आइसिटि २ गरी ६ वटा विद्यालय परेका छन् । यस्तै, हलेसी तुवाचुङ नगरपालिका ४ कोठे १, २ कोठे २ र आइसिटि ३ गरी ६ वटा भवन परेका छन् । जन्तेढुंगा गाउँपालिकामा ४ कोठे १, २ कोठे १ र आइसिटि २ गरी ४ वटा भवन छनोट भएका छन् । बराहपोखरी गाउँपालिकामा ४ कोठे १, २ कोठे २ र आइसिटि ३ गरी ६ वटा विद्यालय छनोट हुँदा केपि...

खोटाङ, भदौ ३१ । आर्थीक वर्ष २०७८/०७९ मा सम्पादित स्वास्थ्य कार्यक्रमहरुको आधारमा हलेसी तुवाचुङ नगरपालिका पहिलो बनेको छ । वर्ष भरीमा पालिकामा सञ्चालित तथा सम्पादित स्वास्थ्य कार्यक्रमको आधारमा जिल्लाका दश पालिका मध्ये हलेसी तुवाचुङ नगरपालिका पहिलो बनेको जिल्ला स्वास्थ्य कार्यालय खोटाङले जनाएको छ । अघिल्लो आर्थीक वर्षमा पनि हलेसी तुवाचुङ पहिलो बनेको थियो । जिल्लाको अर्को नगरपालिका दिक्तेल रुपाकोट मझुवागढी नगरपालिका दोस्रो र रावा बेसी गाउँपालिका तेस्रो बनेको छ । प्रगतीका आधारमा जिल्लाका अन्य पालिकाहरु त्यसपछि क्रमस रहेका छन् । वर्षभरी जिल्ला एवं पालिकामा सञ्चालित स्वास्थ्य सम्बन्धि कार्यक्रमको वार्षिक समिक्षा गर्दै स्वास्थ्य कार्यालयले शुक्रबार कार्यक्रमको आयोजना गरेर पहिलो दोस्रो र तेस्रो हुने पालिकाहरुलाई भिक्ते घडी र प्रमाणपत्रले सम्मान गरेको कार्यालयका कार्यक्रम अधिकृत जीवन चौलागाईले जान...

खोटाङ, भदौ ३१ । राजनीतिक प्रतिशोधका कारण खोटाङको दिक्तेल रुपाकोट मझुवागढी नगरपालिका–८ दोर्पाचिउरीडाँडाको वडा कार्यालय एक सातादेखि बन्द रहेको छ । वडाको विकास निर्माणमा नगरपालिकाले ठाडो हस्तक्षेप गरेको भन्दै वडाध्यक्ष लिलाकुमार चौहान र चार जना वडा सदस्यले गत शुक्रबारदेखि वडाको सम्पूर्ण सेवा बन्द गर्दै वडा कार्यालयमा ताला लगाएका छन् । वडाका जनप्रतिनिधि नेकपा एमालेबाट निर्वाचित हुन् भने गठबन्धनबाट कांग्रेसका तिर्थराज भट्टराई नगर प्रमुख र माओवादीका विसन राई उपप्रमुखमा निर्वाचित हुनुभएको हो । फरक राजनीनितक दल भएकै कारण नगरपालिकाले वडाका सबै कामकाजमा हस्तक्षेप गरेको वडाका जनप्रतिनिधिको आरोप छ । नगरपालिकाले भने वडामा भएका योजनाहरु गुणस्तरहिन भएका कारण भुक्तानी रोकिएको तर कुनै हस्तक्षेप नभएको जनाएको छ । नगरपालिकाका उपप्रमुख तथा अनुगमन समितिका संयोजक विसन राईले कुनै परिक्षण नगरी योजना गुणस्तरहिन रह...

