स्थानीय

खोटाङ, माघ २० । नेकपा एमाले निकट विद्यार्थी संगठन अनेरास्ववियु खोटाङले बत्ती बालेर सरकार खोजेको छ । पेट्रोलियम पदार्थको मूल्य वृद्धि, सिटामोल जस्तो अत्यावश्यकीय औषधी अभावले नागरिकलाई मर्का पर्दा पनि मौन रहेकोप्रति अनेरास्ववियुले सरकारको ध्यानाकर्षण गराएको हो । अनेरास्ववियुले आज साँझ सदरमुकाम दिक्तेलमा इन्धनको मूल्य वृद्धि फिर्ता, सिटामोलको सहज उपलब्धता, कालोबजारी र महँगी नियन्त्रण तथा स्थानीय तह निर्वाचन तत्काल घोषणाको माग गर्दै सांगीतिक -याली निकालेको छ । ‘बत्ती बालेर खोजौँ, सरकार कहाँ छ !’ नारा लेखिएको पर्चासहित प्रदर्शनमा उत्रिएका विद्यार्थीहरूले बत्ती बालेरै सरकारविरुद्ध खबरदारी गरेका छन् । असंवैधानिक तवरले सर्वोच्च अदालतको परमादेशबाट बनेको वर्तमान गठबन्धन सरकार नागरिकका समस्यामा अलिकति पनि गम्भीर नबनेकाले प्रदर्शनमा उत्रन बाध्य भएको अनेरास्ववियु खोटाङका अध्यक्ष मोहन संग्रामले बताउ...

खोटाङ, माघ १९ । खोटाङमा टयाक्टरले किचेर एक बालकको मृत्यु भएको छ । रावाबेंसी गाउँपालिका–५, दुबेकोल, भदौरेका १३ वर्षीय बालक रोशन विकको टयाक्टरले किचेर मृत्यु भएको प्रहरीले जनाएको छ । आज बिहान करिब ९ बजेको समयमा भदौरेस्थित भित्री सडकखण्डबाट चिन्डेश्वरातर्फ ढुंगा लिन जाँदै गरेको प्रदेश २–०३–००१ त ३२९४ नम्बरको टयाक्टर सडकडमा कोल्टे परी दुर्घटना भएको थियो । दुर्घटनामा परेको टयाक्टरको पाङ्ग्राले किचेर बालक रोशनको घटनास्थलमै मृत्यु भएको जिल्ला प्रहरी कार्यालय खोटाङका प्रवक्ता प्रहरी निरीक्षक सागर शाहले जानकारी दिनुभयो । मृतक बालक सोही ट्याक्टरमा मजदुरको रूपमा काम गर्दै आएका थिए । दुर्घटनापछि टयाक्टर र चालक रावाबेंसी गाउँपालिका–३ लामीडाँडाका २१ वर्षीय रोशन भुजेललाई प्रहरीले नियन्त्रणमा लिएको छ । मृतक बालकको शव पोष्टमार्टमका लागि दिक्तेल लगिएको छ ।...

खोटाङ, माघ १८ । सामुदायिक वन उपभोक्ता महासंघ नेपाल खोटाङले विरोध प्रदर्शनका क्रममा गिरफ्तार गरिएका सामुदायिक वन अधिकारकर्मीलाई तत्काल रिहा गर्न माग गरेको छ । आज एक प्रेस विज्ञप्ति जारी गर्दै महासंघले वन उपभोक्ता समूहको संवैधानिक र कानूनी अधिकार हनन हुने गरी नेपाल सरकारले तर्जुमा गरेको वन नियमावली र सामुदायिक वन विरोधी प्रदेश वन ऐनहरूका विरुद्ध वन विभाग परिसर, बबरमहल काठमाडौंमा शान्तिपूर्ण रूपमा एक घण्टे धर्ना कार्यक्रम सञ्चालन गरिरहँदा पक्राउ परेका सामुदायिक वन अधिकारकर्मीलाई रिहा गर्न माग गरेको हो । विरोधमा उत्रिँदा पक्राउ परेका सामुदायिक वन उपभोक्ता महासंघ, नेपालका अध्यक्ष भारती पाठकसहितका सामुदायिक वन अधिकारकर्मीलाई नेपाल सरकारको सुरक्षा निकायले धरपकड र गिरप्तार गरेकोप्रति महासंघले भत्र्सना गरेको छ । नेपालको संविधानको धारा १७ बमोजिम प्रत्येक नागरिक र नागरिक समाजलाई आफ्ना सवालहरूका विष...