खोटाङ, भदौ ३० । खोटाङमा डेंगु र स्क्रब टाइफसका बिरामी देखा पर्न थालेपछि जिल्ला स्वास्थ्य कार्यालय खोटाङले रोकथाम र नियन्त्रणको अभियान सुरु गरेको छ । कार्यालयले रोकथामकालागि बिहिबार (आज) सरोकार निकायसँग अन्तरक्रिया एवं प्रशिक्षण कार्यक्रम गरेको छ । जिल्लामा बुधबारसम्म १६ जना डेंगुका र दुई जना स्क्रब टाइफसका बिरामी देखिएका छन् । दैनिक प्रायः डेंगुका बिरामी अस्पताल आउने गरेको जिल्ला अस्पतालले जनाएको छ । जिल्लामा अन्य व्यक्तिमा पनि डेंगु र स्क्रब टाइफस हुनसक्ने भएकाले त्यस्ता व्यक्तिको पहिचान गरेर उपचार गर्ने र उक्त रोगबाट कसरी बच्न सकिन्छ भनेर सरोकार निकायसँग अन्तरक्रिया गरिएको जिल्ला स्वास्थ्य कार्यालयले जनाएको छ । स्वास्थ्य कार्यालयका प्रमुख पुण्यप्रसाद सिक्देलको अध्यक्षतामा भएको कार्यक्रममा जिल्ला समन्वय समितिका प्रमुख सनबाहदुर राई, दिक्तेल रुपाकोट मझुवागढी नगरपालिकाका प्रमुख तिर्थराज भट...

खोटाङ, भदौ २९ । रावा बेसी गाउँपालिका–२ खार्पास्थित कल्लेरी खोलामा पहिरो जादा आवतजावतमा समस्या भएको छ । पहिरोले खार्पा गा.वि.सको साविक १ नम्बर वडा रुभुङ गाउँका नागरिकलाई विद्यालय र वडा कार्यालयसम्म आवतजावतमा समस्या भएको स्थानीयले बताएका छन् । लामो समयदेखि वर्षेनी बगिरहने कल्लेरी खोलाको पहिरोले बर्खाको समयमा रुभुङवासीलाई दुःख दिदैआएको छ । अघिल्ला वर्षहरु भन्दा यो वर्ष कल्लेरीमा ठुलो बाढी आउनुका साथै पहिरोले पनि क्षेत्र बढाएपछि रुभुङवासीलाई आवतजावतमा कठिन भएको स्थानीय उदिम चाम्लिङले बताउनुभयो । ‘खार्पाको वडा कार्यालय र शारदा माध्यमिक विद्यालय नजिकै पर्छ जहाँ पुग्न रुभुङवासीले कल्लेरी खोलाको पहिरो पार गर्नुपर्छ ।’ चाम्लिङले भन्नुभयो । करीब १०० मिटर क्षेत्रमा गएको पहिरो पानी परेको समयमा प्रायः बगिरहन्छ । जसले गर्दा विशेषगरी विद्यार्थीलाई विद्यालय आउन र जान समस्या भएको छ । विद्यार्थीहरु जोखिम ...

खोटाङ, भदौ २८ । इमेज टेलिभिजनबाट प्रसारण भइरहेको गायन रियालिटी शो ‘नेपाल्स सिङ्गिङ सुपरस्टार’ मा खोटाङका राजेश राईले प्रतिस्पर्धा गरिरहेका छन् । हालसम्म टप ९ घोषणा हुँदा राई पनि पर्न सफल भएका छन् । प्रत्येक आइतबार र सोमबार हप्ताको दुई दिन बेलुका ७ः४५ बजेबाट इमेज टेलिभिजनबाट प्रसारण भइरहेको रियालिटी शोको टप ८ कालागि भोटिङ खुल्ला भइसकेको छ । राईलाई टप ८ मा पु¥याउन भोट गर्न चाहानेले नेपालबाट ओएसआर कनेक्ट एपमा गएर भोटिङ गर्न सकिनेछ भने बिदेशबाट खल्ती डटकममा गएर भोटिङ गर्न सकिने राईले बताए । टप ८ कालागि आगामी आइतबार राती १२ बजेसम्म भोट गर्न मिल्नेगरी गत आइतबारबाट भोटिङ लाइन खुल्ला भइसकेको छ । खोटाङको हलेसी तुवाचुङ नगरपालिका–९ सल्ले साविकको सल्ले गा.वि.स–८ निशंखेमा जन्मिएका राई करीब १३ वर्षदेखि सङ्गीत क्षेत्रमा सक्रिय छन् । करीब ५० वटा गीत रेर्कड गराइसकेका राईको अर्खौले बजारमा दश रुपैयाँ गोटा ...