खोटाङ, माघ १७ । नेकपा एमाले निकट विद्यार्थी संगठन अनेरास्ववियु खोटाङले स्थानीय तह चुनावको मिति यथाशीघ्र घोषणा गर्न माग गरेको छ । अनेरास्ववियुले आज जिल्ला प्रशासन कार्यालयमार्फत सरकारलाई ध्यानाकर्षणपत्र पठाउँदै स्थानीय तह निर्वाचनको मिति घोषणा गर्न भइरहेको ढिलाइप्रति सरकारको ध्यानाकर्षण गराएको हो । प्रमुख जिल्ला अधिकारी फणिन्द्र दाहालमार्फत प्रधानमन्त्री तथा मन्त्रिपरिषदको कार्यालय सिंहदरबारलाई ध्यानकर्षणपत्र पठाउँदै अनेरास्ववियुले जनताको स्वच्छ जनमतबाट नभई अदालतको परमादेशबाट बनेको अप्राकृतिक गठबन्धनको सरकारले संविधानको वस्तुगत भावना र मर्मविपरीत स्थानीय तहको निर्वाचनको मिति तोक्न आनाकानी गरेर नेपाली जनताको आन्दोलनबाट प्राप्त मुलुकको संघीयतालाई नै कमजोर बनाउने दुस्प्रयास गरिरहेको कुराप्रति आफ्नो गम्भीर ध्यानाकर्षण भएको जनाएको छ । जनताको हक अधिकारलाई हनन गरेर लोकतान्त्रमाथि निर्मम प्रहार ग...

खोटाङ, माघ १६ । खोटाङको ऐँसेलुखर्क गाउँपालिकाले वडा कार्यालय र विद्यालय तोडफोडमा संलग्नलाई कारबाहीको माग गरेको छ । आज प्रेस विज्ञप्ति जारी गर्दै गाउँपालिकाले माघ १३ गते बिहिबार राति ऐँसेलुखर्क गाउँपालिका–३ को वडा कार्यालय र वडा कार्यालयसँगै रहेको त्रिभुुवन माध्यमिक विद्यालय तोडफोडमा संलग्नलाई कारबाहीको माग गरेको हो । सो घटनाप्रति आफ्नो गम्भीर ध्यानाकर्षण भएको जनाउँदै गाउँपालिकाले घटनाको सम्बन्धित वडा कार्यालय, विद्यालय र इलाका प्रहरी कार्यालय ऐँसेलुखर्कबाट छानबिनको प्रयास भइरहेको जनाएको छ । गाउँपालिका अध्यक्ष विश्वनाथ निरौलाले हस्ताक्षर गर्नुुभएको विज्ञप्तिमा अज्ञात समूहले वडा कार्यालयको गेटको चाबी तोडेर कार्यालयभित्र प्रवेश गरी वडाध्यक्ष र सचिवको कार्यकक्ष र वडाको सभाहल तोडफोड गरेको, वडाको ल्यापटप, कम्प्युटर जस्ता जिन्सी सामग्री छरपस्ट पारिएको त्यस्तै विद्यालयको कार्यालय छिर्ने ढोका तोफ...

खोटाङ, माघ १३ । खोटाङमा आज एकै दिन ३४ जना कोरोना भाइरस (कोभिड–१९) का नयाँ संक्रमित थपिएका छन । जिल्लाको बिभिन्न ठाउँमा ७५ जनाकाको एन्टिजेन परिक्षण गर्दा ३४ जनामा संक्रमण पुष्टि भएको जिल्ला स्वास्थ्य कार्यालय खोटाङले जनाएको छ । योसँगै जिल्लामा कोरोनाका सक्रिय संक्रमितको संख्या २ सय नाघेको छ । आज ८ जना कोरोना संक्रमण मुक्त भएर ३४ नयाँ संक्रमित थपिदा सक्रिय संक्रमिको संख्या २ सय ४ पुगेको छ । संक्रमितको स्वास्थ्य अवस्था सामान्य रहेकाले उनिहरु सबै होम आइसोलेशनमा रहेको स्वास्थ्य कार्यलयका प्रमुख पुण्यप्रसाद सिक्देलले बताउनुभयो ।...

खोटाङ, माघ १३ । खोटाङमा अलैँची उत्पादनमा गिरावट आएको छ । अघिल्लो वर्षको तुलनामा यो वर्ष जिल्लामा २५.२१ प्रतिशतले अलैँची उत्पादनमा गिरावट आएको कृषि ज्ञान केन्द्र खोटाङले जनाएको छ । जिल्लामा अघिल्लो वर्ष ७८७.३६ मेट्रिकटन अलैँची उत्पादन भएको थियो । यो वर्ष १९८.५२ ले घटेर ५८८.८४ मेट्रिकटन उत्पादन भएको ज्ञान केन्द्रका निमित्त कार्यालय प्रमुख हरिनारायण राईले जानकारी दिनुभयो । अलैँची फूल खेल्ने समयमा लगातार वर्षासँगै असिना पानी पर्दा उत्पादन घटेको कृषकको भनाइ छ । अलैँची उत्पादनमा गिरावट आएपनि अघिल्लो वर्षको तुलनामा यो वर्ष मूल्य वृद्धि हुँदा केही राहत मिलेको केपिलासगढी गाउँपालिका १ फेदीका अलैँची कृषक मनकुमार तामाङले बताउनुभयो । कृषक तामाङले भन्नुभयो, “चैत वैशाखको समयमा अलैँची फुल्छ, उचाइ अनुसार भदौदेखि कात्तिक महिनाभित्रमा अलैँची फल टिप्नुपर्ने हुन्छ । यो वर्ष फूल खेलेको समयमा असिना पानी परेर ...

खोटाङ, माघ १३ । खोटाङको रावाबेसी गाउँपालिका–६ हौँचुरको परिचय बोकेको गीत सार्वजनिक भएको छ । हौँचुरको बिभिन्न महत्वपुर्ण धार्मिक तथा पर्यटकी एवं ऐतिहासिक स्थान समेटिएको गीतको भिडियो युटुवमा आज (बिहिबार) चिण्डो युटुव च्यानल मार्फत सार्वजनिक गरिएको हो । गजेन्द्र खालिङ राईको शब्द र पदम थुलुङ राईको संगितमा तयार भएको गीतमा आवाज मञ्जु खालिङको रहेको छ । गीतको भिडियोमा स्थानीय कलाकारको अभिनयसँगै हौँचुरका महत्वपुर्ण स्थानहरु देख्न सकिन्छ । बेँसीमा धानका बाला लटरम्म झुल्नेदेखि लेखमा गुँरास फुल्नेसम्मका कुरा अनि जिल्लाको दोस्रो हलेसी भनेर परिचित धार्मिक स्थल जुँडीदेखि हौँचुरका पुर्खाले बनाएको सुरुङकुलोसम्मलाई गीतले बर्णन गरेको छ भने भिडियोमा पनि सोहि स्थान देख्न सकिन्छ । समग्र हौँचुरबासीलाई गीत मार्फत एकै ठाउँमा जोड्न र पर्यटन प्रवर्धनका लागि गीत तथा भिडियो तयार पारिएको गीतका लेखक एवं भिडियोका निर्मा...

खोटाङ, १२ माघ । करदाता सेवा कार्यालय खोटाङले चालु आर्थिक वर्ष २०७८/०७९ को पहिलो ६ महिनामा लक्ष्यभन्दा कम राजश्व संकलन गरेको छ । कार्यालयले राजश्व विभागबाट साउनदेखि पुस मसान्तसम्मको अवधिमा ७ करोड ५१ लख ४२ हजार राजश्व संकलनको लक्ष्य पाएको थियो । त्यसमध्ये ५ करोड ३९ लाख ७४ हजार मात्र संकलन गर्न सकेको हो जुन लक्ष्यभन्दा २८ दशमलव १७ प्रतिशत कम हो । कर अधिकृत हरि आचार्यका अनुसार आयकर, मूल्य अभिवृद्धि कर, ब्याज कर, अन्तःशुल्क र घरबहाल करबापत उक्त रकमको राजश्व संकलन भएको हो । स्थानीय तह गठनपछि व्यक्तिगत घरबहाल कर स्थानीय तहमै दाखिला हुन्छ भने प्राइभेट निकायको १० प्रतिशत  घरबहाल कर मात्र कार्यालयमा जम्मा हुने गरेको छ । पूँजीगत खर्चमा कमी, करदाताको विवरण संशोधनमा ढिलाइ, आर्थिक वर्षको सुरुवाती चरणमा कोभिड–१९ महामारीले कारोबार प्रभावित हुनुुलगायत कारणले लक्ष्य अनुसारको राजश्व संकलन हुन नसकेको आच...

खोटाङ, माघ १२ । खोटाङको जनसंख्या घटेको छ । केन्द्रीय तथ्यांक विभागको राष्ट्रिय जनगणना–२०७८ को प्रारम्भिक विवरणले जिल्लाको जनसंख्या घटेको देखाएको हो । विभागका अनुसार २०६८ को जनणनामा २ लाख ६ हजार ३ सय १२ जनसंख्या रहेको थियो । २०७८ को गणना अनुसार जिल्लामा जनसंख्या १ लाख ७५ हजार ३ सय ४० रहेको छ । विभागको तथ्यांक अनुसार पछिल्लो १० वर्षमा जिल्लामा ३० हजार ९ सय ७२ जनसंख्या घटेको देखिन्छ । जिल्लाको जनसंख्या वृद्धिद्धर ऋणामत्क रहेको विभागले जनाएको छ । जसअनुसार जिल्लाको जनसंख्या वृद्धिद्धर माइनस १ दशमलव ५६ (–१.५६) प्रतिशत रेहको छ । विभागले खोटाङसहित देशका ५ जिल्लाको जनसंख्या वृद्धिद्धर ऋणात्मक रहेको विवरण सार्वजनिक गरेको छ । जसमा क्रमशः सबैभन्दा धेरै रामेछापको माइनस १.६५, खोटाङको माइनस १.५६, मनाङ र भोजपुरको समान माइनस १.३२ र तेह्रथुमको माइनस १.२६ प्रतिशत जनसंख्या वृद्धिदर ऋणात्मक रहेको विभागको प्र...